ការទទួលបានចំណេះដឹងខាងវិញ្ញាណ ភាគ ១ ៖ ធ្វើសកម្មភាពដោយសេចក្ដីជំនឿ ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« ការទទួលបានចំណេះដឹងខាងវិញ្ញាណ ភាគ ១ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
ឯកសារណែនាំ
ការទទួលបានចំណេះដឹងខាងវិញ្ញាណ ភាគ ១
ធ្វើសកម្មភាពដោយសេចក្ដីជំនឿ
គោលបំណងមួយនៃចំណេះចំណានខាងគោលលទ្ធិ គឺរៀនអនុវត្តតាមគោលការណ៍នៃការទទួលបានចំណេះដឹងខាងវិញ្ញាណដើម្បីជួយអ្នកស្ថាបនាគ្រឹះរបស់អ្នកនៅលើព្រះយេស៊ូវគ្រីស្ទ ។ មេរៀននេះអាចជួយអ្នកធ្វើសកម្មភាពដោយសេចក្តីជំនឿលើព្រះយេស៊ូវគ្រីស្ទ កាលអ្នកស្វែងរកចម្លើយចំពោះសំណួរ និងកង្វល់នានានៅក្នុងជីវិតរបស់អ្នក ។
ការបង្រៀនសិស្សពីគោលការណ៍នៃការទទួលបានចំណេះដឹងខាងវិញ្ញាណ ។នៅពេលសិស្សដឹង និងអនុវត្តតាមគោលការណ៍នៃការទទួលបានចំណេះដឹងខាងវិញ្ញាណ នោះពួកគេអាចសម្រេចបានកាន់តែប្រសើរនូវគោលបំណងនៃការស្ទាត់ជំនាញខាងគោលលទ្ធិ ។ ត្រូវប្រាកដថាពិនិត្យមើលគោលការណ៍ទាំងនេះជាទៀងទាត់នៅក្នុងថ្នាក់ ហើយជួយសិស្សឲ្យយល់ពីគោលការណ៍ទាំងនេះ ។ សិស្សនឹងមានឱកាសដើម្បីអនុវត្តតាមគោលការណ៍ទាំងនេះនៅក្នុងមេរៀនចំណេះចំណានខាងគោលលទ្ធិ ។
ការរៀបចំសិស្ស ៖ សូមអញ្ជើញសិស្សឲ្យសួរសមាជិកគ្រួសារ ឬថ្នាក់ដឹកនាំសាសនាចក្រ ដែលបង្ហាញសេចក្តីជំនឿដ៏អស្ចារ្យលើព្រះយេស៊ូវគ្រីស្ទ នូវអ្វីដែលគាត់ធ្វើដើម្បីរក្សាភាពរឹងមាំ នៅពេលប្រឈមមុខនឹងសំណួរ ឬកង្វល់អំពីដំណឹងល្អ ។
សកម្មភាពរៀនសូត្រដែលអាចមាន
ចំណាំ ៖ វាប្រហែលជាល្អបំផុតដើម្បីបង្រៀនមេរៀននេះនៅដើមឆ្នាំសិក្សា ឬនៅពេលណាដែលសិស្សត្រូវបានណែនាំជាលើកដំបូងអំពីគោលការណ៍នៃការទទួលបានចំណេះដឹងខាងវិញ្ញាណ ។
តើសំណួរនេះល្អ ឬអាក្រក់ ?
សូមគិតអំពីចម្លើយខាងក្រោមមួយណាដែលអនុវត្តចំពោះសំណួរនេះ ៖
-
តើមូលហេតុខាងក្រោមមួយណាដែលអាចមាននរណាម្នាក់អាចមានសំណួរអំពីដំណឹងល្អ ឬសាសនាចក្រនៃព្រះយេស៊ូវគ្រីស្ទ ?
