ព្រះគម្ពីរមរមន សៀវភៅសិក្សាសម្រាប់សិស្សថ្នាក់សិក្ខាសាលា ( ឆ្នាំ ២០២៤ )

មាតិកា
ទំព័រចំណងជើង
សេចក្តីផ្តើមនៃ ព្រះគម្ពីរមរមន សៀវភៅសិក្សាសម្រាប់សិស្សថ្នាក់សិក្ខាសាលា
ព្រះគម្ពីរមរមន—ឯកសារណែនាំ
ទំព័របុព្វកថានៃព្រះគម្ពីរមរមន
នីហ្វៃទី ១ ១–៥
នីហ្វៃទី១ ៦–១០
នីហ្វៃទី ១ ១១–១៥
នីហ្វៃទី ១ ១៦–២២
នីហ្វៃទី ២ ១–២
នីហ្វៃទី ២ ៣–៥
នីហ្វៃទី ២ ៦–១០
នីហ្វៃទី ២ ១១–១៩
នីហ្វៃទី ២ ២០–២៥
នីហ្វៃទី ២ ២៦–៣០
នីហ្វៃទី ២ ៣១–៣៣
យ៉ាកុប ១–៤
យ៉ាកុប ៥–៧
អេណុស–ពាក្យសម្ដីនៃមរមន
ម៉ូសាយ ១–៣
ម៉ូសាយ ៤–៦
ម៉ូសាយ ៧–១០
ម៉ូសាយ ១១–១៧
ម៉ូសាយ ១៨–២៤
ម៉ូសាយ ២៥–២៨
ម៉ូសាយ ២៩–អាលម៉ា ៤
អាលម៉ា ៥–៧
អាលម៉ា ៨–១២
អាលម៉ា ១៣–១៦
អាលម៉ា ១៧–២២
អាលម៉ា ២៣–២៩
អាលម៉ា ៣០–៣១
អាលម៉ា ៣២–៣៥
អាលម៉ា ៣៦–៣៨
អាលម៉ា ៣៩–៤២
អាលម៉ា ៤៣–៥២
អាលម៉ា ៥៣–៦៣
ហេលេមិន ១–៦
ហេលេមិន ៧–១២
ហេលេមិន ១៣–១៦
នីហ្វៃទី៣ ១–៧
នីហ្វៃទី ៣ ៨–១១
នីហ្វៃទី ៣ ១២–១៦
នីហ្វៃទី ៣ ១៧–១៩
នីហ្វៃទី ៣ ២០–២៦
នីហ្វៃទី ៣ ២៧–នីហ្វៃទី ៤ ១
មរមន ១–៦
មរមន ៧–៩
អេធើរ ១–៥
អេធើរ ៦–១១
អេធើរ ១២–១៥
មរ៉ូណៃ ១–៦
មរ៉ូណៃ ៧–៩
មរ៉ូណៃ ១០

អាលម៉ា ៣០:៣០–៦០ ៖ « មានព្រះបង្កបង្កើតដ៏មហិមាមួយអង្គ »

« អាលម៉ា ៣០:៣០–៦០ ៖ ‹ មានព្រះបង្កបង្កើតដ៏មហិមាមួយអង្គ › » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )

« អាលម៉ា ៣០:៣០–៦០ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន

អាលម៉ា ៣០:៣០–៦០

« មានព្រះបង្កបង្កើតដ៏មហិមាមួយអង្គ »

មនុស្សម្នាក់កំពុងសម្លឹងមើលផ្ទៃមេឃនៅពេលយប់

អាលម៉ាបានថ្លែងទីបន្ទាល់ថា « គ្រប់ការណ៍ទាំងអស់បង្ហាញថា មានព្រះមួយអង្គមែន » ( អាលម៉ា ៣០:៤៤ ) ។ ប៉ុន្តែ ហេតុអ្វីបានជាមនុស្សគ្រប់គ្នាមិនដឹង ⁠ឬសារភាពថា⁠មានភស្ដុតាងបញ្ជាក់ថាមានព្រះពិតមែន ? កូរីហូរ បានបដិសេធថាមានព្រះ រហូតដល់គាត់បានធ្លាក់ខ្លួនគដោយព្រះចេស្តារបស់ព្រះ ។ មេរៀននេះអាចជួយអ្នកឲ្យស្គាល់ភស្តុតាងបញ្ជាក់ថា⁠ពិតជាមានព្រះមែន និងឲ្យជ្រើសរើសដើម្បីជឿលើទ្រង់ ។

