Мормоны Номын семинарын суралцагчийн гарын авлага (2024)

Агуулга
Нүүр хуудас
Мормоны Номын семинарын суралцагчийн гарын авлага-ын оршил
Мормоны Ном—Оршил материал
Мормоны Номын удиртгал хэсгүүд
1 Нифай 1–5
1 Нифай 6–10
1 Нифай 11–15
1 Нифай 16–22
2 Нифай 1–2
2 Нифай 3–5
2 Нифай 6–10
2 Нифай 11–19
2 Нифай 20–25
2 Нифай 26–30
2 Нифай 31–33
Иаков 1–4
Иаков 5–7
Инос–Мормоны үгс
Moзая 1–3
Moзая 4–6
Moзая 7–10
Moзая 11–17
Moзая 18–24
Moзая 25–28
Мозая 29–Алма 4
Алма 5–7
Алма 8–12
Алма 13–16
Алма 17–22
Алма 23–29
Алма 30–31
Алма 32–35
Алма 36–38
Алма 39–42
Алма 43–52
Алма 53–63
Хиламан 1–6
Хиламан 7–12
Хиламан 13–16
3 Нифай 1–7
3 Нифай 8–11
3 Нифай 12–16
3 Нифай 17–19
3 Нифай 20–26
3 Нифай 27–4 Нифай 1
Moрмон 1–6
Moрмон 7–9
Ифер 1–5
Ифер 6–11
Ифер 12–15
Moронай 1–6
Moронай 7–9
Моронай 10

Мозая 21–24, 2-р хэсэг: Сорилт бэрхшээлээс чөлөөлөгдөхийн төлөө Их Эзэнд хандах нь

“Мозая 21–24, 2-р хэсэг: Сорилт бэрхшээлээс ангижрахын төлөө Их Эзэнд хандах нь,” Мормоны Номын багшийн гарын авлага (2024)

“Мозая 21–24, 2-р хэсэг,” Мормоны Номын багшийн гарын авлага

Мозая 21–24, 2-р хэсэг

Сорилт бэрхшээлээс ангижрахын төлөө Их Эзэнд хандах нь

Зураг

судар уншиж буй өсвөр үеийн хүү

Та сорилт бэрхшээлтэй тулгарсан үедээ ямар хариу үйлдэл гаргадаг вэ? Яагаад зарим хүн Их Эзэнд ойртож байхад зарим нь Түүнээс холддог гэж та бодож байна вэ? Бид Мозая 21–24-өөс Лимхайн болон Алмагийн хүмүүс хүч чадлын төлөө, мөн боолчлолоос чөлөөлөгдөхийн тулд Их Эзэнд хандсан гэдгийг мэдэж авсан. Энэ хичээл танд Тэнгэрлэг Эцэг, Есүс Христ хоёрт найдаж, сорилт бэрхшээлээ даван туулахад туслах зорилготой.

Сорилт бэрхшээлд хариулах нь

Өмнөх хичээл дээр танаас тулгарсан эсвэл тулгарч буй сорилт бэрхшээлийнхээ тухай бодохыг хүссэн. Та Мозая 21–24-ийг судлахдаа Их Эзэн яагаад танд сорилт бэрхшээлийг туулах боломж олгодгийг ойлгоход тусалсан зарим үнэнээс суралцсан байх. Өнөөдөр сорилт бэрхшээлийнхээ тухай дахин бод, гэхдээ энэ удаад та тэдэнд хэрхэн хариулснаа бодоорой. Та өөрт тохиолдсон саад бэрхшээл, амжилт, Их Эзэний нөлөөлөл, адислалыг мэдэрсэн арга замуудынхаа тухай бичихийг хүсэж болно.

Их Эзэний чөлөөлөх хүч

Та Лимхайн (Нифайн нутгийн) болон Алмагийн хүмүүсийн (Хиламын нутгийн) тухай судалж байсныгаа санаж магадгүй юм. Тэд леменчүүдэд олзлогдсон байхдаа хүнд сорилтуудыг туулсан. Энэ зураг тэдний Мозая 21–24-ийн аяллыг харуулна.

