Bokin’i Môrmôna: Boky torolalana ho an’ny mpampianatra Seminera (2024)

Votoatiny
Pejin-dohateny
Fampahafantarana ny Bokin’i Môrmôna: Boky Torolalana ho an’ny Mpampianatra Seminera
Bokin’i Môrmôna—Tahirin-kevitra fanolorana
Ireo pejy fanolorana ny Bokin’i Môrmôna
1 Nefia 1–5
1 Nefia 6–10
1 Nefia 11–15
1 Nefia 16–22
2 Nefia 1–2
2 Nefia 3–5
2 Nefia 6–10
2 Nefia 11–19
2 Nefia 20–25
2 Nefia 26–30
2 Nefia 31–33
Jakôba 1–4
Jakôba 5–7
Enôsa–Tenin’i Môrmôna
Môzià 1–3
Môzià 4–6
Môzià 7–10
Môzià 11–17
Môzià 18–24
Môzià 25–28
Môzià 29–Almà 4
Almà 5–7
Almà 8–12
Almà 13–16
Almà 17–22
Almà 23–29
Almà 30–31
Almà 32–35
Almà 36–38
Almà 39–42
Almà 43–52
Almà 53–63
Helamàna 1–6
Helamàna 7–12
Helamàna 13–16
3 Nefia 1–7
3 Nefia 8–11
3 Nefia 12–16
3 Nefia 17–19
3 Nefia 20–26
3 Nefia 27–4 Nefia 1
Môrmôna 1–6
Môrmôna 7–9
Etera 1–5
Etera 6–11
Etera 12–15
Môrônia 1–6
Môrônia 7–9
Môrônia 10
Tovana

Ny fijoroan’i Joseph Smith ho vavolombelona momba ny Bokin’i Môrmôna: “Nadika … araka ny fanomezam-pahasoavana sy ny herin’ Andriamanitra”

“Ny fijoroan’i Joseph Smith ho vavolombelona momba ny Bokin’i Môrmôna: ‘Nadika … tamin’ny alalan’ny fanomezam-pahasoavana sy ny herin’Andriamanitra,’” Boky torolalana ho an’ny mpampianatra ny Bokin’i Môrmôna (2024)

“Ny fijoroan’i Joseph Smith ho vavolombelona momba ny Bokin’i Môrmôna,” Boky torolalana ho an’ny mpampianatra ny Bokin’i Môrmôna

Ireo pejy fanolorana ny Bokin’i Môrmôna

Ny fijoroan’i Joseph Smith ho vavolombelona momba ny Bokin’i Môrmôna

“Nadika … araka ny fanomezam-pahasoavana sy ny herin’ Andriamanitra”

Sary

I Joseph Smith

Ahoana no fomba nahatongavan’ny Bokin’i Môrmôna? Ahoana no fomba nandikan’i Joseph Smith izany avy amina teny tsy fantatra ho amin’ny teny anglisy? Ity lesona ity dia afaka manampy anao hahatakatra kokoa ny fomba nahatongavan’ny Bokin’i Môrmôna “araka ny fanomezam-pahasoavana sy ny herin’ Andriamanitra” (Fotopampianarana sy Fanekempihavanana 135:3).

Mahafantatra ny anaran’ny mpianatra tsirairay. Ny fahafantarana sy ny fiantsoana ny mpianatra tsirairay amin’ny anarany dia afaka manampy ny mpianatra iray hahatsapa ny fitiavanao. Makà fotoana hianarana ny anaran’ny mpianatra. Mety manana horonan-taratasy misy sary azo ampiasaina ianao na manao sahanasa ao am-pianarana izay afaka manampy anao sy ny mpianatra hifankahalala anarana.

Sary

Sary famantarana, torolalana ho an’ny fampianarana

Fanomanana ny mpianatra: Asao ny mpianatra mba ho tonga efa vonona hizara izay zavatra fantatr’izy ireo momba ny fahatongavan’ny Bokin’i Môrmôna sy ny fanontaniana ananan’izy ireo momba izany.

