« នីហ្វៃទី២ ៣១:១–១៣ ៖ ‹ ធ្វើតាមគំរូនៃព្រះរាជបុត្រានៃព្រះដ៏មានព្រះជន្មរស់នៅនោះ › » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« នីហ្វៃទី២ ៣១:១–១៣ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
នីហ្វៃទី២ ៣១:១–១៣
« ធ្វើតាមគំរូនៃព្រះរាជបុត្រានៃព្រះដ៏មានព្រះជន្មរស់នៅនោះ »
តើមានវិធីអ្វីខ្លះដែលយើងអាចធ្វើតាមគំរូរបស់ព្រះអង្គសង្គ្រោះ ? នីហ្វៃបានបង្រៀនថា ការធ្វើតាមព្រះយេស៊ូវគ្រីស្ទដោយការទទួលបុណ្យជ្រមុជទឹក និងការទទួលព្រះវិញ្ញាណបរិសុទ្ធ គឺសំខាន់ចំពោះការបានសង្គ្រោះនៅក្នុងនគររបស់ព្រះ ។ មេរៀននេះអាចជួយអ្នកឲ្យយល់កាន់តែច្បាស់ និងពន្យល់ពីសារៈសំខាន់នៃពិធីបុណ្យជ្រមុជទឹក និងពរជ័យដែលកើតចេញពីបុណ្យជ្រមុជទឹក ។
ការធ្វើតាមព្រះយេស៊ូវគ្រីស្ទដោយការទទួលបុណ្យជ្រមុជទឹក
សូមស្រមៃថា មិត្តរបស់អ្នក អេដា បានជួបជាមួយអ្នកផ្សព្វផ្សាយសាសនាចក្រ ហើយពិតជារីករាយនឹងបទពិសោធន៍នេះណាស់ ។ នាងកំពុងអានព្រះគម្ពីរមរមន ហើយរីករាយនឹងអ្វីដែលនាងកំពុងរៀន ។ ថ្មីៗនេះ អ្នកផ្សព្វផ្សាយសាសនាបានអញ្ជើញនាងឲ្យទទួលបុណ្យជ្រមុជទឹក ។ មួយថ្ងៃបន្ទាប់ពីការអញ្ជើញ អេដាប្រាប់អ្នកអំពីរឿងនេះ ហើយនិយាយថា « ខ្ញុំចង់ទទួលបុណ្យជ្រមុជទឹក ប៉ុន្តែក៏ឆ្ងល់ថាហេតុអ្វីបានជាវាសំខាន់ខ្លាំងណាស់ ប្រសិនបើខ្ញុំព្យាយាមធ្វើជាមនុស្សល្អហើយនោះ ។ តើបុណ្យជ្រមុជទឹកមានសារៈសំខាន់យ៉ាងណា ? »
-
តើអ្នកមានអារម្មណ៍ថា អ្នកអាចឆ្លើយសំណួររបស់ អេដា តាមរបៀបមួយដែលជួយនាងយល់ពីសារៈសំខាន់នៃពិធីបុណ្យជ្រមុជទឹកដែរឬទេ ? ហេតុអ្វីអាច ឬហេតុអ្វីមិនអាច ?
នៅពេលអ្នកសិក្សាថ្ងៃនេះ សូមស្វែងរកសេចក្ដីពិតដែលជួយអ្នកយល់បន្ថែមទៀតអំពីព្រះអង្គសង្គ្រោះ និងមូលហេតុដែលការធ្វើតាមគំរូរបស់ទ្រង់អំពីពិធីបុណ្យជ្រមុជទឹកសំខាន់ខ្លាំងម៉្លេះ ។ សូមសញ្ជឹងគិតពីរបៀបដែលវាមានឥទ្ធិពលលើជីវិតរបស់អ្នក និងអ្នកទាំងឡាយដែលអ្នកស្គាល់ ។ នៅចុងបញ្ចប់នៃមេរៀននេះ អ្នកនឹងមានឱកាសឆ្លើយតបទៅនឹងសំណួរសំខាន់របស់ អេដា ។
នៅពេលនីហ្វៃខិតកាន់តែជិតដល់ការបញ្ចប់នៃសំណេររបស់លោកនៅលើផ្ទាំងចំណារតូច លោកចង់និយាយអំពី « គោលលទ្ធិនៃព្រះគ្រីស្ទ » ។ សូមពិចារណាគូសចំណាំឃ្លានេះនៅក្នុង នីហ្វៃទី២ ៣១:២ និង នីហ្វៃទី២ ៣១:២១ ។
ពិធីបុណ្យជ្រមុជទឹកគឺជាធាតុផ្សំដ៏សំខាន់នៃគោលលទ្ធិរបស់ព្រះគ្រីស្ទ ។
-
តើអ្នកដឹងអ្វីខ្លះអំពីពិធីបុណ្យជ្រមុជទឹករបស់ព្រះអង្គសង្គ្រោះ ?
