Pagrerebyu ng Doctrinal Mastery 4

Ipamuhay ang mga Doctrinal Mastery Scripture Passage

mga kopya ng Ang Aklat ni Mormon

Ipinamumuhay natin ang mga banal na kasulatan gamit ang doktrina at mga alituntuning nilalaman ng mga ito upang tulungan tayong maging higit na katulad ng Ama sa Langit at ni Jesucristo. Layunin ng lesson na ito na tulungan ang mga estudyante na maipamuhay ang doktrinang itinuturo sa iba’t ibang doctrinal mastery passage ng Aklat ni Mormon.

Paghikayat sa mga estudyante na ipamuhay ang ebanghelyo. Kapag ipinamumuhay ng mga estudyante ang ebanghelyo sa kanilang pang-araw-araw na pamumuhay, mas malamang na magkaroon sila ng pangmatagalan at malalim na espirituwal na pag-unlad. Magbahagi ng mga halimbawa kung paano mo ipinamuhay ang mga katotohanan ng ebanghelyo at ang mga pagpapalang ibinunga ng mga ito. Palaging anyayahan ang mga estudyante na ipamuhay ang mga katotohanan.

Paghahanda ng estudyante: Sabihin sa mga estudyante na maghandang magbahagi ng isang paboritong scripture passage at sabihin kung bakit isa ito sa kanilang mga paborito. Maaari mong hilingin sa kanila na isama kung paano ito naaangkop sa kanilang buhay. Maaaring makatulong na anyayahan ang ilang estudyante na dumating sa klase na handang magbahagi.

Mga Posibleng Aktibidad sa Pag-aaral

Maaaring kailangang magturo ng isang doctrinal mastery passage lesson bilang kapalit ng lesson na ito. Tingnan ang iskedyul sa pagtuturo na ibinigay ng iyong area o region director o coordinator upang matiyak na maituturo ang bawat doctrinal mastery passage lesson kapag may klase sa seminary.

Nakagagawa ba ito ng kaibhan?

Maaari mong simulan ang klase sa pamamagitan ng pagbabahagi ng isa sa mga paborito mong scripture passage. Pagkatapos ay itanong sa mga estudyante ang mga sumusunod:

• May paborito ka bang scripture passage? Bakit mo ito naging paborito?

Kadalasan, ang mga passage na pinakamahalaga sa atin ay ang mga talatang ipinamumuhay natin. Halimbawa, ang mga ito ay maaaring sumagot ng isang mahirap na tanong, maghatid sa atin ng kapayapaan sa mahirap na panahon, o tumulong sa pagkakaroon ng ating patotoo.

ChurchofJesusChrist.org

Pangulong Russell M. Nelson

Maaari tayong magbasa ng mga banal na kasulatan. Nagtuturo ito sa atin tungkol kay Jesucristo at sa Kanyang ebanghelyo, ang kalawakan ng Kanyang Pagbabayad-sala, at ang dakilang plano ng kaligayahan at kaligtasan ng ating Ama. Ang araw-araw na masigasig na pag-aaral ng salita ng Diyos ay mahalaga para sa espirituwal na kaligtasan lalo na sa tumitinding ligalig sa panahong ito. Kapag nagpapakabusog tayo sa mga salita ni Cristo araw-araw, ang mga salita ni Cristo ay magsasabi sa atin kung paano tumugon sa mga paghihirap na hindi natin inakalang dadanasin natin. (Pangulong Russell M. Nelson, “Pakinggan Siya,” Liahona, May 2020, 89)

• Ano ang pinakatumimo sa iyo mula sa pahayag ni Pangulong Nelson?

Mga doctrinal mastery reference ng Aklat ni Mormon at mahahalagang parirala nito

Ang ibig sabihin ng pagsasabuhay ng mga banal na kasulatan ay tinutukoy natin ang mga scripture passage na tumutugma sa ating mga pangangailangan, at pagkatapos ay kumikilos ayon sa itinuturo sa atin ng mga scripture passage na iyon. Upang matulungan kang maunawaan ang prosesong ito, basahin ang mga sumusunod na sitwasyon:

Sa halip na gamitin ang mga sumusunod na sitwasyon, maaari mong hatiin ang mga estudyante sa maliliit na grupo. Sabihin sa kanila na magsulat sa isang papel ng dalawa hanggang tatlong problema o hamon na karaniwan sa mga kabataan. Pagkatapos ay sabihin sa mga estudyante na makipagpalit ng papel sa isa pang grupo.

• May mahirap na desisyong kailangang gawin si Guillermo at natatakot siya na mali ang mapipili niya.

• Nahihirapan si Maggie na sundin ang isang kautusan.

Basahin ang mga sumusunod na doctrinal mastery reference ng Aklat ni Mormon at mahahalagang parirala nito. Hanapin ang mga doctrinal mastery reference na sa palagay mo ay naaangkop kay Guillermo o Maggie. Kung sa palagay mo ay maaaring makatulong ang isang partikular na scripture passage, tiyaking basahin ito nang buo at hindi lamang ang mahalagang parirala nito na nakalista sa ibaba.

Kung makikipagpalitan ang mga estudyante ng mga papel sa ibang grupo, maaari nilang saliksikin ang sumusunod na chart para sa mga doctrinal mastery passage na makatutulong sa isang taong nahaharap sa mga problema o hamong natanggap nila. Maaari mong ipakita ang chart habang ginagawa ng mga estudyante ang aktibidad na ito.