Ireo asa azo atao ao anatin’ny fianarana

Ny fahatongavan’ny Bokin’i Môrmôna

Sary

Sary famantarana, torolalana ho an’ny fampianarana

Asehoy ireto sary manaraka ireto. Ampahatsiahivo ny mpianatra ny fiomanan’izy ireo hianatra ary asao handamina ny sary amina filaharana ara-banim-potoana marina izy ireo. Ny filaharany marina dia E, D, B, A, F.

Amboary ny sahanasa ao amin’ny lesona, miainga amin’ny fahatakaran’ny mpianatra ireo tranga ireo.

Ahoana araka ny hevitrao ny mety ho fahatsapan’i Joseph Smith nandritra ny tsirairay tamin’ireo tranga ireo? Nahoana?

“Tamin’ny alalan’ny fanomezam-pahasoavana sy ny herin’ Andriamanitra”

Mieritrereta olona iray fantatrao izay mety ho afaka hahazo tombony amin’ny fahalalana misimisy kokoa ny fahatongavan’ny Bokin’i Môrmôna. Mety ho olona iray tsy mpikambana ao amin’ny Fiangonana na angamba mpikambana ao amin’ny Fiangonana izay miady mafy amin’ny finoany. Soraty fohifohy ao amin’ny diary fandalinanao ny toe-java-misy azy ireo ary fantaro hoe nahoana no hahazoan’izy ireo tombony ny fahalalana misimisy kokoa ny fahatongavan’ny Bokin’i Môrmôna.

Rehefa mandalina ianao dia mitadiava porofon’ny fahamarinana hoe namoaka ny Bokin’i Môrmôna araka ny fanomezam-pahasoavana sy ny herin’ Andriamanitra i Joseph Smith (jereo ny pejin-dohatenin’ny Bokin’i Môrmôna sy ny Fotopampianarana sy Fanekempihavanana 135:3).

Nanoratra momba ny zavatra niainany nandritra ny fahatongavan’ny Bokin’i Môrmôna i Joseph Smith.

Sary

Sary famantarana, torolalana ho an’ny fampianarana

Asao ny mpianatra hamaky “Ny Fanambaran’ny Mpaminany Joseph Smith” ao amin’ny fampidirana ny Bokin’i Môrmôna. Fomba iray anaovana izany ny fizarana ny vakiteny sy fanendrena ny antsasaky ny kilasy hamaky ny andiam-pehezan-teny 1–14, momba ny fitsidihan’i Môrônia tamin’ny andro alina. Ny antsasany hafa dia afaka mamaky ny andiam-pehezan-teny 15–23, momba ny zavatra nataon’i Joseph taorian’ny fitsidihana nataon’i Môrônia.

Safidy hafa azo atao ny famintinana ampahany amin’ny fitantarana sy fifantenana andiam-pehezanteny hovakin’ny mpianatra izay hanampy indrindra azy ireo. Azon’ny mpianatra atao ihany koa ny mijery ny Saints: The Story of the Church of Jesus Christ in the Latter Days, vol. 1, The Standard of Truth, 1815–1846 [2018], 20–30.

Inona avy no fanambarana hitanao milaza fa navoaka tamin’ny alalan’ ny fanomezam-pahasoavana sy ny herin’ Andriamanitra ny Bokin’i Môrmôna?
Nahoana araka ny hevitrao no i Joseph Smith no nofidina handika ny Bokin’i Môrmôna fa tsy olona manam-pahaizana niavaka tamin’io vanim-potoana io?
Inona no zavatra nianaranao momba ny fahatongavan’ny Bokin’i Môrmôna ka hozarainao amin’ilay olona noeritreretinao?

Antsipiriany ara-tantara

Rehefa avy nandray ireo takelaka i Joseph Smith, dia nandika ny Bokin’i Môrmôna tamin’ny alalan’ny fanomezam-pahasoavana sy ny herin’ Andriamanitra. “Indraindray i Joseph Smith dia nandika tamin’ny alalan’ny fijerena ny mpandika teny [Orima sy Tomima] sy ny famakiana tamin’ny teny anglisy ireo endritsoratra teo amin’ny takelaka. Matetika izy no nahita vato mpahita tokana mba hahamety kokoa izany. Nataony tao anatin’ny satrony ilay vato mpahita, nataony tao amin’ny satroka ny tavany mba hanakanana ny hazavana ary nibanjina ilay vato izy. Ny hazavana avy amin’ilay vato dia namiratra tao amin’ilay haizina, nanambara teny izay notononin’i Joseph Smith” (Saints: The Story of the Church of Jesus Christ in the Latter Days, bok. 1, The Standard of Truth, 1815–1846 [2018], 61). Mba hahalalana misimisy kokoa momba ilay vato mpahita sy ny fandikana ny Bokin’i Môrmôna, dia jereo ny Gospel Topics Essay “Book of Mormon Translation.”

