Famerenana fifehezana fotopampianarana 3

Takaro ary hazavao

Ny fahatakarana ireo andinin-tsoratra masina manokana sy fahaizana manazava ireo fahamarinana izay ampianarin’izy ireny no fototra ifehezana fotopampianarana. Ity lesona ity dia natao hampitomboana ny fahatakaranao sy mamela anao hizatra hanazava ny fotopampianarana ampianarina ao amin’ireo andinin-tsoratra masina fifehezana fotopampianarana sasany ao amin’ny Bokin’i Môrmôna.

Mahafantatra misimisy kokoa momba ny mpianatrao. Mitadiava fahafahana azo araraotina hianarana misimisy kokoa momba ny mpianatra. Ny fandinihana sy ny fanontaniana amin-kitsimpo dia afaka manampy anao hahafantatra misimisy kokoa ny zavatra manan-danja amin’ny mpianatra tsirairay. Rehefa mahatakatra misimisy kokoa momba ny mpianatrao ianao, dia afaka manampy anao hampifantoka ny fampianaranao amin’ny zavatra ilain’izy ireo ny Fanahy Masina.

Fanomanana ny mpianatra: Asao hifantina andinin-tsoratra masina fifehezana fotopampianarana ao amin’ny Bokin’i Môrmôna izay manan-danja amin’izy ireo ny mpianatra ary hiomana hizara amin’ny iray kilasy ny antony maha-manan-danja io andinin-tsoratra masina io.

Ireo sahanasa fianarana azo atao

Azo ampianarina eo amin’ny toeran’ity lesona famerenana ity ny lesona momba ny andinin-tsoratra masina fifehezana fotopampianarana anankiray. Jereo ny fandaharam-potoana izay nomen’ny tale na ny mpandrindra eo anivon’ny vondromparitra na ny faritra mba hahazoana antoka fa hampianarina avokoa ireo lesona momba ireo andinin-tsoratra masina fifehezana fotopampianarana rehetra mandritra ny fotoana ampianarana seminera.

Fahatakarana ireo andinin-tsoratra masina fifehezana fotopampianarana

Azo amboarina araka ny zavatra ilain’ny kilasy ny lesona. Ohatra, mety hanampy ny hamerenana mijery ireo andinin-tsoratra masina izay nohalalinin’ny mpianatra hatreto tamin’ity taona ity ihany.

Hevero ny hanasa ny mpianatra hanonona andinin-tsoratra masina fifehezana fotopampianarana amin’ireo 12 voalohany ao amin’ny Bokin’i Môrmôna araka izay betsaka vitany. Ataovy lisitra eny amin’ny solaitrabe araka ny anomezana anarana azy ireo toko sy andinin-tsoratra masina ireo. Asehoy ity tabilao manaraka ity mba hanampiana araka izay ilaina. Avy eo dia apetraho ireto fanontaniana manaraka ireto.

Andinin-tsoratra masina fifehezana fotopampianarana 12 voalohany sy andian-teny manan-danja

Bokin’i Môrmôna: Boky torolalana ho an’ny mpampianatra (2024)

Toko sy andinin-tsoratra masina	Andian-teny manan-danja ao amin’ny soratra masina
Toko sy andinin-tsoratra masina 1 Nefia 3:7	Andian-teny manan-danja ao amin’ny soratra masina “Handeha aho ary hanao ny zavatra izay efa nandidian’ny Tompo.”
Toko sy andinin-tsoratra masina 2 Nefia 2:25	Andian-teny manan-danja ao amin’ny soratra masina “Lavo i Adama mba hisian’ny olona; ary misy ny olona mba hahazo fifaliana.”
Toko sy andinin-tsoratra masina 2 Nefia 2:27	Andian-teny manan-danja ao amin’ny soratra masina “Afaka izy na hifidy ny fahafahana sy ny fiainana mandrakizay … na … ny fahababoana sy ny fahafatesana.”
Toko sy andinin-tsoratra masina 2 Nefia 26:33	Andian-teny manan-danja ao amin’ny soratra masina “Ho an’ Andriamanitra dia mitovy ny rehetra.”
Toko sy andinin-tsoratra masina 2 Nefia 28:30	Andian-teny manan-danja ao amin’ny soratra masina Andriamanitra dia “hanome ny zanak’olombelona andalan-tsoratra anampy andalan-tsoratra, ary fitsipika anampy fitsipika.”
Toko sy andinin-tsoratra masina 2 Nefia 32:3	Andian-teny manan-danja ao amin’ny soratra masina “Mivokisa amin’ny tenin’i Kristy; fa indro hilaza aminareo ny zava-drehetra tokony hataonareo ny tenin’i Kristy.”
Toko sy andinin-tsoratra masina 2 Nefia 32:8–9	Andian-teny manan-danja ao amin’ny soratra masina “Tsy maintsy mivavaka mandrakariva ianareo.”
Toko sy andinin-tsoratra masina Môzià 2:17	Andian-teny manan-danja ao amin’ny soratra masina “Rehefa eo amin’ny fanompoana ny mpiara-belona aminareo ianareo, dia tsy manao afa-tsy ny fanompoana an’ Andriamanitrareo ianareo.”
Toko sy andinin-tsoratra masina Môzià 2:41	Andian-teny manan-danja ao amin’ny soratra masina “Ireo izay mitandrina ny didin’ Andriamanitra … dia tahiana amin’ny zava-drehetra.”
Toko sy andinin-tsoratra masina Môzià 3:19	Andian-teny manan-danja ao amin’ny soratra masina “[Esory] ny maha-olona araka ny nofo [ary tongava] olomasina amin’ny alalan’ny Sorompanavotan’i Kristy Tompo.”
Toko sy andinin-tsoratra masina Môzià 4:9	Andian-teny manan-danja ao amin’ny soratra masina “Minoa an’ Andriamanitra … minoa fa Izy dia manana ny fahendrena rehetra.”
Toko sy andinin-tsoratra masina Môzià 18:8–10	Andian-teny manan-danja ao amin’ny soratra masina Aoka hatao “batisa amin’ny anaran’ny Tompo ho vavolombelona … fa efa nanao fanekempihavanana taminy ianareo.”

