Mai, pe’e mai
’O vai o Enoha ?
Fa’ahōho’ara’a nā Denis Freitas
Tē fa’a’ite nei teie tumu rā’au ’utuāfare i nā ta’ata to’opiti tei pi’ihia ’o Enoha i ni’a i te rēni ’o Adamu ’e ’o Eva. E mea ta’a ’ē te tamaiti a Kaina ’o Enoha, te mo’otua a Adamu (hi’o Mose 5), i te tamaiti a Iareda ’o Enoha, e ono u’i i muri mai ia Adamu ’e tei patu i te ’oire nō Ziona (hi’o Mose 6–7).
Nāhea tō te peropheta Enoha pāhonora’a i tōna pi’ira’a ?
I te pi’ira’ahia Enoha ’ia poro i te tātarahapa, ’ua mana’o ’oia e’ita e tano iāna ’ia rave i te reira, i te fa’a’itera’a ’oia i te Fatu ē, « e ta’ata maumau ’oia i te parau » (Mose 6:31). ’Ua hōro’a rā te Atua ia Enoha te mana ’e ma te fafau ē : « E hāmama i tō vaha, ’e e fa’a’īhia ïa, ’e nā’u e hōro’a atu i te parau ia ’oe » (Mose 6:32). E rave rahi tei ti’aturi i tāna mau parau, ’e ’ua fa’ati’a Enoha i te ’oire nō Ziona.
Ma te ha’amana’o i te hi’ora’a ’o Enoha, ’ua ha’apāpū mai ’o Elder David A. Bednar ia tātou tei tuauru te mana’o, ’aita e ’aifāitora’a, ’e ’aore rā ’aita i tano nō te hō’ē pi’ira’a ’e ’aore rā nō te hō’ē hōpoi’a ’āpī ē « e parau mau te fafaura’a a te Fatu ia Enoha … i teie mahana » (« I roto i te pūai o te Fatu », ’Āmuira’a rahi, ’Ātopa 2004).