Sary

Sary famantarana, torolalana ho an’ny fampianarana

Raha manana fanontaniana hafa momba ny vato mpahita ny mpianatra, dia azonao aseho ilay horonan-tsary momba ilay vato mpahita ao amin’ny fizarana hoe “Fanamarihana sy fampahalalana voarakitra” eo ambany.

Raha misy dia jereo ny “Days of Harmony” manomboka amin’ny mari-potoana 5:44 hatramin’ny 9:24, izay azo jerena ao amin’ny ChurchofJesusChrist.org.

Vakio ity fanambarana manaraka nataon’ny Filoha Dallin H. Oaks ao amin’ny Fiadidiana Voalohany ity. Azonao atao ihany koa ny mijery ny horonan-tsary “Opposition in All Things [Fifanoherana amin’ny zava-drehetra]” ao amin’ny ChurchofJesusChrist.org manomboka amin’ny mari-potoana 8:18 hatramin’ny 9:24.

Sary
Ny Filoha Dallin H. Oaks

Rehefa nahavita ny fandikana ny Bokin’i Môrmôna i Joseph Smith dia mbola tsy maintsy nitady mpiantoka boky izy. Tsy mora izany. Nampiahiahy ny fahasarotan’io rakitsoratra lava io sy ny vidin’ny fanaovana printy ary ny fanakambanana ireo tahadika an’arivony maro. Nanatona an’i E. B. Grandin, mpanao printy iray tao Palmyra, aloha i Joseph tamin’ny voalohany ary nolaviny. Avy eo izy dia nitady mpanao printy iray hafa tao Palmyra, izay nandà azy ihany koa. Nandeha tany Rochester izy, 40 km miala eo, ka niresaka tamin’ireo mpiantoka boky malaza indrindra tao New York andrefana, izay mbola nandà azy ihany koa. Nisy mpiantoka boky iray hafa vonona tao Rochester saingy noho ny toe-javatra samihafa dia tsy azo natao izany.

Herinandro maro no lasa, ary tsy maintsy efa very hevitra i Joseph Smith amin’ny fanoherana misy amin’ny fanatanterahana ny andraikitra nampanaovin’ Andriamanitra azy. Tsy nataon’ny Tompo ho mora izany, saingy nataony ho azo tanterahina. Ny andrana fahadimy sy ny firesahana faharoa tamin’i Grandin, mpiantoka boky iray tao Palmyra, vao nahomby. (Dallin H. Oaks, “Fifanoherana amin’ny zava-drehetra,” Liahona, mey 2016, 116)

Ahoana no niantraikàn’ireo antsipiriany ara-tantara ireo tamin’ny fahatsapanao manokana momba ny Bokin’i Môrmôna?
Inona no ampianarin’ny fahatongavan’ny Bokin’i Môrmôna momba ny Ray any An-danitra sy i Jesoa Kristy?

Manazava ny fahatongavan’ny Bokin’i Môrmôna

Sary

Sary famantarana, torolalana ho an’ny fampianarana

Asao ny mpianatra hihevitra izay zavatra mety hozarain’izy ireo amin’ilay olona noeritreretiny teo ka hanampy izany olona izany hahatakatra kokoa ny fomba nahatongavan’ny Bokin’i Môrmôna tamin’ny alalan’ny fanomezam-pahasoavana sy ny herin’ Andriamanitra.

Ataovy miara-miasa tsiroaroa ny mpianatra. Asao izy ireo hifandimby tsirairay hilalao ny anjaran’ny mpikamban’ny Fiangonana iray manazava sy mamaly fanontaniana sy ny an’ny olona iray mila mahalala bebe kokoa momba ny fahatongavan’ny Bokin’i Môrmôna. Mandehandehana eran’ny trano ary henoy ireo fanazavana mba hamaritana raha ilaina ny fandalinana kokoa io lohahevitra io.

