Lako Mai, Mo Muri Au
Veiqaravi vei Ira na Noda Eda Sala Vata Tiko
Vunau kei na Veiyalayalati 81–83
19–25 ni Jiulai
Droini mai vei J. Beth Jepson
“Mo vukei ira sa malumalumu, laveta cake na liga sa wadamele, ka vakaukauwataka na duru sa malumalumu” (Vunau kei na Veiyalayalati 81:5).
Peresitedi Thomas S. Monson: E Dua na iVakaraitaki ni Veiqaravi
Yabaki a kacivi kina me bisopi: 22
iWiliwili ni lewe ni tabanalevu: sivia na 1,000
iWiliwili ni yada ena nona tabanalevu: 85
E wasea o Elder Jeffrey R. Holland ena Kuoramu ni iApositolo Le Tinikarua na nona kauwaitaki ira na yada o Bisopi Monson: “E vuqa era a rairai kila ni o Bisopi Monson cauravou a dau solia e dua na macawa ni nona gauna ni gade ena gauna ni Siganisucu me sikovi ira kece na 85 na yada ena nona tabanalevu. E vuqa era sega beka ni kila ni na imatai ni vica na yabaki na iloloma ena kauta vei ira o koya a dua vei ira na … toa a susuga ka vakasavasavataka ena nona bai ni toa.”1
A nanuma lesu o Bisopi Monson na nona a vukea e dua na veiwatini qase rau a gadreva me boro na nodrau vale: “Ena gauna ga au sa vakauqeti kina me‘u kaci, au a sega ni kacivi ira na kuoramu ni italatalaqase se o ira na dau cakacaka sega ni saumi me ra sa na boroboro, ia, au a vakamuria ga na ivolavakarau ni welefea, ka kerei ira na lewe ni vuvale era tiko ena vanua tale eso. E a va na vugodra tagane kei na va na luvedra goneyalewa era a kau barasi mai ka vakaitavi ena cakacaka.”2 Na veivakauqeti oqo e vukea na veisematilesu ni matavuvale kei na veikauwaitaki vakai ira.
“Eda sega ni rawa ni lomana dina na Kalou kevaka eda sega ni lomani ira eda sala vata tiko ena ilakolako ni bula oqo.”3 —Peresitedi Thomas S. Monson