Мормоны Номын семинарын багшийн гарын авлага (2024)

Агуулга
Нүүр хуудас
Мормоны Номын семинарын багшийн гарын авлага-ын оршил
Мормоны Ном—Оршил материал
Мормоны Номын удиртгал хэсгүүд
1 Нифай 1–5
1 Нифай 6–10
1 Нифай 11–15
1 Нифай 16–22
2 Нифай 1-2
2 Нифай 3–5
2 Нифай 6–10
2 Нифай 11–19
2 Нифай 20–25
2 Нифай 26–30
2 Нифай 31–33
Иаков 1–4
Иаков 5–7
Инос–Мормоны үгс
Moзая 1–3
Moзая 4–6
Moзая 7–10
Moзая 11–17
Moзая 18–24
Moзая 25–28
Мозая 29–Алма 4
Алма 5–7
Алма 8–12
Алма 13–16
Алма 17–22
Алма 23–29
Алма 30–31
Алма 32–35
Алма 36–38
Алма 39–42
Алма 43–52
Алма 53–63
Хиламан 1–6
Хиламан 7–12
Хиламан 13–16
3 Нифай 1–7
3 Нифай 8–11
3 Нифай 12–16
3 Нифай 17–19
3 Нифай 20–26
3 Нифай 27–4 Нифай 1
Moрмон 1–6
Moрмон 7–9
Ифер 1–5
Ифер 6–11
Ифер 12–15
Moронай 1–6
Moронай 7–9
Моронай 10
Хавсралт

2 Нифай 2:26–30: Сонгох эрх чөлөөтэй

“2 Нифай 2:26–30: Сонгох эрх чөлөөтэй,” Мормоны Номын багшийн гарын авлага (2024)

“2 Нифай 2:26–30,” Мормоны Номын багшийн гарын авлага

2 Нифай 2:26–30

Сонгох эрх чөлөөтэй

Амьдралынхаа туршид та сонголтуудтай тулгарна. Таны хийх зарим сонголт удаан хугацааны заримдаа бүр мөнхийн үр дагавартай байдаг. Есүс Христийн ачаар хүн бүр “эрх чөлөө болон мөнх амьдрал” эсвэл “боолчлол болон үхлийг сонгох эрхтэй” (2 Нифай 2:27) гэж Лихай заасан. Энэ хичээл Есүс Христийг дагахын тулд сонгох эрхээ ашиглахад тань тусална.

Суралцагч бүрийн нөхцөл байдлыг мэд. Суралцагч бүрд сайн мэдээний үнэний талаар хэрхэн бодож, мэдрэхэд нь нөлөөлдөг өөр өөр туршлага, харилцаа байдаг. Суралцагч бүрийг мөн тэдний нөхцөл байдлыг ойлгохыг эрэлхийл. Хичээлээ заахаар бэлдэх явцдаа суралцагчдын хэрхэн хариу үйлдэл үзүүлж болох хүчин зүйлүүдийн талаар бод.

Суралцагчийн бэлтгэл: Суралцагчдыг 2 Нифай 2:27-г уншаад, Аврагчид ойртож, Түүний хүртээж буй адислалуудыг хүлээн авахад амьдрал дахь ямар сонголт нь тусалж байгааг залбиран тунгаан бодоход урь. Мөн тэднээс өөрчлөхийг хүсэж буй сонголтуудынхаа талаар тунгаан бодохыг хүс.

Боломжит суралцах үйл ажиллагаа

Сонголт хийх

Дараах жагсаалтыг самбар дээр бич. Суралцагчдыг хоёр хоёроороо, жижиг бүлгээр эсвэл ангиараа ярилцахад урь.

Бусад хүн яагаад дараах зүйлийг хийх эсвэл хийхгүй байх шийдвэр гаргаж болохыг бодож үз.

