2 Нифай 4

Нифайн дуулал

Нифайн залбирал

Хүн бүр уруу таталттай тулгардаг бөгөөд заримдаа сэтгэлээр унаж эсвэл шантардаг. Бошиглогч Нифай ч бас ийн мэдэрч байсан. Нифай эцэг Лихай нь нас барж, ах нар нь уурлаж хилэгнэсэн хүнд нөхцөл байдалтай нүүр тулсныхаа дараа хамгийн гүн гүнзгий мэдэрсэн зарим мэдрэмжийнхээ талаар бичжээ. Тэрээр өөрийн баяр хөөр, гуниг харууслыг илэрхийлсэн. Түүний жишээ бидэнд мөнх бус амьдралын сорилт бэрхшээлтэй тулгарахдаа хэрхэн Их Эзэн рүү эргэж болохыг харуулсан. Энэ хичээл танд Их Эзэн рүү эргэснээр уруу таталт, айдастай байдалдаа итгэлээр хариулахад тусална.

Суралцагчдыг мэдрэмж, туршлага, гэрчлэлээ хуваалцахад урь. Анги доторх хүн бүр оролцож болно. Та суралцагчдад мэдрэмж, туршлага, гэрчлэлээ хуваалцахад тусалснаар тэд ойр орчныхоо хүмүүсийн амьдралыг адисалж чадна. Ангид байгаа хүн бүр Ариун Сүнсээр сэнхрүүлэгдэж чадна.

Суралцагчийн бэлтгэл: Суралцагчдыг тулгараад байгаа уруу таталт, сорилт бэрхшээлийнхээ талаар Бурханаас тусламж гуйхад урих талаар бод.

Боломжит суралцах үйл ажиллагаа

Мөнх бус амьдралын саад бэрхшээл

Энэхүү хичээлийг эхлүүлэх нэг арга бол бүх хүнд тулгардаг саад бэрхшээлийн талаар ярилцах юм. Жишээлбэл: Бид бүгд уруу таталттай тулгардаг бөгөөд заримдаа гуниглаж эсвэл шантардаг. Суралцагчдад дараах асуултыг дотроо тунгаан бодох хугацаа өг. Суралцагчид мөн тэмдэглэлдээ тодорхой уруу таталтын тухай эсвэл шантрах болсон шалтгаанаа бичиж болно.

• Хүн яагаад уруу татагдаж, заримдаа шантардаг гэж та бодож байна вэ?

• Та эдгээр асуудлыг хэрхэн давж гардаг тухайгаа 1-10-ын хооронд хэрхэн дүгнэх вэ?

• Хэрэв та уруу татагдах, шантрах нөхцөл байдлыг илүү сайн давж гарах чадвартай байсан бол таны амьдрал хэрхэн адислагдсан байх вэ?

Нифайн дуулал

2 Нифай 4:12–13, 18-ыг уншаад, Нифайд тулгарч байсан зарим сорилт бэрхшээлийг олж мэд.

• Эдгээр саад бэрхшээл Нифайг юу бодоход хүргэсэн гэж та төсөөлж байна вэ?

2 Нифай 4:16–35 дахь шүлгүүдийг ихэвчлэн Нифайн дуулал хэмээн нэрлэдэг. Дуулал бол “онгодоор бичсэн шүлэг эсвэл сүлд дуу юм” (Судруудын удирдамж, “Дуулал,” scriptures.ChurchofJesusChrist.org). Эдгээр шүлэгт Нифай өөрийн мэдэрсэн гүн мэдрэмжийн талаар бичсэн. Тэрээр саад бэрхшээлээ мөн уруу татагдах, шантрах үедээ хэрхэн хариу үйлдэл үзүүлсэн тухайгаа хуваалцсан. Та эдгээр шүлгийг судлах үедээ тулгарч буй тодорхой сорилтод юу хийхээ мэдэхийн тулд Ариун Сүнсээр дамжуулан сүнслэг нөлөөг эрэлхийл.

Та судруудыг өөрийн амьдралтай зүйрлэхэд туслах дөрвөн алхмыг эргэн санаж болно. Үүнд:

1. Чухал мэдээллийг олж харах.

2. Амьдралаа харьцуулах.

3. Үнэ цэнтэй сургамж олж авах.

4. Хувийн амьдралдаа хэрхэн хэрэгжүүлэхээ тодорхойлох.

Суралцагчдад ганцаарчлан бөглөх тараах материалын хуулбарыг өг. Өөр нэг сонголт бол эхний хоёр мөрийг ангиараа дуусгаад, сүүлийн гурван мөрийг бүлгүүдэд оноож, бүлэг бүр сурч мэдсэн зүйлийнхээ талаар тайлагнах байж болно.

