Mga Panimulang Materyal

Pagtatamo ng Espirituwal na Kaalaman, Bahagi 1

Kumilos nang may Pananampalataya

Mga dalagita na nagbabasa at nag-aaral

Ang isa sa mga layunin ng doctrinal mastery ay matutuhan at maisabuhay ang mga alituntunin ng pagtatamo ng espirituwal na kaalaman upang itayo ang iyong saligan kay Jesucristo. Ang lesson na ito ay makatutulong sa iyo na kumilos nang may pananampalataya kay Jesucristo habang naghahanap ka ng mga sagot sa mga tanong at alalahanin sa iyong buhay.

Pagtuturo sa mga estudyante ng mga alituntunin ng pagtatamo ng espirituwal na kaalaman. Kapag nalaman at isinabuhay ng mga estudyante ang mga alituntunin ng pagtatamo ng espirituwal na kaalaman, mas mahusay nilang maisasakatuparan ang mga layunin ng doctrinal mastery. Tiyaking regular na rebyuhin ang mga alituntuning ito sa klase at tulungan ang mga estudyante na maunawaan ang mga ito. Ang mga estudyante ay magkakaroon ng mga pagkakataon na maisabuhay ang mga alituntuning ito sa mga doctrinal mastery lesson.

icon, tagubilin sa pagtuturo

Paghahanda ng estudyante: Sabihin sa mga estudyante na itanong sa isang kapamilya o lider ng Simbahan na nagpapakita ng malaking pananampalataya kay Jesucristo kung ano ang ginagawa niya upang manatiling matatag kapag may mga kinakaharap na tanong o alalahanin tungkol sa ebanghelyo.

Mga Posibleng Aktibidad sa Pag-aaral

icon, tagubilin sa pagtuturo

Paalala: Makabubuting ituro ang lesson na ito sa simula ng school year o sa tuwing unang ituturo sa mga estudyante ang mga alituntunin ng pagtatamo ng espirituwal na kaalaman.

Mabuti o masama ba ang mga tanong?

Isipin kung alin sa mga sumusunod na sagot ang naaangkop sa tanong na ito:

• Alin sa mga sumusunod ang mga posibleng dahilan kung bakit may mga tanong ang isang tao tungkol sa ebanghelyo o sa Simbahan ni Jesucristo?

  icon, tagubilin sa pagtuturo

  Maaari mong basahin ang mga sumusunod na opsiyon sa mga estudyante. Huminto pagkatapos ng bawat opsiyon upang itanong sa ilang estudyante kung bakit sa palagay nila ay maaaring tama o hindi tama ito. Tulungan ang mga estudyante na maunawaan na maaaring tama o hindi tama ang alinman sa mga opsiyon na ito depende sa mga hangarin at pagpili ng isang tao.

  1. Wala pa silang patotoo tungkol sa ebanghelyo.

  2. Gusto nila ang ebanghelyo at nais nilang maunawaan pa ito.

  3. Nag-aalinlangan sila sa pananampalataya na mayroon sila noon.

  4. Maaaring bigyang-inspirasyon sila ng Diyos na mag-isip ng isang bagay na nais Niyang ituro sa kanila.

     Ang sagot ay depende sa pag-uugali at mga dahilan ng bawat tao sa pagtatanong. Basahin ang talata 3 ng bahaging “Pagtatamo ng Espirituwal na Kaalaman” ng Doctrinal Mastery Core Document (2022), at alamin kung paano mapalalakas o mapahihina ng ating pagharap sa mga tanong tungkol sa ebanghelyo ang ating pananampalataya kay Jesucristo.

• Ano ang pinakamahalaga para sa iyo sa talatang ito? Bakit?

icon, tagubilin sa pagtuturo

Maaari mong sabihin sa mga estudyante na pagnilayan kung paano nakaapekto ang mga tanong o alalahanin sa kanilang sariling espirituwal na pag-unlad. Ang sumusunod na talata ay makatutulong dito.

