“2 Nefi 28:27–32: ‘Atij që Merr, [Perëndia] do t’i Jap[ë] më Shumë’”, Manual i Mësuesit për Librin e Mormonit (2024)

“2 Nefi 28:27–32”, Manual i Mësuesit për Librin e Mormonit

2 Nefi 28:27–32

“Atij që Merr, [Perëndia] do t’i Jap[ë] më Shumë”

A ke pyetje shpirtërore që nuk kanë marrë përgjigje, ose a dëshiron ndonjëherë që dëshmia jote të zhvillohej më shpejt? Nefi shpjegoi se njohuria nga Ati Qiellor vjen pak e nga pak ndërsa jemi të gatshëm të vazhdojmë ta marrim atë që Ai na mëson. Ky mësim mund të të ndihmojë ta thellosh kuptueshmërinë tënde për mënyrën se si Ati Qiellor na e zbulon të vërtetën.

T’u mësoni nxënësve t’i përshtatin shkrimet e shenjta. T’i përshtatësh shkrimet e shenjta është si t’i krahasosh ato me jetën vetjake. Nxitini nxënësit të bëjnë pyetje si: “Cilat rrethana dhe situata në jetën time janë të ngjashme me rrethanat dhe situatat në këtë fragment të shkrimit të shenjtë?” ose “Në ç’mënyrë ngjaj me personazhet që po studiojmë në shkrimet e shenjta?”

Përgatitja e nxënësve: Ftojini nxënësit të lexojnë te 2 Nefi 28:30 dhe të vijnë në klasë të përgatitur për të dhënë një shembull se si Perëndia na e mëson ungjillin e Tij pak e nga pak.

Veprimtari të Mundshme të të Mësuarit

Perëndia na mëson hap pas hapi

Në vend që të përdorni analogjinë vijuese rreth një shkalle, mund ta filloni orën mësimore duke i ofruar një nxënësi një artikull të shijshëm ushqimor që është tepër i madh për t’u ngrënë me një kafshatë. Kur nxënësi të hajë një kafshatë, pyeteni atë pse e filloi me një kafshatë në vend që ta hante të gjithin njëherësh. Pastaj ftojini nxënësit të lexojnë te 2 Nefi 28:26–30, duke kërkuar se si ky mësim me sende mund të na ndihmojë ta kuptojmë më mirë procesin e rritjes së njohurisë sonë shpirtërore.

Pamja

shkallë që të çojnë lart

Imagjino sikur po vështron një shkallë të gjatë që përfaqëson njohurinë dhe kuptueshmërinë tënde shpirtërore.

Nëse maja e shkallës përfaqëson njohurinë e Perëndisë, ku mendon se është niveli yt i tanishëm i njohurisë?
Cilat janë mënyrat se si Perëndia na ndihmon ta rritim njohurinë dhe kuptueshmërinë tonë shpirtërore me kalimin e kohës?
Çfarë do t’i ndodhte dikujt që nuk hedh hapin e radhës për shkak se ndihet i kënaqur me njohurinë që ka tashmë?

Te 2 Nefi 28, Nefi e vazhdoi profecinë e tij për ditët e fundit. Ai përshkroi disa nga qëndrimet që do të mbizotëronin në kohën tonë dhe tregoi një model që përdor Zoti për të na ndihmuar ta marrim dhe ta kuptojmë të vërtetën.

Lexo te 2 Nefi 28:26–30 dhe përsiat se si analogjia e shkallës të ndihmon t’i kuptosh të vërtetat që dha mësim Nefi rreth Zotit. Mund të jetë e dobishme të dish se parimet janë urdhërime që na mësojnë si të veprojmë.

2 Nefi 28:30 është një fragment i zotërimit doktrinor. Merrni parasysh t’i shenjoni fragmentet e zotërimit doktrinor në mënyrë të dallueshme që të mund t’i gjeni me lehtësi. Do të keni mundësinë në mësimin e ardhshëm të ushtroni vënien në zbatim të doktrinës që jepet mësim në këtë fragment për një pyetje ose situatë.

Çfarë të ndihmon ky fragment të kuptosh rreth Zotit? Si mund ta bekojë jetën tënde kjo kuptueshmëri?
Si mendon, pse disa njerëz e hedhin poshtë mundësinë për të mësuar më shumë për fjalën e Perëndisë nga sa kanë mësuar tashmë?

Rilexoje vargun 30 dhe mendo rreth mënyrës se si do ta përmblidhje me vetë fjalët e tua atë që të mëson vargu. Nëse dëshiron, mund ta shënosh përmbledhjen tënde në shkrimet e tua të shenjta në krah të këtij vargu.