វត្តមានរបស់ព្រះ

នៅសាលារៀន ឬសហគមន៍របស់អ្នក តើវាជារឿងធម្មតាទេដែលមនុស្សឃើញភស្តុតាងបញ្ជាក់អំពីវត្តមានរបស់ព្រះនៅក្នុងពិភពលោកជុំវិញពួកគេ ( ឧទាហរណ៍ ខណៈកំពុងមើលថ្ងៃលិច ឬផ្កាយ ) នោះ ?
ហេតុអ្វីបានជាអ្នកគិតថា មនុស្សអាចមើលឃើញអ្វីដូចគ្នា ប៉ុន្ដែទាញការសន្និដ្ឋានខុសគ្នាអំពីព្រះទៅវិញ ?⁠
តើមានអ្វីខ្លះដែលអាចមានឥទ្ធិពលលើសមត្ថភាពមនុស្សម្នាក់ក្នុងការស្គាល់ការរួមចំណែករបស់ព្រះនៅក្នុងជីវិតរបស់ពួកគេ ?

សូមគិតពិចារណាអំពីរបៀបដែលអ្នកនឹងទទួលបានពរ បើអ្នកអាចមើលឃើញព្រះ និងការរួមចំណែករបស់ទ្រង់កាន់តែច្បាស់នៅក្នុងជីវិតរបស់អ្នក ។ នៅពេលអ្នកសិក្សាថ្ងៃនេះ សូមស្វះស្វែងបង្កើនសមត្ថភាពអ្នក ដើម្បីមើលឃើញភស្តុតាងបញ្ជាក់ថាមានព្រះនៅក្នុងអ្វីដែលអ្នកបានមើលឃើញ និងជួបប្រទះ ។

កូរីហូរ ចោទប្រកាន់ពួកអ្នកដឹកនាំសាសនាចក្រ

កូរីហូរ ⁠ជាអ្នកទទឹងនឹងព្រះគ្រីស្ទ បានទទួលជោគជ័យជាច្រើនដោយការផ្សព្វផ្សាយសារភូតកុហករបស់គាត់នៅដែនដីសារ៉ាហិមឡា ( សូមមើល អាលម៉ា ៣០:១២, ១៧–១៨ ) ។⁠ គាត់ក៏ព្យាយាមបង្រៀនប្រជាជននៅក្រុង យើសុន និងគេឌានផងដែរ ។ នៅទីនោះ ពួកអ្នកជឿលើព្រះបានប្រឆាំងនឹងកូរីហូរ ហើយបាននាំគាត់ទៅជួបមេចៅក្រម និងអាលម៉ាដែលជាសង្ឃជាន់ខ្ពស់ ។⁠

សូមអាន អាលម៉ា ៣០:៣០–៣៦ ⁠ដោយការរកមើលពីរបៀបដែលអាលម៉ា បានឆ្លើយតបចំពោះការវាយប្រហាររបស់កូរីហូរ ទៅលើព្រះ និងសាសនាចក្រ ។ អ្នកក៏អាចមើលវីដេអូនេះផងដែរ « All Things Denote There Is a God » ចាប់ពីនាទីទី ៣:២២ ដល់នាទីទី ៥:១៦ ដែលមាននៅលើគេហទំព័រ ChurchofJesusChrist.org ។

វាអាចមានប្រយោជន៍ដើម្បីដឹងថា ការប្រមាថ នៅក្នុង ខទី ៣០ មានន័យថា ការចំអកដល់ព្រះ ឬនិយាយ « ដោយមិនគោរព ឬមិនកោតខ្លាចដល់ព្រះ ឬដល់របស់នានាដែលពិសិដ្ឋ » ( សេចក្ដីណែនាំដល់បទគម្ពីរទាំងឡាយ « ប្រមាថព្រះ, ការប្រមាថព្រះ » នៅលើគេហទំព័រ scriptures.ChurchofJesusChrist.org ) ។ ពាក្យថា ការបំប៉នខ្លួន មានន័យបញ្ឆិតបញ្ឆៀងថា ការមានទ្រព្យសម្បត្តិ ។

All Things Denote There Is a God
(Alma 30) Korihor preaches against the prophecies of the coming of Christ. He seeks a sign to be convinced that there is a God. He is struck dumb.

