1 Nefi 13–14

“Të Armatosur me Drejtësi dhe me Fuqinë e Perëndisë”

sakramenti

Pasi iu tregua në një vegim braktisja përfundimtare dhe shkatërrimi i popullit të tij, Nefi pa që një kishë e madhe dhe e neveritshme do t’i prishte mësimet e Biblës dhe do të luftonte kundër shenjtorëve të Perëndisë. Imagjino gëzimin e Nefit kur pa edhe që ungjilli do të rivendosej, duke i bekuar të gjithë ata që do t’i përqafonin mësimet dhe besëlidhjet e Shpëtimtarit. Qëllimi i këtij mësimi është të të ndihmojë të kuptosh rëndësinë e besëlidhjeve dhe ta shtojë dëshirën tënde për t’i bërë e mbajtur ato.

Dhënia e mesazhit që ndihmesat e nxënësve vlerësohen. Kur nxënësit të ngrenë dorën për të bërë një koment, thërritini ata në emër dhe ndihmojini të ndiejnë që komentet e tyre mund t’i ndihmojnë të tjerët të mësojnë.

Përgatitja e nxënësve: Merreni parasysh t’i ftoni nxënësit të vijnë të përgatitur për të treguar se cilat mendojnë ata se janë ngjarjet më domethënëse në 500 vitet e fundit.

Veprimtari të Mundshme të të Mësuarit

Shënim: 1 Nefi 13:20–42 do të jepet mësim me më tepër hollësi në mësimin e ardhshëm.

Dora e Perëndisë në histori

Imagjino sikur të tregohet një vegim i ngjarjeve më të rëndësishme të 500 viteve të fundit, përfshirë kohën tonë.

Merreni parasysh t’i shkruani ose t’i vini nxënësit t’i shkruajnë në tabelë përgjigjet për pyetjen vijuese. Të parit e përgjigjeve në tabelë mund të bëjë që t’u lindin ide nxënësve të tjerë.

• Çfarë ngjarjesh mendon se mund të shohësh në këtë vegim? Përse?

Profetit Nefi iu tregua një vegim që përfshinte ngjarje domethënëse nga kjo periudhë kohore. Vini re atë që deklaroi Presidenti Rasëll M. Nelson rreth vegimit të Nefit:

Presidenti Rasëll M. Nelson

“Ne jemi të ulur në rreshtin e parë që ta dëshmojmë drejtpërsëdrejti atë që profeti Nefi e pa vetëm në vegim. …

Ju, vëllezërit dhe motrat e mia, jeni mes atyre burrave, grave dhe fëmijëve që pa Nefi. Mendoni për këtë!” (Rasëll M. Nelson, “Dëgjojeni Atë”, Ensign ose Liahona, maj 2020, f. 88)

Ndërsa studion kapitujt 1 Nefi 13–14, kërko prova për fuqinë e Perëndisë në ngjarjet që të çojnë deri në kohën tonë si dhe premtime domethënëse që Zoti do t’i përmbushë në jetën tënde.

Veprimtaria vijuese mund të përdoret në mënyra të shumta. Për shembull, mund t’i paraqitni ngjarjet dhe shkrimet e shenjta përkatëse të tyre dhe më pas t’i ftoni nxënësit të lexojnë vargjet dhe të shkruajnë një përmbledhje të shkurtër të të gjitha ngjarjeve. Mund edhe të krijoni një detyrë kontrolli ku nxënësit mund t’i përputhin ngjarjet me vargjet.

Lexoji fragmentet e shkrimeve të shenjta dhe përputhe atë që përshkruhet te vargjet, me ngjarjet e renditura më poshtë. Shënim: Johebrenjtë siç përdoret në këto vargje, u referohet njerëzve që nuk janë nga toka e Judës ose që nuk jetojnë në tokën e Judës.

1 Nefi 13:12–13, 16–19	Anali i nefitëve (Libri i Mormonit) dhe shkrimet e tjera të shenjta përforcojnë të vërtetën e analit të judenjve (Bibla) dhe rivendosin të vërteta të qarta dhe të çmueshme.
1 Nefi 13:23–26	Zbulimi dhe kolonizimi i tokës së premtuar nga johebrenjtë.
1 Nefi 13:35–36, 39–40	Anali i judenjve (Bibla) prishet nga kisha e madhe dhe e neveritshme.
1 Nefi 14:7–10	Ndodh një vepër e mrekullueshme (Rivendosja e ungjillit). Johebrenjtë zgjedhin t’i pranojnë ose t’i refuzojnë bekimet e saj.

Përgjigjet: 1-b, 2-c, 3-a, 4-d. Mund t’i pyesni nxënësit se çfarë dinë ose nëse kanë pyetje rreth ngjarjeve.

• Çfarë mendon se është domethënëse rreth këtyre profecive?

Nxënësit mund të përfitojnë nga studimi i vargjeve te 1 Nefi 13:12–13, 16–19 për të zbuluar se si Shpirti dhe fuqia e Perëndisë qenë mbi ata që udhëtuan për në tokën e premtuar.