សូមពិចារណាអានជម្រើសខាងក្រោមដល់សិស្ស ។ សូមផ្អាកបន្តិចបន្ទាប់ពីជម្រើសនីមួយៗ ដើម្បីសួរសិស្សមួយចំនួនថា ហេតុអ្វីពួកគេជឿថាវាអាចត្រឹមត្រូវ ឬមិនត្រឹមត្រូវ ។ សូមជួយសិស្សឲ្យយល់ថា ជម្រើសណាមួយនៃជម្រើសទាំងនេះអាចត្រឹមត្រូវ ឬមិនត្រឹមត្រូវ អាស្រ័យលើបំណងប្រាថ្នា និងជម្រើសរបស់បុគ្គលម្នាក់ ។
-
ពួកគេមិនទាន់មានទីបន្ទាល់អំពីដំណឹងល្អនៅឡើយទេ ។
-
ពួកគេយកចិត្តទុកដាក់អំពីដំណឹងល្អគ្រប់គ្រាន់ល្មមដើម្បីចង់យល់បន្ថែមទៀត ។
-
ពួកគេសង្ស័យលើជំនឿដែលពួកគេធ្លាប់មាន ។
-
ព្រះប្រហែលជាបំផុសគំនិតពួកគេឲ្យគិតអំពីអ្វីមួយដែលទ្រង់ចង់បង្រៀនពួកគេ ។
ចម្លើយគឺអាស្រ័យទៅលើអាកប្បកិរិយា និងហេតុផលរបស់បុគ្គលម្នាក់ៗក្នុងការសួរសំណួរ ។ សូមអាន កថាខណ្ឌទី ៣ នៃផ្នែក « ការទទួលបានចំណេះដឹងខាងវិញ្ញាណ » នៃ ឯកសារគោលនៃចំណេះចំណានខាងគោលលទ្ធិ ( ឆ្នាំ ២០២២ ) ដោយរកមើលពីរបៀបដែលវិធីសាស្រ្តរបស់យើងចំពោះសំណួរនៃដំណឹងល្អអាចពង្រឹង ឬធ្វើឲ្យជំនឿរបស់យើងលើព្រះយេស៊ូវគ្រីស្ទទន់ខ្សោយ ។
-
-
តើអ្នកចាប់អារម្មណ៍អ្វីខ្លះនៅក្នុងកថាខណ្ឌនេះ ? ហេតុអ្វី ?
សូមពិចារណាអញ្ជើញសិស្សឲ្យសញ្ជឹងគិតអំពីរបៀបដែលសំណួរ ឬកង្វល់នានាបានជះឥទ្ធិពលដល់ការរីកចម្រើនខាងវិញ្ញាណរបស់ពួកគេផ្ទាល់ ។ កថាខណ្ឌខាងក្រោមអាចជួយក្នុងការណ៍នេះបាន ។
មនុស្សគ្រប់រូបមានសំណួរ និងកង្វល់ ។ យើងគួរតែប្រុងប្រយ័ត្នកុំវិនិច្ឆ័យសេចក្តីជំនឿរបស់អ្នកដទៃនៅពេលពួកគេមានសំណួរ ហើយយើងមិនចាំបាច់សង្ស័យអំពីជំនឿរបស់យើងនៅពេលយើងមានសំណួរនោះទេ ។ សេចក្តីជំនឿរបស់យើងលើព្រះយេស៊ូវគ្រីស្ទ និងទីបន្ទាល់របស់យើងអំពីដំណឹងល្អដែលបានស្ដារឡើងវិញ អាចនឹងត្រូវបានពង្រឹង ឬទន់ខ្សោយ អាស្រ័យលើរបៀបដែលយើងលើកសំណួរ និងកង្វល់របស់យើងឡើង ។ កាលអ្នកសិក្សាថ្ងៃនេះ សូមគិតអំពីតួនាទីដែលសំណួររបស់អ្នកមានចំណែកនៅក្នុងការរីកចម្រើនខាងវិញ្ញាណរបស់អ្នក ។ តើអ្នកមានសំណួរអ្វីខ្លះអំពីដំណឹងល្អ ឬសាសនាចក្រនៃព្រះយេស៊ូវគ្រីស្ទ ? តើអ្នកមានអារម្មណ៍ថាសំណួររបស់អ្នកកំពុងនាំអ្នកឲ្យខិតទៅជិតព្រះអង្គសង្គ្រោះ និងសាសនាចក្ររបស់ទ្រង់ដែរឬទេ ?