байнга залбирах
сүмийн цуглаанд явах
наманчлах
Мэргэн ухааны үгийг дуулгавартай дагах
бусдыг уучлах

Эдгээр үйлдлийг хийх эсвэл хийхгүй байх шалтгаанаа эргэцүүлэн бод. Мөн Есүс Христийн сайн мэдээнд багтсан бусад зарлигийг эргэцүүлэн бодоорой. Та энэ хичээлийг судлахдаа Их Эзэний зөвшөөрсөн арга замаар сонгох эрхээ хэрхэн ашиглаж, сайжруулахыг хүсэж байгаагаа ойлгохын тулд Ариун Сүнснээс тусламж эрэлхийл.

Сонгох эрх чөлөөтэй

Амьдралынхаа сүүлийн өдрүүдэд бошиглогч Лихай гэр бүлдээ Тэнгэрлэг Эцэгийн авралын төлөвлөгөөний гол хэсгүүдийн талаар заажээ. Түүний сургаалд Уналт, Аврагчийн Цагаатгал, сонгох эрх зэрэг багтана.

2 Нифай 2:26-г уншаад Лихай энэ гурван хэсгийн талаар юу заасныг олж мэд.

Та юу сурч мэдсэн бэ?

Суралцагчдыг хуваалцах үед “тэд уналтаас гэтэлгэгддэг” гэсэн хэллэгийг онцолж, тэднээс Уналтын талаар юу санаж байгааг асуух нь хэрэгтэй байж болох юм.
Уналт, мөн Аврагчийн Цагаатгал хэрхэн биднийг сонгох эрхтэй болгосон бэ?

2 Нифай 2:27-г унш. Шүлэг юу зааж байгааг харуулахын тулд энгийн бүдүүвч зураг зурж эсвэл үүнийг өөрийн үгээр дүгнэн хураангуйлж бич.

Суралцагчдаас зурсан зүйлээ эсвэл шүлгийг хэрхэн дүгнэснээ хуваалцахыг хүс. Суралцагчид хоёр хоёроороо, жижиг бүлгээр эсвэл ангиараа хуваалцаж болно.

2 Нифай 2:27 бол төгс эзэмших сургаалын судрын хэсэг юм. Төгс эзэмших сургаалын судрын хэсгүүдийг дараа нь амархан олохын тулд онцгойлон тэмдэглэхийг бод. Та дараагийн хичээл дээр энэ хэсэгт заасан сургаалыг асуулт эсвэл нөхцөл байдалд хэрэгжүүлэх дадлага хийх боломжтой болно.

Доорх зурагтай адил бүдүүвч зургийг самбар дээр зур эсвэл суралцагчдын бүтээсэн хувилбарыг ашигла. Суралцагчдыг дараах асуултад хариулж байх үед бүдүүвч зургийг хар. Та графикийг бүхэлд нь нэг дор үзүүлж болно эсвэл гурав, дөрөв дэх асуултыг хэлэлцэхдээ эхлээд дээд талыг нь, дараа нь доод талыг нь нэмж харуулж болно.

Дараах нь энэхүү шүлгийг илэрхийлэх нэг арга юм.

27-р шүлэг дээрх Аврагчийн сургаалыг нэгтгэн дүгнэх нэг арга бол бид Есүс Христээр дамжуулан эрх чөлөө болон мөнх амьдралыг эсвэл боолчлол болон үхлийг сонгох эрхтэй.

“Сонгох эрх чөлөөтэй” гэсэн гарчигтай нүдний яг дээрх сумууд хоорондоо ойрхон эхэлж байгааг анхаар. Зарим хүн Есүс Христийг дагахаар сонгох эрхээ ашиглах нь бидний сонголтыг хязгаарлаж, эрх чөлөөг маань үгүй болгодог гэж бодож магадгүй.

Яагаад зарим хүн Есүс Христийг дагах нь бидний эрх чөлөөг хязгаарладаг гэж боддог вэ?

Бид Есүс Христийг дагах бүрд сумууд өргөн нээгдэж байгааг бүдүүвч зураг хэрхэн харуулж байгааг анхаарна уу. Үнэн хэрэгтээ, Есүс Христийг дагах нь бидэнд илүү их сонголт, агуу эрх чөлөөг олгодог.

Есүс Христийг дагах нь ямар арга замаар эрх чөлөөнд хүргэдэг вэ?