Rehefa vitan’ny mpianatra ny fanazavan’izy ireo, dia hevero ny hizara fijoroana ho vavolombelona manokana momba ny hery, fanomezam-pahasoavana ary fitiavan’ Andriamanitra naseho tamin’ny alalan’ny fahatongavan’ny Bokin’i Môrmôna. Asao ihany koa ny mpianatra vonona mba hizara ny fijoroana ho vavolombelona ananany.

Fanamarihana sy fampahalalana voarakitra

Ahoana no nandikan’i Joseph Smith ny Bokin’i Môrmôna?

Ny Loholona Ulisses Soares avy ao amin’ny Kôlejin’ny Apôstôly Roambinifolo dia nampianatra hoe:

Sary
Ny Loholona Ulisses Soares

Fahagagana ihany koa ny fizotran’ny nandikana ny Bokin’i Môrmôna. Io rakitsoratra masina fahiny io dia tsy “nadika” tamin’ny fomba mahazatra fanaon’ireo manam-pahaizana amin’ny alalan’ny fianarana fiteny fahagola. Tokony hojerentsika amin’ny maha “fanambarana” azy ilay dingana, miaraka amin’ny fanampian’ny fitaovana azo tsapain-tanana natolotry ny Tompo, fa tsy toy ny “fandikana” ataon’olona iray manana fahalalana momba ny fiteny. Nambaran’i Joseph Smith fa tamin’ny alalan’ny herin’ Andriamanitra no “nandikany ny Bokin’i Môrmôna avy tamin’ny [tarehintsoratra egyptiana fahagola], izay very teo amin’izao tontolo izao ny fahalalana momba azy, ary nijoro irery tao anatin’izany trangan-javatra mampitolagaga izany [izy], zatovo tsy nanam-pahalalana, mba hiady amin’ny fahendren’ny tany sy ireo tsy fahalalana maro tamin’ny taonjato fahavalo ambin’ny folo, tamin’ny alalan’ny fanambarana iray vaovao.” Miharihary ihany koa ny fanampian’ny Tompo tamin’ny nandikana ireo takelaka, na fanambarana raha izay no hilazana izany, raha jerena ny fotoana fohy dia fohy feno fahagagana izay nandikan’i Joseph Smith an’izany. (Ulisses Soares, “Ny Fivoahan’ny Bokin’i Môrmôna,” Liahona, mey 2020, 33)

Ny Gospel Topics Essay “Book of Mormon Translation” dia manome fahatakarana fanampiny:

Sary
i Emma Smith

Nanazava i Emma vadin’i Joseph fa “nanoratra matetika isan’andro” teo amin’ny latabatra kely iray tao an-tranon’izy ireo tany Harmony, Pennsylvanie izy. Nofariparitany i Joseph “nipetraka ka ny lohany milentika ao amin’ny satrony izay nisy vato ary manonona mandritra ny ora maro nefa tsy misy na inona na inona teo anelanelanay.” Araka ny nolazain’i Emma, ireo takelaka ireo dia “nidaboka matetika teo ambonin’ny latabatra ary tsy nisy fanandramana hanafina, voarakotra lamban-databatra rongony kely.” Rehefa nanontaniana i Emma raha toa ka nanonona avy amin’ny Baiboly na avy amina soratanana nomaniny mialoha i Joseph, dia nolaviny marindrano ireo zavatra azo eritreretina rehetra ireo: “tsy nanana soratanana na boky novakina izy.” Nilaza toy izao tamin’ny zanany lahy, Joseph Smith III, i Emma: “Avy amin’ Andriamanitra ny Bokin’i Môrmôna—tsy misalasala ny amin’izany aho na kely aza. Mino tanteraka aho fa tsy misy olona ho afaka nanonona ny soratra tao amin’ny raki-tsoratra raha tsy notarihin’ny Fanahy izy; satria rehefa niasa ho mpitantsorany aho dia nanonona tamiko nandritra ny ora maro ny rainao; ary rehefa nanohy indray rehefa avy nisakafo na rehefa avy nitsahatra kely, dia tonga dia nanomboka teo amin’izay nijanonany izy, tsy namerina nijery akory izay voasoratra na hoe nangataka ny hamakiana ampahany ho azy.” (Gospel Topics Essays, “Book of Mormon Translation,” topics.ChurchofJesusChrist.org)

Jereo ny “Vato Mpahita” (3:47), izay azo jerena ao amin’ny ChurchofJesusChrist.org, mba hahalalana misimisy kokoa momba io dingana feno fahagagana io.

