Семинар
Moзая 4:9–10: “Бурханд итгэ”

“Мозая 4:9–10: Бурханд итгэ,’” Мормоны Номын багшийн гарын авлага (2024)

“Мозая 4:9–10,” Мормоны Номын багшийн гарын авлага

Мозая 4:9–10

“Бурханд итгэ”

Бурханы дүр төрх

Та итгэл үнэмшил тань таны үйлдэлд болон хэн болоход тань хэрхэн нөлөөлж байгаа талаар тунгаан бодохоо больсон уу? Хаан Бенжамин нүглүүдийнхээ ангижралыг хадгалахын тулд юу хийх ёстойг зааж байхдаа Бурханд итгэхийн ач холбогдлыг онцолсон. Энэ хичээл Бурханд итгэх итгэл, хайраа бэхжүүлэхэд тань тусална.

Судруудыг болон бошиглогчдын үгийг итгэл үнэмшил, зорилготой заах. Боломж гарах бүрд удирдамж, мөн асуултынхаа хариултыг болон тусламж дэмжлэг авахын тулд Бурханы үг рүү хандаж байхад заадаг хүмүүсээ урамшуул. Хэрэв суралцагчид “Христийн үгэн дээр найрлавал” тэндээс олсон үнэн нь “[тэдэнд] хийвэл зохих бүх зүйлийг хэлэх болно” (2 Нифай 32:3).

Суралцагчийн бэлтгэл: Суралцагчдыг Бурханы талаар итгэдэг гурваас таван зүйлийн жагсаалттай ангидаа ирэхийг урь.

Боломжит суралцах үйл ажиллагаа

Бидний итгэлийн нөлөө

Дараах нь хүмүүсийн нэгэн цагт үнэн гэж бодож байсан худал санаанууд юм. Эдгээр итгэл үнэмшил нь тэдгээр хүний амьдралд хэрхэн нөлөөлсөн болохыг тунгаан бод

Самбарт дараах мэдэгдлийг үзүүл.

  • Дэлхий бол хавтгай.

  • Бах мэлхий таныг үүтэй болгоно.

  • Одод дэлхийг тойрон эргэдэг.

  • Худал үзэл бодолд итгэснээр ямар асуудал гарч болох вэ?

  • Таны эсвэл бусдын итгэл үнэмшил хандлага, үйлдэлд хэрхэн нөлөөлж байсан бэ?

  • Бидний юунд итгэх нь бидэнд сүнслэгээр хэрхэн нөлөөлөх вэ?

Бурханд итгэ

Хаан Бенжамин бидэнд Бурханд итгэхийн ач холбогдлыг заасан. Суралцаж эхлэхээсээ өмнө Бурханы тухай юунд итгэдэг талаараа тунгаан бод. Бурханы талаарх таны итгэл таны үйлдэлд хэрхэн нөлөөлдөг вэ? Эдгээр итгэл үнэмшлийнхээ заримыг судлах тэмдэглэлдээ бичиж, хийж байгаа зүйлдээ яагаад итгэдгээ тунгаан бод. Суралцах явцдаа өөрт төрсөн бодол, сэтгэгдлээ бичиж тэмдэглэ.

Дараах зургийг судлах тэмдэглэл дээрээ хуул. Тойргийн голд Бурханд итгэ, Moзая 4:9–10 гэж бич.

Дараах зургийг самбар дээр зурж, Moзая 4:9–10-аас дугуйг сургаалаар дүүргэхэд туслахыг суралцагчдаас хүс.

санааны тойрог

Moзая 4:9–10-ыг уншаад, Бенжамин хаан хүмүүсээ Бурханд итгэхэд урьсан өөр өөр зүйлийг хайж ол. Эдгээрийг тойргийн гадна бич. Шаардлагатай бол зурган дээрээ тойрог нэмж болно.

  • Та Moзая 4:9–10 дээрх хаан Бенжамины сургаалыг нэг өгүүлбэрт хэрхэн хураангуйлах вэ? Хураангуй өгүүлбэрээ өөрийн бүтээсэн дүрслэлийн гарчиг болгон ашиглахыг бод.

Хэдэн суралцагчид эдгээр шүлгийн хураангуйг ангийнхантай хуваалцах боломжийг олго. Энэ хураангуйн нэг хэсэг гэж тодорхойлж болох боломжит үнэнд дараах зүйлс орно: Их Эзэний бошиглогчид биднийг Бурханд итгэхэд урьдаг. Бурхан бүх зүйлийг бүтээсэн бөгөөд бүх хүч чадлыг эзэмшдэг мөн мэргэн ухаантай. Бид үйлдлээрээ Бурханд итгэх итгэлээ харуулж чадна.

Ангийнхныг жижиг жижиг бүлэгт хуваарилж, бүлэг бүрд 9–10-р шүлэг дэх хаан Бенжамины нэг эсвэл хэд хэдэн сургаал дээр анхаарлыг нь төвлөрүүлэхээр хуваарилж өг. Суралцагчид анхаарлаа хандуулахаар хуваарилж авсан үнэний талаарх дараах асуултуудыг ярилцаж, хариултаа ангийнхандаа хуваалцаж болно.

  • Хаан Бенжамины эдгээр сургаалыг ойлгож, итгэх нь таны амьдралд хэрхэн нөлөөлж болох вэ?

  • Эдгээр сургаалыг өнөөдөр дэлхий нийт эсэргүүцэж, үл тоомсорлож байгааг та хэрхэн харж байна вэ?