ប្រសិនបើវាមានប្រយោជន៍ក្នុងការរំឭកពីពិធីបុណ្យជ្រមុជទឹករបស់ព្រះអង្គសង្គ្រោះ សូមពិចារណាធ្វើកិច្ចការមួយក្នុងចំណោមខាងក្រោមនេះ ៖
-
សូមអាន ម៉ាថាយ ៣:១៣–១៧ ។
-
សូមមើល « The Baptism of Jesus » ( ២:៥៤ ) ដែលមាននៅលើគេហទំព័រ ChurchofJesusChrist.org.
3:7 -
សូមមើលកុមារៗពន្យល់អំពីពិធីបុណ្យជ្រមុជទឹករបស់ព្រះអង្គសង្គ្រោះនៅក្នុង « Baptism » ចាប់ពីនាទីទី ០:០០ ដល់នាទីទី ១:១៣ ដែលមាននៅលើគេហទំព័រ ChurchofJesusChrist.org.
3:13
ព្រះយេស៊ូវគ្រីស្ទគ្មានបាបទេ ប៉ុន្តែទ្រង់បានទទួលបុណ្យជ្រមុជទឹក ។ សូមអាន នីហ្វៃទី២ ៣១:៥–១១ ហើយរកមើលមូលហេតុដែលព្រះអង្គសង្គ្រោះបានទទួលបុណ្យជ្រមុជទឹក និងអ្វីដែលយើងរៀនអំពីទ្រង់ ។
-
តើអ្នកបានរកឃើញអ្វីខ្លះ ?
-
តើអ្នកគិតថា វាមានន័យយ៉ាងណាដើម្បីធ្វើតាមព្រះអង្គសង្គ្រោះ « ដោយពេញចិត្តប្រាថ្នា [ និងដោយគ្មាន ] ការលាក់ពុត ? » ( នីហ្វៃទី២ ៣១:១៣ )
-
តើព្រះវរបិតាសួគ៌ប្រទានពរជ័យអ្វីខ្លះដល់អ្នកដែលធ្វើតាមគំរូរបស់ព្រះអង្គសង្គ្រោះដោយស្មោះស្ម័គ្រស្តីពីពិធីបុណ្យជ្រមុជទឹក ?
-
តើដៃគូនៃព្រះវិញ្ញាណបរិសុទ្ធបានប្រទានពរដល់អ្នកក្នុងជីវិតរបស់អ្នកយ៉ាងដូចម្ដេច ?
-
តើការយល់ដឹងអ្វីខ្លះដែលអ្នករកឃើញ ?
-
តើមានអ្វីដែលអ្នកចាប់អារម្មណ៍ពី ខទី ៥ ?
-
តើព្រះយេស៊ូវបានធ្វើសាក្សី ឬសន្យាថា ទ្រង់នឹងធ្វើអ្វីដោយការទទួលបុណ្យជ្រមុជទឹក ? ( សូមមើល នីហ្វៃទី២ ៣១:៧) ។
-
តើខគម្ពីរទាំងនេះបង្រៀនអ្នកអ្វីខ្លះអំពីព្រះទ័យរបស់ព្រះអង្គសង្គ្រោះចំពោះបទបញ្ញត្តិរបស់ព្រះវរបិតា និងចំពោះយើង ?