© 2023 an’ny Intellectual Reserve, Inc. All rights reserved.

• Inona amin’ireo andinin-tsoratra masina ireo no tsapanao fa takatrao tsara?

• Inona no zavatra niainana nanampy anao hahatakatra ny (ireo) fahamarinan’izany andalan-tsoratra masina izany?

  Raha nahavita ny fanomanana ny mpianatra amin’ity lesona ity ny mpianatra, dia hevero ny hanasa azy ireo hizara ny andinin-tsoratra masina izay nanan-danja tamin’izy ireo sy ny anton’izany. Hevero ny hampiasa ity fifanakalozan-kevitra ity mba hanampiana ny mpianatra hanombana ny fahatakarany ireo andininy ary raha misy andininy tian’izy ireo ho takatra tsara kokoa.

Misafidiana iray farafahakeliny amin’ireo andalan-tsoratra masina fifehezana fotopampianarana ao amin’ny Bokin’i Môrmôna izay tianao ho takatra tsara kokoa ary vitao ny iray amin’ireto sahanasa manaraka ireto mba hanampiana anao hampitombo ny fahatakaranao ny fotopampianarana ampianariny. Raha vitanao haingana izany, dia misafidiana andalan-tsoratra masina fifehezana fotopampianarana hafa dia mamità sahanasa hafa.

Hevero ny hampiseho ireto safidim-panontaniana manaraka ireto ho an’ny mpianatra rehefa mandalina izy ireo. Mety ho azonao atao ihany koa ny mitondra zavatra ao am-pianarana hampiasain’ny mpianatra amin’ilay safidy hoe “Manao fampitahana”. Azon’ny mpianatra atao ihany koa ny mamorona sy mampiasa loharanom-pitaovana hafa ao amin’ny efitrano fianarana mba hanaovana fampitahana.

Sahanasa A: Maka sary an-tsaina

Manamboara sary, kamban-tsary, sary maneho hafatra, haingon-tsoratra na habakaban-teny (nuage de mots), na zavatra hafa fanehoan-javatra hita maso izay maneho ny zavatra ampianarin’ny andinin-tsoratra masina nosafidinao.

Tsindrio ireto rohy ireto mba hahafahanao mahita ohatra sasantsasany:

• Haingon-tsoratra

• Memes (sary maneho hafatra)

Sahanasa B: Mizara amin’ny hafa

Manaova drafitra entinao mampianatra ny andinin-tsoratra masina nofidinao. Izany dia mety hahitana fanontaniana mety hapetrakao mba hanampiana ireo izay ampianarinao hahatakatra tsara kokoa ilay andinin-tsoratra masina. Azonao heverina ihany koa ny hanao horonan-tsary izay ahitana anao mamaly ireo fanontaniana noforoninao na manazava ny hevitry ny teny sy andian-teny manan-danja.

Sahanasa D: Mandalina samirery

Misafidiana teny manan-danja iray na roa avy amin’ilay andinin-tsoratra masina hohalalinina. Mampiasà fanampiana amin’ny fandalinana ao amin’ny soratra masinao, ny application Médiathèque de l’Évangile, na ireo loharanom-pahalalana nofidin’ Andriamanitra mba hahitana famaritana, ny fampifandraisana amin’ny soratra masina hafa azo atao, na teny nambaran’ny mpitarika ao amin’ny Fiangonana, izay mampitombo ny fahatakaranao. Raketo an-tsoratra ny zavatra ianaranao, ao anatin’izany ny zavatra ampianarin’ireo zavatra ireo momba ny Ray any An-danitra sy i Jesoa Kristy.

Sahanasa E: Manao fampitahana

Mitadiava zavatra azo tsapain-tanana na mamoròna fampitahana izay afaka maneho ilay andinin-tsoratra masina na teny sy andian-teny avy amin’ilay andinin-tsoratra masina. Ohatra, ho an’ny 2 Nefia 2:27 azonao atao ny mametraka fanalahidy iray amin’ny tanana iray mba hanehoana fa isika dia “afaka misafidy fahafahana sy fiainana mandrakizay” ary gadanà amin’ny tanana iray mba hanehoana “fahababoana sy fahafatesana.”

Rehefa nahazo fotoana ampy ho an’io sahanasa fandalinana io ny mpianatra, dia manasà mpianatra manolo-tena hizara zavatra avy amin’ireo sahanasa nosafidin’izy ireo. Azon’izy ireo atao ny mizara ny sary fanehoana nataon’izy ireo, ireo fanontaniana hitan’izy ireo, ireo hevi-baovao azon’izy ireo tamin’ny fandalinan’izy ireo, na ireo zavatra nampiasain’izy ireo hanaovana fampitahana.

Io fizarana io dia azo atao anatina vondrona kely, na miaraka daholo, na izy roa. Ao anatin’ny fifanakalozan-kevitra, dia azon’ny mpianatra atao ny mamaly ireto fanontaniana manaraka ireto ho an’ny soratra masina iray na maromaro nosafidin’izy ireo.

• Nahoana araka ny eritreritrao no zava-dehibe aminao ny mahatakatra ny andinin-tsoratra masina nosafidinao?

• Ahoana no ahafahan’ny fahatakarana io andinin-tsoratra masina io manampy anao hampitombo ny finoanao an’i Jesoa Kristy na ho tonga tahaka Azy kokoa?