1 Nifae 6--10

Vaaiga Aoao

Sa maua e Liae se faaaliga lea na ia vaai ai i se laau matagofie. O lenei laau ma ona fua sa faatusa i le alofa o le Atua, ma sa “faatumulia ai le agaga [o Liae] i le olioli tele” (1 Nifae 8:12). E ala i lana faaaliga, na aoao ai Liae e uiga i le ala e tatau ona tatou faimalaga ai ma le auala e tumau ai ina ia olioli ai i faamanuiaga o le alofa o le Atua. Ina ua uma ona faalogo i le aoao atu o Liae e uiga i le laau o le ola ma vavalo atu e uiga i le afio mai o Keriso, sa manao Nifae e aoao le moni o upu a lona tama mo ia lava.

Sauni e Aoao Atu

O nei faamatalaga e tuuina atu ai i faiaoga ni manatu o ni mea e ono manaomia e saunia mamao i ai mo lesona taitasi.

1 Nifae 6--7

Faamoemoega o le lesona: O lenei lesona o le a fesoasoani i tamaiti aoga ia malamalama i le ala e fesoasoani ai le faamoemoega o le Tusi a Mamona ia i latou i a latou suesuega ma i o latou olaga.

Sauniuniga a le tamaitiiti aoga: Uunaia tamaiti aoga e fai a latou suesuega faaletagata lava ia i aso taitasi o le Tusi a Mamona. Valaaulia i latou e mafaufau loloto i o latou aafiaga i le suesueina o le Tusi a Mamona i le taimi nei ma mea o loo latou aoaoina.
Vitio: “Ishmael’s Household Joins Lehi’s Family” (12:24)
Fautuaga faafaiaoga faavitio: Mafaufau e faatino le tulaga i le amataga o le lesona e ala i le fai atu i tamaiti aoga o fesili ma valaaulia i latou e ta a latou tali i le talanoaga. E mafai ona fesoasoani pe a tofi se tamaitiiti aoga se toatasi e avea ma faatonu o le talanoaga ma faitau tali a o latou [ok]. Faafetai atu i tamaiti aoga mo a latou tali ma fai atu soo se fesili tulitatao e ono taitai atu ai i nisi malamalamaaga.

Mauaina o le Malamalama Faaleagaga, Vaega 3

Faamoemoega o le lesona: E mafai ona fesoasoani lenei lesona i tamaiti aoga ia malamalama ai i le taua o le sailia o upumoni mai punavai ua saunia ma le alofa e le Tama Faalelagi ma Iesu Keriso.

Sauniuniga a le tamaitiiti aoga: Valaaulia tamaiti aoga e mafaufau e uiga i fesili taua po o atugaluga o ia i latou ma punavai eseese e mafai ona latou liliu atu i ai mo ni tali. Fautuaina i latou ia saunia e faasoa mai se faataitaiga o se tasi o nei punavai pe aumai foi se tasi i le vasega.
Aitema: O se sioki o vai inu mama ma se ipu inu manino; e mafai ona sui, i se pesini vai, fasimoli e fufulu ai lima, ma se solo
Pepa e Tufa: “Faaaogaina o Punavai Mamana Filifilia”
Fautuaga faafaiaoga faavitio: Mo le gaoioiga i lalo o le “Faaaogaina o punavai mamana filifilia,” mafaufau e faaali atu faatonuga i luga o le lau ma valaaulia tamaiti aoga e pue se ata. I se isi itu, mafaufau e tuu faatonuga i le vaega o talanoaga ma valaaulia tamaiti aoga e kopi ma faapipii i se pepa o faamatalaga i luga o a latou lava masini. Ona vaevae lea o tamaiti aoga i ni vaega e talanoaina ai ma faamaea faatasi le gaoioiga e aoao ai.

1 Nifae 8:1–18

Faamoemoega o le lesona: O lenei lesona ua faamoemoe e fesoasoani i tamaiti aoga e faateleina ai lo latou manao ia lagona le olioli e ala i le alofa o le Atua ma le Togiola a Iesu Keriso.