Ftojini nxënësit t’i tregojnë përmbledhjet e tyre.

Një model për përparimin tonë shpirtëror

Një nga të vërtetat që gjenden në këtë fragment është se Perëndia ua zbulon të vërtetën rresht pas rreshti atyre që do ta marrin atë.

Në ç’mënyrë është një bekim fakti që Perëndia na jep mësim pak e nga pak në vend që të na e japë të gjithë njëherësh?
Si mund të na ndihmojë procesi i të mësuarit pak e nga pak që të bëhemi si Ati Qiellor dhe Jezu Krishti? Cilat cilësi si të Krishtit mund të na ndihmojë ky proces të zhvillojmë?

Modelet e dritës

ChurchofJesusChrist.org Kërkoni modele që Perëndia i përdor për t’ua zbuluar vullnetin e Tij fëmijëve të Tij.

Në vend që të përdorni sugjerimin vijues për studim, merrni parasysh të përdorni veprimtarinë për studimin e shkrimeve të shenjta që gjenden në pjesën “Veprimtari Plotësuese të të Mësuarit”.

Lexo të paktën dy nga fragmentet vijuese të shkrimeve të shenjta, duke kërkuar atë që i shtojnë ato kuptueshmërisë sate për vargun te 2 Nefi 28:30. Merr parasysh t’i lidhësh ose t’i bësh referenca‑kryq këtyre vargjeve me vargun te 2 Nefi 28:30 në shkrimet e tua të shenjta.

Çfarë mësove nga këto fragmente që të ndihmon ta kuptosh më mirë vargun te 2 Nefi 28:30?
Cilët janë disa shembuj të mënyrës se si të vërtetat e dhëna mësim te 2 Nefi 28:30 mund ta ndihmojnë dikë?
Kur e ke parë Perëndinë të japë mësim pak e nga pak në jetën tënde ose në jetën e njerëzve përreth teje?

Përsiat se si kuptueshmëria dhe dëshmia jote për ungjillin janë rritur pak e nga pak me kalimin e kohës. Shënoje në ditarin tënd të studimit atë që ndien se Ati Qiellor do të donte që ti të mbaje mend dhe të bëje për shkak të asaj që mësove sot.

Merreni parasysh të ftoni disa vullnetarë të tregojnë pjesë të asaj që shkruan.

Komente dhe Informacion për Rrethanat

Si gjen zbatim parimi “rresht pas rreshti” për përparimin tonë shpirtëror?

Presidenti Diter F. Uhtdorf, asokohe i Presidencës së Parë, shpjegoi:

Pamja
Presidenti Diter F. Uhtdorf

“Zbulesa dhe dëshmia nuk vijnë gjithmonë me forcë të madhe. Për shumë, dëshmia vjen ngadalë – pjesë-pjesë. Ndonjëherë ajo vjen aq ngadalë, saqë është e vështirë të mbash mend momentin e saktë se kur vërtet e dinim se ungjilli ishte i vërtetë. Zoti na jep neve ‘rresht pas rreshti, parim pas parimi, pak këtu dhe pak atje’ [2 Nefi 28:30].” (Diter F. Uhtdorf, “Potenciali Juaj, Privilegji Juaj”, Liahona, maj 2011, f. 60)

Si mund të jetë një bekim të mos i marrësh të gjitha përgjigjet njëherësh?

Plaku Riçard G. Skot (1928–2015), i Kuorumit të Dymbëdhjetë Apostujve, dha mësim:

Pamja
Plaku Riçard G. Skot

“Kur veproni sipas kuptimit më të mirë prej jush të gjërave, por ende jeni të pasigurt për atë që duhet të bëni, nëse ushtroni besim, do të drejtoheni të gjeni zgjidhje që nuk do të mund t’i kishit gjetur në asnjë mënyre tjetër. Madje dhe me besimin tuaj më të fortë, Perëndia nuk do t’ju shpërblejë gjithmonë ju menjëherë sipas dëshirave tuaja. Përkundrazi, Perëndia do të përgjigjet me atë çfarë është më e mira për ju në planin e Tij të përjetshëm, kur të japë dobinë më të madhe. Jini mirënjohës që nganjëherë Perëndia ju lë të mundoheni për një kohë të gjatë përpara se ajo përgjigje të vijë. Kjo bën që besimi juaj të shtohet dhe karakteri juaj të rritet.” (Riçard G. Skot, “Fuqia Shndërruese e Besimit dhe Karakteri”, Liahona, nëntor 2010, f. 44)