តើកូរីហូរ បានចោទប្រកាន់អ្នកដឹកនាំសាសនាចក្រថាបានធ្វើអ្វីខ្លះ ? ( សូមមើល អាលម៉ា ៣០:៣១ ) ។

ទីបន្ទាល់អំពីព្រះរបស់អាលម៉ា

នៅពេលអាលម៉ា បានសួរកូរីហូរ ថាតើគាត់ជឿលើព្រះដែរឬទេ នោះ⁠ កូរីហូរ បាននិយាយថា⁠ គាត់មិនបានជឿទេ ( សូមមើល អាលម៉ា ៣០:៣៧–៣៨ ) ។

សូមអាន អាលម៉ា ៣០:៣៩–៤៤⁠ ដោយការរកមើលពីរបៀបដែល អាលម៉ា បានឆ្លើយតបទៅកូរីហូរ ។ អ្នកក៏អាចមើលវីដេអូនេះផងដែរ « All Things Denote There Is a God » ចាប់ពីនាទីទី ៥:២៣ ដល់នាទីទី ៧:១៣ ដែលមាននៅលើគេហទំព័រ ChurchofJesusChrist.org ។

សូមបំពេញសកម្មភាពដូចខាងក្រោមនេះ ៖
1. សូមធ្វើបញ្ជីនៃអ្វីដែលអាលម៉ា បាននិយាយ ដែលផ្តល់នូវភស្តុតាងបញ្ជាក់អំពីការមានព្រះពិតមែន ។
2. សូមបន្ថែមភស្តុតាងបញ្ជាក់ណាមួយដែលអ្នកអាចគិតឃើញ ។⁠
3. សូមរកមើលចំណុចនៅក្នុងបញ្ជីអ្នកដែលបានជួយអ្នកឲ្យឃើញភស្តុតាងបញ្ជាក់អំពីព្រះដោយផ្ទាល់ ។⁠ អ្នកប្រហែលជាអាចសរសេរសេចក្ដីលម្អិតមួយចំនួនអំពីបទពិសោធន៍អ្នក ។⁠
4. អ្នកក៏អាចជ្រើសរើសចំណុចមួយ ឬច្រើននៅលើបញ្ជីរបស់អ្នក ហើយចែកចាយពីរបៀបដែលការណ៍ទាំងនេះអាចជួយអ្នកឲ្យបង្កើនសមត្ថភាពរបស់អ្នកដើម្បីមើលឃើញភស្តុតាងអំពីព្រះផងដែរ ។

ប្រធាន រ័សុល អិម ណិលសុន បានផ្ដល់ដំបូន្មានដូចខាងក្រោមអំពីការដឹងថា មានព្រះពិតមែន ។

« ចូរមកតាមខ្ញុំ »
ប្រធាន ណិលសុន បង្រៀនថា យើងត្រូវតែចុះសេចក្ដីសញ្ញានឹងព្រះ ដើម្បីទទួលបានភាពតម្កើងឡើងជាមួយនឹងក្រុមគ្រួសាររបស់យើង ។

សូមយល់ថា កាលណាអវត្តមានពីបទពិសោធន៍ទាំងឡាយជាមួយព្រះ នោះមនុស្សអាចនឹងសង្ស័យអំពីវត្តមានរបស់ព្រះ ។ ដូច្នេះ សូមដាក់ខ្លួនអ្នកទៅក្នុងកន្លែងមួយដើម្បីចាប់ផ្ដើមមានបទពិសោធន៍ទាំងឡាយជាមួយទ្រង់ ។ បន្ទាបខ្លួន ។ អធិស្ឋានដោយកែវភ្នែកចង់មើលឃើញព្រះហស្តរបស់ព្រះនៅក្នុងជីវិតរបស់បងប្អូន ហើយនឹងពិភពលោកជុំវិញបងប្អូន ។ ទូលសូមទ្រង់ឲ្យប្រាប់បងប្អូន បើទ្រង់ពិតជាគង់នៅ—បើទ្រង់ពិតជាស្គាល់បងប្អូន ។ ទូលសួរទ្រង់ថាទ្រង់មានព្រះទ័យយ៉ាងណាចំពោះបងប្អូន ។ បន្ទាប់មក ស្តាប់ » ។ ( រ័សុល អិម ណិលសុន « Come, Follow Me » Liahona ខែ ឧសភា ឆ្នាំ ២០១៩ ទំព័រ ៩០ )