Sauniuniga a le tamaitiiti aoga: Valaaulia tamaiti aoga e mafaufau loloto i fesili nei: O a ni auala e mafai ai e se tasi ona lagonaina le alofa o le Atua? O anafea na e lagonaina ai Lona alofa mo oe? E mafai foi e tamaiti aoga ona talanoa i se tagata o le aiga po o se taitai o le Ekalesia e uiga i o latou lagona i le alofa o le Atua mo i latou.
Vitio: “[ok]” (9:52; maimoa mai le faailotaimi 0:00 i le 2:39); “[ok]: [ok]” (11:29; maimoa mai le faailotaimi 0:00 i le 0:54 ma mai le faailotaimi 9:09 i le 10:02); “[ok]” (11:11; maimoa mai le faailotaimi 0:32 i le 2:33); “[ok]” (4:32; maimoa mai le faailotaimi 1:52 i le 4:32); “[ok]—[ok]” (3:00); “[ok]” (2:36); “[ok]” (4:09)
Ata: O se ata o Maria o loo siiina le pepe o Iesu
Fautuaga faafaiaoga faavitio: Mo le gaoioiga 2 i lalo o le “Lagonaina o le alofa o le Atua ma le olioli tele e ala ia Iesu Keriso,” mafaufau e sii mai vitio ma faataga tamaiti aoga e filifili po o le fea e matamata i ai. I se isi itu, vaevae tamaiti aoga i ni vaega, ma atofa atu se tasi o vitio i vaega taitasi. E manaomia e se tamaitiiti aoga i vaega taitasi ona ki le vitio ma faasoa atu lana lau mo isi tagata o le vaega. Valaaulia tamaiti aoga e mafaufau loloto ma talanoaina faamanuiaga o loo maua e ala mai ia Iesu Keriso. Ona mafai lea e vaega taitasi ona faasoa mai i le vasega mea na latou talanoaina.

1 Nifae 8:19–38

Faamoemoega o le lesona: O lenei lesona e mafai ona fesoasoani i tamaiti aoga e mulimuli ai i le afioga a le Atua e taiala ai i latou i Ana faamanuiaga silisili.

Sauniuniga a le tamaitiiti aoga: Uunaia tamaiti aoga e faitau le 1 Nifae 8:19–34 ina ia faamasani ai i faatusa i le faaaliga a Liae ma ia saunia e talanoaina i le vasega.
Ata e faaali atu: O se ata o le faaaliga a Liae
Vitio: “Ua Vaai Liae i le Ai Uamea ma E Ua Pauu Ese” (3:30)
Fautuaga faafaiaoga faavitio: Nai lo le fai atu i tamaiti aoga e tusi ni ata o vaega o le faaaliga, mafaufau e faaali le vitio ma taofi i soo se taimi e faaali mai ai se tasi o elemene autu. E mafai ona talosagaina tamaiti aoga e faasoa mai o latou manatu e uiga i faatusa ma vaavaai mo mea o loo aoao mai e tusitusiga paia e uiga i ai. Ina ia saunia mo le vasega, mafaufau e tusi i lalo le numera o le faailotaimi mo taimi taitasi e tatau ona taofi ai le vitio.

1 Nifae 10; 11:1–6

Faamoemoega o le lesona: O lenei lesona e mafai ona fesoasoani i tamaiti aoga i a latou taumafaiga e saili ai ma le filiga le malamalama mai le Alii.

Sauniuniga a le tamaitiiti aoga: Valaaulia tamaiti aoga e fesili i se matua po o se taitai talavou po o le a se mea latou te faia e saili ai ma le filiga le upumoni mai le Atua po o le auala e faaali mai ai e le Agaga Paia upumoni ia i latou. Uunaia tamaiti aoga e omai saunia e faasoa mai se manatu i le vasega.
Vitio: “E Faapefea ona Ou Lagona o Ia: Elder Ronald A. Rasband” (2:55)
Fautuaga faafaiaoga faavitio: Mafaufau e faaaoga se laupapa paepae faaeletonika ia mafai ai e tamaiti aoga ona galulue faatasi i le lisiina o auala e saili ai ma le filiga le upumoni mai le Atua ma auala e faaalia mai ai e le Atua le upumoni e ala i le Agaga Paia.