Seminari
Mosia 7–8: Profetët e Zotit si Shikues

“Mosia 7–8: Profetët e Zotit si Shikues”, Manual i Mësuesit për Librin e Mormonit (2024)

“Mosia 7–8”, Manual i Mësuesit për Librin e Mormonit

Mosia 7–8

Profetët e Zotit si Shikues

Pamja
Presidenti Rasëll M. Nelson

Njësoj si Shpëtimtari ka tituj që na mësojnë rreth Tij, shërbëtorët e Zotit kanë tituj që na ndihmojnë t’i kuptojmë rolet e tyre në planin e Atit Qiellor. Kur mbreti Limhi kërkoi ndihmë për një detyrë që ai nuk dinte si ta plotësonte, një burrë i quajtur Amoni e drejtoi atë te profeti. Amoni i shpjegoi gjithashtu mbretit të vërteta të rëndësishme rreth rolit të profetëve, shikuesve dhe zbuluesve. Ky mësim mund të të ndihmojë ta kuptosh rëndësinë e faktit që profetët janë edhe shikues në planin e Atit Qiellor.

Dhënia e dëshmisë për profetët e gjallë. Kërkoni mundësi për të dhënë dëshminë tuaj për fjalët e profetëve të gjallë. Plaku Din M. Dejvis (1951–2021), i Të Shtatëdhjetëve, dha mësim: “Dëgjimi dhe mbajtja vesh e profetëve të gjallë do të ketë ndikime të thella, madje ndikime që na e ndryshojnë jetën. Ne forcohemi [prej tyre]. Jemi më të sigurt dhe më mirëbesues ndaj Zotit. E dëgjojmë fjalën e Zotit” (“Ejani, Dëgjojeni Zërin e Profetit”, Ensign ose Liahona, nëntor 2018, f. 36).

Përgatitja e nxënësve: Merreni parasysh t’i ftoni nxënësit të mendojnë se si do të përgjigjeshin po t’i pyeste dikush se pse besojnë te profetët.

Veprimtari të Mundshme të të Mësuarit

Pyetje rreth profetëve

Merreni parasysh t’i ftoni nxënësit të interpretojnë me role dhënien e përgjigjeve për tri pyetjet e para në vijim. Ata mund të përgjigjen edhe për të katërtën nëse ndihen rehat për ta bërë këtë.

Imagjino që dikush që e njeh, ka mësuar se ti beson në profetët bashkëkohorë. Ai ose ajo të afrohet dhe të pyet për sa vijon:

  • Dëgjova që kisha jote ka një profet. Çfarë bën ai?

  • Përse vallë kemi nevojë për një profet sot?

  • Lexova në internet që Jozef Smithi përktheu një libër të lashtë. A e ka bërë ndonjë profet tjetër i lashtë ose bashkëkohor atë?

  • Çfarë beson rreth profetëve?

Mund të jetë e dobishme t’i pyesni nxënësit a kanë ndonjë pyetje rreth profetëve. Merreni parasysh t’i shkruani pyetjet e tyre në tabelë.

Libri i Mormonit përmban mësime të shumta rreth profetëve, përfshirë se si Ati Qiellor i përdor ata për të na ndihmuar. Ndërsa studion, përsiati pyetjet më sipër dhe kërko ta forcosh dëshminë tënde për profetët. Gjithashtu kërko përgjigje për pyetjet shtesë që mund të kesh rreth profetëve.

Tri udhëtime

Merreni parasysh ta paraqitni ilustrimin vijues dhe të shpjegoni informacionin vijues. (Mund të dëshironi ta kopjoni figurën në tabelë dhe ta lini aty për referencë gjatë disa orëve të ardhshme mësimore.) Ose mund t’u siguroni nxënësve referencat në dy paragrafët vijues dhe t’i ftoni ata t’i lexojnë fragmentet dhe ta përmbledhin atë që mësojnë.

Pamja
ilustrim i udhëtimeve nefite për të rimarrë tokën e Nefit

Kur babai i mbretit Beniamin (Mosia) ishte mbret, një burrë i quajtur Zenif u largua nga Zarahemla me një grup njerëzish për të rimarrë tokën e Nefit (shih te Mosia 9:3–4). Prej grupit të Zenifit nuk u mor asnjë lajm për shumë vite, kështu që mbreti i radhës, Mosia (djali i mbretit Beniamin), dërgoi një grup të udhëhequr nga Amoni që t’i kërkonte ata (shih te Mosia 7:1–3). Ata e gjetën popullin e Zenifit, i cili po udhëhiqej nga nipi i Zenifit, mbreti Limhi. Populli i Limhit ishte skllavëruar nga lamanitët “për shkak të paudhësive [të tyre]” (Mosia 7:20).

Mbreti Limhi i tha Amonit se kishte dërguar një grup kërkimi për të gjetur Zarahemlën, por ata nuk kishin qenë të suksesshëm. Në vend të kësaj, ata kishin sjellë me vete relikte nga toka në veri, përfshirë një anal të shkruar mbi 24 fletë të arta (shih te Mosia 8:7–9). Mbreti Limhi shpresoi se Amoni mund ta përkthente analin ose të njihte dikë që mund ta bënte atë (shih te Mosia 8:6, 11–12).

Lexo te Mosia 8:13–14, duke kërkuar atë që Amoni tha se mund ta përkthente analin dhe pse.

  • Çfarë gjete?