ការទទួលបានចំណេះដឹងខាងវិញ្ញាណ
តាមរយៈបទពិសោធន៍របស់អ្នកនៅក្នុងថ្នាក់សិក្ខាសាលា អ្នកនឹងមានឱកាសអនុវត្តប្រើប្រាស់គោលការណ៍នៃការទទួលបានចំណេះដឹងខាងវិញ្ញាណ ។ គោលការណ៍ទាំងបីខាងក្រោមអាចជួយអ្នកឲ្យខិតកាន់តែជិតព្រះយេស៊ូវគ្រីស្ទ នៅពេលមានសំណួរ ឬកង្វល់កើតឡើងក្នុងជីវិតរបស់អ្នក ៖
-
ធ្វើសកម្មភាពដោយសេចក្ដីជំនឿ ។
-
ពិនិត្យមើលគោលគំនិត និងសំណួរទាំងឡាយដោយទស្សនវិស័យដ៏នៅអស់កល្បជានិច្ច ។
-
ព្យាយាមយល់ដឹងបន្ថែម តាមរយៈប្រភពដែលបានតែងតាំងដោយទេវភាព ។
ប្រសិនបើសិស្សមួយចំនួននៅក្នុងថ្នាក់ធ្លាប់សិក្សាថ្នាក់សិក្ខាសាលាពីមុនមក សូមពិចារណាសួរពួកគេអំពីអ្វីដែលពួកគេដឹងរួចហើយអំពីគោលការណ៍ទាំងបីនេះ ។ ការណ៍នេះអាចផ្តល់ឲ្យសិស្សនូវទិដ្ឋភាពទូទៅសង្ខេបៗអំពីគោលការណ៍ និងអាចបង្ហាញពីកម្រិតការយល់ដឹងបច្ចុប្បន្នរបស់សិស្ស ។
ផ្នែកដែលនៅសល់នៃមេរៀននេះនឹងផ្តោតលើគោលការណ៍នៃការធ្វើសកម្មភាពដោយសេចក្តីជំនឿលើព្រះយេស៊ូវគ្រីស្ទ ។
សូមអាន កថាខណ្ឌទី ៥–៧ នៃផ្នែក « ការទទួលបានចំណេះដឹងខាងវិញ្ញាណ » នៃ ឯកសារគោលនៃចំណេះចំណានខាងគោលលទ្ធិ រកមើលនូវរបៀបជាច្រើនដែលអ្នកអាចបញ្ចប់ប្រយោគខាងក្រោម ។
សូមពិចារណាសរសេរប្រយោគមិនពេញលេញខាងក្រោមនៅលើក្តារខៀន ។
នៅពេលមានសំណួរ ឬកង្វល់កើតឡើង យើងអាចធ្វើសកម្មភាពដោយសេចក្តីជំនឿលើព្រះយេស៊ូវគ្រីស្ទដោយ… ។
សូមអញ្ជើញសិស្សបីបួននាក់ឲ្យឡើងមកមុខក្ដារខៀន ហើយបំពេញសេចក្ដីថ្លែងការណ៍នេះ ។ សូមពិចារណាសួរសំណួរតាមដាន ដើម្បីជួយសិស្សកំណត់នូវអ្វីដែលពួកគេបានរកឃើញផ្ទាល់ខ្លួន ។ ឧទាហរណ៍ ៖
ប្រសិនបើសិស្សសរសេរថា « បន្តរក្សាបទបញ្ញត្តិ » ( សូមមើល កថាខណ្ឌទី ៥ ) នោះសំណួរតាមដានអាចជា « តើអ្នកគិតថា ការរក្សាបទបញ្ញត្តិអាចជួយអ្នកឲ្យនៅជិតព្រះយេស៊ូវគ្រីស្ទ កាលអ្នកប្រឈមមុខនឹងបញ្ហាលំបាកដោយរបៀបណា ? តើមានអ្នកណាខ្លះចង់ចែកចាយបទពិសោធន៍ដែលអ្នកធ្លាប់មានជាមួយរឿងនោះទេ ? »
