« ការរំឭកចំណេះចំណានខាងគោលលទ្ធិទី ១៤ ៖ ទន្ទេញសេចក្ដីយោង និងឃ្លាបទគម្ពីរគន្លឹះ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« ការរំឭកចំណេះចំណានខាងគោលលទ្ធិទី ១៤ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
ការរំឭកចំណេះចំណានខាងគោលលទ្ធិទី ១៤
ទន្ទេញសេចក្ដីយោង និងឃ្លាបទគម្ពីរគន្លឹះ
ការចងចាំសេចក្ដីយោងបទគម្ពីរ និងអ្វីដែលវាបានបង្រៀននៅក្នុងបទគម្ពីរនោះ អាចជួយដល់អ្នកបានតាមវិធីជាច្រើន ។ គោលបំណងនៃមេរៀននេះគឺដើម្បីជួយអ្នកឲ្យទន្ទេញសេចក្ដីយោងបទគម្ពីរជាច្រើន និងឃ្លាបទគម្ពីរគន្លឹះពីវគ្គបទគម្ពីរចំណេះចំណានខាងគោលលទ្ធិទាំង ១២ ចុងក្រោយក្នុងព្រះគម្ពីរមរមន ។
អត្ថប្រយោជន៍នៃការទន្ទេញបទគម្ពីរ
-
តើអ្នកនឹងនិយាយអ្វីទៅកាន់នរណាម្នាក់ដែលងឿងឆ្ងល់ថា ហេតុអ្វីវាជាការល្អដើម្បីទន្ទេញបទគម្ពីរ ?
សូមអាន អាលម៉ា ៣១:៥ ដោយរកមើលហេតុផលដែលនរណាម្នាក់អាចនឹងចង់ទន្ទេញបទគម្ពីរឲ្យចាំ ។
-
តើការទន្ទេញបទគម្ពីរអាចនឹងជួយឲ្យអ្នកប្រើចេស្ដារបស់ព្រះយ៉ាងដូចម្ដេចបាន ?
-
តើវគ្គបទគម្ពីរមួយណាដែលអ្នកបានទន្ទេញ ? តើអ្នកបានទទួលអត្ថប្រយោជន៍ពីការទន្ទេញវគ្គបទគម្ពីរយ៉ាងដូចម្ដេច ?
សូមពិនិត្យមើលឡើងវិញនូវសេចក្ដីយោងបទគម្ពីរវគ្គចំណេះចំណានខាងគោលលទ្ធិ និងឃ្លាបទគម្ពីរគន្លឹះដូចខាងក្រោម ។ សូមជ្រើសរើសយកបទគម្ពីរចំនួនបី ឬបួនដែលអ្នកចង់ទន្ទេញ ។
ចំណេះចំណានខាងគោលលទ្ធិនៃព្រះគម្ពីរមរមន ៖ អាលម៉ា–មរ៉ូណៃ
ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
|
សេចក្តីយោងបទគម្ពីរ |
ឃ្លាបទគម្ពីរគន្លឹះ |
|---|---|
សេចក្តីយោងបទគម្ពីរ | ឃ្លាបទគម្ពីរគន្លឹះ « ហើយទ្រង់នឹងយាងទៅដោយរងការឈឺចាប់ និងទុក្ខវេទនា និងការល្បួងគ្រប់បែបយ៉ាង » ។ |
សេចក្តីយោងបទគម្ពីរ | ឃ្លាបទគម្ពីរគន្លឹះ « ត្រូវតែមានដង្វាយធួនមួយកើតឡើង …ការបូជាមួយដ៏និរន្តរ៍ និងអស់កល្បជានិច្ច » ។ |
សេចក្តីយោងបទគម្ពីរ | ឃ្លាបទគម្ពីរគន្លឹះ « កុំទៅតាមសេចក្តីសម្រើបនៃភ្នែករបស់ខ្លួនឡើយ » ។ |
សេចក្តីយោងបទគម្ពីរ | ឃ្លាបទគម្ពីរគន្លឹះ « សេចក្ដីទុច្ចរិតពុំដែលជាសុភមង្គលឡើយ » ។ |
សេចក្តីយោងបទគម្ពីរ | ឃ្លាបទគម្ពីរគន្លឹះ « គឺនៅលើសិលានៃព្រះដ៏ប្រោសលោះនៃយើង…ដែលកូនត្រូវសង់គ្រឹះរបស់កូន » ។ |
សេចក្តីយោងបទគម្ពីរ | ឃ្លាបទគម្ពីរគន្លឹះ « យើងបានធ្វើការនេះ ដោយបានស៊ូទ្រាំតាមព្រះហឫទ័យនៃព្រះវរបិតាចំពោះគ្រប់ការណ៍ទាំងអស់ ចាប់តាំងពីដើមដំបូងមក »។ |
សេចក្តីយោងបទគម្ពីរ | ឃ្លាបទគម្ពីរគន្លឹះ « បានល្អឥតខ្ចោះដូចជាយើង ឬដូចជាព្រះវរបិតារបស់អ្នករាល់គ្នាដែលគង់នៅស្ថានសួគ៌ ទ្រង់ល្អឥតខ្ចោះដែរ » ។ |