យោងតាមប្រធាន ណិលសុន តើអ្នកអាចធ្វើអ្វីខ្លះ ដើម្បីពង្រឹងចំណេះដឹងរបស់អ្នកដែលថា ព្រះមានពិត និងមានការទាក់ទងក្នុងជីវិតអ្នក ?⁠

ជំនួសឲ្យការអនុវត្តសេចក្តីជំនឿដើម្បីមានបទពិសោធន៍ជាមួយព្រះ កូរីហូរ បានចង់ឲ្យអាលម៉ា បញ្ចុះបញ្ចូលគាត់ពីព្រះចេស្ដារបស់ព្រះ ហើយបានជំទាស់ម្តងហើយម្តងទៀតដើម្បីឲ្យអាលម៉ា បង្ហាញទីសម្គាល់មួយដល់គាត់ ( សូមមើល អាលម៉ា ៣០:៤៣, ៤៥, ៤៨ ) ។

តើអ្នកគិតថា វានឹងខុសគ្នាយ៉ាងណាចំពោះនរណាម្នាក់ដែលធ្វើតាមការអញ្ជើញរបស់ប្រធាន ណិលសុន និងនរណាម្នាក់ដែលទាមទារឲ្យមានទីសម្គាល់មួយ ?

សូមអាន អាលម៉ា ៣០:៤៨–៥៣, ៥៩–៦០⁠ ដោយការរកមើលពីរបៀបដែល កូរីហូរ បានជឿជាក់លើព្រះចេស្ដានៃព្រះ ។ អ្នកក៏អាចមើលវីដេអូនេះទាំងស្រុងដល់ចប់ផងដែរ « All Things Denote There Is a God » ចាប់ពីនាទីទី ៧:១៣ ដល់នាទីទី ១១:១៦ ដែលមាននៅលើគេហទំព័រ ChurchofJesusChrist.org ។

តើយើងអាចរៀនអ្វីខ្លះពីបទពិសោធន៍របស់ កូរីហូរ ?

សូមកត់ចំណាំនូវមេរៀនទាំងឡាយណាដែលព្រះគម្ពីរមរមនបានចង្អុលបង្ហាញជាមួយនឹងឃ្លាថា « ម្ល៉ោះហើយ យើងឃើញ » នៅក្នុង ខទី ៦០ ។⁠ សូមគិតដល់របៀបដែលអារក្សនៅតែបញ្ឆោតមនុស្សសព្វថ្ងៃនេះ ហើយព្យាយាមបញ្ចុះបញ្ចូលពួកគេឲ្យជឿ⁠ ហើយបដិសេធអ្វីដែលពួកគេដឹងថាជាការពិត ។

ជម្រើស ៖ តើចង់រៀនសូត្របន្ថែមទៀតទេ ?

តើខ្ញុំអាចស្គាល់ព្រះកាន់តែច្បាស់ថែមទៀតដោយរបៀបណា ?

ប្រធាន ហិនរី ប៊ី អាវរិង នៃគណៈប្រធានទីមួយបានចែកចាយនូវអ្វីដែលលោកបានធ្វើ ដើម្បីដឹងថាមានព្រះនៅក្នុងជីវិតរបស់លោក ៖

1:28

O Remember, Remember

President Henry B. Eyring encourages us to look for the hand of God and recognize the abundant blessings God gives to us daily.

