Төгс эзэмших сургаал: 2 Нифай 28:30

“Шат шатаар, дүрэм дүрмээр”

Өмнөх хичээл буюу “2 Нифай 28:27–32” дээр та 2 Нифай 28:30-ийг судалж, Бурхан үнэнийг сайн дураар хүлээн авах нэгэнд шат шатаар илчилдэг гэдгийг мэдэж авсан. Энэ хичээл танд 2 Нифай 28:30 дээрх төгс эзэмших сургаалын судрын эшлэл, түлхүүр үг хэллэгийг цээжлэхэд тань мөн сургаалыг тайлбарлаж, сүнслэг мэдлэг олж авах зарчмуудыг бодит амьдралын нөхцөл байдалд ашиглахад тусална.

Цээжлэх ба тайлбарлах

2 Нифай 28:30-ийн судрын түлхүүр үг хэллэгийг цээжлэхийн тулд судлах тэмдэглэл дээрээ шат шиг дөрвөн хэвтээ шугам зур.

Одоо эдгээр мөр дээрх судрын түлхүүр үг хэллэг, эшлэлийг дараах байдлаар бич.

Шат нь хэрхэн Бурхан бидэнд “шат шатаар” заадгийг сануулж болох талаар бод.

Энэ судрын эшлэл, түлхүүр үг хэллэгийг цээжээрээ уншиж чадах хүртлээ давт.

Өмнөх хичээл буюу “2 Нифай 28:27–32” дээр та Хүлээн авах түүнд Бурхан үнэнийг шат шатаар илчлэх болно гэдгийг мэдэж авсан. Энэ үнэнийг тайлбарлахад бэлдэхэд тань туслахын тулд дараах асуултуудыг тунгаан бодож, дараах бичих үйл ажиллагааг гүйцэтгэ.

• Таны бодлоор “шат шатаар” гэдэг нь юу гэсэн үг вэ?

• Бурханы бидэнд аль хэдийн өгсөн үнэнийг хүлээн авах нь биднийг илүү ихийг хүлээн авахад бэлтгэдэг гэдгийг та юу гэж бодож байна вэ?

1. Дараах үйл ажиллагааг хийж гүйцэтгэ.

Хэн нэгэнд Бурханаас тусламж хэрэгтэй байж болох эдгээр нөхцөл байдлын аль нэгийг сонго. Үүнд:

1. Тулгарч буй бэрхшээлд нь тэдэнд зөвлөгөө шаардлагатай байна.

2. Аврагчтай илүү бат бөх харилцаа тогтоохыг хүсэж байна.

3. Тэд патриархын адислалаа ойлгохыг хүсэж байна.

2 Нифай 28:30-аас сонгосон нөхцөл байдалд тань тусалж болох сурч мэдсэн зүйлийнхээ тухай товч тайлбар бич.

Дадлага хийх үйл ажиллагаа

Сүнслэг мэдлэг олж авах зарчим бүрээс сурч мэдсэн зүйлээ хамгийн сайн дүрсэлсэн, хоёроос гурван үг, хэллэгийг бод. Та яагаад эдгээр үгийг сонгосон бэ?

Төгс эзэмших сургаалыг судлах үндсэн материал (2022)-ын “Сүнслэг мэдлэг олж авах нь” хэсгийн 5–12-р догол мөр-ийг давт.

Мацгийн болон гэрчлэлийн цуглаанд оролцож буй нэг тойргийн өсвөр үеийнхний талаарх дараах хоёр хувилбарыг унш. Цуглааны үеэр хүн бүр өөр өөр бодолтой байдаг.

1. Томас өөрт нь юу тохиолдсоныг гайхаж эхлэв. Тэрээр Бурханд итгэдэг бөгөөд Есүс Христийн Хожмын Үеийн Гэгээнтнүүдийн Сүм үнэн гэдэгт итгэдэг. Гэвч тэрээр тойргийн бусад гишүүнтэй харьцуулахад гэрчлэл нь сул юм шиг мэдэрсэн. Бусдын гэрчилж байгаа бүх зүйлийг хэзээ нэгэн цагт мэдэх боломжтой болов уу гэж тэр боддог.

2. Цуглааны дунд хэсгээс Лиз гэрчлэлд анхаарлаа хандуулахаа больжээ. Тэрээр дотроо “Тэдний ярьж буй бүх зүйлийг би аль хэдийн сонссон бас энэ бүхэн үнэн гэдгийг би хэдийн мэдсэн” гэж боддог. Тэрээр мөн гэрчлэл нь хангалттай хүчтэй болсон гэж боддог тул судруудыг уншиж, семинарт явах хүсэл нь буурчээ.

2. Өмнөх хувилбаруудын аль нэгийг сонгон, дараах үйл ажиллагааг гүйцэтгэ.

Томас, Лиз хоёрын нөхцөл байдалд туслахын тулд сүнслэг мэдлэг олж авах зарчим бүрийг хэрхэн ашиглахаа тайлбарла. Хэрэв шаардлагатай бол дараах асуултууд танд тусална.

Итгэлээр үйлдэх

Төгс эзэмших сургаалыг судлах үндсэн материал-ын “Сүнслэг мэдлэг олж авах” хэсгийн 8-р догол мөр-ийг унш.

• Томаст эсвэл Лизэд итгэлээр үйлдэхэд нь туслахын тулд та энэ догол мөрөөс юу хуваалцаж болох вэ?

• 2 Нифай 28:30-ийн үнэн Томаст эсвэл Лизэд итгэлээр үйлдэхэд нь хэрхэн туслах вэ?

Утга санаа, асуултыг мөнхийн талаас нь шинжлэн судлах

• 2 Нифай 28:30-аас сурч мэдсэн зүйлээ ашиглан, Томас, Лиз хоёрт нөхцөл байдлаа Их Эзэний хардагтай илүү адил харахад туслахын тулд юу хуваалцаж болох вэ?

• Та тэдэнд санаа зовниж буйгаа мөнхийн өнцгөөс харахад нь туслах өөр ямар үнэнийг хуваалцаж болох вэ?

• Өөрсдийгөө Өөрийнх нь хардгийн адилаар харахад тусалж болох Бурханы тухай та юу мэдэх вэ?

Тэнгэрээс томилогдсон эх сурвалжаар дамжуулан илүү их ойлголт олж авахаар эрэлхийлэх

• Томаст эсвэл Лизэд эцэг эхтэйгээ эсвэл Сүмийн удирдагчидтай бодол санаагаа ярилцах нь яагаад тустай байж болох вэ?

• Тэдэнд тус болох ямар судрын шүлэг эсвэл түүхүүдийг та бодож олж чадах вэ?