Зураг

Moзая 21–24-ийн газруудын зураг

Өнөөдөр та Их Эзэн хоёр бүлэг хүмүүсийг хэрхэн боолчлолоос гаргаж, Зарахемлагийн нутаг руу авчирсан тухай мэдэж авна. Суралцах явцдаа сорилт бэрхшээлээ санаж, Их Эзэн таны амьдралд чөлөөлөх хүчээ хэрхэн хэрэгжүүлдгийг таньж мэдэхэд тань туслах үнэнийг хайж ол.

Дараах хүснэгтийг судлах тэмдэглэлдээ зур. Хайрцаг бүрд олон хариулт бичих хангалттай зай үлдээ.

Тус бүлэг хүмүүсийн ядаж нэгийг нь судраас уншиж, тэднийг сорилт бэрхшээлээс хэрхэн чөлөөлөгдсөн тухай хүснэгтэд тэмдэглэ. Өөрт утга учиртай санагдсан үг, хэллэгүүдийг судар дээрээ тэмдэглэж болно.

Мозая 21–24: Хүч ба чөлөөлөлт

Мормоны Номын багшийн гарын авлага

	Лимхайн хүмүүс Мозая 21:13–16, 36; 22:1–13; 29:18–20	Алмагийн хүмүүс Мозая 23:25–29; 24:8–25
Их Эзэний тусламжийг авах гэж хүмүүс ямар ямар үйлдэл хийсэн бэ?
Их Эзэн тэднийг чөлөөлөхөд хэрхэн оролцсон бэ?
Эдгээр шүлгээс санаж байх дуртай үг хэллэг юу вэ?

Зураг

дүрс, тэмдэглэх

Дараах асуултуудад хариул.

Их Эзэний тусламжийг авахын тулд хүмүүс ямар ямар үйлдэл хийсэн бэ?
Эдгээр түүхийг судалж байхдаа Их Эзэний тухай мөн Түүний хүч чадлын талаар та юу суралцсан бэ?
Судалсан шүлгүүдээс тодорхойлсон хамгийн дуртай үг хэллэг тань юу байсан бэ?

Их Эзэний хүчийг таньж мэдэн, баясах

Бидний эдгээр шүлгээс сурч мэдэж болох олон үнэний дотроос Өөрт нь хандах үед Тэнгэрлэг Эцэг биднийг цаг нь болохоор сорилт бэрхшээлийн маань үед дэмжин тэтгэж, чөлөөлөх болно (Мозая 21:14–16-г үзнэ үү) гэсэн үнэнийг та судлах үедээ анзаарсан байх. Бид мөн сорилт бэрхшээлээ баяр хөөртэйгөөр, тэвчээртэй даван туулах юм бол Их Эзэн биднийг хүчирхэгжүүлж, ачааг маань хөнгөлж чадна (Мозая 24:15-г үзнэ үү) гэдгийг сурч мэдсэн.

Их Эзэний тухай эдгээр зүйлийг мэдэх нь таны сорилт бэрхшээлд үзүүлэх хариу үйлдэлд хэрхэн нөлөөлж чадах вэ?
Их Эзэн таныг эсвэл таны мэддэг хүнийг сорилт бэрхшээлээ тэвчин, ачаагаа үүрч байхад нь хэрхэн дэмжиж, хүчирхэгжүүлсэн бэ? Энэ туршлага Түүний талаарх таны бодол санаанд хэрхэн нөлөөлсөн бэ?

ChurchofJesusChrist.org Таны судраас тодорхойлсон үнэн эсвэл үг хэллэгүүд Гутьеррэсийн гэр бүлийн туршлагатай хэрхэн холбогдож болохыг хайж ол.

Таны хийх дараагийн алхам

Өнөөдөр сурч мэдсэн зүйлээсээ өөрт тулгарч буй сорилт бэрхшээлийг даван туулахад тань тусалж чадах зүйлийг эргэцүүлэн бод.

Дараах заавруудыг гүйцэтгэ.

Хичээлийн эхэнд үүсгэсэн хүснэгтдээ шинэ багана нэмж, “Би” гэж гарчигла. Дараа нь шинэ баганаа гүйцээж, дараах асуултуудад хариул. (Хэрэв танд шинэ багана үүсгэх зай байхгүй бол судлах тэмдэглэлийнхээ тусдаа зайд асуултуудад хариул.)