ខ្ញុំបានសញ្ជឹងគិតពីសំណួរនេះ ៖ « តើខ្ញុំបានឃើញព្រះហស្ដព្រះឈោងមកប៉ះយើង ឬកូនចៅយើង ឬគ្រួសារយើងនាថ្ងៃនេះដែរឬទេ ? » នៅពេលខ្ញុំរក្សាទម្លាប់នេះបាន អ្វីមួយបានចាប់ផ្ដើមកើតឡើង ។ កាលដែលខ្ញុំគិតពីថ្ងៃនោះ ខ្ញុំនឹងឃើញនូវភស្ដុតាងពីអ្វីដែលព្រះបានធ្វើសម្រាប់មនុស្សម្នាក់ក្នុងចំណោមពួកយើងដែលខ្ញុំពុំបានដឹងនៅក្នុងពេលដ៏រវល់នៅថ្ងៃនោះឡើយ ។ កាលដែលវាបានកើតឡើង ហើយវាកើតឡើងញឹកញាប់ នោះខ្ញុំបានដឹងថា ការព្យាយាមចងចាំ បានអនុញ្ញាតឲ្យព្រះបង្ហាញខ្ញុំពីអ្វីដែលទ្រង់បានធ្វើ ។ ( ហិនរី ប៊ី អាវរិង « O Remember, Remember » Liahona ខែ វិច្ឆិកា ឆ្នាំ ២០០៧ ទំព័រ ៦៧ )

ស៊ីស្ទើរ ស៊ូសាន បែដណា បានបង្រៀន ៖

ខ្ញុំសូមថ្លែងទីបន្ទាល់ថា នៅពេលយើងអធិស្ឋានឲ្យភ្នែកមើលឃើញផែនការរបស់ទ្រង់ យើងនឹងដឹងអំពីការចូលរួមចំណែករបស់ព្រះក្នុងជីវិតយើង ហើយដឹងថា ទ្រង់ពិតជាស្គាល់យើង ។⁠ ( ស៊ូសាន បែដណា « Have I Seen the Hand of God in My Life? » [ ការប្រជុំធម្មនិដ្ឋានប្រព័ន្ធអប់រំសាសនាចក្រសម្រាប់យុវមជ្ឈិមវ័យ ថ្ងៃទី ៣ ខែ មីនា ឆ្នាំ ២០១៣ ] នៅលើគេហទំព័រ broadcasts.ChurchofJesusChrist.org )

តើខ្ញុំអាចយាងអញ្ជើញព្រះវិញ្ញាណបរិសុទ្ធឲ្យមកជួយខ្ញុំបានមើលឃើញព្រះក្នុងជីវិតខ្ញុំយ៉ាងដូចម្ដេចបាន ?⁠

អែលឌើរ គីម ប៊ី ក្លាក នៃពួកចិតសិបនាក់បានបង្រៀន ៖

10:10

ភ្នែកដែលមើលឃើញ និងត្រចៀកដែលស្ដាប់ឮ

អែលឌើរ គីម ប៊ី ក្លាក ថ្លែងទីបន្ទាល់ថា ប្រសិនបើយើងបើកភ្នែក និង ត្រចៀករបស់យើង នោះព្រះវិញ្ញាណបរិសុទ្ធនឹងប្រទានពរដល់យើង ឲ្យមើលឃើញព្រះអម្ចាស់ព្រះយេស៊ូវគ្រីស្ទធ្វើការនៅក្នុងជីវិតរបស់យើង។

ការគោរពប្រតិបត្តិដ៏សាមញ្ញយាងព្រះវិញ្ញាណឲ្យចូលទៅក្នុងដួងចិត្តរបស់យើង ។ នៅក្នុងផ្ទះរបស់យើង យើងអធិស្ឋានដោយសេចក្តីជំនឿ ស្រាវជ្រាវព្រះគម្ពីរ ហើយរក្សាថ្ងៃឈប់សម្រាកទុកជាបរិសុទ្ធ ។⁠ នៅក្នុងសាលាជំនុំរបស់យើង យើងទទួលទានសាក្រាម៉ង់ ហើយធ្វើការសន្យាពិសិដ្ឋចំពោះព្រះវរបិតាសួគ៌នៅក្នុងព្រះនាមនៃព្រះគ្រីស្ទ ។ នៅក្នុងព្រះវិហារបរិសុទ្ធដ៏បរិសុទ្ធ យើងចូលរួមនៅក្នុងពិធីបរិសុទ្ធជំនួសឲ្យបងប្អូនប្រុសស្រីរបស់យើងនៅផ្នែកម្ខាងទៀតនៃវាំងនន ។ នៅក្នុងក្រុមគ្រួសារ និងការចាត់តាំងរបស់យើងពីព្រះអម្ចាស់ យើងឈោងដៃទៅជួយដល់អ្នកដទៃ សម្រាលបន្ទុកពួកគេ ហើយអញ្ជើញពួកគេឲ្យមករកព្រះគ្រីស្ទ ។

