2 Нифай 1

Сайн мэдээний зарчмуудыг олох

Хэрэв таны биширдэг хүн амьдралынхаа төгсгөлд ойртож, тантай эцсийн зөвлөгөөг хуваалцаж байвал танд ямар мэдрэмж төрж болохыг төсөөл. Лихай удахгүй үхнэ гэдгээ мэдэж байсан тул хүүхдүүдээ Бурханы зарлигуудыг сахихад урамшуулахын тулд тэдэнтэй ярьсан. Түүний заасан үнэнүүд танд сүнслэг нөлөө, чиглүүлгийн эх үндэс болж чадна. Энэ хичээл таныг амьдралдаа Бурханы тусламжийг хүлээн авахад туслах зарчмуудыг олж мэдэхэд туслах болно.

Сайн мэдээний сургаал, зарчмуудыг олж нээхэд суралцагчдад туслах. Суралцагчдад сургаал эсвэл зарчим зааж өгөх нь заримдаа ашигтай байдаг ч тэднийг сургаал, зарчмуудыг өөрсдөө олж илрүүлэхэд чиглүүлж, урамшуулах нь хамгийн их хэрэгтэй байдаг. Суралцагчдад сургаал, зарчмуудыг бие даан тодорхойлох чадварыг эзэмшихэд нь хичээнгүйлэн тусал.

Суралцагчдын бэлтгэл: Суралцагчдыг өдөр тутамдаа судар судлахыг урамшуул. Тэднийг 2 Нифай 1 дээрх үнэн зарчмыг хайж, жишээг хуваалцахаар бэлдэж ирэхэд урь.

Боломжит суралцах үйл ажиллагаа

Юу хайх ёстой вэ

Дараах зургийг үзүүлж, суралцагчдыг холбогдох үйл ажиллагааг гүйцэтгэхэд урь. Хэрэв та өөр нуугдсан зургийн үйл ажиллагаа танай ангид илүү тохирно гэж үзэж байвал ChurchofJesusChrist.org дээрээс нуугдсан зургуудыг хай.

Эсвэл та өрөөнд янз бүрийн объектуудыг нууж, юу хайхыг сурагчдад хэлж, ангийнхнаа тэднийг олохыг урьж болно.

Доорх зургийг хянаж үзээд, дараагийн минутад хэдэн нуусан зүйлийг олж болохыг хар.

• Аль нь олоход хялбар байсан бэ? Аль нь илүү их хүчин чармайлт шаардсан бэ?

• Хэрэв та юу хайхаа мэдэхгүй байсан бол нуусан объектыг олох таны чадвар хэрхэн өөрчлөгдсөн бэ?

Эдгээрийг хуваалцахаасаа өмнө суралцагчдыг дараах асуултын хариултыг ангийнхантайгаа хоёр хоёроороо эсвэл жижиг бүлгээрээ хуваалцахад урь.

• Энэ үйл ажиллагаа судраас суралцахтай хэр адил байна вэ?

Та судалж байхдаа зарчмуудыг эрэлхийлснээр судруудтай танилцах туршлага тань сайжирч болно.

Арван хоёр төлөөлөгчийн чуулгын ахлагч Дэвид А.Бэднар зарчим гэж юу болохыг ийн тайлбарласан.

Сайн мэдээний зарчим бол ёс суртахууны арга хэрэгслийг зөв шударгаар ашиглахад зориулсан, сургаалд суурилсан удирдамж юм. Зарчмууд нь сайн мэдээний илүү өргөн цар хүрээтэй үнэнээс урган гардаг бөгөөд биднийг гэрээний зам дээрээ урагшлан явах үед удирдамж, жишгүүдээр хангадаг. (Дэвид А.Бэднар, “Миний сайн мэдээний зарчмууд,” 2021 оны 4-р сарын Ерөнхий чуулган, 129)

Таны өмнө нь 1 Нифай дээр сурч мэдсэн зарим зарчмын жишээ гэвэл хэрэв бид гэрээгээ сахивал зөв шударга байдал хийгээд Бурханы хүчээр зэвсэглэх болно (1 Нифай 14:14-ийг үзнэ үү), судруудыг өөрсөдтэйгөө адилтгаснаар бид суралцаж, тэднээс ашиг тус олно (1 Нифай 19:23).