Lahat ay may mga tanong at alalahanin. Dapat tayong mag-ingat na huwag husgahan ang pananampalataya ng iba kapag may mga tanong sila, at hindi natin kailangang pagdudahan ang ating sariling pananampalataya kapag may mga tanong tayo. Ang ating pananampalataya kay Jesucristo at ang ating patotoo tungkol sa ipinanumbalik na ebanghelyo ay mapalalakas o mapahihina depende sa paraan ng pagharap natin sa ating mga tanong at alalahanin. Habang nag-aaral ka ngayon, isipin ang nagagawa ng iyong mga tanong sa iyong espirituwal na pag-unlad. Ano ang mga tanong mo tungkol sa ebanghelyo o sa Simbahan ni Jesucristo? Nadarama mo ba na mas inilalapit ka ng iyong mga tanong sa Tagapagligtas at sa Kanyang Simbahan?

Pagtatamo ng espirituwal na kaalaman

Sa iyong buong karanasan sa seminary, magkakaroon ka ng pagkakataong magsanay gamit ang mga alituntunin ng pagtatamo ng espirituwal na kaalaman. Ang sumusunod na tatlong alituntunin ay makatutulong sa iyo na mas mapalapit kay Jesucristo kapag may mga tanong o alalahanin sa iyong buhay:

1. Kumilos nang may pananampalataya.

2. Suriin ang mga konsepto at tanong nang may walang-hanggang pananaw.

3. Hangaring mas makaunawa sa pamamagitan ng sources na itinalaga ng Diyos.

icon, tagubilin sa pagtuturo

Kung ang ilang estudyante sa klase ay nakapag-seminary noon, maaari mong itanong sa kanila kung ano ang nalalaman na nila tungkol sa tatlong alituntuning ito. Ito ay makapagbibigay sa klase ng maikling buod ng mga alituntunin at maaaring magpahiwatig ng kasalukuyang antas ng pag-unawa ng mga estudyante.

Ang natitirang bahagi ng lesson na ito ay magtutuon sa alituntunin ng pagkilos nang may pananampalataya kay Jesucristo.

Basahin ang talata 5–7 ng bahaging “Pagtatamo ng Espirituwal na Kaalaman” ng Doctrinal Mastery Core Document, at alamin ang ilang paraan na matatapos mo ang sumusunod na pangungusap.

icon, tagubilin sa pagtuturo

Maaari mong isulat sa pisara ang sumusunod na hindi kumpletong pangungusap.

Kapag may mga tanong o alalahanin, maaari tayong kumilos nang may pananampalataya kay Jesucristo sa pamamagitan ng… .

icon, tagubilin sa pagtuturo

Sabihin sa ilang estudyante na pumunta sa pisara at kumpletuhin ang pahayag. Maaari kang magbigay ng mga follow-up na tanong upang matulungan ang mga estudyante na gawing personal ang nalaman nila. Halimbawa:

Kung isinulat ng isang estudyante, “Patuloy na pagsunod sa mga kautusan” (tingnan sa talata 5), ang isang follow-up na tanong ay maaaring “Sa iyong palagay, paano makatutulong sa iyo ang pagsunod sa mga kautusan na manatiling malapit kay Jesucristo kapag nahaharap ka sa mahihirap na problema? Mayroon ba sa inyo na gustong magbahagi ng karanasan ninyo tungkol dito?”

Kung isinulat ng isang estudyante, “Pagtangan sa nalalaman na nating totoo” (tingnan sa talata 6), ang isang follow-up na tanong ay maaaring “Pag-isipan sandali kung ano ang nalalaman mo nang totoo na matatanganan mo kapag may mga tanong. Paano mo nalaman na totoo ang mga bagay na iyon?”

Kung isinulat ng isang estudyante, “Pagtitiwala sa Diyos hanggang sa dumating ang sagot” (tingnan sa talata 7), ang follow-up na tanong ay maaaring “Ano ang nalalaman mo tungkol sa Diyos na nakatutulong sa iyo na magtiwala sa Kanya habang naghihintay ka ng mga sagot? Bakit maaaring piliin ng Diyos kung minsan na huwag tayong bigyan kaagad ng mga kumpletong sagot?”

• Sa iyong palagay, alin sa mga paraan na pinili mo ang pinakaangkop sa mga tinedyer ngayon o maging sa iyong buhay? Bakit?

