E mafai faapefea ona ou lagolagoina se tagata na faatautalaina/sauaina?

O le faatautalaina/sauaina e mafai ona mafua ai se tiga loloto faalelagona, sese le mafaufau, ma amioga le lelei. A o latou saili le faamalologa, o le a manaomia e le tagata na afaina le mana o Iesu Keriso ma atonu latou te manaomia foi se fesoasoani faapolofesa. O lau lagolago faaKeriso e mafai ona faamaloloina ai i latou.

A o e uunaia tagata na afaina ia liliu atu agai i le Faaola faapea foi i le sailia o se fesoasoani faapolofesa, o auala nei e lima e mafai ona e lagolagoina ai i latou:

1. Ia lava le silafia [i mea na tutupu]. Aoao po o le a le uiga o le faatautala/sauaina ma le auala na aafia ai tagata na afaina.

2. Ia malamalama i lagona o se tasi na faatautalaina/sauaina. O le tele lava o taimi, o e afaina i le faatautala/sauaga e tuua ma le lelei o manatu faapea foi ma lagona o le le agavaa ma le maasiasi.

3. Mafaufau i au upu. O le tiga ma le pagatia e aafia ai e ua afaina e masani ona sili ona leaga ona o faaupuga a isi e mafua mai i le malamalama sese i le faatautala/sauaina ma ona aafiaga. O le tuuaia o le tagata na afaina po o le faia o ni faamatalaga e pei o le “ua lava ia na mea” po o le “na o le faamagalo lava ma faagalo” e mafai ona taitai atu ai le ua sauaina i le faateleina o le faalilolilo ma le maasiasi nai lo le faamalologa ma le filemu.

4. Faalogo ma alofa. Pe a ua lava le talitonuina o oe e e ua afaina e faasoa mai ai ia te oe o latou aafiaga, faalogo atu ia i latou ma le alofa ma le agaalofa. Taofi le lagona o le lauga atu pe faamasino atu.

5. Faailoa ma faamaonia lagona. E pei o se manu’a faaletino, afai e le amanaiaina le faatautala/sauaina, e matele ina le faamaloloina talafeagai tagata na afaina. Ao e faailoa atu ma faamaonia lagona o tagata na afaina—e pei o le faanoanoa, tiga, po o le fefe—o le a fesoasoani atu ia i latou i luga o le ala o le faamalologa.

Punaoa a le Nuu ma le Ekalesia

(O nisi o punaoa o loo lisiina atu i lalo e le i fausia, tausia, pe pulea e Le Ekalesia a Iesu Keriso o le Au Paia o Aso e Gata Ai. E ui o nei anomea ua faamoemoe e avea o ni punaoa faaopoopo, ae e le faamaonia e le Ekalesia ni anotusi e le ogatusa ma ona aoaoga faavae ma aoaoga.

• “Hope and Healing: Supporting Victims of Sexual Abuse,” Nanon Talley, Liahona, 2017

• “O se Alalaupapa i le Faamoemoe ma le Faamalologa,” Nanon Talley, Liahona, Ape. 2017

• “Abuse: Help for the Victim” (avanoa i tagata o le uarota ma aufono a le siteki), providentliving.lds.org

• “Supporting Survivors,” NoMore.org

Tusiga e Faatatau I Ai

• O a ni faailoga o loo savali se tagata i le pouliuli faaleagaga?

• O le a se mea e tatau ona ou faia pe afai ou te iloa pe masalomia o loo sauaina se tagata?

• Puipuia o Tagata ma Lipoti Atu ia Faatautalaga/Sauaga