ប្រសិនបើសិស្សសរសេរថា « កាន់តាមអ្វីដែលយើងដឹងរួចហើយថាជាការពិត » ( សូមមើល កថាខណ្ឌទី ៦ ) សំណួរតាមដានអាចជា « ចំណាយពេលមួយនាទីដើម្បីសញ្ជឹងគិតអំពីអ្វីដែលអ្នកដឹងថាជាការពិត ដែលអ្នកអាចបន្តនៅពេលមានសំណួរកើតឡើង ។ តើអ្នកដឹងថាអ្វីៗទាំងនោះពិតដោយរបៀបណា ? »
ប្រសិនបើសិស្សសរសេរថា « ទុកចិត្តលើព្រះរហូតបានទទួលចម្លើយ » ( សូមមើល កថាខណ្ឌទី ៧ ) សំណួរតាមដានអាចជា « តើអ្នកដឹងអ្វីខ្លះអំពីព្រះ ដែលជួយអ្នកទុកចិត្តលើទ្រង់ ខណៈដែលអ្នករង់ចាំចម្លើយ ? ហេតុអ្វីបានជាព្រះអាចជ្រើសរើសនៅពេលខ្លះមិនប្រទានចម្លើយពេញលេញដល់យើងភ្លាមៗ ? »
-
តើវិធីមួយណាដែលអ្នកបានជ្រើសរើសដែលអ្នកគិតថាអនុវត្តបានល្អបំផុតសម្រាប់យុវវ័យនាពេលបច្ចុប្បន្ននេះ ឬសូម្បីតែជីវិតរបស់អ្នក ? ហេតុអ្វី ?
-
តើការជ្រើសរើសធ្វើសកម្មភាពដោយសេចក្ដីជំនឿតាមរបៀបនេះអាចជះឥទ្ធិពលដល់ទំនាក់ទំនងរបស់បុគ្គលម្នាក់ជាមួយព្រះអង្គសង្គ្រោះយ៉ាងដូចម្ដេច ?
-
តើអ្នកស្គាល់នរណាខ្លះដែលបានធ្វើសកម្មភាពដោយសេចក្ដីជំនឿ ពេលដោះស្រាយសំណួរ ឬកង្វល់ ? តើគាត់បានធ្វើអ្វីខ្លះ ?
សូមពិចារណាបង្ហាញសិស្សនូវវីដេអូ « Act in Faith: The Stonemason » ( ៤:៥៧ ) ដែលមាននៅលើគេហទំព័រ ChurchofJesusChrist.org ។ ប្រសិនបើបានបង្ហាញវីដេអូហើយ សូមអញ្ជើញសិស្សឲ្យស្វែងយល់ ហើយចែកចាយនៅលើក្ដារខៀនពីរបៀបដែលយុវជនក្នុងវីដេអូបង្ហាញការពិត ។ ក្នុងការស្វែងយល់ថា តើត្រូវបង្ហាញវីដេអូដែរឬអត់ សូមប្រាកដថាទុកពេលសម្រាប់ធ្វើសកម្មភាពស្វែងរកបទគម្ពីរដែលមានបន្ទាប់ទៀត ។
ប្រសិនបើបានបង្ហាញវីដេអូហើយ សូមពិចារណាអញ្ជើញសិស្សឲ្យស្វែងយល់ និងចែកចាយពីរបៀបដែលយុវវ័យនៅក្នុងវីដេអូនេះបង្ហាញសេចក្តីពិតនៅលើក្តារខៀន ។
សូមពិចារណាបង្ហាញវីដេអូ « Act in Faith: The Stonemason » ( ៤:៥៧ ) ដែលមាននៅលើគេហទំព័រ ChurchofJesusChrist.org ។ សូមរកមើលពីរបៀបដែលយុវវ័យនៅក្នុងវីដេអូនេះធ្វើសកម្មភាពដោយសេចក្តីជំនឿលើព្រះអង្គសង្គ្រោះ នៅពេលពួកគេប្រឈមមុខនឹងសំណួរ និងកង្វល់សំខាន់ៗ ។
គំរូខាងវិញ្ញាណ