• Çfarë mëson për Perëndinë nga këto vargje?

  Kjo mund të jetë një mundësi e mirë për të dhënë dëshminë tuaj për dorën e Perëndisë në shpalosjen e Rivendosjes. Ju gjithashtu mund t’i ftoni nxënësit të shprehin ndjenjat e tyre.

• Si mund ta bekojë jetën tënde tani kjo që kupton rreth Tij?

E drejta e përdorimit të fuqisë së Perëndisë në jetën tonë

Nefit iu treguan ditët e mëvonshme dhe pa Rivendosjen e Kishës së Jezu Krishtit dhe kundërshtimin me të cilin do të përballej ajo. Ai gjithashtu pa bekimet që iu premtuan ndjekësve të Jezu Krishtit që i mbajnë besëlidhjet.

Lexo te 1 Nefi 14:12–14, duke kërkuar atë që mësoi Nefi rreth anëtarëve të ditëve të mëvonshme të Kishës së Jezu Krishtit.

• Çfarë të bën përshtypje te përshkrimi i Nefit për Kishën e Jezu Krishtit dhe anëtarët e saj në kohën tonë? Përse?

  Merreni parasysh t’i diskutoni mendimet dhe ndjenjat e nxënësve rreth të qenit midis të paktëve anëtarë të Kishës në mbarë botën. Mund t’i ftoni ata të tregojnë mënyra se si i kanë parë njerëzit të luftojnë kundër Shpëtimtarit dhe si mund të përgjigjen me besnikëri dhe dashuri ndaj këtyre sfidave.

  Për ta lehtësuar diskutimin, merreni parasysh t’i ftoni nxënësit t’u përgjigjen komenteve të bëra nga bashkmoshatarët e tyre. Kërkoni drejtim nga Shpirti për të ditur se çfarë pyetjet për ndjekjen e ecurisë të bëni.

• Çfarë parimesh mund të përcaktosh nga vargu 14?

Një parim që mund të mësojmë nga këto vargje, është: Nëse i mbajmë besëlidhjet tona, do të jemi të armatosur me drejtësi dhe me fuqinë e Perëndisë.

• Çfarë besëlidhjesh ke bërë ose do të bësh me Perëndinë?

• Cilat janë disa mënyra që të ndihmojnë të qëndrosh i përqendruar në mbajtjen e besëlidhjeve që ke bërë?

Plaku Dejvid A. Bednar, i Kuorumit të Dymbëdhjetë Apostujve, dha mësim se çfarë do të thotë të jesh i armatosur me drejtësi dhe me fuqinë e Perëndisë në lavdi të madhe:

Plaku Dejvid A. Bednar

“Fraza ‘armatosur me drejtësi dhe me fuqinë e Perëndisë në lavdi të madhe’ [1 Nefi 14:14] nuk është thjesht një ide e këndshme ose një shembull i gjuhës së bukur të shkrimeve të shenjta. Përkundrazi, këto bekime janë lehtësisht të dukshme në jetën e dishepujve të panumërt të Zotit në ditët e mëvonshme. …

… Dëshmoj se njerëzit e besëlidhjes së Zotit sot janë njëmend të armatosur me drejtësi dhe me fuqinë e Perëndisë në lavdi të madhe. Kam dëshmuar besim, kurajë, këndvështrim, ngulm dhe gëzim që shtrihen shumë përtej kapacitetit të të vdekshmëve – dhe këto mund t’i japë vetëm Perëndia.” (Dejvid A. Bednar, “Me Fuqinë e Perëndisë në Lavdi të Madhe”, Liahona, nëntor 2021, f. 29–30)

• Cilët janë disa shembuj të mundshëm të njerëzve në moshën tënde që janë të “armatosur me drejtësi”?

• Kur ke përjetuar disa nga këto bekime që “mund t’i japë vetëm Perëndia”?

Për të parë një shembull të një vajze të re që bën dhe mban besëlidhje, shiko materialin filmik “Standing in Holy Places” [“Qëndrimi në Vende të Shenjta”] (5:36), që është në dispozicion te ChurchofJesusChrist.org.

Një vajzë e re reflekton për bekimet e të ecurit në shtegun e besëlidhjes ndërkohë që udhëton për në tempull.

• Çfarë të tregojnë veprimet e tua të përditshme rreth faktit se sa të rëndësishme janë besëlidhjet që ke bërë?

• Pse ke nevojë për fuqinë që vjen nga besëlidhjet me Atin Qiellor?

• Si mund t’i ftosh më plotësisht në jetën tënde bekimet e bërjes dhe nderimit të besëlidhjeve me Atin Qiellor?