Бүдүүвч зургийн нөгөө талд сумуудын зай холоос эхэлж, дараа нь ойртож байгааг анхаарна уу.

Яагаад зарим хүн Есүс Христийг дуулгавартай дагахгүй байх нь эрх чөлөөнд хүргэдэг гэж боддог вэ?
Есүс Христийг дуулгавартай дагахгүй байхыг сонгох нь хэрхэн боолчлогдоход хүргэдэг вэ?

Арван хоёр төлөөлөгчийн чуулгын ахлагч Д.Тодд Кристоффэрсон Их Эзэнд дуулгаваргүй байх нь биднийг яагаад эрх чөлөөгүй болгодог болохыг ийн тайлбарласан.

Сатан … Ариун Сүнсний нөлөөг өөрийн ноёрхлоор сольж, бидний сонгох эрх чөлөөг хязгаарлах зан үйл, сонголтыг дэмждэг (С&Г 29:40; 93:38–39-ийг үзнэ үү). Түүний сорилтод автагдах нь сонголтыг улам бүр цөөрүүлж, сүүлдээ бүр огт сонголтгүй болгож, биднийг эсэргүүцэх арга, чадалгүй болгодог донтолтод хүргэдэг. (D. Todd Christofferson, “Moral Agency,” Ensign, June 2009, 49)

6:26

Суралцагчдыг энэ түүх тэдний тодорхойлсон зарчмыг хэрхэн харуулж байгааг хуваалцахад урих талаар бод.

2 Нифай 2:28–30-ийг уншаад, сонгох эрхээ хэрхэн сонгохоо эргэцүүлэн бодоход хэсэг хугацааг зарцуул.

Дараах асуултуудад хариулах хариултаа бод.

Есүс Христийг дагах сонголт нь таныг хэрхэн эрх чөлөө болон мөнхийн амьдралд хүргэх вэ? Их Эзэн хичээл зүтгэлийг тань хэрхэн адисалсан бэ?
Таны зарим сонголт хэрхэн таныг боолчлолд хөтөлж болох вэ? Таны өөрчлөх эхний алхам юу байж болох вэ? Их Эзэн танд хэрхэн тусалж болох вэ?

Нэгэнт хийсэн аливаа буруу сонголтоо Есүс Христэд итгэх итгэл, наманчлалаар дамжуулан залруулж болно гэдэг итгэлийг суралцагчдад төрүүл. Аврагч, Түүний Цагаатгал, аз жаргал, мөнх амьдрал өөд хөтлөх зөв сонголтуудыг хийхэд биднийг хүчирхэгжүүлэх Түүний чадварын тухай гэрчил. Бишоп эсвэл салбарын ерөнхийлөгчид хэн нэгэнд гэрээний замд буцаж ороход нь туслах санваарын түлхүүр байдаг гэдгийг сануулах нь тустай байж болох юм.

Тайлбар ба нөхцөл байдлын талаарх мэдээлэл

Хэрэв миний эргэн тойронд байгаа хүмүүс буруу сонголт хийвэл би яагаад сайн сонголт хийхийг хичээх ёстой гэж?

“Гаргасан сонголтуудынхаа хариуцлагыг та өөрөө үүрдэг. Гэр бүлийнхэн, найз нөхөд тань сонгох эрхээ буруугаар ашиглаж байсан ч Бурхан та нарт санаа тавьж, зөв сонголтуудыг хийхэд тань туслах болно. Та ганцаараа үлдсэн байлаа ч Бурханы хүслийг дагах шийдэмгий зоригтой бай. Та үүнийг хийх аваас бусдад сайн үлгэр жишээ болох болно.

“Хэдийгээр та нар чөлөөтэй сонгох эрхтэй ч үр дагавруудыг нь сонгож чадахгүй. Сайн ч бай, муу ч бай үр дагавар нь таны хийсэн сонголтын жам ёсны үр дүн юм” (Өсвөр үеийнхний бат бөх байдлын төлөө [товхимол, 2011], 2).