• Та нар зарчим гэдгийг юу гэж тайлбарлах вэ?

• Зарчмуудыг тодорхойлох нь бидний амьдралд тустай байж болох ямар шалтгаан байдаг вэ?

Суралцагчдын хариултыг анхааралтай сонс. Тэд зарчим гэж юу болохыг, зарчим нь бидний амьдралыг хэрхэн чиглүүлж болохыг ойлгосон гэдгийг баттай болго.

Зарчмуудыг олох

Суралцагчдыг дараах асуултын хариултыг хуваалцахад урь. Тэд 2 Нифай 1 дэх шүлгийг ашиглан, зарчмуудыг олох арга замыг тайлбарлах эсвэл загварчлах үедээ хичээлдээ хэр бэлтгэж буйгаа бодож болно.

• Та өмнө нь судраас зарчмуудыг олоход тусалсан юуг хийж байсан бэ?

• Зарчмуудыг олох гэж оролдоход тань юу саад болж байсан бэ?

Судруудаас зарчмуудыг олох үр дүнтэй арга бол чухал үг, хэллэг эсвэл санааг хайж унших явдал юм. Үүнийг гүйцэтгэхэд дараах асуултууд танд тус болж болох юм.

Суралцагчдад судлах тэмдэглэлдээ хуулж бичих дараах асуултууд болон зааварчилгааг самбар дээр үзүүл. Тэдгээр нь семинарын туршид болон өөрсдөө хувьдаа судар судлах явцад ашиглах лавлагаа болж чадна.

• Ямар үг, хэллэг давтагдсан эсвэл чухал санагдаж байсан бэ?

• Эдгээр шүлэгт ямар сэрэмжлүүлэг мөн амлалтууд орсон бэ?

• Зохиогчийн хэлэхийг оролдсон гол утга санаа юу байж болох вэ?

• Ариун Сүнс танд юуг онцолсон бэ?

Эдгээр үг, хэллэг, санаанаас таны амьдралд тус болох үнэний мэдэгдлийг бич. Бичиж дууссаныхаа дараа өөрөөсөө дараах асуултуудыг асуу.

• Энэ зарчим бүх нөхцөл байдал, цаг үе, соёлд үнэн зөв үү? Хэрэв үгүй бол ямар тохируулга үүнийг үнэн болгож болох вэ?

• Энэ зарчим намайг болон бусад хүнийг Тэнгэрлэг Эцэг, Есүс Христ хоёрт илүү ойртуулах уу?

2 Нифай 1-д Лихайн нас барахаасаа өмнө хүүхдүүддээ өгсөн сүүлчийн зөвлөгөөг агуулдаг. Тэрээр Бурханы сайн сайхныг тэдэнд сануулж, тэднийг насан туршид нь удирдан чиглүүлнэ гэж найдсан хэд хэдэн зарчмыг заажээ.

Үнэн зарчмуудыг олохын тулд 2 Нифай 1:1–4-ийг унш. Дээр жагсаасан тэмдэглэгээт асуултуудыг ашиглаж болно.

• Та юу олж мэдсэн бэ?

Хэдэн суралцагчийг хуваалцахад урь. Тэд янз бүрийн зарчмыг тодорхойлж болох юм. Тэдний хичээл зүтгэлд талархаж, хуваалцах нь танд болон ангийн бусад гишүүнд үнэ цэнтэй байдаг гэдгийг тэдэнд мэдүүл.

Лихайн заасан нэг зарчмын жишээ: Их Эзэний сэрэмжлүүлгийг дагаснаараа бид Түүгээр хамгаалагдаж чадна (2 Нифай 1:3–4-ийг үзнэ үү).

Үнэнийг олж мэдсэнийхээ дараа энэ нь юу гэсэн үг болохыг мөн таны амьдралд хэрхэн тусалж болох зэргийг тунгаан бодох нь тустай.

Суралцагчдыг сая олж мэдсэн үнэнийг илүү сайн ойлгож, хэрэгжүүлэх арга замыг хуваалцахад урь. Шаардлагатай бол дараах асуултуудаас заримыг нь эсвэл бүгдийг нь асуу.

