Mosia 5:1–5

Nuk Kemi Më Prirje të Bëjmë Keq

Nganjëherë, ne mund të ndiejmë nevojën për të bërë ndryshime ose për të përmirësuar diçka që kemi qenë duke bërë. Populli i mbretit Beniamin u ndje në këtë mënyrë pasi e dëgjoi atë të fliste për Jezu Krishtin dhe ato prej të cilave Ai na shpëton. Ky mësim mund të të ndihmojë që të të shtohet dëshira për të ndryshuar ose që të vazhdosh të ndryshosh me ndihmën e Zotit.

Të vepruarit sipas mësimeve të Shpëtimtarit. Jezu Krishti dha mësim doktrinën dhe parime të vërteta në mënyrë që jeta jonë mund të ndryshohet për më mirë. Kërkoni vazhdimisht mundësi për t’i ftuar nxënësit të ndërmarrin veprime të efektshme e të drejta në bazë të mësimeve të Tij. Veprimet mund të jenë të ndryshme për çdo nxënës, por Fryma e Shenjtë mund t’i ndihmojë të përcaktojnë atë që mund të bëjnë për të ndjekur Shpëtimtarin.

Përgatitja e nxënësve: Merreni parasysh t’i ftoni nxënësit të mendojnë rreth asaj që i bën ata të dëshirojnë të afrohen më shumë me Atin Qiellor dhe Jezu Krishtin.

Veprimtari të Mundshme të të Mësuarit

Bërja si Jezu Krishti

Merreni parasysh të paraqitni figurat vijuese ose t’i sillni disa nga objektet në klasë nëse janë në dispozicion. Më pas përdorni pyetje si ato në vijim për t’i ndihmuar nxënësit të mendojnë rreth mënyrës se si shndërrimet e objekteve mund të krahasohen me ne që ndryshojmë dhe bëhemi më shumë si Ati Qiellor dhe Jezu Krishti.

• Çfarë e shkakton ndryshimin e këtyre objekteve?

• Cilat janë arsyet pse njerëzit ndryshojnë?

• Si mund të jetë ndryshimi i zemrave tona nga Zoti i ngjashëm ose i ndryshëm me mënyrën se si ndryshojnë këto objekte?

Merreni parasysh ta paraqitni pohimin vijues ose ta shkruani atë në tabelë. Ftojini nxënësit të mendojnë rreth faktit se sa ndiejnë se pohimi gjen zbatim për ta.

• Dëshiroj që Zoti të më ndihmojë të ndryshoj për më mirë.

Ftojini nxënësit të marrin parasysh se përse ndihen në atë mënyrë. Kjo mund të përfshijë përsiatjen e mënyrave se si Zoti mund t’i ketë ndihmuar ata në të shkuarën.

Ndërsa studion kapitullin te Mosia 5, kërko arsye pse mund të dëshirosh të kërkosh ndihmën e Zotit për të ndryshuar dhe për t’u përmirësuar.

Përjetimi i një ndryshimi të zemrës

Pasi mbreti Beniamin mbaroi së foluri me popullin e tij, ai dëshironte të dinte nëse populli “i besonte fjalët që ai u kishte folur atyre” (Mosia 5:1).

Lexo te Mosia 5:1–5 për të parë se si u përgjigjën ata. Mund të jetë e dobishme të dish se fjala prirje i referohet tendencës ose drejtimit që priret të ketë dikush. ChurchofJesusChrist.org

Për t’i ndihmuar nxënësit që t’i kuptojnë këto vargje më mirë, mund t’i ftoni ata ta kopjojnë dhe plotësojnë tabelën vijuese në ditarët e tyre të studimit. Ose nxënësit mund t’i lexojnë vargjet dhe të shenjojnë atë që gjejnë në shkrimet e tyre të shenjta. Për shembull, nxënësit mund të rrethojnë fjalë dhe fraza që vënë në dukje se si ndryshoi populli dhe të nënvizojnë fjalë dhe fraza që vënë në dukje atë që e bëri popullin të ndryshonte.

