Ireo pejy fanolorana ny Bokin’i Môrmôna

Pejin-dohateny

Ny tanjon’ny Bokin’i Môrmôna

I Môrônia zanak’i Môrmôna manoratra amin’ilay takela-bolamena

Nahoana isika no mila ny Bokin’i Môrmôna indray raha efa manana ny tenin’ Andriamanitra ao amin’ny Baiboly? Ao amin’ny pejin-dohatenin’ny Bokin’i Môrmôna, ny mpaminany Môrônia dia manampy antsika hahatakatra ny antony maha-zava-dehibe ny Bokin’i Môrmôna. Ity lesona ity dia natao hanampiana anao hahatakatra sy hanazavana ny tanjon’ny Bokin’i Môrmôna.

Mampihatra ny tanjon’ny Seminera sy Institiota fianarana ny filazantsara. Tsarovy fa “ny tanjontsika dia ny hanampy ny zatovo sy ny tanora manambady sy tsy manambady hahatakatra sy hiantehitra amin’ny fampianaran’i Jesoa Kristy sy ny Sorompanavotany, sy ho mendrika ny hahazo ireo fitahiana avy amin’ny tempoly, ary hiomana sy hanomana ny fianakaviany ary ny hafa ho amin’ny fiainana mandrakizay miaraka amin’ny Ray any An-danitra” (Fampianarana sy fianarana ny filazantsara: Boky torolalana ho an’ireo mpampianatra sy mpitarika ao amin’ny Seminera sy Institiota fianarana ny filazantsara [2012], x).

Sary famantarana, torolalana ho an’ny fampianarana

Fiomanan’ny mpianatra: Asao ny mpianatra mba hisaintsaina ny antony anantitranterana sy ampiasana matetika ny Bokin’i Môrmôna ao amin’ Ny Fiangonan’i Jesoa Kristy ho an’ny Olomasin’ny Andro Farany.

Sahanasa fianarana azo atao

Ny maha-zava-dehibe ny fahafantarana ny tanjon’ny zavatra iray

Sary famantarana, torolalana ho an’ny fampianarana

Hevero ny hampiseho sarina fitaovana izay mety ho tsy mahazatra ny mpianatra na hitondra fitaovana toy izany ho ao amin’ny kilasy mba hahafahan’ny mpianatra mijery sy mitsapa. Io fitaovana eo ambany io dia sokeran’ny mpanao fandrefesana, izay nampiasaina fahiny tamin’ny fandehanana sambo.

Efa nahita fitaovana toy io amin’ny sary manaraka io ve ianao? Alaovy sary an-tsaina hoe tsy maintsy hanazava ny tanjona sy lanjana fitaovana iray tsy mahazatra amin’olona iray ianao.

Sarina sokeran’ny mpanao fandrefesana

• Nahoana no manampy ny fahafantarana sy fahatakarana ny tanjona na lanjan’ny zavatra iray alohan’ny hampiasana azy sy hizarana azy amin’ny hafa?

  Sary famantarana, torolalana ho an’ny fampianarana

  Hevero ny hampiseho dika mitovy amin’ny Bokin’i Môrmôna mialoha ny fanontaniana manaraka.

• Ahoana no mety hifandraisan’izany amin’ny fahatakarana ny tanjona sy lanjan’ny Bokin’i Môrmôna?

Hevero ny mety ho fahatsapanao fahatokisan-tena amin’ny fanazavana ny tanjona sy lanjan’ny Bokin’i Môrmôna amin’ny olona iray izay tsy nahalala izany mihitsy. Rehefa mandalina io lesona io ianao, dia tadiavo ny zavatra manampy anao hahatakatra ny tanjona sy lanjan’ny Bokin’i Môrmôna sy ny fomba ahafahanao mizara ny fahatakaranao amin’ny hafa.