Дараах асуултуудын зарим нэг нь тустай байж болно.

• Их Эзэн таныг эсвэл таны таньдаг хүмүүсийг сэрэмжлүүлгийг нь дагасны дараа хэрхэн хамгаалсан бэ?

• Түүний сэрэмжлүүлэг танд Өөрийнх нь тухай юуг заасан бэ? мөн Тэрээр таны тухай ямар бодолтой байдаг вэ?

Их Эзэн өнөөдөр танд ямар арга замаар сэрэмжлүүлж, таныг хэрхэн хариу үйлдэл үзүүлэхийг хүсэж байгааг тунгаан бод.

Зарчмуудыг олох чадвараа дээшлүүлэх

Доорх үйл ажиллагаа дээр энэ үйл явцыг дагаж судруудаас зарчмуудыг олох чадвараа хөгжүүл.

Лихайн хөвгүүддээ өгсөн сүүлчийн зөвлөгөөний дор хаяж хоёр хэсгийг унш.   Жинхэнэ зарчмуудыг тодорхойлохын тулд “Зарчмуудыг олох” үйл явцыг ашигла.

Дараах хэсгүүдйиг үзүүл эсвэл тэдгээрийг самбар дээр бич.

• 2 Нифай 1:13–15, 23

• 2 Нифай 1:16–20

• 2 Нифай 1:24–29

2 Нифай 1 дээрээс танд хамгийн хэрэгтэй санагдсан үнэнийг сонгож, судлах тэмдэглэлдээ дараахыг бич.

1. Таны олж мэдсэн зарчим болон үүн дотроос таны олсон шүлэг эсвэл шүлгүүд

2. Таны бодлоор энэ зарчим юу гэсэн үг болохыг тайлбарласан тайлбар

3. Үнэнийг мэдрэх арга замууд таныг удирдаж, амьдралд тань чухал адислалуудыг авчрах болно

4. Таны энэ зарчмаас Тэнгэрлэг Эцэг, Есүс Христ хоёрын талаар сурч мэдсэн зүйл

Суралцагчдыг асуултаа хуваалцахыг урь. Үүнийг хийх нэг арга бол хэд хэдэн суралцагч самбар дээр олсон зарчмаа бичих явдал юм. Дараа нь нэг суралцагчийг ангийнхныхаа бичсэн олон зарчмаас өөрт нь сонирхолтой эсвэл утга учиртай санагдах нэг зарчмыг сонгоход урь. Энэ зарчмыг олж мэдсэн суралцагч дээрх асуултуудын хариултаа хуваалцаж болно. Энэ үйл ажиллагааг хэд хэдэн удаа давтан хийж болно. Суралцагчдын хуваалцдаг мөнхийн үнэнүүдийг болон эдгээр үнэнийг мэдэж, хэрэгжүүлэх нь бидний амьдралд хэрхэн тусалж болохыг онцлон тэмдэглэ. Тэдний амжилтыг урамшуулж магт. Мөн өөрийн олсон хувийн зарчмаа хуваалцаж болно.

2 Нифай 1 дээрх зарчмыг тодорхойлж, ойлгохын тулд юу хийснээ тунгаан бод.

• Хувиараа судар судлахдаа зарчмуудыг тууштай эрэлхийлэх нь танд хэрхэн туслах вэ?

• Энэ нь таны Есүс Христтэй харилцах харилцаанд болон Түүнтэй адил болох хүсэлд хэрхэн нөлөөлж болох вэ?

Судруудаас зарчмуудыг эрэлхийлэхийн ач холбогдлыг гэрчилж, суралцагчдыг өнөөдөр сурч мэдсэн ур чадвараа судар судлахдаа байнга ашиглаж байхыг хүс.

Тайлбар ба нөхцөл байдлын талаарх мэдээлэл

2 Нифай 1:13, 23 Лихайн зүйрлэсэн “гинж” гэж юу вэ?

 

2 Нифай 1:9, 20 “Дэгжин хөгжих” гэдэг нь юу гэсэн утгатай вэ?

“Газарт дэгжин хөгжих” ба “[Их Эзэний] оршихуйгаас таслагдах” гэсэн хэллэгүүд бие биеэсээ эсрэг утгатай байдаг. Энэ нь тухайн газарт дэгжих нь Их Эзэний оршихуйг бидэнтэй хамт байлгахтай хүчтэй холбоотой гэдгийг харуулж байна.