Та сорилт бэрхшээлдээ Их Эзэний тусламжийг илүү их авахын тулд ямар үйлдэл хийж болох вэ?
Та өнөөдөр Их Эзэний талаарх Түүний танд өгч чадах тусламж, хүчийг ойлгоход туслах юуг суралцсан бэ?
Таны судалсан шүлгүүдээс ямар үг хэллэг таны нөхцөл байдалтай холбогдож болох вэ? Яагаад?

Нэмэлт: Илүү ихийг судлахыг хүсэж байна уу?

Яагаад Бурхан биднийг үргэлж сорилт бэрхшээлээс шууд чөлөөлдөггүй вэ?

Далын ахлагч Эван А.Шмүц ийн ажигласан байна.

Зураг
Ахлагч Эван А.Шмүц

Бурхан биднийг өөр өөрсдийн өвөрмөц бэрхшээлүүдэд итгэлээр хариу үзүүлэхийг урьдаг. Ингэснээр бид адислал хүлээн авч мөн өөр ямар ч замаар олж чадахгүй мэдлэгийг олж авдаг.

Бидний ихэнх нь зовлон зүдүүрийнхээ шалтгааныг арилгахыг Бурханаас гуйдаг бөгөөд бидний хайж буй тайтгарал ирэхгүй байвал Түүнийг сонсохгүй байна гэж бодож эхэлдэг. Ийм мөчид ч Тэр бидний залбирлуудыг сонсдог бөгөөд Түүнд бидний зовлон зүдүүрийг үргэлжлэхийг зөвшөөрөх шалтгаан байгаа гэдгийг [Сургаал ба Гэрээ 121:7–8; 122-ыг үзнэ үү], мөн тэдгээрийг даван туулахад Тэрээр бидэнд туслах болно гэдгийг [Мозая 24:12–15-ыг үзнэ үү] би гэрчилж байна. (Эван А.Шмуц, “Бурхан нулимс бүрийг арчих болно,” 2016 оны 10-р сарын Ерөнхий чуулган, 114)

Та Далын ахлагч Антони Д.Пэркинсийн “Ай бидний Бурхан Та, зовсон гэгээнтнүүдээ санаач” (10:18) видеог үзэж эсвэл үгийг сонсож болно ChurchofJesusChrist.org. Ахлагч Пэркинс хорт хорт хавдартай гэж оношлогдсон бөгөөд мөнх бус амьдрал нь богиносох магадлалтайг мэдээд, сорилт бэрхшээл, зовлон зүдүүрийн тухай чухал сургамж авсан юм.

Их Эзэний тусламж эсвэл чөлөөлөлт ямар арга замаар ирж болох вэ?

Тэргүүн зөвлөлийн ерөнхийлөгч Даллин Х.Өүкс ийн заасан.

Зураг
Ерөнхийлөгч Даллин Х.Өүкс

Эдгэрлийн адислал олон арга замаар ирдэг, тус бүр нь бидний хувийн хэрэгцээнд тохирсон байдаг бөгөөд энэ нь Тэр биднийг хамгийн ихээр хайрладгийн илрэл юм. Заримдаа “эдгэрэл” нь бидний өвчин зовлонг анагааж, ачааг хөнгөлдөг. Харин заримдаа бидэнд ачаагаа даах хүч, ойлголт, мөн тэвчээрийг өгснөөр бид “эдгэрдэг”. (Dallin H. Oaks, “He Heals the Heavy Laden,” Liahona, Nov. 2006, 7–8)

Арван хоёр төлөөлөгчийн чуулгын ахлагч Л.Том Пэрри (1922–2015) Лимхайн болон Алмагийн хүмүүсийн чөлөөлөлтөөс бидний ухаарч мэдэж болох сургамжийг хуваалцсан. Эдгээр хичээлийг үзэхийн тулд “Чөлөөлөлтийн хүч” видеог үзнэ үү.

Өнгөрсөн туршлагыг санах нь сорилт бэрхшээлээ илүү сайн даван туулахад минь хэрхэн туслах вэ?

ChurchofJesusChrist.org Арван хоёр төлөөлөгчийн чуулгын ахлагч Жэффри Р.Холланд зөвлөхдөө, Их Эзэнд найдах нь хүнд хэцүү цаг үед бидэнд найдвар төрүүлж чадна гэдгийг сорилт бэрхшээл нь түүнд хэрхэн сургасныг тэрээр тайлбарласныг хайж ол.