Komente dhe Informacion për Rrethanat

1 Nefi 13. Çfarë nënkuptohet me termin johebrenj në Librin e Mormonit?

Johebrenj mund të ketë kuptimin “kombet”. Ai u drejtohet 1) atyre që nuk janë të shtëpisë së Izraelit, 2) atyre që nuk besojnë në Perëndinë e Izraelit ose që nuk e kanë ungjillin, pavarësisht prejardhjes së tyre dhe 3) njerëzve që nuk janë nga toka e Judës ose që nuk jetojnë në tokën e Judës. Për shembull, pelegrinët dhe kolonizuesit në kontinentin amerikan quhen johebrenj te 1 Nefi 13:3–13. Ata që nxorën në dritë Librin e Mormonit, quhen johebrenj te 1 Nefi 13:38. Doktrina e Besëlidhje dhe Perla me Vlerë të Madhe u sollën gjithashtu në dritë nga johebrenjtë (shih te 1 Nefi 13:39; Doktrina e Besëlidhje 109:60).

1 Nefi 13:12. Kush ishte burri në vegimin e Nefit?

Presidenti Ezra Taft Benson (1899–1994) e identifikoi këtë burrë mes johebrenjve si Kristofor Kolombin:

Presidenti Ezra Taft Benson

“Perëndia frymëzoi ‘një burrë mes Johebrenjve’ (1 Nefi 13:12) i cili, me anë të Shpirtit të Perëndisë, u udhëhoq të rizbulonte tokën e Amerikës dhe ta sillte këtë tokë të re e të pasur në vëmendjen e njerëzve në Europë. Ai burrë, sigurisht, ishte Kristofor Kolombi, i cili dëshmoi se qe i frymëzuar në atë që bëri.

‘Zoti ynë’, – tha Kolombi, ‘ma hapi mendjen, më dërgoi mbi det dhe më dha zjarrin për këtë vepër. Ata që dëgjuan për sipërmarrjen time, e quajtën marrëzi, më tallën dhe qeshën. Por kush mund të dyshojë që nuk më frymëzoi tjetër gjë veç Frymës së Shenjtë?’ (Jacob Wasserman, Columbus, Don Quixote of the Seas, f. 19–20).” (The Teachings of Ezra Taft Benson [1988], f. 577)

1 Nefi 14:10. Cilat janë dy kisha e përmendura?

Presidenti Dallin H. Ouks

Plaku Dallin H. Ouks tha se “kish[a e] madhe dhe [e] neveritshme” e përshkruar nga Nefi, “duhet të jetë çdo filozofi apo organizatë që kundërshton besimin te Perëndia. Dhe ‘robëri[a]’ në të cilën kjo ‘kishë’ kërkon t’i sjellë shenjtorët, nuk do të jetë aq shumë kufizim fizik sa do të jetë robëri nga ide të rreme” (“Stand as Witnesses of God”, Ensign, mars 2015, f. 32).

Si do t’i bekojë Perëndia të drejtët në ditët e fundit?

Plaku Nil L. Andersen, i Kuorumit të Dymbëdhjetë Apostujve, dha mësim:

Plaku Nil L. Andersen

“Ne jetojmë, vëllezër e motra, në ditët që paraprijnë Ardhjen e Dytë të Zotit, një kohë e pritur gjatë prej besimtarëve përmes epokave. Ne jetojmë në ditët e luftërave dhe të zhurmave të luftërave, në ditët e fatkeqësive natyrore, në ditët kur bota ngatërrohet prej pështjellimit e rrëmujës.

Por ne gjithashtu jetojmë në kohën e lavdishme të Rivendosjes, kur ungjilli po çohet në mbarë botën – një kohë kur Zoti ka premtuar se Ai ‘do të ngre[jë] … një popull të kulluar’ [Doktrina e Besëlidhje 100:16] dhe do ta armatosë ‘me drejtësi dhe me fuqinë e Perëndisë’ [1 Nefi 14:14].

Ne ngazëllehemi në këto ditë dhe lutemi që do të jemi në gjendje t’i përballojmë me guxim sprovat dhe pasiguritë tona.” (Nil L. Andersen, “Ardhtë Mbretëria Jote”, Ensign ose Liahona, maj 2015, f. 119)

Si bekohemi ne nga të ecurit në shtegun e besëlidhjeve?

Lexoje, shikoje ose dëgjoje bisedën e Plakut D. Tod Kristoferson me titull “Arsyeja për Shtegun e Besëlidhjeve” (Liahona, maj 2021, f. 116–119).

Veprimtari Plotësuese të të Mësuarit

1 Nefi 14:1–7. Rezultatet e përgjigjes sonë ndaj së vërtetës

Një mënyrë tjetër për ta trajtuar kapitullin 1 Nefi 14 është të paraqitni figurën vijuese, që ngjan me një bigëzim rruge, pa fjalët.

diagrami i manualit

Lexo te 1 Nefi 14:1–2, 5–7. Ndihmojini nxënësit t’i dallojnë zgjedhjet e ndryshme që do të bënin njerëzit në përgjigje ndaj Rivendosjes së ungjillit dhe pasojat për ato zgjedhje. Shtojini përgjigjet te figura që të duket e ngjashme me atë më lart.