Plaku D. Tod Kristoferson, i Kuorumit të Dymbëdhjetë Apostujve, tregoi sa vijon rreth kohës kur një zgjidhje për një problem të rëndësishëm nuk erdhi shpejt pavarësisht lutjeve të tij të sinqerta:

Pamja
Plaku D. Tod Kristoferson

“Ndonëse vuajta atëherë, jam mirënjohës tani që nuk pati një zgjidhje të shpejtë për problemin tim. Fakti që qeshë i detyruar t’i drejtohesha Perëndisë për ndihmë thuajse çdo ditë gjatë një periudhe të zgjatur vitesh, më mësoi se si të lutesha me të vërtetë e të merrja përgjigje për lutjen dhe më mësoi në një mënyrë shumë praktike që të kisha besim te Perëndia. Unë arrita ta njoh Shpëtimtarin tim dhe Atin tim Qiellor në një mënyrë dhe në një shkallë që, përndryshe, mund të mos kishte ndodhur ose për të cilën mund të më ishte dashur shumë më tepër kohë. … Unë mësova t’i mirëbesoj Zotit me të gjithë zemrën time. Unë mësova të eci me Të ditë pas dite.” (D. Todd Christofferson, “Recognizing God’s Hand in Our Daily Blessings”, Ensign, janar 2012, f. 19)

Veprimtari Plotësuese të të Mësuarit

Veprimtari për studimin e shkrimeve të shenjta

Kjo veprimtari ka për qëllim t’i ndihmojë nxënësit të kuptojnë se ne shpesh kemi nevojë t’i bindemi asaj që kemi marrë tashmë përpara se të marrim udhëzime të mëtejshme.

Informojini nxënësit që për ta përfunduar veprimtarinë, grupi i tyre do të lexojë dhe do t’ju raportojë mbrapsht se si katër fragmentet e shkrimeve të shenjta e shtojnë kuptueshmërinë e tyre për vargun te 2 Nefi 28:30.

Thuajuni grupeve se fragmenti i parë që do të studiojnë është Doktrina e Besëlidhje 42:61. Ndërsa çdo grup ju raporton për mënyrën se si ai fragment e shton kuptueshmërinë e tyre për vargun te 2 Nefi 28:30, në heshtje jepini grupit referencën e radhës që duhet të studiojnë. Ky proces vazhdon derisa çdo grup të ketë raportuar se çfarë mësoi nga të katërta fragmentet vijuese.

Rresht pas rreshti në historinë e Kishës

Mund të jetë e dobishme të diskutoni shembuj nga historia e Kishës që demonstrojnë se Zoti e zbulon të vërtetën e Tij “rresht pas rreshti, parim pas parimi, pak këtu dhe pak atje” (2 Nefi 28:30). Mund të përdorni thënien në vijim nga Plaku Dejvid A. Bednar, i Kuorumit të Dymbëdhjetë Apostujve, për ta filluar këtë diskutim:

“Edhe historia e Kishës, edhe jeta jonë vetjake janë përplot me shembuj të mënyrave të Zotit për marrje të zbulesës ‘rresht pas rreshti, parim pas parimi’. Për shembull, të vërtetat themelore të ungjillit të rivendosur nuk iu dorëzuan Profetit Jozef Smith njëherazi në Korijen e Shenjtë. Këto thesare të paçmuara u zbuluan sikurse e kërkonin dhe ndërsa ishte koha e duhur” (Dejvid A. Bednar, “Shpirti i Zbulesës”, Liahona, maj 2011, f. 88).

Jezusi përparoi hir pas hiri

Ftojini nxënësit të lexojnë te Doktrina e Besëlidhje 93:11–20, duke kërkuar mënyrën se si përparimi i Shpëtimtarit e demonstron atë që jepet mësim te 2 Nefi 28:30. Ndihmojini nxënësit të kuptojnë se një nga cilësitë e Shpëtimtarit është durimi dhe se ne bëhemi më shumë si Ai ndërsa mësojmë me durim rresht pas rreshti.

Ftojini ata të lexojnë edhe te Lluka 2:40, duke kërkuar katër fusha të përparimit të Shpëtimtarit që përmend ky varg. Kujtojuani nxënësve programin ‘Fëmijët dhe Rinia’ dhe nxitini ata të vendosin dhe të punojnë për synime që do t’i ndihmojnë të përparojnë rresht pas rreshti në secilën prej atyre katër fushave.