Суралцагчдыг эдгээр шүлгийн талаарх хувийн бодол, мэдрэмжээ судар дээрээ бичихийг урамшуулж болно.

© 2023 by Intellectual Reserve, Inc. All rights reserved. 2 Нифай 4:16--35 Дараах асуултуудыг тавих талаар бодож үз.

“Тайлбар ба нөхцөл байдлын талаарх мэдээлэл” хэсэгт дэх зарим мэдэгдэл хэлэлцүүлгийг сайжруулж болох юм.

Нифайн дуулал ба би (2 Нифай 4:16–35)

Мормоны Номын багшийн гарын авлага (2024)—”2 Нифай 4: Нифайн дуулал’”

	Нифайн туршлага	Миний туршлага
2 Нифай 4:16	Нифайн туршлага Нифайд ямар мэдрэмж төрж байсан бэ?	Миний туршлага Хэзээ надад үүнтэй адил мэдрэмж төрж байсан бэ?
2 Нифай 4:17–19	Нифайн туршлага Нифайд ямар мэдрэмж төрж байсан бэ?	Миний туршлага Хэзээ надад үүнтэй адил мэдрэмж төрж байсан бэ?
2 Нифай 4:20–25	Нифайн туршлага Уруу татагдсан, шантарсан үедээ итгэлтэй байхад нь Бурхантай холбоотой ямар туршлага Нифайд тусалсан бэ?	Миний туршлага Надад уруу таталтад орж, шантрах үедээ санах ямар сүнслэг туршлага байна вэ?
2 Нифай 4:26–29	Нифайн туршлага Ямар төрлийн бодол Нифайд уруу татагдах эсвэл шантрах үедээ хүчтэй байхад нь тусалсан бэ?	Миний туршлага Уруу татагдах эсвэл шантрах үед ямар төрлийн бодол хүчтэй байхад минь туслах вэ?
2 Нифай 4:30–35	Нифайн туршлага Нифайн залбирлаас юу намайг гайхшируулсан бэ?	Миний туршлага Би Нифайн жишээг залбиралдаа хэрхэн хэрэгжүүлэх вэ?

• 2 Нифай 4 дээрх ямар шүлэг эсвэл эшлэл танд сэтгэгдэл төрүүлсэн бэ? Яагаад?

• Та 2 Нифай 4-өөс Аврагчийн талаар юу сурч мэдсэн бэ?

• Судруудыг өөрийн амьдралтай зүйрлэх нь 2 Нифай 4-ийг судлахад тань хэрхэн нөлөөлсөн бэ?

• Таны тодорхойлсон зарим зарчим юу вэ?

  Хэлэлцүүлгийн нэг хэсэг болгож суралцагчдад олон төрлийн зарчмыг тодорхойлоход тусал. Жишээлбэл:

  • Их Эзэнд итгэж, өнгөрсөн сүнслэг туршлагуудыг санах нь уруу татагдсан, шантарсан үед итгэлтэй хариулахад минь тусалж чадна.

  • Хэрэв би Бурханд чин сэтгэлээсээ залбирал өргөвөл уруу татагдсан, шантарсан үедээ Түүний тусламжийг хүлээн авч чадна.

• Уруу татагдсан эсвэл шантарсан үед эдгээр зарчим танд Их Эзэнд хандахад хэрхэн тусална гэж та бодож байна вэ?

Уруу таталт, шантралыг даван туулах миний төлөвлөгөө

 

Суралцагчдад бусад хүний сорилт бэрхшээлтэй тулгарсан үедээ хэрхэн Их Эзэнд хандсаныг харахад туслахын тулд “Нэмэлт суралцах үйл ажиллагаа” хэсэгт санал болгосон видео бичлэгүүдээс аль нэгийг үзүүлж болно.

Суралцагчдыг хүнд хэцүү үед Их Эзэнд хандсан тухайгаа ярихад урих талаар бод.

Нифайн жишээг дагаж, өөрийн дууллыг бич. Дараах асуултууд тусалж болох юм. Үүнд:

• 2 Нифай 4 дээрх ямар зарчим, сургаал эсвэл шүлгийг амьдралдаа хэрэгжүүлж болох вэ?

• Та эдгээрийг амьдралдаа хэрхэн хэрэгжүүлж болох вэ?

• Үүнийг хийх нь танд Аврагч руу эргэхэд хэрхэн тусална гэж та бодож байна вэ?

• Амьдралд зовлон бэрхшээл тулгарахад хэрхэн Аврагчид итгэлээр хариулах вэ?

