“Төгс эзэмших сургаалын давтлага 4,” Мормоны Номын багшийн гарын авлага (2024)
“Төгс эзэмших сургаалын давтлага 4,” Мормоны Номын багшийн гарын авлага
Төгс эзэмших сургаалын давтлага 4
Төгс эзэмших сургаалын судрын хэсгүүдийг амьдралд хэрэгжүүлэх
Бид Тэнгэрлэг Эцэг, Есүс Христ хоёртой илүү адил болоход туслах судруудыг агуулсан сургаал, зарчмуудыг ашиглан, амьдралдаа судруудыг хэрэгжүүлдэг. Энэхүү хичээл Мормоны Номын төрөл бүрийн төгс эзэмших сургаалын хэсэгт заасан сургаалыг хэрэгжүүлэхэд тань туслах зорилготой.
Суралцагчдыг сайн мэдээний дагуу амьдрахад урамшуул. Суралцагчид сайн мэдээг өдөр тутмын амьдралдаа хэрэгжүүлэхэд тэдний сүнслэг өсөлт хөгжил урт удаан, гүн гүнзгий болох магадлал өндөр байдаг. Та сайн мэдээний үнэнийг хэрхэн хэрэгжүүлснээ, мөн үүний үр дүнд бий болсон адислалынхаа жишээг хуваалц. Суралцагчдыг амьдралдаа үнэнийг хэрэгжүүлэхэд байнга урь.
Суралцагчийн бэлтгэл: Суралцагчдыг өөрсдийн дуртай судрын хэсгийг ярилцаж, яагаад дуртай болохоо хуваалцахад бэлдэхэд урь. Мөн та эдгээрийг тэдний амьдралд хэрхэн хэрэгжсэн тухай багтаахыг хүсэж болно. Хэдэн суралцагчийг хуваалцахад бэлдэж ирэхийг хүсэх нь тустай байж болно.
Боломжит суралцах үйл ажиллагаа
Төгс эзэмших сургаалын судрын хэсгийн хичээлийг энэ хичээлийн оронд заах хэрэгтэй байж болно. Төгс эзэмших сургаалын судрын хэсгүүдийн талаарх хичээл тус бүрийг семинар явагдаж байх үеэр заасан байхад анхаарахын тулд орон нутгийн эсвэл бүсийн захирал, зохицуулагчийн өгсөн заах хуваарийг хар.
Энэ нь өөрчлөлт авчрах болов уу?
Өөрийнхөө дуртай нэг судрын хэсгийг хуваалцаж, хичээлээ эхлэх талаар бодож үз. Тэгээд суралцагчдаас дараах асуултуудыг асуу:
-
Чамд судрын дуртай хэсэг байдаг уу? Яагаад үүнд дуртай болсон бэ?
Бид ихэвчлэн өөрт утга учиртай санагдсан хэсгүүдийг амьдралдаа хэрэгжүүлдэг. Жишээлбэл: Тэдгээр нь хэцүү асуултад хариулахад, хүнд хэцүү цаг үед бидэнд амар амгаланг авчирч эсвэл гэрчлэлээ бий болгоход тусалж чадна.
Ерөнхийлөгч Рассэлл М.Нэлсоны дараах мэдэгдлийг унш ChurchofJesusChrist.org.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F8b%2F11%2F8b119506373b07dc136eebae0aed18200c2bde11%2Fnelson_the_scriptures_teach_us_about_jesus_christ.jpeg/full/!250,/0/default)
Бид судраас Түүнийг сонсож чадна. Судрууд бидэнд Есүс Христийн тухай, мөн Түүний сайн мэдээ, Цагаатгалын цар хүрээ, Эцэгийн маань аз жаргалын болон гэтэлгэлийн агуу төлөвлөгөөний талаар заадаг. Өдөр бүр Бурханы үгэнд шимтэх нь гай гамшиг улам бүр ихсэж буй энэ үед сүнслэг байдлын хувьд амьд гарахад нэн чухал. Өдөр бүр Христийн үгэн дээр найрладаг байвал Христийн үг бидэнд төсөөлж ч байгаагүй саад бэрхшээлтэй тулгарах үед юу хийхийг хэлж өгөх болно. (Ерөнхийлөгч Рассэлл М.Нэлсон, “Түүнийг сонс,” 2020 оны 4-р сарын Ерөнхий чуулган, 110)
-
Ерөнхийлөгч Нэлсоны мэдэгдлээс юу таны анхаарлыг татсан бэ?