Ahoana no nandikana ny Bokin’i Môrmôna tamina fiteny isan-karazany?

Vakio ny lahatsoratra hoe “Translations of the Book of Mormon” (history.ChurchofJesusChrist.org) mba hahalalana misimisy kokoa momba ny fandikana ny Bokin’i Môrmôna tamina tenim-pirenena maro.

Ireo asa fanampiny atao ao anatin’ny fianarana

Fitaovana azo tsapain-tànana ampiasaina hanehoana ny herin’ Andriamanitra

Raha mety hahazo tombony amin’ny fahitana ohatra fanampiny amin’ny fitaovana azo tsapain-tànana maneho ny herin’ Andriamanitra ny mpianatra, dia hevero ny hampiseho ireto sary manaraka ireto ary hanasa azy ieo handalina ny iray na maromaro amin’ireto fitantarana manaraka ireto.

Sitrana ireo izay nijery ilay menarana varahina (jereo ny Nomery 21:4–9).

Sary

I Mosesy sy ilay menarana varahina

Nitarika an’i Lehia sy ny fianakaviany tamin’ny alalan’ny fampiasana ny Liahôna ny Tompo (jereo ny 1 Nefia 16:9–10, 23–29).

Sary

Liahona

Nanasitrana lehilahy jamba iray tamin’ny alalana feta sy rora i Jesoa (jereo ny Jaona 9:1–7).

Sary

Nanasitrana lehilahy jamba iray i Jesoa

Asao ny mpianatra hizara ny zavatra ianaran’izy ireo momba ny Ray any An-danitra sy i Jesoa Kristy avy amin’ny fampiasana ireo fitaovana azo tsapain-tànana ireo. Ifanakalozy hevitra ny fomba itovitovian’ireo fitantarana momba ana fitaovana azo tsapain-tànana nampiasaina tamina fahagagana ireo amin’ny fitantarana ny fandikana ny Bokin’i Môrmôna. Hevero ny hizara ny fomba anamafisan’ireo ohatra ireo orina ny fijoroana ho vavolombelona anananao momba ny Ray any An-danitra sy i Jesoa Kristy ary ny Bokin’i Môrmôna, ary manasà ihany koa mpianatra vonona hizara.

Mamaly ireo fanontaniana momba ny fahatongavan’ny Bokin’i Môrmôna

Asao ny mpianatra mba hieritreritra fanontaniana ananany na mety hananan’ny hafa momba ny fahatongavan’ny Bokin’i Môrmôna. Soraty eny amin’ny solaitrabe ny fanontanian’izy ireo ary asao hitady valiny ao amin’ny loharanom-pahalalana voatendrin’ Andriamanitra ny mpianatra. Ahitana ireto manaraka ireto ny sasany amin’ireny loharanom-pahalalana ireny:

Gospel Topics Essays, “Book of Mormon Translation,” ChurchofJesusChrist.org
Torolalana ho an’ny soratra masina, “Bokin’i Môrmôna,” “Mandika teny,” “Orima sy Tomima,” scriptures.ChurchofJesusChrist.org
Saints: The Story of the Church of Jesus Christ in the Latter Days, bok. 1, The Standard of Truth, 1815–1846 (2018), toko 4–6.

Toerana manan-tantaran’ny Fiangonana

Raha toa ka mety hahazo tombony amin’ny fahafantarana misimisy kokoa momba ireo toerana nisehoan’ireo tranga manan-danja mifandray amin’ny fahatongavan’ny Bokin’i Môrmôna ny mpianatra, dia afaka manao fitsidihana virtoaly amin’ireo toerana manan-tantara ireo ny iray kilasy, hita ao amin’ny ChurchofJesusChrist.org.