O sa Kidavaki Mai ki na iLavelave Oqo

E Rawa ni da Vakatauvatanitaki Keda ki Vei Ira na Yalododonu Edaidai ena Gauna e Liu

Me vaka ni‘u dua na dauvakadidike ni ivolaitukutuku makawa ena Tabana ni Pepa i Josefa Simici, au dau taleitaka na vunau ni lotu kei na veimaliwai kei ira na lewe ni Lotu me baleta na itukutuku makawa ni Lotu. Ni‘u cakava tiko oqo, au siqema rawa ni sa dredre sara ki na so na tamata me ra vakatauvatanitaki ira ki vei ira na Yalododonu ena gauna e liu. Era raici na tamata yadua oqo ena nodra itovo qaqa, ka vaka me ra laurai tu ni ra a sega ni sotava na vakatitiqa, tauvimate, se yaluma.

Ia o ira na lewe ni Lotu ka ra a bula tiko ena 1800 era a sega ni tamata lailai sobu mai vei iko kei au nikua. Era a sotava na reki kei na marau, mosi kei na veivakararawataki—ka vakavuqa era sotava na veisiga ka sega ni vakainaki tu. Au sa vulica e levu na ka mai na veika era sotava ena sala me moici kina na ituvaki ni tamata.

Au nuitaka ni sa vukei iko tiko na vulici ni Vunau kei na Veiyalayalati ena yabaki oqo mo kila kina na sala era a sotava kina na bolebole ni bula eso na Yalododonu ena gauna e liu. Au nuitaka talega ni na taracake na nomu vakabauta na itukutuku ni nona moica na veivakatovolei o Mary Ann, na wati Brigham Young, ka vukea mo raica ni sa rawa ni da sema ki na bolebole eso a sotava o koya kei ira tale eso (raica na tabana e 32). Ena loma sara mada ga ni dredre kei na rarawa eso, a vakatarai Mary Ann na nona vakabauta me tudei, ni volavola kivua na watina, “ena sala malumu ena loma taucoko ni cava.”

E levu sara na ka eda rawa ni vulica mai vei ira era sa yali yani—sega walega mai na ka veivakurabuitaki eso era sotakaya ia mai na nodra yalodina malua talega.

Matthew C. Godfrey

Tabacakacaka ni Tukutuku Makawa ni Lotu