3 Нифай 8–10

Харанхуй дахь Аврагчийн дуу хоолой

Есүс Христийг загалмайд цовдлогдсоны дараах гурван өдрийн харанхуйгаас хойш анх удаа нарыг мэдэрч буй хараагүй охинтой нэгэн гэр бүл

Америкт болсон асар их сүйрэл, харанхуй нь Аврагчийн цовдлолтыг цохон тэмдэглэсэн. Гүн харанхуй нүргэлсэн гурван өдрийн үеэр Есүс Христ хүмүүст хандан ярьжээ. Тэр үед ч, одоо ч байгалийн гамшиг, зовлон зүдгүүр, сорилт бэрхшээл нь Есүс Христийн талаар суралцаж, Түүнд хандах боломж болсоор ирсэн. Энэ хичээлээр Есүс Христийг илүү их хайрлаж, Түүнд итгэх итгэлийг мэдрэхэд туслах Түүний шинж чанаруудыг тодорхойлно.

“Их шуурга”

хээр талыг туулан явж буй хар салхи

аянга цахилгаантай шуурга

далайн шуурга бороо, салхи нэгэн сууринг цохив

Газар хөдлөлт, далайн шуурга, хар салхи зэрэг хүчтэй шуурга, байгалийн гамшиг тохиолдож байсан цаг үеийнхээ талаар бодож үз. Ийм зүйлсийг туулах нь ямар байдаг вэ?

Есүс Христийг Иерусалимд цовдлогдох үед Америк тивд болсон аймшигт шуурга, газар хөдлөлт асар их сүйрэлд хүргэсэн. Эдгээр үйл явдал нь Аврагчийн үхлийн тэмдгүүдийн талаарх лемен үндэстэн Самуелын бошиглолуудыг гүйцэлдүүлсэн (Хиламан 14:20–27-г үзнэ үү).

Эдгээр гамшигт үйл явдлын талаарх илүү ихийг сурч мэдэхийг хүсвэл 3 Нифай 8:5–22-ыг уншина уу. Та мөн “Jesus Christ Appears in the Ancient Americas (Есүс Христ Эртний Америкт үзэгдэв)” видеог цагийн код 0:00–3:19 хүртэл үзэж болно. Энэ видеог ChurchofJesusChrist.org вебсайтаас үзэх боломжтой.

• Хэрэв та нар ийм зүйлтэй тулгарсан бол юу бодож, мэдрэх байсан бэ?

Энэ сүйрлийн өмнөх жилүүдэд нифайчуудын ихэнх нь Их Эзэнээс эргэж, Бурханы тэдэнд номлохоор илгээсэн бошиглогчдыг хөөн зайлуулсан байв (3 Нифай 7:7–8, 14, 21-ийг үзнэ үү).

3 Нифай 8:23–25-ыг уншиж, эдгээр гамшигт үйл явдалтай тулгарсны дараа амьд үлдэгсэд ямар хариу үйлдэл үзүүлснийг олж мэд.

• Та тэдний юу мэдэрч байсныг хэрхэн дүрслэх вэ?

Есүс Христийн талаарх үнэнүүд

Хүмүүс харанхуйд гашуудаж байх үедээ Есүс Христийн тэдэнтэй ярьж буй дуу хоолойг сонсов. Тэрээр олон хотыг нэрлэж, тэр хотууд болон хүмүүс ёс бус байдлаасаа болж сүйрсэн гэж тайлбарлав. Үүний дараа Тэрээр хүмүүст Өөрийнхөө тухай олон ач холбогдолтой үнэнийг заасан.

Эдгээр үнэнийг цэгцлэхийн тулд судлах тэмдэглэлдээ: Есүс Христийн тухай 3 Нифайгаас суралцах нь гэсэн гарчиг үүсгэ. Та дараагийн хэдэн долоо хоногт нифайчуудын дундах Аврагчийн үйлчлэлийг судлах явцдаа олж мэдсэн үнэнээ энэ жагсаалтад нэмж оруулахын тулд судлах тэмдэглэлдээ хэд хэдэн хуудас хадгалж болно.

3 Нифай 9:13–22, 10:4–12-ыг уншаад, Есүс Христ Өөрийнхөө талаар энэ хүмүүст юу заасныг олж мэд. Эдгээр үнэнийг судлах тэмдэглэлийнхээ гарчгийн доор бич.

1. 3 Нифай 9–10-ыг судлах явцдаа Есүс Христийн талаар олж мэдсэн үнэнүүдээ жагсаан бич. Дараа нь дараах асуултуудын дор хаяж хоёрт нь хариул:

• Аврагч Өөрийнхөө талаар таны хувьд онцгой ач холбогдолтой юу заасан бэ? Яагаад?

• Таны Есүс Христийн талаар олж мэдсэн үнэнүүд Түүнийг хайрлах, итгэх итгэлд тань хэрхэн нөлөөлж чадах вэ?

• Та эдгээр үнэний нэг юм уу хэд хэдэн зүйлийг санах нь чухал болох ямар нөхцөл байдалд орж байсан эсвэл орж магадгүй вэ?