Mahatakatra ny tanjona sy lanjan’ny Bokin’i Môrmôna

Sary famantarana, torolalana ho an’ny fampianarana

Hevero ny hanoratra ity fehezan-teny tsy feno ity eny amin’ny solaitrabe ary hanasa ny mpianatra hameno ilay fehezan-teny amin’ny zavatra hitany.

Ny Bokin’i Môrmôna dia nosoratana mba …

Ny Bokin’i Môrmôna dia nosoratana mba …

Ny pejin-dohateny dia ahitana ireo teny farany nosoratan’i Môrônia tamin’ny takelaka farany tamin’ny takela-bolamena. Vakio ny pejin-dohateny sy ny andiam-pehezan-teny telo voalohany ao amin’ny teny fanolorana ao amin’ny Bokin’i Môrmôna. Mitadiava fomba hamenoana ilay fehezan-teny eo ambony. Mety hanampy anao amin’ny fanaovanao izany ireto fanontaniana manaraka ireto.

• Nosoratana ho an’iza ny Bokin’i Môrmôna?

• Miresaka momba an’iza ny Bokin’i Môrmôna?

• Inona no antony nanoratana ny Bokin’i Môrmôna?

(Ho an’ny fanazavana fanampiny, jereo ny “Fanazavana fohy momba ny Bokin’i Môrmôna” ao amin’ny pejy fanolorana.)

Toy izao no nolazain’ny Loholona Ulisses Soares ao amin’ny Kôlejin’ny Apôstôly Roambinifolo raha nijoro ho vavolombelona momba ny tanjon’ny Bokin’i Môrmôna izy:

Ny Loholona Ulisses Soares

Mijoro ho vavolombelona aho fa fitaovan’ Andriamanitra ny Bokin’i Môrmôna hanatanterahana ny fanangonana an’i Isiraely amin’izao androntsika izao ary hanampiana ny olona hahafantatra an’i Jesoa Kristy Zananilahy. (Ulisses Soares, “Ny Fivoahan’ny Bokin’i Môrmôna,” Liahona, mey 2020, 35)

• Inona no nianaranao tamin’ny fandalinanao manokana sy ny teny nambaran’ny Loholona Soares momba ireo tanjon’ny Bokin’i Môrmôna?

Fahamarinana iray mety hitanao ny hoe ny Bokin’i Môrmôna dia nosoratana mba hanampy amin’ny fanangonana an’i Isiraely sy handresena lahatra ny olon-drehetra fa i Jesoa no Kristy.

• Inona no porofo hitanao amin’izany ao amin’ny andiam-pehezan-teny faharoa ao amin’ny pejin-dohateny?

sary famantarana, torolalana ho an’ny fampianarana

Ireto sahanasa anankiroa ireto dia afaka manampy ny mpianatra hampitombo ny fahatakaran’izy ireo ilay fahamarinana natao matevina eo ambony. Azo atonona amina fomba maro ireo sahanasa ireo. Azonao atao ny mampiseho ny sahanasa tsirairay ho an’ny mpianatra na manome azy ireo tahadikan’ny tsirairay. Afaka misafidy ny hanao ny iray amin’izy ireo ny mpianatra ary hifampianatra ny zavatra nianaran’izy ireo. Azon’izy ireo atao ihany koa ny miasa tsiroaroa na anatina vondrona kely mba hamitana ireo sahanasa roa ireo.

Sahanasa A: Ny Bokin’i Môrmôna dia natao hanampy amin’ny fanangonana an’i Isiraely

Matetika no manondro ny fanekempihavanana nataon’ny Tompo hanangonana an’i Isiraely ny Bokin’i Môrmôna. Vakio ny teny nambaran’ny Filoha Russell M. Nelson sy ny roa na telo amin’ireo andinin-tsoratra masina eo ambany.