Scripture Reference	Mahalagang Parirala ng Banal na Kasulatan
Scripture Reference 1 Nephi 3:7	Mahalagang Parirala ng Banal na Kasulatan “Hahayo ako at gagawin ang mga bagay na ipinag-uutos ng Panginoon.”
Scripture Reference 2 Nephi 2:25	Mahalagang Parirala ng Banal na Kasulatan “Si Adan ay nahulog upang ang tao ay maging gayon; at ang tao ay gayon, upang sila ay magkaroon ng kagalakan.”
Scripture Reference 2 Nephi 2:27	Mahalagang Parirala ng Banal na Kasulatan “At sila ay malayang makapipili ng kalayaan at buhay na walang hanggan … o … pagkabihag at kamatayan.”
Scripture Reference 2 Nephi 26:33	Mahalagang Parirala ng Banal na Kasulatan “Pantay-pantay ang lahat sa Diyos.”
Scripture Reference 2 Nephi 28:30	Mahalagang Parirala ng Banal na Kasulatan Ang Diyos ay “magbibigay sa mga anak ng tao ng taludtod sa taludtod, ng tuntunin sa tuntunin.”
Scripture Reference 2 Nephi 32:3	Mahalagang Parirala ng Banal na Kasulatan “Magpakabusog kayo sa mga salita ni Cristo; sapagkat masdan, ang mga salita ni Cristo ang magsasabi sa inyo ng lahat ng bagay na dapat ninyong gawin.”
Scripture Reference 2 Nephi 32:8–9	Mahalagang Parirala ng Banal na Kasulatan “Kinakailangan kayong laging manalangin.”
Scripture Reference Mosias 2:17	Mahalagang Parirala ng Banal na Kasulatan “Kung kayo ay nasa paglilingkod ng inyong kapwa-tao, kayo ay nasa paglilingkod lamang ng inyong Diyos.”
Scripture Reference Mosias 2:41	Mahalagang Parirala ng Banal na Kasulatan “Ang mga yaong sumusunod sa mga kautusan ng Diyos … ay pinagpala sa lahat ng bagay.”
Scripture Reference Mosias 3:19	Mahalagang Parirala ng Banal na Kasulatan “Hubarin ang likas na tao at maging banal sa pamamagitan ng pagbabayad-sala ni Cristo, ang Panginoon.”
Scripture Reference Mosias 4:9	Mahalagang Parirala ng Banal na Kasulatan “Maniwala sa Diyos; … maniwala na taglay niya ang lahat ng karunungan.”
Scripture Reference Mosias 18:8–10	Mahalagang Parirala ng Banal na Kasulatan “[Mag]pabinyag sa pangalan ng Panginoon, bilang saksi … na kayo ay nakikipagtipan sa kanya.”

Paano makatutulong ang mga banal na kasulatan?

Kung nagpalitan ng mga papel ang mga estudyante, sa halip na itanong ang mga sumusunod, sabihin sa kanila na ibahagi ang mga doctrinal mastery passage na nahanap nila sa grupong nakapalitan nila ng mga papel.

• Anong mga doctrinal mastery passage ang makatutulong kay Guillermo o Maggie? Bakit?

• Ano ang maaaring gawin nina Guillermo at Maggie dahil sa mga katotohanang itinuro sa mga talatang ito?

Habang nagbabahagi ang mga estudyante, bigyang-diin na walang iisang tamang sagot; maraming banal na kasulatan ang makatutulong sa iba’t ibang paraan.

Pagsasabuhay natin ng mga banal na kasulatan

Pag-isipan ang mga pangangailangan o hamon na mayroon ka. Marahil ay kailangan mo ng tulong sa paaralan, mas magandang ugnayan sa iyong mga magulang o kapatid, higit na pananampalataya kay Cristo upang magsisi, o pagtitiis. Gumawa ng listahan ng iyong mga paghihirap o hamon sa iyong study journal. Subukang magsama ng anumang maiisip mo.

Pumili ng isa sa mga pangangailangan o hamon na isinulat mo.

Basahin ang mahahalagang parirala ng doctrinal mastery at tukuyin ang mga pariralang maaaring makatugon sa iyong mga pangangailangan, paghihirap, o hamon. Maraming doctrinal mastery passage ang maaaring makatulong. Hingin ang patnubay ng Ama sa Langit sa iyong pag-aaral.

Ang mga sumusunod na pahiwatig o katulad na pahayag ay maaaring makatulong sa mga estudyante. Maaari mong isulat ang mga ito sa pisara upang mapili ng mga estudyante kung alin ang magagamit nila.

• Aling mahahalagang parirala ng doctrinal mastery passage ang pinili mo?

  1. Matutulungan ako ng talatang ito sa aking mga hamon sa pamamagitan ng …

  2. Ang talatang ito ay tumutulong sa akin na maunawaan o sundin ang Ama sa Langit at si Jesucristo sa pamamagitan ng …

  3. Naniniwala ako na ang pamumuhay ng mga katotohanan sa mga talatang ito ay makapaghahatid sa akin ng kaligayahan dahil …

Magtapos sa pamamagitan ng pagpapasalamat sa mga estudyante para sa kanilang mga komento, lalo na sa mga nagbahagi ng kanilang makabuluhang mga talata ng mga banal na kasulatan sa simula ng klase.

first 12 doctrinal mastery chart