Si ndryshoi populli	Çfarë e bëri popullin të ndryshonte
Si ndryshoi populli	Çfarë e bëri popullin të ndryshonte

Nëse dëshironi mund t’i ftoni nxënësit të tregojnë atë që gjetën. Ftojini nxënësit t’i përmbledhin parimet që mësuan. Veprimtaria vijuese është një mënyrë se si ata mund ta bëjnë këtë.

Duke u bazuar te Mosia 5:1–5, plotësoje frazën vijuese.

Ndërsa zemrat tona ndryshohen nëpërmjet Shpirtit të Zotit, ne …

Nxënësit mund ta plotësojnë pohimin në një larmi mënyrash. Disa mënyra të mundshme përfshijnë: Ndërsa zemrat tona ndryshohen nëpërmjet Shpirtit të Zotit, ne …

• humbasim dëshirën për të bërë keq dhe na lind dëshira për të bërë mirë vazhdimisht.

• ndiejmë gëzim.

• jemi të gatshëm të hyjmë në besëlidhjet për t’iu bindur urdhërimeve.

Mund të jetë e dobishme që t’i ftoni nxënësit të renditin parime në tabelë dhe t’i shënojnë ato në shkrimet e tyre të shenjta. Përdorni disa ose të gjitha pyetjet vijuese për t’i ndihmuar nxënësit ta kuptojnë dhe përsiatin rëndësinë e të vërtetave që kanë përcaktuar.

Është e rëndësishme të kuptohet se, megjithëse populli i mbretit Beniamin nuk kishte “më prirje të bë[nte] keq” (Mosia 5:2), kjo nuk do të thotë që ata nuk mëkatuan më kurrë. Por që Zoti ua kishte ndryshuar zemrat që të dëshironin sinqerisht të bënin mirë dhe ta shmangnin mëkatin.

• Kur ke pasur ti, ashtu si populli i mbretit Beniamin, një dëshirë të fortë për “të bë[rë] mirë vazhdimisht”? Çfarë të ndihmoi që të ndiheshe në atë mënyrë?

• Pse mendon se shumica prej nesh nuk ndihen në këtë mënyrë gjatë gjithë kohës?

• Çfarë mendon se mund të bëjë një person për t’u ndier kështu më shpesh?

Të kuptuarit e ndryshimit

Merre parasysh të shenjosh te Mosia 5:3 frazën “nëpërmjet mirësisë së pafund të Perëndisë”. Për ta kuptuar vërtet ndryshimin që ndodhi te populli i mbretit Beniamin, na duhet të kuptojmë se si mund të na ndihmojë Jezu Krishti që të ndryshojmë.

Motra Uendi W. Nelson shpjegoi:

Merreni parasysh ta paraqitni thënien vijuese dhe t’i ftoni nxënësit të kërkojnë fjalë ose fraza që u bëjnë përshtypje.

“Shpëtimtari është faktori themelor dhe i vetmi faktor i vërtetë e i gjallë i ndryshimit. Ai është burimi i të gjithë ndryshimit. … Ai do të nxjerrë më të mirën prej jush, ndërsa i drejtoheni Atij. Ai do të shpëtojë vërtet gjithçka që është më e mira thellë brenda jush. …

… Ai ju do. Atij i pëlqejnë shumë përpjekjet tuaja për të ndryshuar.

Dëshira e tij është që ju të ndryshoni, që, me kalimin e kohës, ta dëboni tërësisht njeriun e natyrshëm, të keni një ndryshim të zemrës, një ndryshim të natyrës. Jezu Krishti e bëri gjithçka që bëri në mënyrë që ju të mund të ndryshoni! Ai është Shpëtimtari juaj dhe Shpëtimtari im!