សូមពិចារណារួមបញ្ចូលការផ្តល់យោបល់ « សកម្មភាពរៀនសូត្របន្ថែម » ជាមួយនឹងសកម្មភាពខាងក្រោមនេះ ដើម្បីជួយសិស្សមើលពីរបៀបដែលអាកប្បកិរិយា និងជម្រើសអាចនានានាំទៅរកការបង្កើន ឬបន្ថយសេចក្ដីជំនឿលើព្រះយេស៊ូវគ្រីស្ទ ។
ព្រះគម្ពីរមានដំណើររឿងជាច្រើនអំពីអ្នកដែលប្រឈមមុខនឹងសំណួរ ឬកង្វល់ពិបាកដោយមានសេចក្តីជំនឿលើព្រះយេស៊ូវគ្រីស្ទ ។ ម្នាក់ក្នុងចំណោមអ្នកទាំងនេះគឺព្យាការីនីហ្វៃ ។ សូមអានឧទាហរណ៍ខាងក្រោមចេញពីជីវិតរបស់នីហ្វៃ ដោយរកមើលពីរបៀបដែលលោកធ្វើសកម្មភាពដោយជំនឿលើព្រះយេស៊ូវគ្រីស្ទ នៅពេលប្រឈមមុខនឹងសំណួរ និងបញ្ហាផ្សេងៗទៀត ។
-
នីហ្វៃទី១ ២:១៦—មនុស្សជាទីស្រឡាញ់របស់លោកមួយចំនួនខឹងនឹងអ្វីដែលឪពុករបស់លោកដែលជាព្យាការីលីហៃបានសុំពួកគេឲ្យធ្វើ ។
-
នីហ្វៃទី១ ៣:៧– លោកត្រូវបានសុំឲ្យធ្វើអ្វីមួយដែលពិបាក ។
-
នីហ្វៃទី ១ ៩:៥–៦—ព្រះអម្ចាស់បានបង្គាប់លោកឲ្យធ្វើអ្វីមួយ ដោយលោកមិនយល់ពីមូលហេតុនៃការបង្គាប់នោះឡើយ ។
-
នីហ្វៃទី១ ១០:១៧; ១១:១–៥—លោកចង់បានសាក្សីផ្ទាល់ខ្លួនអំពីអ្វីដែលឪពុកលោកដែលជាព្យាការីបានបង្រៀន ។
-
នីហ្វៃទី១ ១១:១៧—លោកមិនបានដឹងច្បាស់អំពីចម្លើយចំពោះសំណួរដែលលោកត្រូវបានសួរអំពីដំណឹងល្អនោះទេ ។
-
តើចំណុចមួយណានៃការធ្វើសកម្មភាពដោយសេចក្ដីជំនឿ ដែលនីហ្វៃបានធ្វើជាគំរូល្អបំផុត ?
សូមពិចារណាអញ្ជើញសិស្សឲ្យចែកចាយរឿងខាងក្រោមជាក្រុមតូចៗ ដើម្បីឲ្យសិស្សកាន់តែច្រើននឹងមានឱកាសចែកចាយ ។
សូមពិពណ៌នាអំពីសំណួរសម័យទំនើប ឬកង្វល់ដែលអាចជះឥទ្ធិពលដល់សេចក្តីជំនឿរបស់បុគ្គលម្នាក់លើព្រះយេស៊ូវគ្រីស្ទ ឬសាសនាចក្ររបស់ទ្រង់ ។ តើមនុស្សម្នាក់អាចធ្វើសកម្មភាពដោយសេចក្ដីជំនឿយ៉ាងដូចម្ដេច ពេលជួបនឹងសំណួរ ឬបញ្ហានោះ ?
-
តើការជ្រើសរើសធ្វើសកម្មភាពដោយសេចក្ដីជំនឿ ឬមិនធ្វើសកម្មភាពដោយសេចក្ដីជំនឿអាចជះឥទ្ធិពលដល់ទំនាក់ទំនងរបស់លោកជាមួយព្រះអង្គសង្គ្រោះយ៉ាងដូចម្ដេច ?
-
តើអ្នកចង់អនុវត្តអ្វីខ្លះក្នុងជីវិតរបស់អ្នកពីអ្វីដែលអ្នកបានសិក្សាថ្ងៃនេះ ? តើការណ៍នេះជួយអ្នកនៅក្នុងជីវិតរបស់អ្នកដោយរបៀបណា ?