Ny Filoha Russell M. Nelson

[Ao amin’ny] Bokin’i Môrmôna ianao dia hianatra momba ny fotopampianaran’ny fanangonana, ireo fahamarinana momba an’i Jesoa Kristy, ny Sorompanavotany ary ny fahafenoan’ny filazantsarany izay tsy hita ao amin’ny Baiboly. Ny Bokin’i Môrmôna no ivon’ny fanangonana an’i Isiraely. Raha ny tena marina, raha tsy nisy ny Bokin’i Môrmôna, dia tsy ho nitranga ny fanangonana an’i Isiraely izay efa nampanantenaina. (Russell M. Nelson sy i Wendy W. Nelson, “Fanantenana ho an’i Isiraely [fampaherezam-panahy maneran-tany ho an’ny zatovo, 3 jona, 2018],” tovana ao amin’ny New Era sy ny Ensign, 13, ChurchofJesusChrist.org)

• 1 Nefia 15:14–18

• 1 Nefia 22:11–12

• 2 Nefia 29:14

• Môrmôna 9:36–37

• Môrônia 10:31

• Ahoana araka ny eritreritrao no ahafahan’ny Bokin’i Môrmôna manampy amin’ny fanangonana an’i Isiraely?

Saintsaino ny fomba nanampian’ny Bokin’i Môrmôna anao na ny hafa ho voangona ao amin’ny Fiangonana marin’i Jesoa Kristy. Hevero ny hirakitra an-tsoratra ny fitahiana izay tonga noho io fanangonana io.

• Hanao ahoana ny fiainanao raha tsy nisy ny Bokin’i Môrmôna?

• Iza no azonao izarana ny Bokin’i Môrmôna?

Sahanasa B: Ny Bokin’i Môrmôna dia natao handresena lahatra ny olona rehetra fa i Jesoa no Kristy

Saintsaino ny zavatra fantatrao momba an’i Jesoa Kristy sy ny fomba niantraikàn’ny Bokin’i Môrmôna tamin’ny fifandraisanao Aminy. Avy eo dia makà fotoana hitanisana soratra masina roa na telo avy ao amin’ny Bokin’i Môrmôna izay mampianatra anao momba an’i Jesoa Kristy. Raha mila fanampiana ianao dia jereo ny “Jesoa Kristy” ao amin’ny Torolalana ho an’ny Soratra Masina.

• Inona no anampian’ireo andinin-tsoratra masina ireo anao hahatakatra momba an’i Jesoa Kristy?

Sary famantarana, torolalana ho an’ny fampianarana

Ity sahanasa manaraka ity dia azo amboarina ho an’ny mpianatra mba holalaovina tsiroaroa na anatina vondrona kely.

Alaovy sary an-tsaina hoe ianao dia miresaka amina namana iray izay tsy zatra ny Bokin’i Môrmôna na tsy mahatsapa hoe tena ilaina izany. Inona no mety hozarainao amin’io olona io momba ny Bokin’i Môrmôna sy ny tanjony? Hevero ny hampiditra zavatra niainana manokana na andian-teny avy amin’ny pejin-dohateny sy ny teny fanolorana, na ny loharano nanovozan-kevitra avy amin’ny Bokin’i Môrmôna izay tsapanao fa mety hilaina.

Sary famantarana, torolalana ho an’ny fampianarana

Hevero ny hamarana amina fijoroana ho vavolombelona manokana momba ny tanjona sy lanjan’ny Bokin’i Môrmôna. Azon’ny mpianatra atao ihany koa ny mizara ny fijoroana ho vavolombelona na fahatsapan’izy ireo momba ny fandalinana tany amin’ny lasa na ho avy momba io rakitsoratra masina io.

Fanazavana sy Fampahalalana avy amin’ny Zava-miseho

.

.

• .

• . .

• .

Inona no dikan’ireo voambolana ao amin’ny pejin-dohateny ireo?

Ireto famaritana manaraka ireto dia afaka manampy anao hahatakatra ny sasany amin’ny voambolana avy ao amin’ny pejin-dohatenin’ny Bokin’i Môrmôna.

