ʻOku ʻi Heni ʻa e Siasí

Pokotā, Kolomupia

ʻOku kau ʻa Pokotā ʻi he taha ʻo e ngaahi kolomuʻa māʻolunga taha ʻi he māmaní. Naʻe fokotuʻu ʻa e fuofua kāingalotu ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi Kolomupiá ʻi he 1966. ʻI he ʻaho ní, ʻoku maʻu ʻe he Siasí ʻi Kolomupia ha:

• (fakafuofua ki ha) kāingalotu ʻe toko 214,400

• ngaahi siteiki ʻe 30, ngaahi uooti mo e ngaahi kolo ʻe 257, misiona ʻe 5

• Temipale ʻe 2 (Temipale Bogotá mo e Barranquilla) mo e 1 naʻe fanongonongó (Temipale Cali)

ʻOku Fakaafeʻi ʻe he Ngaahi Himí ʻa e Laumālié

ʻOku ongoʻi ofi ange ʻa Teliō mo ʻEsineta Kulusi mei Pokotā, ki he ʻOtuá ʻi he taimi ʻokú na hivaʻi ai ʻa e ngaahi himí. ʻOkú na fakamatala ʻo pehē, “ʻOku fakamālohia ʻema fakamoʻoní ʻo fakafou ʻiate kinautolu. Ko e ongo ʻoku nau ʻomi ki homa lotó ko ha meʻa mātuʻaki makehe ia.”

Ngaahi meʻa lahi ange fekauʻaki mo e Siasí ʻi Kolomupiá

• ʻOku fononga ʻa Palesiteni Tāleni H. ʻOakesi, Tokoni ʻUluaki ʻi he Kau Palesitenisī ʻUluakí, mo ʻEletā ʻUlise Soālesi ʻo e Kōlomu ʻo e Kau ʻAposetolo ʻe Toko Hongofulu Mā Uá ki Kolomupia ki hono fakatapui ʻo e temipale ʻi Palanikuilá.

• ʻOku fakatupulaki ʻe he kāingalotu ʻi Kolomupiá ʻa e moʻui fakafalala pē kiate kitá mo e ʻamanaki leleí, neongo ʻa e ngaahi faingataʻá.

• Lau ʻa e founga naʻe kau ai ha mēmipa ʻo e Kau Fitungofulú mei Kolomupia ki he Siasí.

• ʻOku vahevahe ʻe Palesiteni ʻOakesi ʻa e talanoa ki ha ongomātuʻa faivelenga ʻi Kolomupia pea mo e ngaahi feilaulau naʻá na fai ke na sila ai ʻi he temipalé.

• ʻOku foaki ʻe ha siteiki ʻi Kolomupia ha taimi mo ha ngāue ke tokoniʻi ha fāmili faingataʻaʻia.

Ko e Temipale Barranquilla Colombia

ʻOku tuʻu ha kāingalotu ki ha laʻitā ʻi tuʻa ʻi he Temipale Barranquilla Colombia kimuʻa pea fakatapui ʻi Tīsema ʻo e 2018.

Naʻe fakatapui ʻe Palesiteni Tāleni H. ʻOakesi, ko e Tokoni ʻUluaki ʻi he Kau Palesitenisī ʻUluaki ʻo e Siasí ʻa e Temipale Barranquilla Colombia ʻi he ʻaho 9 ʻo Tīsema, 2018.

ʻOku fakataha mai ʻa e kāingalotú ke hiva ʻi ha kuaea ki hono fakatapui ʻo e temipalé.

Lolotonga ʻa e ʻaʻahi ʻa Palesiteni ʻOakesi ki Palanikuilá, ʻokú ne lulululu mo ha talavou ʻi ha fakataha lotu ʻa e toʻu tupú.