2 Нифай 25

Есүс Христээр аврагдсан

Хэн нэгэн таныг хүнд хэцүү байдлаас чөлөөлж эсвэл аварч байсан уу? Танд тусалсан хүний талаар ямар сэтгэгдэл төрсөн бэ? Нифай бошиглолын сургаалын ач холбогдлыг онцолсныхоо дараа зөвхөн Есүс Христ бүх хүнийг аврах хүч чадалтай гэдгийг гэрчилсэн. Энэ хичээл танд Есүс Христийн нигүүлслээр хэрхэн аврагдсанаа ойлгоход тусална.

Судрыг болон бошиглогчдын үгсээс заа. Есүс Христийн сайн мэдээний жинхэнэ сургаал, зарчмууд судар, бошиглогчдын үг дотор байдаг. Та суралцагчдад эдгээрийг судлахад нь тусалснаар Ариун Сүнс тэдний оюун ухаан, зүрх сэтгэлд үнэний тухай гэрчилж чадна. Тэд үнэн сургаал, зарчмуудыг тууштай хэрэгжүүлснээр Тэнгэрлэг Эцэг, Есүс Христ хоёртой илүү адил болж чадна.

Суралцагчийн бэлтгэл: Суралцагчдыг өөрсдөд нь нөлөөлсөн Есүс Христийн тухай захиасны талаар ангидаа ярихаар бэлдэж ирэхийг урьж болно.

Тайлбар ба нөхцөл байдлын тухай мэдээлэл

2 Нифай 25:23. Би Их Эзэний ач ивээлийг хүлээн авахад хэрхэн нийцэх вэ?

Арван хоёр төлөөлөгчийн чуулгын ахлагч Д.Тодд Кристоффэрсон ийн сануулсан.

Бид Бурхан туслахаас нь өмнө, сайн сайхан эсвэл чадварынхаа хамгийн доод үеийг гүйцэлдүүлэх хэрэггүй—дуулгавартай байдлын замын хаана нь байгаагаас үл хамааран бид өдөр бүр, цаг мөч тутамд тэнгэрлэг тусламжийг хүлээн авч болно. Харин ч бид Түүний тусламжийг хүсэхээс гадна, өөрсдийгөө дайчлан, наманчилж, шударга ёс ба ёс суртахууны сонгох эрхийн дагуу Бурхан бидний амьдралд үйлдэж болохын тулд Түүнийг сонгох ёстой гэдгийг би мэддэг. Би та нараас зөвхөн үүрэг хариуцлагыг хүлээн авч, үүний төлөө үйлдээсэй хэмээн хүсэж байна. Ингэснээр Бурхан бидэнд туслах болно. (Д.Тодд Кристоффэрсон, “Үүрд чөлөөт байж, өөрсдийнхөө төлөө үйлд,” 2014 оны 10-р сарын Ерөнхий чуулган, 20)

   

Би Аврагчийн ач ивээлийг эрэлхийлснээр ямар адислал хүлээн авч чадах вэ?

  Хэцүү үед тань Аврагчийн ач ивээл танд хэрхэн нөлөөлснийг тунгаан бод.

2 Нифай 25:24–25. Мосегийн хууль гэж юу вэ? Нифай яагаад үүнийг үхмэл хууль гэж хэлсэн бэ?

Израилын хүүхдүүд өөрсдөд нь өгөгдсөн дээд хуулийг дуулгавартай дагаагүй үед Бурхан Мосегоор дамжуулан хууль өгсөн (Гэтлэл 32; 34; Иосеф Смит Орчуулга, Египетээс гарсан нь 34:1–2 [Судруудын удирдамж]). Үүнийг Мосегийн хууль гэж нэрлэх болсон. Энэ нь тэдэнд Бурханыг болон Түүний өмнө хүлээсэн үүргийг сануулах зорилготой олон дүрэм журам, ёслол, золиосноос бүрдсэн байв (Mозая 13:30-ийг үзнэ үү). Ёслолын хуулийн ихэнх хэсэг нь Есүс Христийн үхэл, амилуулалтын үед биелсэн (Aлма 34:13–14-ийг үзнэ үү). Хууль үхмэл гэж тооцогдох болсон нэг шалтгаан бол энэ нь Бурханы хүүхдүүдэд аврал авчрах боломжгүй байсанд юм. Зөвхөн Есүс Христ ингэж чадах байв. (Судруудын удирдамж, “Мосегийн хууль”-ийг үзнэ үү scriptures.ChurchofJesusChrist.org.)

Нэмэлт суралцах үйл ажиллагаа

Ач ивээлийн тухай Мормоны Номын сургаал

Суралцагчдад ач ивээлийн талаар сурч мэдэхэд нь туслахын тулд дараах эшлэлүүдийг эсвэл заримыг нь ашигла: 2 Нифай 2:6–8; 2 Нифай 10:24–25; Иаков 4:7; Хиламан 14:13; Ифер 12:27; Moронай 10:32–33. Та суралцагчдыг бүлгүүдэд хуваарилж, эдгээр хэсгийн нэг буюу хэд хэдэн хэсгийг оноож, тэднээс Аврагчийн ач ивээлийн талаар юу зааж байгааг хуваалцахад бэлтгэхийг хүс.

“Христэд итгэх нь зөв арга зам мөн” (2 Нифай 25:28–29)

2 Нифай 25:18–20-ийг уншсаны дараа, Есүс Христ бол бидний аврагдах цорын ганц арга зам гэдгийг эргэцүүлэн бодоход суралцагчдад туслах талаар бодож үз. Суралцагчдыг 2 Нифай 25:28–29-ийг уншиж, “зөв зам” гэсэн давтагдсан хэллэгээс юу сурч мэдсэн талаар нь ярилц.

Бусдад Христ рүү харахад тусал

Мосегийн болон хүрэл могойн зургийг үзүүлж, түүхийг дахин ярь (Тооллого 21:4–9-ийг үзнэ үү). Суралцагчдыг Мосегийн үед хүмүүс хорт могойд хатгуулж байх үед израилчуудын дунд амьдарч байсан гэж төсөөлөхийг урь. Мосе израилчуудын өмнө хатгасан могойг нь тавьж, өөдөөс нь харахыг ятгахын тулд юу хийх байсныг суралцагчдаас асуу. Хорт могойд хатгуулсныг нүгэлтэй харьцуулж, 2 Нифай 25:26-г уншаад, нүглээс ангижрахын тулд Аврагчийг хайхад нь бусдад туслахын тулд Нифай, мөн бусад хүн юу хийснийг олж мэд. Суралцагчид 26-р шүлэг-ийг амьдралдаа хэрэгжүүлж болох аргыг ярилц.

Мосегийн хууль

Суралцагчдыг 2 Нифай 25:24–30-ийг хайж, Нифай болон түүний хүмүүс яагаад Мосегийн хуулийг дагаж мөрдсөнийг олж мэдэхэд урь. Мосегийн хуулийн янз бүрийн элемент хүмүүсийг Есүс Христ рүү хэрхэн чиглүүлсэн талаар ярилц. (Судруудын удирдамж, “Мосегийн хууль”-ийг үзнэ үү scriptures.ChurchofJesusChrist.org.) Та түүнчлэн бидний үеийн янз бүрийн зарлиг, мөн ёслолууд биднийг Есүс Христ рүү хэрхэн чиглүүлдэг талаар ярилцаж болно.