“2 Нифай 26: Бусдыг Бурханы адил харж, хайрлаж, хандах,” Мормоны Номын багшийн гарын авлага (2024)
“2 Нифай 26,” Мормоны Номын багшийн гарын авлага
2 Нифай 26
Бусдыг Бурханы адил харж, хайрлаж, хандах
Бид өдөр бүр бидний мэдрэмж, үзэл бодолд нөлөөлөх захиас, мэдээлэлтэй тулгардаг. 2 Нифай 26-д Нифай Бурханы үзэл бодлыг заасан. Энэ хичээл танд бусдыг Бурханы адил харж, хайрлаж, хандахад туслах зорилготой.
Тэдний хувь нэмэр үнэ цэнтэй, чухал болохыг суралцагчдад мэдрэхэд нь тусална. Тэднийг анхааралтай сонсож, ойлгохын тулд чин сэтгэлээсээ хичээл зүтгэл гаргаж, суралцагчдын асуулт, тайлбарыг үнэлдэг гэдгээ харуул. Дараа нь өөрийн юу хэлэх гэж байгаа дээрээ бус, суралцагчдын хэлж буй зүйлд анхаарлаа хандуулж, сонирхлоо илэрхийл.
Суралцагчийн бэлтгэл: Суралцагчдыг эцэг эх эсвэл итгэлтэй найзаасаа хэрхэн бусдыг Аврагчтай адил харахыг хичээдэг талаар нь асуухыг урь.
Боломжит суралцах үйл ажиллагаа
Бидний үзэл бодол
Дараах зургуудыг харуулахын оронд та суралцагчдад төрөл бүрийн нүдний шил авчирч зүүлгүүлж үзүүлээд, дараа нь тэдгээр нь тэдний хараа, харах байдлыг хэрхэн өөрчилж байгаа талаар ярилц. Суралцагчдыг төрөл бүрийн нүдний шил эсвэл линз зүүсэн хувийн туршлагаа болон энэ нь ямар ялгаатай байсныг хуваалцахад урих талаар бодож үз.
Дараах зургуудыг судалж үзээд, төрөл бүрийн нүдний шил бидний хараанд хэрхэн нөлөөлдөг талаар бодоорой.
-
Эдгээр өөр төрлийн шил хүний харах өнцөгт хэрхэн нөлөөлөх вэ?
-
Бидний харах, бусдад хэрхэн хандахад нөлөөлж болох ямар зүйл байдаг вэ?
Бусдыг харах өнцгөө тунгаан бодох цаг гарга. Таны харах өнцгийг юу бүрдүүлж болохыг, мөн энэ нь таны бусдад хэрхэн хандаж, мэдрэхэд яаж нөлөөлж болох талаар бодож үз. Суралцах явцдаа бусдыг Аврагч шиг харж, харьцахын тулд юу хийж чадахаа мэдэхэд тань туслах сүнслэг нөлөөг эрэлхийл.
Энэ хичээл танд бусдыг Бурханы адил харж, хайрлаж, хандахад туслах зорилготой.
Бурханы зан чанар
2 Нифай 26-д Нифай нифайчуудын дундах Аврагчийн тохинуулал, түүнчлэн өөрийн хүмүүсийн ёс бус байдал, эцсийн сүйрлийг харсан. Тэрээр мөн эцсийн өдрүүд дэх харь үндэстнүүдийн ёс бус байдлыг харсан. Тэрээр мөн дараа нь Бурхан Өөрийн бүх хүүхдэд санаа тавьдаг гэдгийг онцолсон.
2 Нифай 26:12–13, 23–33-ыг уншихдаа дараах гурван асуултыг бодож үз.
Суралцагчдад 2 Нифай 26:12–13, 23–33-ыг судлах хангалттай хугацаа өгч, дараах асуултад хариулах үг, эшлэлийг тэмдэглэхэд урих тухай бод. Сүнс зааж чадах хүндэтгэлтэй уур амьсгалыг бий болго. Та өрөөгөөр алхахдаа намуухан хөгжим тоглуулж, суралцагчдаас суралцах үедээ юу сурч мэдэж, мэдэрч, тэмдэглэж байгааг чимээгүйхэн асууж болно.
Суралцагчдыг унших үед асуултыг харуулах нь тустай байж болно.
-
Бурхан хүүхдүүдээ хэрхэн харж, тэдний талаар ямар бодолтой байдаг вэ?
-
Тэрээр үүнийг хэрхэн харуулдаг вэ?
-
Тэр биднийг бусдыг хэрхэн харж, хандаасай гэж хүсдэг вэ?
Суралцагчдыг Бурханы зан чанарын тухай Нифайн сургаалыг судалсны дараа сурч мэдсэн зүйлээ хуваалцахад урь. Дараах асуултууд нь нэмэлт асуултуудын хамт хуваалцахыг дэмжихэд тусална. Эсвэл суралцагчид Бурханы тухай сурч мэдсэн үнэнээ самбар дээр жагсаан бичиж, дараа нь эдгээрийн утга учир, ач холбогдлын талаар ярилцаж болно.