• Paano nakakaapekto sa kaugnayan ng isang tao sa Tagapagligtas ang pagpiling kumilos nang may pananampalataya sa ganitong paraan?

• Sino ang kakilala mo na kumilos nang may pananampalataya kapag nahaharap sa mga tanong o alalahanin? Ano ang ginawa niya?

icon, tagubilin sa pagtuturo

Mga halimbawa sa banal na kasulatan

icon, tagubilin sa pagtuturo

Maaari mong pagsamahin ang mungkahi sa “Karagdagang Aktibidad sa Pag-aaral” at ang sumusunod na aktibidad upang matulungan ang mga estudyante na makita kung paano humahantong sa paglakas o paghina ng pananampalataya kay Jesucristo ang mga pag-uugali at pagpili.

Ang mga banal na kasulatan ay naglalaman ng maraming salaysay tungkol sa mga taong naharap sa mahihirap na tanong o alalahanin nang may pananampalataya kay Jesucristo. Isa sa kanila ang propetang si Nephi. Basahin ang mga sumusunod na halimbawa mula sa buhay ni Nephi, at alamin kung paano siya kumilos nang may pananampalataya kay Jesucristo kapag may mga kinakaharap na tanong at iba pang problema.

• 1 Nephi 2:16—Ang ilan sa kanyang mga mahal sa buhay ay nagalit sa ipinagawa sa kanila ng kanilang ama, ang propetang si Lehi.

• 1 Nephi 3:7—Inutusan siya na gawin ang isang bagay na mahirap.

• 1 Nephi 9:5–6—Inutusan siya ng Panginoon na gawin ang isang bagay para sa mga layuning hindi niya alam.

• 1 Nephi 10:17; 11:1–5—Nais niyang makita ang mga bagay na itinuro ng kanyang ama, ang propeta.

• 1 Nephi 11:17—Hindi niya lubos na nalalaman ang sagot sa isang bagay na itinanong sa kanya tungkol sa ebanghelyo.

• Aling mga elemento ng pagkilos nang may pananampalataya ang pinakamahusay na ipinakita ni Nephi?

icon, tagubilin sa pagtuturo

Maaari mong sabihin sa mga estudyante na ibahagi ang sumusunod sa maliliit na grupo upang mas maraming estudyante ang magkaroon ng pagkakataong magbahagi.

Ilarawan ang isang makabagong tanong o alalahanin na maaaring makaapekto sa pananampalataya ng isang tao kay Jesucristo o sa Kanyang Simbahan. Paano makakakilos nang may pananampalataya ang isang tao kapag nahaharap siya sa tanong o problemang iyon?

• Paano makakaapekto ang pagpiling kumilos nang may pananampalataya o huwag kumilos nang may pananampalataya sa kanyang kaugnayan sa Tagapagligtas?

• Ano ang pinakagusto mong ipamuhay mula sa napag-aralan mo ngayon? Paano ka nito matutulungan sa iyong buhay?

Komentaryo at Pinagmulang Impormasyon

Ayos lang ba na magkaroon ng mga tanong tungkol sa ebanghelyo?

Itinuro ni Pangulong Dieter F. Uchtdorf, na noon ay kabilang sa Unang Panguluhan:

Pangulong Dieter F. Uchtdorf

Natural lamang ang magtanong—ang binhi ng tapat na pagtatanong ay kadalasang sumisibol at lumalagong tulad ng malaking puno ng pang-unawa. May ilang mga miyembro ng Simbahan na, sa anumang pagkakataon, ay hindi nagkaroon ng anumang malalim o sensitibong tanong. Isa sa mga layunin ng Simbahan ang pangalagaan at linangin ang binhi ng pananampalataya—ito man ay nasa lupa ng pagdududa at walang-katiyakan. Ang pananampalataya ay pag-asa sa mga bagay na hindi nakikita ngunit totoo.