Мормоны Номын төгс эзэмших сургаалын эшлэл, судрын түлхүүр үг хэллэг
Судрыг хэрэгжүүлнэ гэдэг нь хэрэгтэй судрын хэсгүүдээ тодорхойлж, тэдгээрийг бидэнд заасны дагуу үйлдэл хийнэ гэсэн үг юм. Энэ үйл ажиллагааг ойлгоход туслахын тулд дараах хувилбаруудыг унш.
Дараах хувилбаруудыг ашиглахын оронд суралцагчдыг жижиг бүлэг болгон хуваарилж болно. Жижиг цаасан дээр, залуу үеийнхэнд тулгардаг хоёр эсвэл гурван асуудал, бэрхшээлийг бичихийг хүс. Дараа нь цаасаа өөр бүлэгтэй солилцоход суралцагчдыг урь.
-
Гильермо хэцүү шийдвэр гаргах гэж байгаа бөгөөд буруу сонголт хийх вий гэж айж байгаа.
-
Мэггид тодорхой нэг тушаалыг сахихад хэцүү байгаа.
Дараах Мормоны Номын төгс эзэмших сургаалын судрын эшлэл, түлхүүр үг хэллэгүүдийг унш. Гильермод эсвэл Мэггид хэрэгжүүлэхэд нь боломжтой эшлэлүүдийг хайж ол. Хэрэв та тодорхой хэсэг тусалж магадгүй хэмээн бодож байвал зөвхөн доор жагсаасан судрын түлхүүр үг хэллэгийг бус, бүх хэсгийг унш.
Хэрэв суралцагчид цаасаа өөр бүлэгтэй солилцсон бол тэд дараах хүснэгтээс асуудал эсвэл сорилттой тулгарсан хүнд туслах хэсгүүдийг хайж олох боломжтой. Энэ үйл ажиллагаанд оролцож байгаа суралцагчдад хүснэгтийг харуулах талаар бод.
Судрын эшлэл |
Судрын түлхүүр үг хэллэг |
---|---|
Судрын эшлэл | Судрын түлхүүр үг хэллэг “Би явж бас Их Эзэний зарлиг болсон тэр зүйлүүдийг биелүүлэх болно.” |
Судрын эшлэл | Судрын түлхүүр үг хэллэг “Адам хүмүүн байж болохын тулд унасан; мөн тэд баясгалантай байж болохын тул хүмүүн байх бөлгөө.” |
Судрын эшлэл | Судрын түлхүүр үг хэллэг “Тэд … эрх чөлөө болон мөнх амьдралыг сонгох эсвэл … боолчлол болон үхлийг сонгох эрхтэй.” |
Судрын эшлэл | Судрын түлхүүр үг хэллэг “Бурханд бүгд адил.” |
Судрын эшлэл | Судрын түлхүүр үг хэллэг Бурхан “хүмүүний үрст шат шатаар, дүрэм дүрмээр өгөх болно.” |
Судрын эшлэл | Судрын түлхүүр үг хэллэг “Христийн үгэн дээр найрла, учир нь болгоогтун, Христийн үгс та нарын хийвэл зохих бүх зүйлийг та нарт хэлэх болно.” |
Судрын эшлэл | Судрын түлхүүр үг хэллэг “Та нар үргэлж залбирах ёстой.” |
Судрын эшлэл | Судрын түлхүүр үг хэллэг “Та нар бусдадаа үйлчилж байгаа нь та нар зөвхөн Бурхандаа үйлчилж байгаа гэдгээ мэдэж болохын тулд буюу.” |
Судрын эшлэл | Судрын түлхүүр үг хэллэг “Бурханы зарлигуудыг дагадаг [тэд] … бүх зүйлд адислагдсан болой.” |
Судрын эшлэл | Судрын түлхүүр үг хэллэг “Эгэл хүмүүнээ орхиж мөн Их Эзэн Христийн цагаатгалаар гэгээнтэн [бол].” |
Судрын эшлэл | Судрын түлхүүр үг хэллэг “Бурханд итгэ; … Тэр бүх мэргэн ухааныг эзэмшигч гэдэгт итгэ.” |
Судрын эшлэл | Судрын түлхүүр үг хэллэг “Гэрээ байгуулснаа түүний өмнө гэрчилж, Их Эзэний нэрээр баптисм хүрт.” |
Судрууд хэрхэн тусалж чадах вэ?