Ангийнхантайгаа сайн дураараа дууллаа хуваалцахад суралцагчдыг урь. Аврагчийн талаарх гэрчлэлээ хуваалцах талаар бодож үз. Саад бэрхшээл тулгарах бөгөөд үүнийг даван туулахын тулд олон удаа оролдлого хийх шаардлагатай болно гэдгийг суралцагчдад сануулах нь тустай байж болох юм. Гэсэн хэдий ч Есүс Христийн ач ивээлээр тэд бүх зүйлийг даван туулах буюу тэсвэрлэх хүчийг хүлээн авч чадна.

Тайлбар ба нөхцөл байдлын талаарх мэдээлэл

Өмнөх сүнслэг туршлагаа санаж байх нь надад хэрхэн туслах вэ?

Арван хоёр төлөөлөгчийн чуулгын ахлагч Нийл Л.Андэрсэн ийн заасан.

Ахлагч Нийл Л.Андэрсэн

Ариун Сүнснээс хүлээн авдаг намуухан удирдамжийн зэрэгцээ Бурхан биднийг мэддэг, хайрладаг гэдгээ мөн онцгойлон, нээлттэй адисалж байгаагаа хүчирхэг байдлаар бидний хүн нэг бүрд үе үе баталдаг. Харин хүнд хэцүү үед маань Аврагч эдгээр туршлагыг ой тойнд минь сануулдаг. …

Та сүнслэг дурсамжуудынхаа талаар ийн бодож болно. Байнга залбиран, гэрээгээ сахих шийдвэр төгс байснаар мөн Ариун Сүнсний бэлгээр дамжуулан бид амьдралаа удирдан чиглүүлж чадна. Хувийн бэрхшээл, эргэлзээ, урам хугарах зэрэг бидний замыг харанхуйлж эсвэл хяналтаас маань гарсан дэлхийн хүчин зүйлсээс болж ирээдүйн талаар санаагаа чилээх үед амьдралын маань номон дахь амьдралыг тодорхойлогч сүнслэг дурсамжууд урдах замыг маань гэрэлтүүлдэг гэрэлт чулуу мэт байж, Бурхан биднийг мэддэг, хайрладаг, бидэнд гэртээ эргэж ирэхэд туслахын тулд Өөрийн Хүү Есүс Христийг илгээсэн гэдгийг бидэнд баталдаг. (Нийл Л.Андэрсэн, “Амьдралыг тодорхойлогч сүнслэг дурсамжууд, 2020 оны 4-р сарын Ерөнхий чуулган, 18, 22)

Арван хоёр төлөөлөгчийн чуулгын ахлагч Роналд А.Расбанд ийн заасан.

Ахлагч Роналд А.Расбанд

Би та нарыг Сүнсийг мэдэрч байсан болон хүчтэй гэрчлэлтэй байсан үе, тавьсан сүнслэг үндэс суурь зэргээ ялангуяа асуудалтай тулгарсан үедээ дурсан санаарай гэж тэдэнд уриалж байсантай адил одоо ч бас урья. (Роналд А.Расбанд, “Та мартахгүйн тулд,” 2016 оны 10-р сарын Ерөнхий чуулган, 110)

Уруу таталт, шантардаг байдлаа би хэрхэн даван туулах вэ?

Арван хоёр төлөөлөгчийн чуулгын ахлагч Жэффри Р.Холланд ийн заасан.

Ахлагч Жэффри Р.Холланд

Бидний өнөө үед … уруу таталттай учирсан үедээ залуу Нифайн адил “[Би] бодгалийн минь дайсанд дахин зай өгөхгүй” хэмээн тунхаглах хэрэгтэй [2 Нифай 4:28]. Бид тэр чөтгөрийг эсэргүүцэж чадна. Хэрвээ бид үүнийг гүн гүнзгийгээр, бүр маш ихээр хүсэж байгаа бол тэрхүү дайсан, Их Эзэн Есүс Христийн гэтэлгэлийн хүчээр зэмлэгдэх болно. (Жэффри Р.Холланд, “Бодгальд минь дайсанд өгөх зай үгүй,” 2010 оны 4-р сарын Ерөнхий чуулган, 54)

Далын ахлагч Аллэн Д.Хэйни ийн заасан.