• Ny Mpianakavin’i Isiraely dia manondro ireo taranak’i Abrahama, i Isaka, ary i Jakoba. Ankoatra izany, ny mpianakavin’i Isiraely dia ahitana ireo izay tsy tena taranak’i Abrahama sy i Isaka ary i Jakoba fa nanaiky ny hafatry ny filazantsara naverina tamin’ny laoniny ary tonga tao amin’ny Fiangonana naverina tamin’ny laoniny tamin’ny alalan’ny fanekempihavanana sy ôrdônansy tsy maintsy natao.

• Ny hoe Jiosy tany am-piandohana dia nanondroana ireo rehetra avy ao amin’ny fokon’i Joda (iray amin’ireo foko roa ambin’ny folon’i Isiraely). Na izany aza, matetika ireo mpanoratra ao amin’ny Bokin’i Môrmôna no mampiasa io voambolana io anondroana ireo izay nipetraka tany amin’ny Fanjakan’ny Joda tao Atsimo tamin’ny andron’ny Testamenta Taloha (2 Nefia 30:4; 33:8), na dia mety ho taranaka foko hafa avy ao amin’i Isiraely aza izy ireo (Almà 10:3). Izy io ihany koa dia entina ilazana ireo “vahoaka izay manaraka fivavahana, fomba fiainana sy fomban-drazana Jodaisma saingy mety ho Jiosy na tsia ara-pirazanana” (Torolalana ho an’ny Soratra Masina, “Jiosy,” scriptures.ChurchofJesusChrist.org).

• Ny Jentilisa dia midika hoe “ireo firenena” (Bible Dictionary, “Gentile”). “Indraindray izy io dia manondro olona izay tsy Isiraelita firazanana, indraindray olona tsy Jiosy firazanana, ary indraindray ireo firenena izay tsy manana ny filazantsara, na dia mety hisy ra Isiraelita ihany aza any anivon’ny vahoaka. Io fampiasana azy farany io dia tena mampiavaka io teny io rehefa ampiasaina ao amin’ny Bokin’i Môrmôna” (Torolalana ho an’ny Soratra Masina, “Jentilisa,” scriptures.ChurchofJesusChrist.org).

• Ny hoe fanafohezana dia famadihana ny zavatra iray ho fohy.

• Ny hoe sisa tavela dia midika hoe ampahany tavela.

Nahoana no tena manan-danja ny Bokin’i Môrmôna?

Mba hahatakarana ny fiantraika lehiben’ny Bokin’i Môrmôna tamina fiainan’olona maro, dia hevero ny handalina ny hafatry ny Filoha Russell M. Nelson “Ny Bokin’i Môrmôna: hanao ahoana re ny fiainanao raha tsy nisy azy?” ( Liahona, nôv. 2017, 60–63). Jereo tsara ilay fizarana hoe “Lisitry ny Bokin’i Môrmôna nataon’ny Filoha Nelson” any amin’ny fiafaran’ny hafatra.

Nanao ahoana ny pejin-dohatenin’ny Bokin’i Môrmôna tany am-piandohana?

Azonao atao ny mijery ny sarin’ny pejin-dohateny ao amin’ny soratanan’ny mpanonta eto.

Azonao atao ny mijery ny sarin’ny pejin-dohateny tamin’ny fanontana voalohany ny Bokin’i Môrmôna eto.

Sahanasa fianarana fanampiny

“Fanazavana fohy momba ny Bokin’i Môrmôna”

Mba hanampiana ny mpianatra hahatakatra ny hoe inona ny Bokin’i Môrmôna sy ny fomba nanambarana azy, dia hevero ny hitondra boky na boaty maneho ireo takelaka samy hafa ao amin’ny “Fanazavana fohy momba ny Bokin’i Môrmôna.” Asao ny mpianatra mba hamaky ny andiam-pehezan-teny voaisy laharana 1–4 ao amin’ny fanazavana ary hiomana hanazava ny fomba nahazoana ny Bokin’i Môrmôna avy amin’ireo takelaka samihafa ireo.