Ko hono Hikinimaʻi ʻo e Kau Taki Māʻolungá, Kau Fitungofulu Fakaʻēliá, mo e Kau ʻŌfisa Māʻolungá
ʻE kāinga, ko ha faingamālie moʻoku ke u fokotuʻu atu ʻa e Kau Taki Māʻolungá, Kau Fitungofulu Fakaʻēliá, mo e Kau ʻŌfisa Māʻolunga ʻo e Siasí ke mou hikinimaʻi.
Kātaki ʻo fakahaaʻi hoʻomou poupoú ʻi he founga angamahení ʻi ha feituʻu pē ʻoku mou ʻi ai. Kapau ʻoku ʻi ai ha taha ʻoku ʻikai loto ki he ngaahi fokotuʻú, ʻoku mau kole atu ke mou fetuʻutaki ki hoʻomou palesiteni fakasiteikí.
ʻOku fokotuʻu atu ke tau poupouʻi ʻa Russell Marion Nelson ko e palōfita, tangata kikite, mo e tangata maʻu fakahā, pea mo e Palesiteni ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní; Dallin Harris Oaks ko e Tokoni ʻUluaki ʻi he Kau Palesitenisī ʻUluakí; pea mo Henry Bennion Eyring ko e Tokoni Ua ʻi he Kau Palesitenisī ʻUluakí.
Ko kimoutolu ʻoku loto ki aí, fakahā mai.
Ko kimoutolu ʻoku ʻikai loto ki aí, fakahā mai.
ʻOku fokotuʻu atu ke tau poupouʻi ʻa Dallin H. Oaks ko e Palesiteni ʻo e Kōlomu ʻo e Kau ʻAposetolo ʻe Toko Hongofulu Mā Uá pea mo M. Russell Ballard ko e Palesiteni Leʻoleʻo ʻo e Kōlomu ʻo e Kau ʻAposetolo ʻe Toko Hongofulu Mā Uá.
Ko kimoutolu ʻoku loto ki aí, kātaki ʻo fakahā mai.
Ka ʻoku ʻi ai ha taʻe-loto pea fakahā mai.
ʻOku fokotuʻu atu ke tau poupouʻi e kau mēmipa ʻo e Kōlomu ʻo e Kau ʻAposetolo ʻe Toko Hongofulu Mā Uá: M. Russell Ballard, Jeffrey R. Holland, Dieter F. Uchtdorf, David A. Bednar, Quentin L. Cook, D. Todd Christofferson, Neil L. Andersen, Ronald A. Rasband, Gary E. Stevenson, Dale G. Renlund, Gerrit W. Gong, mo Ulisses Soares.
Ko kimoutolu ʻoku loto ki aí, kātaki ʻo fakahā mai.
Ka ʻoku ʻi ai ha taʻe-loto, fakahā mai.
ʻOku fokotuʻu atu ke tau poupouʻi ʻa e ongo tokoni ʻi he Kau Palesitenisī ʻUluakí mo e Kau ʻAposetolo ʻe Toko Hongofulu Mā Uá ko e kau palōfita, kau tangata kikite mo e kau tangata maʻu fakahā.
Ko kimoutolu ʻoku loto ki aí, kātaki ʻo fakahā mai.
Ko kimoutolu ʻoku ʻikai loto ki aí pea fakahā mai ʻi he founga tatau pē.
Kuo mau tukuange ʻa ʻEletā Weatherford T. Clayton, LeGrand R. Curtis Jr., Randy D. Funk, Christoffel Golden, Walter F. González, Larry S. Kacher, Lynn G. Robbins, mo Joseph W. Sitati mei heʻenau hoko ko e Kau Fitungofulu Taki Māʻolungá pea foaki kiate kinautolu ʻa e tuʻunga mālōlō fakalāngilangí.
Ko kinautolu ʻoku fie fakahaaʻi ʻenau fakamālō ki he kau tangatá ni mo honau ngaahi uaifí mo e ngaahi fāmilí ʻi he ngaahi taʻu lahi ʻo ʻenau ngāue mateakí, kātaki ʻo fakahā mai ʻaki hono hiki homou nimá.
ʻOku mau fakatokangaʻi mo ʻoatu foki mo e fakamālō ki he Kau Fitungofulu Fakaʻēlia kuo nau fakakakato ʻenau ngāué lolotonga e taʻu ko ʻeni kuo ʻosí pea ʻe ʻilo honau hingoá ʻi he newsroom.ChurchofJesusChrist.org.
Ko kimoutolu ʻoku fie kau fakataha ʻi hono fakahaaʻi ʻetau houngaʻia ki he kau takí ni ʻi heʻenau ngāue mateakí, kātaki ʻo fakahā mai.
ʻOku fokotuʻu atu ke tau poupouʻi e toenga ʻo e Kau Taki Māʻolungá mo e Kau Fitungofulu Fakaʻēliá, kau ai e kau Fitungofulu Fakaʻēlia foʻou ʻe toko ono ne ui he konga kimuʻa ʻo e uike ní ʻi he newsroom.ChurchofJesusChrist.org, mo e kau ʻŌfisa Māʻolungá, ʻo hangē ko ʻenau tuʻu ʻi he lolotonga ní.
Ko kimoutolu kotoa pē ʻoku loto ki aí, fakahā ia ʻaki e hiki homou nimá ki ʻolunga.
Ka ʻoku ʻi ai ha taʻe-loto, fakahā mai.
Kāinga, ʻoku mau fakamālō atu ʻi hoʻomou tui taʻe-tūkua mo hoʻomou lotua ʻa e kau taki ʻo e Siasí.
Ngaahi liliu ki he Kau Fitungofulu Fakaʻēliá
Naʻe hikinimaʻi ʻa e Kau Fitungofulu Fakaʻēlia ko ʻení lolotonga ha fakataha ako fakatakimuʻa naʻe fakahoko ko ha konga ʻo e konifelenisi lahí:
Ricardo J. Battista, Willy Binene, Bernhard Cziesla, Nathan R. Emery, Sione Tuione, Yves S. Weidmann.
Naʻe tukuange ʻa e Kau Fitungofulu Fakaʻēlia ko ʻení ʻi he ʻaho 1 ʻo ʻAokosi 2022:
Luis R. Arbizú, Michael V. Beheshti, David A. Benalcázar, Berne S. Broadbent, Kevin E. Calderwood, Luciano Cascardi, Ting Tsung Chang, Ariel E. Chaparro, Pablo H. Chavez, Raymond A. Cutler, José L. Del Guerso, Alessandro Dini Ciacci, Carlos R. Fusco Jr., Jorge A. García, Gary F. Gessel, Karl D. Hirst, Ren S. Johnson, Jay B. Jones, Paul N. Lekias, Artur J. Miranda, Elie K. Monga, A. Fabio Moscoso, Yutaka Nagatomo, Juan C. Pozo, Anthony Quaisie, Martin C. Rios, Sandino Roman, Johnny F. Ruiz, Rosendo Santos, Gordon H. Smith, K. Roy Tunnicliffe.
Ne pekia ʻi he 2022, ʻa ʻEletā Levi W. Heath mo ʻEletā ʻInoke F. Kupu, ʻa ia ne na hoko ko ha Fitungofulu Fakaʻēlia.