បងប្អូនប្រុសស្រី ខ្ញុំដឹងថា ប្រសិនបើយើងធ្វើរឿងទាំងនេះ ព្រះវិញ្ញាណបរិសុទ្ធនឹងយាងមក ! យើងនឹងរីកចម្រើនខាងវិញ្ញាណ ហើយទទួលបទពិសោធន៍ជាមួយនឹងព្រះវិញ្ញាណបរិសុទ្ធ ហើយទ្រង់នឹងក្លាយជាដៃគូរបស់យើង ។ ប្រសិនបើយើងមើលទៅព្រះគ្រីស្ទ ហើយបើកភ្នែក និងត្រចៀករបស់យើង ព្រះវិញ្ញាណបរិសុទ្ធនឹងប្រទានពរឲ្យយើងមើលឃើញព្រះអម្ចាស់ ព្រះយេស៊ូវគ្រីស្ទកំពុងធ្វើការក្នុងជីវិតរបស់យើង កំពុងពង្រឹងសេចក្ដីជំនឿរបស់យើងលើទ្រង់ជាមួយនឹងការធានា និងភស្ដុតាង ។ ( គីម ប៊ី ក្លាក « Eyes to See and Ears to Hear » Liahona ខែ វិច្ឆិកា ឆ្នាំ ២០១៥ ទំព័រ ១២៥ )

ចុះបើខ្ញុំជឿលើព្រះ តែមិនស្គាល់ទ្រង់ច្បាស់ថាពិតជាទ្រង់ឬអត់នោះ ?

អែលឌើរ ជែហ្វ្រី អ័រ ហូឡិន នៃកូរ៉ុមនៃពួកសាវកដប់ពីរនាក់បានចែកចាយ ៖

14:43

« ខ្ញុំជឿហើយ លោកម្ចាស់អើយ »

ចូរទទួលស្គាល់សំណួរ និង កង្វល់របស់អ្នកដោយស្មោះត្រង់ តែដំបូងត្រូវពង្រឹងជំនឿតិចតួចដែលអ្នកមានសិន ព្រោះការណ៍ទាំងអស់អាចកើតឡើងបានដល់ពួកអ្នកដែលជឿ ។

ថ្មីៗនេះ ក្មេងប្រុសអាយុ ១៤ ឆ្នាំម្នាក់បាននិយាយមកខ្ញុំដោយស្ទាក់ស្ទើរបន្តិចថា « បងប្រុស ហូឡិន ខ្ញុំមិនអាចទាន់និយាយបានទេថា ខ្ញុំដឹងថាសាសនាចក្រនេះពិត តែខ្ញុំជឿថាវាពិត » ។ ខ្ញុំឱបក្មេងប្រុសនោះយ៉ាងណែន ។ ខ្ញុំប្រាប់គាត់ដោយអស់ពីព្រលឹងខ្ញុំថា ការជឿ គឺជាពាក្យដ៏មានតម្លៃ ថែមទាំងជាទង្វើដ៏មានតម្លៃផង ហើយគាត់មិនចាំបាច់សូមទោសដោយ « គ្រាន់តែជឿ » នោះឡើយ ។ ខ្ញុំប្រាប់គាត់ថា ព្រះគ្រីស្ទទ្រង់ផ្ទាល់មានបន្ទូលថា « កុំខ្លាចអី ឲ្យគ្រាន់តែជឿប៉ុណ្ណោះ » [ ម៉ាកុស ៥:៣៦ ] ។ … ខ្ញុំប្រាប់ក្មេងប្រុសនេះថា ការជឿតែងតែជាជំហានទីមួយឆ្ពោះទៅកាន់ការជឿជាក់ ។… ហើយខ្ញុំប្រាប់គាត់ថា ខ្ញុំមានមោទនភាពយ៉ាងណាចំពោះគាត់ សម្រាប់ភាពស្មោះត្រង់នៃការស្វែងរករបស់គាត់ ។ ( ជែហ្វ្រី អ័រ ហូឡិន « Lord, I Believe » Liahona ខែ ឧសភា ឆ្នាំ ២០១៣ ទំព័រ ៩៤–៩៥ )