Нэмэлт: Илүү дэлгэрэнгүй мэдээлэл авахыг хүсэж байна уу?

Намайг том алдаа хийсэн үед Есүс Христ үнэхээр уучлах болов уу?

Арван хоёр төлөөлөгчийн чуулгын ерөнхийлөгч Боид К.Пакэр (1924–2015) ийн цохон тэмдэглэсэн:

Ерөнхийлөгч Боид К.Пакэр

Эмгэнэлтэй алдаа гаргасан хүмүүсээс олон захиа ирдэг. Тэд “Би ер нь уучлагдаж чадах болов уу?” хэмээн асуудаг.

Хариулт нь Тийм ээ, та чадна!гэсэн үг юм.

Сайн мэдээ бидэнд гэм буруугийн төлөө шаналах зовлон шаналлаас гарах арга зам нь наманчлал гэдгийг заадаг. Бүрэн дүүрэн мэдлэгтэй атлаа мөхлийн замыг сонгосон цөөхөн хэдэн хүнээс бусдад тэдний их бага ямар ч зуршил, донтолт, эсэргүүцэл, зөрчилдөөн, доромжлол бүрэн уучлагдах болно гэсэн амлалт байдаг. (Boyd K. Packer, “The Brilliant Morning of Forgiveness,” Ensign, Nov. 1995, 19)

Арван хоёр төлөөлөгчийн чуулгын ахлагч Жэффри Р.Холланд ийн заасан.

Ахлагч Жэффри Р.Холланд

Бурхан таны хаана байсанд таны хаана байгаа мөн Түүний тусламжтайгаар хаашаа явахад бэлэн байгаад санаа тавьдаг шиг төдийлөн санаа тавьдаггүй. (Jeffrey R. Holland, “The Best Is Yet to Be,” [Brigham Young University devotional, Jan. 13, 2009], 27, speeches.byu.edu)

3 Нифай 9:20 “Харууссан зүрх, гэмшсэн сэтгэлтэй” байх гэдэг нь юу гэсэн утгатай вэ?

Ерөнхийлөгч Эзра Тафт Бэнсон (1899–1994) харууссан зүрх, гэмшсэн сэтгэлийн талаар дараах зүйлийг ийн заасан:

Ерөнхийлөгч Эзра Тафт Бэнсон

Жинхэнэ наманчлал нь зан чанарын өөрчлөлтөөс гадна зүрх сэтгэлийн өөрчлөлтийг шаарддаг (Алма 5:13-ыг үзнэ үү). Энэхүү хүчтэй зүрх сэтгэлийн өөрчлөлтийн нэг хэсэг нь гэм нүглийнхээ төлөө бурханлаг харууслыг мэдрэх явдал юм. Энэ бол харууссан зүрх, гэмшсэн сэтгэл гэдгээр илэрхийлдэг зүйл юм. Хэрэв бид Бурханд хандвал нүгэл, сул дорой байдал бүрийг даван туулахад Түүний бэлгүүд хангалттай. Наманчлал нь ихэнхдээ маш их сэтгэл хөдөлгөсөн, эрс шийдэмгий өөрчлөлтөөр бус харин бурханлаг байдал руу алхам алхмаар, тууштай, байнга хичээснээр явагддаг. (Teachings of Ezra Taft Benson [1988], 71.)

Далын ахлагч Брүс Д.Портэр ийнхүү тайлбарласан:

Ахлагч Брүс Д.Портэр

Аврагчийн Мөнхийн Эцэгт төгс захирагдсан байдал нь харууссан зүрх, гэмшсэн сэтгэлийн жинхэнэ мөн чанар юм. Христийн үлгэр жишээ бидэнд харууссан зүрх нь бурханлаг байдлын мөнхийн шинж чанар гэдгийг заадаг. Бид зүрх сэтгэлдээ харууссан үедээ Бурханы Сүнсэнд бүрэн нээгдэж, байгаа бүхнийхээ төлөө, бид ямар байгаагийнхаа төлөө бүх зүйл дээр Түүнээс хамааралтай гэдгийг ойлгодог. Ийм золиослол нь бардам зангийн бүхий л хэлбэрийг золиослоход хүргэдэг. Чадварлаг ваарчны гарт буй зөөлөн шавартай адилаар харууссан зүрхтэй хүмүүс Их Эзэний мутраар хэвэнд орж, хэлбэр дүрстэй болж чадна. …

 … Харууссан зүрх, гэмшсэн сэтгэлтэй хүмүүс Бурханы өөрсдөөс нь хүсэх бүх зүйлийг, юуг ч эсэргүүцэлгүй дуртайяа хийхэд бэлэн байдаг. Бид ямарваа зүйлийг өөрсдийн арга замаар хийхээ больж, оронд нь Бурханы арга замаар хийхэд суралцдаг. (Bruce D. Porter, “A Broken Heart and a Contrite Spirit,” Liahona, Nov. 2007, 32)