Mund të jetë e dobishme të dish se të dy, Mosia dhe Jozef Smithi, patën instrumente të veçanta të quajtura Urimi dhe Thumimi, të përgatitura nga Perëndia për t’i ndihmuar ata të përkthenin analet e lashta. (Shih te Mosia 28:13–14; Joseph Smith – Historia 1:35. Nëse do të doje të dije më tepër, kërko zërin “Urim dhe Thumim” tek Udhëzuesi për Shkrimet e Shenjta.)

Roli i një shikuesi

Lexo te Mosia 8:15–18 për të mësuar se çfarë janë shikuesit dhe pse një Atë i dashur Qiellor ka siguruar shikues për ne.

  • Çfarë mësove?

Mund të jetë e dobishme që t’i bëni nxënësit të vijnë në tabelë dhe të shkruajnë sa më shumë të vërteta që gjejnë. Nëse nxënësit shkruajnë një pohim që nuk është krejt i saktë, ndihmojini ata ta rregullojnë pohimin për ta bërë atë të vërtetë. Bërja e kësaj mund t’i ndihmojnë nxënësit që t’i rishikojnë vëzhgimet e tyre dhe të sqarojnë atë që po mësojnë. Një e vërtetë që ilustron ky rrëfim, është se Zoti siguron profetë, shikues dhe zbulues për përftimin e njerëzimit. Nëse dëshironi mund t’i ftoni nxënësit të shenjojnë fjalë ose fraza që ua mësojnë këtë të vërtetë, ose ta shkruajnë këtë të vërtetë pranë vargjeve që e japin mësim këtë.

Udhëzuesi për Shkrimet e Shenjta e shpjegon rolin e një shikuesi si më poshtë:

“Një njeri i autorizuar nga Perëndia për të parë me sytë shpirtërorë gjëra të cilat Perëndia i ka fshehur nga bota (Mois. 6:35–38). Ai është një zbulues dhe një profet (Mosia 8:13–16). Në Librin e Mormonit, Amoni na mësoi se vetëm një shikues mund t’i përdorte interpretuesit e veçantë ose një Urim dhe Thumim (Mosia 8:13; 28:16). Një shikues e di të kaluarën, të tashmen dhe të ardhmen. Në lashtësi, një profet shpesh quhej shikues (1 Sam. 9:9; 2 Sam. 24:11).

Joseph Smith‑i është shikuesi i madhërishëm i ditëve të mëvonshme (DeB 21:1; 135:3). Si shtesë, Presidenca e Parë dhe Këshilli i Të Dymbëdhjetëve shugurohen si profetë, shikues dhe zbulues.” (Udhëzuesi për Shkrimet e Shenjta, “Shikues”, scriptures.ChurchofJesusChrist.org)

  • Çfarë mësove rreth rolit të profetit si shikues?

  • Si mendon, pse Ati Qiellor do t’ua siguronte këto aftësi Presidencës së Parë dhe Kuorumit të Dymbëdhjetë Apostujve?

  • Si janë profetët, shikuesit dhe zbuluesit provë e dashurisë së Perëndisë për ty?

Vlera e shikuesve në kohën tonë

Çfarë veprimtarie e të mësuarit mund t’i ndihmojë nxënësit tuaj ta thellojnë bindjen e tyre që Presidenca e Parë dhe Kuorumi i Dymbëdhjetë Apostujve janë profetë, shikues dhe zbulues? Sa vijon janë disa ide. Zgjidhni një ose më shumë, ose sillni idetë tuaja vetjake. Nxënësit mund të punojnë individualisht ose me një partner.

  • Mendo të paktën tri situata në të cilat dija se profetët e Atit Qiellor janë shikues, mund të të ndihmojë t’i qëndrosh besnik Zotit. Shënoji këto situata.

  • Studio një bisedë nga konferenca e përgjithshme e fundit nga një anëtar i Presidencës së Parë ose i Kuorumit të Dymbëdhjetë Apostujve. Shëno shembuj që ilustrojnë se ata janë shikues.

  • Ftojini nxënësit të lexojnë pjesën “Mesazh nga Presidenca e Parë”, që gjendet në fillim të broshurës Për Forcën e Rinisë (2022, f. 2). Shëno se si mendon se ky mesazh dhe standardet e përfshira në këtë pamflet demonstrojnë se anëtarët e Presidencës së Parë janë shikues.

  • Shëno përfitime që ke përjetuar ti ose familja jote nga ndjekja e shikuesve.

Ftojini nxënësit të tregojnë atë që studiuan dhe përgatitën.

Mund të jetë e dobishme të dish që mbreti Mosia vërtet i përktheu analet (shih te Mosia 28:11–19). Do të kesh mundësi të lexosh një pjesë të atyre analeve kur të studiosh librin e Ethërit.

Edhe përpara se analet të përktheheshin, mbreti Limhi u ndikua nga njohuria që mbreti Mosia mund të përkthente. Lexo te Mosia 8:19–20, duke kërkuar se si reagoi mbreti Limhi kur mësoi se Perëndia thërret profetë, shikues dhe zbulues.

  • Si ndikoi te Limhi marrja e kësaj njohurie?

Përsiat se si ndihesh rreth faktit që Ati Qiellor siguron profetë, shikues dhe zbulues për të na udhërrëfyer sot. Mund t’i shënosh mendimet e tua në ditarin tënd të studimit.

Jepni dëshminë tuaj për rëndësinë e profetëve dhe mënyrën se si ata e kanë bekuar jetën tuaj.

Shtyp në Letër