Ахлагч Аллэн Д.Хэйни

Ах, эгч нар аа, та нар өөрсдийн ухсан сүнслэг нүхнээс гарч чадах эсэхдээ урам хугарч эсвэл эргэлзэж байгаа бол “бидний мөн шударга ёсны хооронд зогсдог”, “хүмүүний үрст хандсан нинжин сэтгэлээр дүүргэгдсэн”, “өөр дээрээ тэдний алдас мөн тэдний зөрчлүүдийг авч” мөн “шударга ёсны шаардлагыг хангасан” Түүнийг санагтун [Мозая 15:9]. Өөрөөр хэлбэл Нифайн өөртөө эргэлзсэн үеийнхтэй адил зүгээр л “хэнд итгэснээ” [2 Нифай 4:19], бүр Есүс Христэд итгэснээ санагтун. Тэгээд наманчилж, “найдварын төгс гэрэлтэйгээр” дахин үргэлжлүүл [2 Нифай 31:20]. (Аллэн Д.Хэйни, “Хэнд итгэснээ санагтун,” 2015 оны 10-р сарын Ерөнхий чуулган, 119)

Нэмэлт суралцах үйл ажиллагаа

 

 

 

   

2 Нифай 4:17, 19. “Гэсэн хэдий ч”

Суралцагчдын анхаарлыг 2 Нифай 4:17, 19-р шүлэг дэх “гэсэн хэдий ч” гэсэн үг рүү хандуул. Энэ үгийн өмнө ба дараа Нифайн мэдрэмж хэрхэн шууд өөрчлөгдсөнийг анхаар. Суралцагчид Нифайн амьдралын туршлага, жишээнээс юу суралцаж болох тухай ярилц.

2 Нифай 4:17. “Хөөрхийлөлтэй хүн”

Суралцагчдад Нифай, төлөөлөгч Паул хоёрыг харьцуулах нь тустай байж болох юм. 2 Нифай 4:17–19; Ром 7:22–25; 2 Коринт 12:7–10-ыг үзнэ үү. Есүс Христ биднийг сул талаа ялан дийлэхэд хэрхэн тусалж болох талаар ярилц. Бид Тэнгэрлэг Эцэгт илүү ойртох тусам зөвт байдлаас хазайхад илүү мэдрэмтгий болдог гэдгийг онцлон хэлэх нь тустай байж болох юм ( Брюс С.Хафен, “Цагаатгал: Бүгд бусдынхаа төлөө,” Liahona, May 2004, 97–99-ийг үзнэ үү).

2 Нифай 4:15. “Дотоод сэтгэл минь судруудад баясна”

Суралцагчдыг дуртай судраасаа хуваалцахад урь. Суралцагчид судрын эшлэлүүдийг самбар дээр бичиж, тэдгээр хэсэг яагаад тэдэнд утга учиртай болохыг ярилцаж болно. Үүн дээр нэмээд суралцагчдыг сонгосон шүлгээ гэр бүлийнхэн эсвэл найзуудтайгаа гэр бүлийн үдэш, мессеж эсвэл олон нийтийн мэдээллийн хэрэгслээр хуваалцахыг урьж болно.

2 Нифай 4:15–16. “Миний дотоод сэтгэлийн зүйлс”

Суралцагчдыг дотоод сэтгэлийнхээ зүйлсийн талаар анхааралтай бодож, бичихийг урь. Энэ үйл ажиллагааг эхлүүлэхийн тулд та Нифайн хэлснийг эш татсан Арван хоёр төлөөлөгчийн чуулгын ахлагч Роналд А.Расбандын дараах мэдэгдлийг хуваалцаж болно.

“Болгоогтун, сэтгэл минь Их Эзэний зүйлүүдэд баясаж; мөн зүрх минь өөрийн үзсэн мөн сонссон зүйлийг үргэлж тунгаадаг” (2 Нифай 4:16; онцлон тэмдэглэв].

“Нифайн үгсээс ‘Та ямар зүйлсийг тунгаан боддог вэ?’ гэсэн асуулт урган гарна” ‘Таны хувьд ямар зүйл хамгийн чухал вэ?’ ‘Таны дотоод сэтгэлийн зүйлс юу вэ?’” (“Миний дотоод сэтгэлийн зүйлс,” 2021 оны 10-р сарын Ерөнхий чуулган).

Нифайн дуулал дахь дуу

Нифайн дууллын үгэнд ая тааруулж, Ерөнхий чуулган дээр дуулсан. Ангидаа дууг тоглуулж, дууллын үгийг 2 Нифай 4:16–35-д илэрхийлсэн мэдрэмж, бодолтой харьцуулахыг суралцагчдаас хүсэж болно. Үүний тулд 2007 оны 4-р сарын Ерөнхий чуулганы санваарын хуралдаан-ыг цагийн код 1:46:17-оос 1:51:18 хүртэл үзнэ үү.

Nephi’s Psalm and me handout