Тэнгэрлэг Эцэг, Есүс Христ хоёрын хувьд сонгох эрхтэй байх, үүнийг хэрхэн ашиглахаа мэдэх нь яагаад тийм чухал вэ?

Арван хоёр төлөөлөгчийн чуулгын ахлагч Д.Тодд Кристоффэрсон ийн тайлбарласан.

Бурханы хүслийг биелүүлэхийн тулд сонгох эрхээ ашиглан, хүнд хэцүү үед ч гэсэн сульдаж доройтохгүй байх маань биднийг Бурханы гар хөл болгодоггүй, харин Түүнтэй адил болгодог. Бурхан бидэнд сонгох эрхийг өгч, харин Есүс үүнийг хэрхэн ашиглахыг харуулсан бөгөөд ингэснээр бид яваандаа Тэдний мэддэгийг мэдэж, хийдгийг хийж, Тэдэнтэй адил болно. (D. Todd Christofferson, “Moral Agency,” Ensign, June 2009, 53)

Их Эзэн яагаад бидэнд зарлигуудыг өгч, тэдгээрийг биелүүлэхийн тулд сонгох эрхээ ашиглахад урьдаг вэ?

Арван хоёр төлөөлөгчийн чуулгын ахлагч Робэрт Д.Хэйлс (1932–2017) ийн хэлсэн.

Зарлиг тушаалууд нь ачаа дарамт болох эсвэл биднийг хязгаарлахын тулд өгөгдөөгүй юм. Их Эзэний өгсөн зарлиг тушаал бүр нь бидний хөгжил, дэвшил, өсөлтийн тулд өгөгдсөн билээ. Бошиглогч Иосеф Смит заахдаа “Бурхан бидний баяр баясгаланг төлөвлөсөн. … Өөрийнх нь төлөвлөсөн тэр баяр баясгаланг авчрах зорилготой биш л бол Тэр Өөрийн хүмүүст зарлиг болон ёслолуудыг хэзээ ч өгөхгүй” (Teachings of the Prophet Joseph Smith, sel. Joseph Fielding Smith [1976], 256) хэмээн хэлсэн. (Robert D. Hales, “If Thou Wilt Enter into Life, Keep the Commandments,” Ensign, May 1996, 36)

Нэмэлт суралцах үйл ажиллагаа

2 Нифай 2:26–27. Есүс Христ хүмүүний хүүхдүүдийг гэтэлгэж чадна

Боолчлолд хүргэдэг сонголтуудыг хийж байгаа суралцагчид эсвэл тэдний мэддэг хүмүүс байж болно. Суралцагчид Сатаныг дагах нь хэрхэн боолчлогдоход хүргэдэг талаар ярилцсаны дараа видеог үзүүлж болно.

3:41

2 Нифай 2:27. Эрх чөлөө болон мөнх амьдралыг сонгох

Дараах үйл ажиллагаа нь суралцагчдад хичээл дээр тодорхойлсон зарчмыг тунгаан бодож, үүнийг хэрхэн хэрэгжүүлэх талаар бодоход тусална.

Суралцагчдыг өөрчлөгдөх шаардлагатай байгаа хүний талаар дүр зохион бодохыг урь.

Дараахтай адил асуулт асуух талаар бодож үз. Энэ хүнд та юу хийхийг зөвлөх байсан бэ? Эдгээр сонголт ямар эрх чөлөөг авчрах байсан бэ? Энэ хүн хэрхэн Аврагчаас тусламж гуйж чадах вэ? Аврагч ямар арга замаар тусалж болох вэ? Сатан хэрхэн энэ хүний урмыг хугалж, өөрчлөгдөхгүй байлгахыг эрэлхийлж болох вэ? Энэ хүн Сатаны хүчин чармайлтыг хэрхэн даван туулж чадах вэ?

Суралцагчдыг дууссаны дараа амьдралдаа өөрчлөх шаардлагатай байж болох ямар нэг зүйлийн талаар тунгаан бодоход урь. Суралцагчдад өөрсдийнхөө талаар эргэцүүлэн бодоход туслах эдгээр асуултыг тавьж болно.