Суралцагчдаас дараах асуултуудыг асуухын оронд, цаасаа солилцсон бол олсон хэсгүүдээ солилцсон бүлэгтэйгээ хуваалцахад урь.
-
Төгс эзэмших сургаалын ямар ямар хэсэг Гильермод эсвэл Мэггид тусалж чадах вэ? Яагаад?
-
Эдгээр шүлэгт заасан үнэний ачаар Гильермо, Мэгги хоёр юу хийж болох вэ?
Суралцагчдыг хуваалцах үед ганц зөв хариулт гэж байдаггүй; олон судар өөр өөр арга замаар тусалж чадна гэдгийг онцлон хэл.
Судруудыг амьдралдаа хэрэгжүүлэх
Ямар хэрэгцээ эсвэл бэрхшээл байгаа тухайгаа тунгаан бод. Магадгүй танд сургуультай холбоотой тусламж, эцэг эх, ах эгч нартайгаа харилцах харилцаагаа сайжруулах, наманчлахын тулд Христэд итгэх илүү их итгэл эсвэл тэвчээр хэрэгтэй байж магадгүй юм. Судлах тэмдэглэл дээрээ өөрийн асуудал, бэрхшээлийг жагсаан бич. Санаанд тань орж ирсэн бүх зүйлээ багтаахыг оролд.
Бичсэн хэрэгцээ, бэрхшээлээсээ нэгийг сонго.
Төгс эзэмших сургаалын судрын түлхүүр үг хэллэгүүдийг уншаад, таны хэрэгцээ, бэрхшээл эсвэл сорилтыг шийдэж болох үгсийг олж мэд. Төгс эзэмших сургаалын олон хэсэг тусалж болно. Суралцаж байхдаа Тэнгэрлэг Эцэгийн удирдамжийг эрэлхийл.
Дараах заавар эсвэл үүнтэй төстэй мэдэгдлүүд нь суралцагчдад тусалж магадгүй. Суралцагчдад ашиглаж болох зүйлийг сонгохдоо та самбар дээр сануулга бичиж болно.
-
Та төгс эзэмших сургаалын ямар судрын түлхүүр үг хэллэгийг сонгосон бэ?
-
Энэ шүлэг миний асуудалд … байдлаар тусалсан …
-
Энэ шүлэг Тэнгэрлэг Эцэг, Есүс Христ хоёрыг ойлгоход эсвэл дагахад надад … тусалдаг
-
Эдгээр шүлэг дэх үнэнүүдийн дагуу амьдрах нь надад аз жаргал авчирна гэдэгт би итгэдэг, учир нь …
-
Хичээлийн эхэнд ялангуяа өөрсдөд утга учиртай санагддаг шүлгүүдээ хуваалцсан суралцагчдадаа талархал илэрхийлж хичээлээ дуусга.