-
តើអ្នកដឹងអ្វីខ្លះអំពីព្រះយេស៊ូវគ្រីស្ទ ដែលនឹងលើកទឹកចិត្តអ្នកឲ្យធ្វើតាមគំរូរបស់ទ្រង់ ?
ប្រសិនបើអ្នកចង់ឃើញមេរៀនដែលកុមារបានរៀនពីពិធីបុណ្យជ្រមុជទឹករបស់ព្រះអង្គសង្គ្រោះ សូមពិចារណាមើលវីដេអូ « Baptism » ចាប់ពីនាទីទី ១:១៣ ដល់នាទីទី ៣:១៣ ដែលមាននៅលើគេហទំព័រ ChurchofJesusChrist.org.
នីហ្វៃបានបន្តនៅក្នុងកំណត់ត្រារបស់លោក ដើម្បីថ្លែងទីបន្ទាល់អំពីពរជ័យនៃការធ្វើតាមគំរូរបស់ព្រះអង្គសង្គ្រោះស្តីពីពិធីបុណ្យជ្រមុជទឹក ។ ដើម្បីជួយអ្នករកឃើញពរជ័យទាំងនេះ សូមអាន នីហ្វៃទី២ ៣១:១២–១៣, ១៧ ។ ដើម្បីទទួលបានការយល់ដឹងបន្ថែមអំពីពិធីបុណ្យជ្រមុជទឹក សូមពិចារណាសិក្សាខគម្ពីរមួយចំនួនខាងក្រោម ៖ យ៉ូហាន ៣:៣, ៥; កិច្ចការ ២:៣៨; អាលម៉ា ៧:១៤; នីហ្វៃទី៣ ១១:៣៣–៣៤, ៣៧ ។
-
សូមបំពេញសកម្មភាពដូចខាងក្រោមនេះ ៖
ដោយផ្អែកលើអ្វីដែលអ្នកបានរៀន សូមសរសេរកថាខណ្ឌមួយទៅឲ្យអេដា ។ ជួយនាងឲ្យយល់អំពីពិធីបុណ្យជ្រមុជទឹក និងមូលហេតុដែលនាងប្រហែលជាចង់ធ្វើតាមគំរូរបស់ព្រះអង្គសង្គ្រោះ ហើយទទួលបុណ្យជ្រមុជទឹកដូចជាទ្រង់ ។ សូមបញ្ចូលចំណុចខាងក្រោម ៖
-
យ៉ាងហោចណាស់ បទគម្ពីរពីរដែលអ្នកគិតថានឹងជួយនាង
-
របៀបដែលពិធីបុណ្យជ្រមុជទឹកនាំយើងឲ្យកាន់តែខិតទៅជិតព្រះវរបិតាសួគ៌ និងព្រះអង្គសង្គ្រោះរបស់យើង
-
គំនិត បទពិសោធន៍ ឬទីបន្ទាល់ផ្ទាល់ខ្លួនរបស់អ្នកអំពីពិធីបុណ្យជ្រមុជទឹក និងភាពជាដៃគូនៃព្រះវិញ្ញាណបរិសុទ្ធ
ដើម្បីបញ្ចប់មេរៀននេះ សូមគិតអំពីអ្វីដែលអ្នកបានសិក្សាថ្ងៃនេះ ។ តើអ្នកមានអារម្មណ៍យ៉ាងណាចំពោះពិធីបុណ្យជ្រមុជទឹករបស់អ្នក ? តើអ្នកអាចធ្វើអ្វីដើម្បីបន្តធ្វើតាមគំរូរបស់ព្រះអង្គសង្គ្រោះ ? តើអ្នកអាចជួយអ្នកដទៃឲ្យធ្វើតាមគំរូរបស់ព្រះអង្គសង្គ្រោះ ហើយទទួលបុណ្យជ្រមុជទឹកដោយរបៀបណា ? សូមពិចារណាសរសេរគំនិតរបស់អ្នកនៅក្នុងសៀវភៅកំណត់ហេតុការសិក្សារបស់អ្នក ។