“ʻOku Fakataipe Fēfē ʻe he Laka Atú ʻa e Fakalelei ʻa Kalaisí?,” Liahona, ʻEpeleli 2022.
Haʻu, ʻo Muimui ʻIate Au
ʻOku Fakataipe Fēfē ʻe he Laka Atú ʻa e Fakalelei ʻa Kalaisí?
Ko e ʻOhomohe Laka Atú, tā fakatātaaʻi ʻe Brian Call
ʻOku fakamanatu ʻe he Kātoanga ʻo e Laka Atú ʻa hono fakahaofi ʻo e kakai ʻIsilelí mei ʻIsipité (vakai, ʻEkesōtosi 12:27). ʻOku akoʻi mai ʻe he Laka-Atú ʻi he ngaahi fakataipé, ʻoku hangē pē ko e fakahaofi ʻe he ʻEikí ʻa e kau ʻIsilelí mei he nofo pōpula ʻi ʻIsipité, te Ne lava foki ʻo fakahaofi kitautolu mei he pōpula ʻo e angahalá.
Ngaahi Fakataipe ke Fakakaukau Ki Aí
Lami Taʻe-hano-melé
Naʻe tāmateʻi pea kai ʻi he kātoangá ha lami tangata naʻe ʻikai hano mele. Naʻe feilaulauʻi ʻe he ʻOtuá Hono ʻAlo pē Taha naʻe Fakatupú, ko ha “lami taʻe hano mele” (1 Pita 1:19), ke ʻomi ʻa e fakamoʻuí ki Heʻene fānaú.
Louʻakau Kona
Naʻe kai ʻe he kau ʻIsilelí e louʻakau koná ʻi he Laka Atú ke fakamanatu kiate kinautolu ʻa e mamahi ʻo ʻenau nofo pōpula ʻi ʻIsipité (vakai, ʻEkesōtosi 12:8). Naʻe inu ʻe he Fakamoʻuí ʻi Heʻene Fakaleleí ʻa e “ipu koná” (3 Nīfai11:11) koeʻuhí ke Ne lava ʻo tokoniʻi kitautolu ke tau ikunaʻi e pōpula ʻo e angahalá.
Toto ʻi he Kau Matapaá
Naʻe hao e kakai ʻIsileli naʻa nau ʻai e toto ʻo e lamí ʻi honau kau matapaá mei he mate fakatuʻasinó lolotonga e mahaki fakaʻauha fakaʻosí (vakai, ʻEkesōtosi 12:13). ʻOku fakafofongaʻi fēfē ʻe he taʻataʻa ʻo e lamí ʻa e Fakalelei ʻa Kalaisí? ʻOku tokoniʻi fēfē kitautolu ʻe he Fakamoʻuí ke tau ikunaʻi ʻa e mate fakatuʻasinó mo e mate fakalaumālié?
Ko e Kātoanga ʻo e Mā Taʻe-fakalēvaní
Naʻe fekauʻi ʻe he ʻEikí e kakai ʻIsilelí ke nau kai ʻa e mā taʻe fakalēvaní kae lava ke nau manatuʻi ʻa e Laka Atú (vakai, ʻEkesōtosi 12:15).. Lolotonga ʻa e ʻOhomohe Fakaʻosí, naʻe kai ʻe Sīsū ʻa e mā taʻe fakalēvaní mo fakaafeʻi ʻEne kau ʻaposetoló ke nau “kai … ko e fakamanatu kiate[Ia]” (1 Kolinitō 11:24). ʻOku fakamanatu fēfē kiate koe ʻe he sākalamēnití ʻa e Fakamoʻuí?