Dhe ndërsa ne, në mënyrë aktive dhe ngulmuese lutemi që fuqia e flijimit të Tij të pafundëm dhe shëlbues të zbatohet në jetën tonë, shërimi i Tij përfundimtar do t’i sjellë jetës së secilit prej nesh ndryshimin përfundimtar që ne kërkojmë skajshëm.” (Wendy W. Nelson, “Change: It’s Always a Possibility!” [takim shpirtëror në Universitetin “Brigam Jang”, 7 prill 1998], f. 10, speeches.byu.edu)

• Sipas Motrës Nelson, çfarë mund të bëjë Jezu Krishti për të na ndihmuar të ndryshojmë?

• Çfarë mësove rreth rolit tënd te ndryshimi?

Ftojini nxënësit të mendojnë për dikë që e njohin, i cili ka ndryshuar me ndihmën e Jezu Krishtit. ChurchofJesusChrist.org Mund të ndihmojë edhe nëse tregoni rreth dikujt që njihni ju, i cili ka ndryshuar.

Më pas, bëjuni nxënësve pyetje si vijueset:

• Si e ndihmoi Zoti këtë person?

• Çfarë përpjekjesh individuale bëri ky person për të ndryshuar?

• Si mendon, pse këto ndryshime të çojnë në gëzim më të madh?

Ta bëjmë ndryshimin të përhershëm

Për ta mbyllur studimin tënd, mendo për jetën tënde dhe përparimin tënd të tanishëm drejt bërjes si Ati Qiellor dhe Jezu Krishti. Përsiat atë që ndien se Fryma e Shenjtë do të donte që të bëje si rezultat i asaj që mësove dhe ndjeve.

Jepni dëshminë tuaj se Zoti, nëpërmjet Shpirtit të Tij, do t’i ndihmojë nxënësit të ndryshojnë dhe të bëhen më shumë si Ati Qiellor dhe Jezu Krishti.

Komente dhe Informacion për Rrethanat

A është një ndryshim i zemrës dhe i dëshirës i menjëhershëm apo do kohë?

Bredli R. Uilkoksi, i Presidencës së Përgjithshme të Të Rinjve, shpalli:

“Braktisja e mëkatit dhe pasja e ‘prirje[s që] të [mos] bëjmë keq, por të bëjmë mirë vazhdimisht’ [Mosia 5:2] janë synime për tërë jetën.

Jeta është si një udhëtim nga njëri cep i një shteti në tjetrin. Ne nuk mund të arrijmë në vendmbërritjen tonë duke e mbushur vetëm një herë serbatorin. Duhet ta rimbushim atë vazhdimisht. Marrja e sakramentit është si të ndalosh në një pikë karburanti. Ndërsa pendohemi dhe i ripërtërijmë besëlidhjet tona, ne premtojmë gatishmërinë tonë për t’i zbatuar urdhërimet dhe Perëndia e Krishti na bekojnë me Shpirtin e Shenjtë. Me pak fjalë, ne premtojmë të shkojmë përpara në udhëtimin tonë dhe Perëndia e Krishti premtojnë ta mbushin serbatorin tonë.” (Bredli R. Uilkoks, “Denjësia Nuk Është të Jesh i Patëmetë”, Liahona, nëntor 2021, f. 61–62)

Motra Beki Krejvën, e Presidencës së Përgjithshme të Të Rejave, dha mësim:

“Shkrimet e shenjta nuk thonë se [njerëzit e mbretit Beniamin] menjëherë u bënë të përsosur, përkundrazi, dëshira e tyre për të ndryshuar i detyroi ata të vepronin. Ndryshimi i zemrës së tyre nënkuptonte zhveshjen e burrit ose gruas së natyrshme dhe dhënien ndaj [shtysave të] Shpirtit teksa u përpoqën fort për t’u bërë më shumë si Jezu Krishti. …

Duke e ndërthurur përpjekjen tonë me aftësinë e Shpëtimtarit për të na ndryshuar, ne bëhemi krijesa të reja.” (Beki Krejvën, “Mbajeni Ndryshimin”, Ensign ose Liahona nëntor 2020, f. 58)

Çfarë roli luan Fryma e Shenjtë te ndihma ndaj nesh që të ndryshojmë?