-
Асуултад хариулж чадах ямар үг, хэллэг, үнэнийг та тэмдэглэсэн бэ? Яагаад?
-
Та Бурханы зан чанарын талаар юу сурч мэдэж, мэдэрсэн бэ?
-
Бурханы талаарх эдгээр үнэнийг санах нь Түүнтэй харилцах харилцаанд тань хэрхэн нөлөөлж болох вэ? Энэ нь бусдад хандах хандлагад тань хэрхэн нөлөөлж чадах вэ?
Суралцагчид Бурханы зан чанарын тухай олон янзын үнэнийг анзаарсан байх. Суралцагчдаас олж авсан үнэн нь яагаад утга учиртай болохыг асууж, ойлголтынх нь төлөө тэднийг магтаарай. Энэ хичээлийн дараагийн хэсэг 33-р шүлэг дэх “Бурханд бүгд адил” гэсэн үнэнд төвлөрөх болно. Энэ нь суралцагчдад энэ хэсгийг дараагийн хичээлийн төгс эзэмших сургаалыг хэрэгжүүлэх дадлага ажилд ашиглахад бэлдэхэд тусална.
2 Нифай 26:33-д Нифай олон төрлийн хүнийг өөр өөр бүлэгт хослуулан онцолсон гэдгийг анхаар. Дараах тодорхойлолтууд нь эдгээрийг илүү сайн ойлгоход тань тусална. Та энэ шүлгээр эдгээр тодорхойлолтыг судартаа бичиж болох юм.
-
Боол: Зарц.
-
Бурханыг мэддэггүй хүмүүс: Бурханд итгэдэггүй хүн.
-
Иудей болон Харь: Израилын угсаанд харьяалагддаг болон харьяалагддаггүй бүх хүнд хамаарах хэллэг.
2 Нифай 26:33 нь төгс эзэмших сургаалын хэсэг юм. Төгс эзэмших сургаалын судрын хэсгүүдийг дараа амархан олохын тулд онцгойлон тэмдэглэ. Та дараагийн хичээл дээр энэ хэсэгт заасан сургаалыг асуулт эсвэл нөхцөл байдалд хэрэгжүүлэх дадлага хийх боломжтой болно.
-
33-р шүлэг дэх сургаалыг дэлхий хүлээн авч дагасан бол ямар өөрчлөлт авчрах байсан бэ?
Бурханы үзэл бодол, мөн Түүний бусадтай хэрхэн харьцаж, хандаж байгаатай өөрийнхөө үзэл бодол, тэр дундаа бусдад хэрхэн хандаж байгаагаа харьцуулан тунгаан бодох цаг гарга.
Бусдад хэрхэн хандаж байгаагаа Бурхантай харьцуулахад суралцагчдад туслах нэг арга бол Нифайн 2 Нифай 26:25–28-д хуваалцсан асуултыг өөрсөд дээрээ хэрэгжүүлэх явдал юм. Жишээлбэл: “Би хүмүүсийг надаас холдоход хүргэдэг үү? Надтай хамт шүтэн бишрэхгүй байхад хүргэдэг үү?” Эсвэл би тэднийг Есүс Христийн сайн сайхныг хүртэх ёсгүй гэж бодож байна уу?”
ChurchofJesusChrist.orgИх Эзэн танаас юуг сайжруулахыг хүсэж болох талаар эргэцүүлэн бод.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F67%2F41%2F67419eabe55c40a90b1fc7651829fa63f0e80740%2F67419eabe55c40a90b1fc7651829fa63f0e80740.jpg/full/!250,/0/default)
Дараах асуултууд ба догол мөр нь суралцагчдад бусдад хандах мэдрэмж, үйлдлээ үнэлж, дараа нь сурч мэдсэн зүйлээ хэрэгжүүлэхэд тусалж чадна. Суралцагчид тэмдэглэлдээ тэмдэглэж эсвэл асуултад өгсөн хариултаа ярилцаж болно.
-
Бүх хүнд хандах Бурханы үзэл бодол, мөн мэдрэмжийг санах нь танд хэрхэн нөлөөлж болох вэ?
-
Та бусдыг харж, харьцахдаа Тэнгэрлэг Эцэг, Есүс хоёр шиг байхын тулд ямар арга замаар хэр сайн ажиллаж байна вэ?
-
2 Нифай 26:33 дахь Их Эзэний сургаалыг санах нь Бурханы адил бусдыг харж, хайрлаж, хандахад тань хэрхэн тусалж болох вэ?
Дараагийн хэдэн өдөр та бусдыг хэрхэн харж, хэрхэн мэдэрч, хэрхэн хандаж байгаагаа анзаарахыг хичээ. Ариун Сүнсний сануулгыг сонсож, бусдыг Бурхан шиг хайрлаж, тэдэнд хандахад шаардлагатай өөрчлөлтүүдийг хийхэд Их Эзэнээс тусламж хүс.