Ерөнхийлөгч Рассэлл М.Нэлсон Бурханд итгэдэггүй хүмүүст дараах зөвлөгөөг хуваалцсан.

2:3
Ерөнхийлөгч Рассэлл М.Нэлсон

Хэрвээ Бурханд итгэдэг эсэхээ мэдэхгүй байгаа бол яг үүнээс эхэл. Хүн Бурхантай харилцдаггүй болохоор л Түүний байдаг эсэхэд эргэлздэг гэдгийг ойлго. Тиймээс Түүнтэй харилцаатай байх нөхцөл байдалд өөрийгөө байлга. … Тэрээр чамайг мэддэг эсэхийг мөн Тэрээр үнэхээр байдаг эсэхийг өөрт чинь хэлэхийг Түүнээс гуй. Чиний тухай юу мэдэрдгийг нь Түүнээс асуу. Тэгээд сонс. (Рассэлл М.Нэлсон, “Ирээд, Намайг дага,” 2019 оны 4-р сарын Ерөнхий чуулган, 110)

  • Тэнгэрлэг Эцэгт болон Есүс Христэд итгэх итгэлийг тань хүчирхэгжүүлсэн ямар туршлага танд тохиолдсон бэ?

Хэрэв суралцагчдад Бурханд итгэхийг сонгох талаар цаашид ярилцах нь ашиг тустай байвал “Тайлбар ба нөхцөл байдлын талаарх мэдээлэл” хэсэг дэх ахлагч Л.Витний Клэйтоны хэлсэн үгийг ашигла.

Илүү гүнзгийрүүлэх

Бидний Бурханд итгэх итгэл, найдвараа бэхжүүлэх нэг арга бол бусдын сүнслэгээр нөлөөлсөн сургаал, туршлагаас суралцах явдал юм (Bible Dictionary, “Faith”-ийг үзнэ үү). Бурханд итгэх итгэлээ сайжруулахад туслах дараах гурван үйл ажиллагааны дор хаяж нэгийг нь сонго.

Дараах гурван сонголтыг харуулж, суралцагчдад үйл ажиллагааны аль нэгийг гүйцэтгэхэд хангалттай хугацаа өг. Эдгээр үйл ажиллагааг дангаар нь хийж болно эсвэл суралцагчид нэг үйл ажиллагаанд анхаарлаа төвлөрүүлэхээр сонгосон бусад хүнтэй хамтарч болно. Суралцагчдын хэрэгцээ, чадавхад нийцүүлэн өөр өөр үйл ажиллагааг оруулах талаар бодож үз.

  • Дуулал: Бурханы мөн чанар, зан чанарын талаар заасан эсвэл Түүнд итгэх итгэлийг тань хүчирхэгжүүлж чадах үг, хэллэг, шүлгийг эсвэл бүтэн дууллыг дууллын номоос хай.

  • Судрын бусад түүх: Бусад хүн бидний Тэнгэрлэг Эцэгийн тухай эсвэл Түүний Хүү Есүс Христийн талаарх өөрсдийн итгэл үнэмшлийг гэрчилсэн түүхүүдийг судраас олж, судал. Aлма 26:16, 35–37; 34:8–10; Сургаал ба Гэрээ 76:22–24-р судруудыг судлах судрын хэсгийн жишээнд оруулж болно.

    Дараах хувилбарыг ашигласан тохиолдолд Лиахона-ийн Ерөнхий чуулганы хэвлэлийг суралцагчдад өг. Сурагчид мөн Gospel Library аппликэйшныг ашиглаж болно.

  • Ерөнхий чуулган: Сүүлийн үеийн Ерөнхий чуулганы үгсийг ашиглан, Тэнгэрлэг Эцэг, Есүс Христ хоёрын тухай зааж, Тэдэнд итгэх итгэлийг хүчирхэгжүүлсэн үг, хэллэг, түүх, түүхийг хайж ол. (“Тэнгэрлэг Эцэг,” “Бурхан Тэргүүтэн,” “Есүс Христ” зэрэг сэдвээр Ерөнхий чуулганы үгсийг хайж үзэх талаар бод.)

Хэдэн суралцагчид сурч мэдсэн, мэдэрсэн зүйлээ хуваалцах боломжийг олго.

Суралцагчдыг ойлголтоо хуваалцахад урьсны дараа тэдэнд жижиг цаас өгөх талаар бодож, хүсэл эрмэлзэлтэй суралцагчдыг Бурханы талаар итгэдэг зүйлээ бичихэд урь. Итгэл үнэмшлийн эдгээр мэдэгдлийг бусад хүн харж, тунгаан бодоход туслахын тулд дараагийн долоо хоногийн ангид нийтэлж болно.

Таны дараагийн алхам

Та Бурханд хүчтэй итгэдэг эсвэл юунд итгэж байгаагаа тодорхойлохыг хичээж байгаа эсэхээс үл хамааран Бурханд итгэх итгэл, хайраа хүчирхэгжүүлэхийн тулд бидний хүн нэг бүр хийж чадах зүйл бий. Бурханыг илүү сайн мэдэхийн тулд таны хийх дараагийн алхам юу болохыг эргэцүүлэн бодох цаг гарга. Төрсөн мэдрэмж, сэтгэгдлээ судлах тэмдэглэлдээ бичиж тэмдэглэ.

Хичээлийнхээ төгсгөлд Бурханы талаарх гэрчлэлээ хуваалц. Суралцагчдыг өнөөдөр мэдэрсэн сэтгэгдлийнхээ дагуу үйлдэхэд урамшуул.