Vëllai Brajën K. Ashton, në atë kohë në Presidencën e Përgjithshme të Shkollës të së Dielës, shpjegoi:

“Procesi i shenjtërimit jo vetëm që na pastron, por ai gjithashtu na dhuron dhuntitë e nevojshme shpirtërore apo cilësitë hyjnore të Shpëtimtarit dhe ndryshon vetë natyrën tonë, në mënyrë të tillë ‘që ne nuk kemi më prirje të bëjmë keq’ [Mosia 5:2]. Sa herë e marrim Frymën e Shenjtë në jetën tonë nëpërmjet besimit, pendimit, ordinancave, shërbimit si të Krishtit dhe përpjekjeve të tjera të drejta, ne ndryshohemi derisa hap pas hapi, pak nga pak ne bëhemi si Krishti.” (Brajën K. Ashton, “Doktrina e Krishtit”, Ensign ose Liahona, nëntor 2016, f. 108)

Veprimtari Plotësuese të të Mësuarit

Ndryshimi është i mundur nëpërmjet ndihmës së Zotit dhe përpjekjes sonë

Nëse dëshirohet, nxënësit mund të shpenzojnë më tepër kohë duke i eksploruar përpjekjet e tyre për të ndryshuar dhe mënyrën se si Zoti na ndihmon të ndryshojmë. Mund të bëni një grafik në tabelë dhe ta emërtoni njërën anë Ndihma e Zotit dhe anën tjetër Përpjekja Jonë. Nxënësit mund të japin ide poshtë secilës krye.

Nxënësit mund të renditin fjalët “ndjenja shprese”, “vendosmëri” ose “forcë për ta provuar sërish” nën kreun “Ndihma e Zotit”.

Ata mund të renditin fjalët “lutje”, “sakrificë” ose “shmangia e së keqes” nën kreun “Përpjekja Jonë”.

Shpirti i Shenjtë dhe ndryshimi

Mund të jetë e dobishme t’u kujtoni nxënësve rolin e Frymës së Shenjtë te ndihma që ne të ndryshojmë. Ftojini nxënësit të përsëritin vargun te Mosia 3:19, duke kërkuar atë që mbreti Beniamin dha mësim rreth Shpirtit të Shenjtë dhe rolit të Tij te ndihma që ne të ndryshojmë. Nxënësit mund ta krahasojnë këtë varg me mënyrën si u përgjigjën njerëzit te Mosia 5:2–3 dhe atë që ata thanë rreth Shpirtit të Zotit. Mund t’i pyesni nxënësit se si i ka ndihmuar Fryma e Shenjtë të ndryshonin. Sigurohuni që t’i paralajmëroni ata që të mos tregojnë diçka tepër personale ose private.

Rishikoni të vërteta të rëndësishme nga predikimi i mbretit Beniamin

Ftojini nxënësit të lexojnë ose rishikojnë vargjet te Mosia 5:1–5, duke kërkuar rëndësinë e të besuarit te mësimet e profetëve dhe udhëheqësve të tjerë të Kishës. Ndihmojini nxënësit të mendojnë rreth të vërtetave që kanë mësuar nga udhëheqësit e frymëzuar, që mund t’ua shtojnë dëshirën për të bërë mirë dhe për ta ndjekur Shpëtimtarin. Ftojini nxënësit të shpenzojnë pak minuta që të rishikojnë të vërtetat që mësuan nga fjalimi i mbretit Beniamin te Mosia 1–4. Ata mund të kërkojnë të vërteta që ndiejnë se do t’i sillnin më pranë Zotit dhe ta ftojnë Atë ta ndryshojë zemrën e tyre. Më pas ata mund të përgjigjen për pyetjet vijuese:

• Cilat ishin të paktën dy të vërteta që gjete?

• Si mund të ushtrosh besim te këto të vërteta?

• Ndërsa ushtron besim te këto të vërteta, si mund t’i ndryshojë Zoti dëshirat e tua dhe të të ndihmojë të ndiesh më tepër gëzim?