ʻE Tukuange Mai e Konga 4 ʻo e Ngaahi Vitiō ʻo e Tohi ʻa Molomoná he Taʻú Ni

ʻOku huluʻi ʻi he Ngaahi Vitiō ʻo e Tohi ʻa Molomoná e momeniti fungani ʻo e Tohi ʻa Molomoná: Ko e ngāue fakafaifekau ʻa Sīsū Kalaisi ʻi he konitinēniti ʻo ʻAmeliká.

Naʻe pehē ʻe Sisitā Mīsele D. Keleki, ko e Tokoni ʻUluaki ʻi he Kau Palesitenisī Lahi ʻo e Kau Finemuí ʻi heʻene fakamahinoʻi naʻe folofola ʻa e ʻEikí ki he kau palōfita ʻi he Maama Motuʻá mo e Maama Foʻoú fakatouʻosi, “ʻOku ou tui ʻe ongoʻi ʻe he kakai ʻoku nau saiʻia he Fuakava Foʻoú ʻoku nau maheni mo e [konga hono 4].

Naʻe ngāue fakataha ha kau ʻeti faiva, kau ngāue mo ha kau tokoni ne laka hake he toko 1,000 ke fakafaivaʻi moʻoni e ngaahi kikite mo e fakamoʻoni kau ki he hāʻele hifo ʻa e ʻAlo kuo toetuʻu ʻa e ʻOtuá mei he langí ke feʻiloaki mo tokoni ki he kakai ʻo e Maama Foʻoú.

ʻOku maʻu e Ngaahi Vitiō ʻo e Tohi ʻa Molomoná ʻi he polokalama Tohi ʻa Molomona ʻa e Siasí. Kuo liliu lea ia ki ha lea fakafonua ʻe 15: faka-Kenitoní, faka-Sepuanó, faka-Pilitāniá, faka-Falaniseé, faka-Siamané, faka-ʻĪtalí, faka-Siapaní, faka-Kōleá, faka-Manitaliní, faka-Potukalí, faka-Lūsiá, faka-Haʻamoá, faka-Sipeiní, faka-Takaloká mo e faka-Tongá. ʻOku kau ʻi he ngaahi feituʻu mamataʻanga kehé ʻa e uepisaiti ʻa e Siasí, ko e Gospel Library, mo e sēnolo Vitiō ʻo e Tohi ʻa Molomoná ʻi he YouTube (ʻe lava ke ke subscribe ki ai ke fakahā atu ʻi he taimi ʻoku pulusi ai ha ngaahi vitiō foʻoú).

Hili hono fakakakato ʻo e konga 5, ʻe feʻunga fakakātoa e ngaahi vitioó mo ha foʻi vitiō ʻe 45.