សេចក្តីយោងបទគម្ពីរ | ឃ្លាបទគម្ពីរគន្លឹះ « ចូរមករកយើង ហើយទទួលបុណ្យជ្រមុជទឹក … ប្រយោជន៍ឲ្យអ្នករាល់គ្នា អាចបានញែកចេញបរិសុទ្ធ ដោយការទទួលនូវព្រះវិញ្ញាណបរិសុទ្ធ » ។ |
សេចក្តីយោងបទគម្ពីរ | ឃ្លាបទគម្ពីរគន្លឹះ « អ្នករាល់គ្នាពុំទទួលសាក្សីឡើយ លុះដល់ពេលក្រោយពីការសាកល្បងនៃសេចក្ដីជំនឿរបស់អ្នកសិន » ។ |
សេចក្តីយោងបទគម្ពីរ | ឃ្លាបទគម្ពីរគន្លឹះ « បើមនុស្សលោកមករកយើង … យើងនឹងធ្វើឲ្យអ្វីដែលទន់ខ្សោយក្លាយទៅជាខ្លាំងពូកែចំពោះពួកគេវិញ » ។ |
សេចក្តីយោងបទគម្ពីរ | ឃ្លាបទគម្ពីរគន្លឹះ « ប៉ុន្តែ សេចក្ដីសប្បុរស គឺជាសេចក្ដីស្រឡាញ់ដ៏សុទ្ធសាធនៃព្រះគ្រីស្ទ » ។ |
សេចក្តីយោងបទគម្ពីរ | ឃ្លាបទគម្ពីរគន្លឹះ « សូមសួរដល់ព្រះជាព្រះវរបិតាដ៏គង់នៅអស់កល្បជានិច្ចដោយនូវព្រះនាមនៃព្រះគ្រីស្ទ … [ និង ] ដោយព្រះចេស្ដានៃព្រះវិញ្ញាណបរិសុទ្ធ នោះអ្នករាល់គ្នាអាចស្គាល់សេចក្ដីពិតនៃគ្រប់ការណ៍ទាំងអស់ » ។ |
© ឆ្នាំ ២០២៣ by Intellectual Reserve, Inc. All rights reserved.
សូមអនុវត្តការទន្ទេញសេចក្តីយោងបទគម្ពីរ និងឃ្លាបទគម្ពីរគន្លឹះដែលអ្នកបានជ្រើសរើស ។ អ្នកអាចនឹងប្រើលំហាត់មួយចំនួន ឬទាំងអស់ខាងក្រោមនេះ ៖
-
បើមាន សូមប្រើមុខងារកាតបង្ហាញអក្សរនៅលើកម្មវិធីចំណេះចំណានខាងគោលលទ្ធិ ។
-
សូមសរសេរសេចក្តីយោងបទគម្ពីរ និងឃ្លាបទគម្ពីរគន្លឹះមួយចំនួន ដោយលុបចេញតែពាក្យពីរបីម៉ាត់ចោល ។ សូមរៀនថាឃ្លាបទគម្ពីរគន្លឹះនេះឡើងវិញដោយបំពេញពាក្យដែលបាត់នោះ ។
-
សូមសរសេរតួអក្សរដំបូងៗសម្រាប់ពាក្យនីមួយៗនៃសេចក្ដីយោងបទគម្ពីរ និងឃ្លាបទគម្ពីរគន្លឹះ ។ សូមធ្វើដូច្នេះសម្រាប់វគ្គបទគម្ពីរនីមួយៗដែលអ្នកចង់ទន្ទេញ ។ សូមអនុវត្តការទន្ទេញសេចក្ដីយោងបទគម្ពីរ និងឃ្លាបទគម្ពីរគន្លឹះដោយការប្រើតួអក្សរដំបូងៗ ។
-
សូមសរសេរចូលសេចក្តីយោង និងឃ្លាបទគម្ពីរគន្លឹះ ។ ច្របល់ពាក្យ និងលេខចូលគ្នាដោយការកាត់ក្រដាសទៅជាពាក្យដាច់ដោយឡែកៗពីគ្នា ។ លាយពាក្យ និងលេខបញ្ចូលគ្នា រួចហើយដាក់វាមកវិញតាមលំដាប់លំដោយត្រឹមត្រូវ ។
-
សូមជ្រើសរើសយកវគ្គបទគម្ពីរចំណេះចំណានខាងគោលលទ្ធិឲ្យបានយ៉ាងតិចមួយ ហើយពិនិត្យមើលថា អ្នកពិតជាអាចទន្ទេញវគ្គទាំងស្រុងបានឬអត់ ។ សូមពិចារណាប្រើមុខងារនៅក្នុងកម្មវិធីចំណេះចំណានខាងគោលលទ្ធិ ឬវិធីសាស្រ្តមួយទៀតក្នុងចំណោមវិធីសាស្រ្តផ្សេងទៀតដែលបានរាយខាងលើ ដើម្បីជួយឲ្យអ្នកទន្ទេញចាំបាន ។
-
សូមឆ្លើយសំណួរខាងក្រោមនេះ ៖
-
តើវគ្គបទគម្ពីរអ្វីខ្លះដែលអ្នកបានទន្ទេញ ?
-
តើហេតុអ្វីបានជាការទន្ទេញឃ្លាបទគម្ពីរមានសារៈសំខាន់ ?
-
តើអ្នកគិតថា ការទន្ទេញបទគម្ពីរអាចជួយធ្វើឲ្យអ្នកក្លាយទៅជាអ្នកដើរតាមព្រះយេស៊ូវគ្រីស្ទដោយរបៀបណា ?
-