Kung gayon, mahal kong mga kapatid—mahal kong mga kaibigan—mangyaring pagdudahan muna ang inyong pagdududa bago ninyo pagdudahan ang inyong pananampalataya. Hindi natin dapat hayaang pigilan tayo ng pagdududa at ilayo tayo sa dakilang pagmamahal, kapayapaan at mga natatanging kaloob na dulot ng pananampalataya sa Panginoong Jesucristo. (Dieter F. Uchtdorf, “Halina, Sumama sa Amin,” Liahona, Nob. 2013, 23)

Ipinaliwanag ni Pangulong Russell M. Nelson:

Pangulong Russell M. Nelson

Tanging ang isipang nagtatanong ang matuturuan ng Panginoon. (Russell M. Nelson, sa M. Russell Ballard, “What Came from Kirtland” [Brigham Young University devotional, Nob. 6, 1994], 8, speeches.byu.edu)

Ano ang dapat kong gawin kung nag-aalinlangan ako tungkol sa Diyos o sa Simbahan?

Sinabi ni Pangulong Russell M. Nelson:

Pangulong Russell M. Nelson

Piliing maniwala kay Jesucristo. Kung may pag-aalinlangan kayo tungkol sa Diyos Ama at sa Kanyang Pinakamamahal na Anak o sa katotohanan ng Pagpapanumbalik o pagiging totoo ng banal na pagtawag kay Joseph Smith bilang isang propeta, piliing maniwala at manatiling tapat. Isangguni ang inyong mga tanong sa Panginoon at sa iba pang mapagkakatiwalaang sanggunian. Mag-aral nang may hangaring maniwala sa halip na umasang may makikitang kamalian sa buhay ng propeta o hindi pagkakatugma-tugma sa mga banal na kasulatan. Huwag nang patindihin pa ang inyong pag-aalinlangan sa pagsasabi nito sa iba pang mga nagdududa. Tulutan ang Panginoon na akayin kayo sa inyong paglalakbay sa pagtuklas ng mga bagay na espirituwal. (Russell M. Nelson, “Si Cristo ay Nagbangon; Ang Pananampalataya sa Kanya ay Makapagpapalipat ng mga Bundok,” Liahona, Mayo 2021, 103)

Sinabi ni Elder Ronald A. Rasband ng Korum ng Labindalawang Apostol:

Elder Ronald A. Rasband

Hinihikayat ko kayo ngayon na gunitain, lalo na sa panahon ng krisis, kung kailan ninyo nadama ang Espiritu at malakas ang inyong patotoo; alalahanin ang mga espirituwal na pundasyong naitatag ninyo. Ipinapangako ko na kung gagawin ninyo ito, at iiwasan ang mga bagay na hindi nagpapatatag at nagpapalakas ng inyong patotoo o kumukutya sa inyong mga paniniwala, maaalala ninyo ang mahahalagang panahon na lumakas ang inyong patotoo sa pamamagitan ng mapagpakumbabang panalangin at pag-aayuno. Tinitiyak ko sa inyo na muli ninyong madarama ang kaligtasan at kasiglahan na dulot ng ebanghelyo ni Jesucristo. (Ronald A. Rasband, “Baka Iyong Malimutan,” Liahona, Nob. 2016, 114)

Karagdagang Aktibidad sa Pag-aaral

Mga halimbawa sa banal na kasulatan

Ang mungkahing ito ay magagamit bilang kapalit ng mungkahi sa pag-aaral ng banal na kasulatan na sumusuri lamang sa halimbawa ni Nephi.

Maaari mong ipakita ang sumusunod na larawan ng pamilya ni Lehi na naglalakbay sa ilang. Sabihin sa mga estudyante na magbahagi ng mga tanong at alalahanin na maaaring mayroon sila kung isa sila sa mga anak ni Lehi.

Ang paglalakbay ni Lehi at ng kanyang pamilya sa ilang

Pagkatapos ay sabihin sa mga estudyante na ihambing ang ginawa nina Laman at Lemuel tungkol sa kanilang mga tanong at alalahanin sa 1 Nephi 2:12–13 sa ginawa ni Nephi sa talata 16.

Maaari ding ihambing ng mga estudyante ang pag-uugali nina Laman at Lemuel sa paghahanap ng mga sagot sa mga tanong tungkol sa ebanghelyo sa 1 Nephi 15:2–3, 8–9 sa pag-uugali ni Nephi sa 1 Nephi 10:17; 11:1.

Sabihin sa mga estudyante na talakayin kung paano naaangkop sa atin ngayon ang mga halimbawa ng magkakapatid na ito.