“Ko e Hā ʻOkú ne ʻAi ʻa e Folofolá ke ʻFuʻu Mahuʻinga ʻAupitóʼ?,” Liahona, Sānuali 2024.
Haʻu, ʻo Muimui ʻIate Au
Ko e Hā ʻOkú Ne ʻAi ʻa e Folofolá ke “Fuʻu Mahuʻinga ʻAupitó”?
Ko e folofolá naʻe “fuʻu mahuʻinga ʻaupito” (1 Nīfai 5:21) ki he fāmili ʻo Līhaí. Naʻa nau mātuʻaki mahuʻinga naʻe fekau ai ʻe he ʻEikí ki he ngaahi foha ʻo Līhaí ke nau foki ki Selusalema ke ʻomai ʻa e ʻū lauʻi peleti palasá (vakai, 1 Nīfai 3:2–5), ko ha ngāue naʻe fakatuʻutāmaki ki heʻenau moʻuí. ʻOku pehē pē mo e mahuʻinga ʻo e folofolá (tautautefito ki he Tohi ʻa Molomoná) kiate kitautolu ʻi he ʻaho ní. Kuó ke fakakaukau nai kimuí ni mai ki hono ʻuhingá?
|
Ko e hā ʻa e lelei ʻo e ʻū lauʻi peleti palasá ki he fāmili ʻo Līhaí? |
Ko e hā ʻoku ʻomai ʻe he Tohi ʻa Molomoná kiate kitautolu ʻi he ʻaho ní? |
|
Lea ʻa e kau palōfitá (1 Nīfai 3:20) |
Ko ha fakavaʻe ki ha fakamoʻoni kia Siosefa Sāmita, ko e Fakafoki Mai ʻo e Ongoongoleleí, mo e kau palōfita moʻuí (talateu ki he Tohi ʻa Molomoná) |
|
Ko ha fakamatala ʻo e Fakatupú mo ʻĀtama mo ʻIví (1 Nīfai 5:11) |
Fakamahinoʻi ʻa e tokāteline fekauʻaki mo e palani ʻo e fakamoʻuí (2 Nīfai 2; ʻAlamā 12; 34) |
|
Ko e fono ʻa Mōsesé (1 Nīfai 4:15–16) mo e ngaahi fekau kehé (1 Nīfai 5:21) |
Ko e tokāteline ʻo Kalaisí mo e ngaahi fekau kehé (2 Nīfai 31; 3 Nīfai 11; 27) |
|
Ko ha lekooti ʻo e kau Siú mo ʻenau fakamoʻoni kia Kalaisí (1 Nīfai 5:12) |
Ko ha toe kau fakamoʻoni kehe ʻo Kalaisi mei Heʻene “fanga sipi kehé” (3 Nīfai 15:21–24) |
|
Ko ha lekooti naʻá ne fakatolonga ʻa e lea ʻa ʻenau ngaahi tamaí (1 Nīfai 3:19) mo honau hakó (1 Nīfai 5:14) |
Ko ha lekooti ʻe lava ʻo tokoni ke tau tānaki ʻa ʻIsileli kuo fakamoveteveteʻí (3 Nīfai 21:6–7) |