Тэргүүн зөвлөлийн ерөнхийлөгч асан Дийтр Ф.Угдорф бид зарлигуудыг сахиснаар ирэх хөгжил цэцэглэлтийг ийн тодорхойлсон.

Аврагчийг дагах нь таны бүх зовлон бэрхшээлийг арилгахгүй. Харин энэ нь Тэнгэрлэг Эцэгээс танд өгөхийг хүсэж байгаа тусламж, та хоёрын хоорондох саадыг арилгах болно. Бурхан тантай хамт байж, хийх алхмуудыг тань чиглүүлнэ. Тэр тантай мөр зэрэгцэн алхах ба тэр ч бүү хэл, тусламж хамгийн их хэрэгтэй үед таныг үүрээд явах болно. (Дийтр Ф.Угдорф, “Гэрийн зүг тэмүүлэх нь,” 2017 оны 10-р сарын Ерөнхий чуулган, 3–7)

Нэмэлт суралцах үйл ажиллагаа

Харьцуулалтаар Христийн талаар илүү ихийг олж мэдэх

Хэрэв суралцагчид харьцуулах замаар Христийн тухай сурах нь судраас суралцах ур чадварт нь дэм тустай байвал тэднийг 2 Нифай 1-ийг судалж, Нифай, Лихай хоёр бусдын төлөөх хүсэл эрмэлзэл, бусдад хандах хандлага, заасан зүйлсээрээ Аврагчтай хэрхэн адил болохыг олж мэдэхийг урь. Жишээлбэл: Лихайн санаа зовнил ба хайр 2 Нифай 1:16-д байдаг Аврагчийнхтай адил бөгөөд түүний үндсэн хүсэл бусдын тусын тулд байдаг гэдгийг суралцагчид анзаарч магадгүй. Тэд Нифайн ах нараа аварсан явдал Христтэй адил гэдгийг анзаарч магадгүй ( 2 Нифай 1:24-ийг үзнэ үү). Үүнийг хийснээр Аврагчийн талаар юу сурч мэдсэнээ хуваалцахад суралцагчдыг урь мөн үүнийг тууштай хийх нь Түүнтэй харьцах харилцааг бэхжүүлж, Түүнтэй адил байх хүслийг нь нэмэгдүүлэх болно.

2 Нифай 1:9, 20. “Та нар Миний зарлигуудыг сахисны хэрээр та нар нутагтаа дэгжин хөгжих болно”

Суралцагчдад энэ үнэнийг судлах нь ашиг тустай байвал дараах үйл ажиллагааг анхаарч үз.

Дэгжин хөгжих гэдэг үгийг үзүүлж, суралцагчдыг энэ үгийг хэрхэн тодорхойлохоо мөн яагаад энэ нь хүсүүштэй болохыг хуваалцахад урь. Шаардлагатай бол “Тайлбар ба нөхцөл байдлын талаарх мэдээлэл” хэсгээс дэгжин хөгжих гэдэг нь юу гэсэн утгатай үг вэ гэсэн тайлбарыг хуваалц. Их Эзэн биднийг дэгжин хөгжихийн тулд юу хийхэд урьж байгааг 2 Нифай 1 дэх (9, 20-р шүлэг), дараа нь ерөнхийд нь Мормоны Номоос (эсвэл тэд “Дэгжин хөгжих”-ийн доорх гурвалсан судрын индексийг ашиглаж болно) “дэгжин хөгжих” гэсэн үгийг хайхыг тэднээс хүс. Яагаад зарлигуудад дуулгавартай байх нь дэгжин хөгжихөд хүргэдэг гэж боддогоо хуваалцахад тэднийг урь. Аврагчийн амьдралын энэ үнэнийг үлгэрлэн харуулсан жишээнүүдийг хуваалцахыг тэднээс хүс. Тэд мөн энэ үнэний ач холбогдлыг харуулахын тулд бусад судрын түүх, өөрсдийн амьдралаас авсан жишээ эсвэл бусдын амьдралаас авсан туршлагаа хуваалцаж болно.