Mai, pe’e mai

Genese 37–50

Te mau tueara’a i rotopū ia Iosepha nō ’Aiphiti ’e Iesu Mesia

Tē vai nei i roto i te Faufa’a Tahito e rave rahi mau parau tohu, mau ’ā’amu ’e te mau taipe ’o tē fa’ahōho’a nei i te orara’a ’e te misiōni a te Fa’aora, ’o Iesu Mesia. Hō’ē o teie mau ’ā’amu, ’o te ’ā’amu ïa o Iosepha nō ’Aiphiti.

Fa’ahōho’ara’a nā Andrew Colin Beck

Iosepha nō ’Aiphiti	Iesu Mesia
E tīa’i māmoe ’o Iosepha (hi’o Genese 37:2).	Hō’ē o te mau i’oa o te Mesia ’oia ho’i « te tīa’i māmoe maita’i » (Ioane 10:11)).
’Ua ho’ohia Iosepha ’ei tītī i ’Aiphiti (hi’o Genese 37:26–28).	’Ua ha’avarehia Iesu nō e 30 moni ’ārio—te ho’o o te hō’ē tītī (hi’o Exodo 21:32 ; Mataio 26:15).
’Aita te mau taea’e o Iosepha i ta’a mai iāna i tō rātou haerera’a i ’Aiphiti nō te ho’o mai i te mā’a (hi’o Genese 42:7–8).	’Aita te mau ta’ata o te Mesia i ta’a mai iāna ’ei Fa’aora (hi’o Luka 4:22, 28–29 ; Ioane 1:10).
’Ua fa’a’ite Iosepha iāna iho i tōna mau taea’e ’a haere mai ai rātou e parauparau iāna nō te piti o te taime (hi’o Genese 45:1–5).	E fa’a’itehia te Mesia i tō ’Īserā’ela i tōna tae-piti-ra’a mai (hi’o Mataio 24:30–31 ; Te Ha’api’ira’a Tumu ’e te mau Fafaura’a 88:104).
Nā roto i te pe’era’a i te arata’ira’a a te Atua, ’ua nava’i tā Iosepha faraoa nō te fa’aora ia ’Aiphiti i te o’e (hi’o Genese 47:13–19).	’O Iesu Mesia « te pāne ora » (Ioane 6:35 ; hi’o ato’a ’īrava 51).

’Āparaura’a

E aha te tahi atu ā mau fa’atueara’a tā ’oe e ’ite ra i rotopū ia Iosepha nō ’Aiphiti ’e te Fa’aora ? E aha te ha’api’ira’a tā ’oe i ’apo mai i roto i teie fa’aaura’a ’o tē tauturu ia ’oe ’ia māramarama hau atu ’e ’aore rā ’ia māuruuru i te Fa’aora ? Tē vai ra ānei te tahi atu mau ’ā’amu i roto i te Faufa’a Tahito ’o tē fa’aha’amana’o ia ’oe i te orara’a ’e te misiōni a te Mesia ?