« ម៉ូសាយ ៥:១–៥ ៖ ពុំមានបំណងនឹងប្រព្រឹត្តអំពើទុច្ចរិតទៀតឡើយ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« ម៉ូសាយ ៥:១–៥ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
ម៉ូសាយ ៥:១–៥
ពុំមានបំណងនឹងប្រព្រឹត្តអំពើទុច្ចរិតទៀតឡើយ
ពេលខ្លះ យើងប្រហែលជាមានអារម្មណ៍ថា ត្រូវធ្វើការកែប្រែ ឬកែលម្អអ្វីមួយដែលយើងកំពុងធ្វើ ។ ប្រជាជនរបស់ស្តេចបេនយ៉ាមីនមានអារម្មណ៍បែបនេះបន្ទាប់ពីបានស្តាប់ទ្រង់មានបន្ទូលអំពីព្រះយេស៊ូវគ្រីស្ទ និងអ្វីដែលទ្រង់បានសង្រ្គោះយើង ។ មេរៀននេះអាចជួយអ្នកបង្កើនបំណងប្រាថ្នាក្នុងការផ្លាស់ប្តូរ ឬបន្តផ្លាស់ប្តូរដោយមានជំនួយពីព្រះអម្ចាស់ ។
ការប្រព្រឹត្តតាមការបង្រៀនរបស់ព្រះអង្គសង្គ្រោះ ។ព្រះយេស៊ូវគ្រីស្ទបានបង្រៀនគោលលទ្ធិ និងគោលការណ៍ពិតដើម្បីឲ្យជីវិតរបស់យើងអាចត្រូវបានផ្លាស់ប្តូរឲ្យកាន់តែប្រសើរឡើង ។ សូមស្វែងរកឱកាសជានិច្ចដើម្បីអញ្ជើញសិស្សឲ្យធ្វើសកម្មភាពសុចរិតប្រកបដោយប្រសិទ្ធភាព ដោយផ្អែកលើការបង្រៀនរបស់ទ្រង់ ។ សកម្មភាពអាចនឹងខុសគ្នាសម្រាប់សិស្សម្នាក់ៗ ប៉ុន្តែព្រះវិញ្ញាណបរិសុទ្ធអាចជួយពួកគេឲ្យរកឃើញអ្វីដែលពួកគេអាចធ្វើដើម្បីដើរតាមព្រះអង្គសង្គ្រោះ ។
ការរៀបចំសិស្ស ៖ សូមពិចារណាអញ្ជើញសិស្សឲ្យគិតអំពីអ្វីដែលនាំឲ្យពួកគេខិតកាន់តែជិតព្រះវរបិតាសួគ៌ និងព្រះយេស៊ូវគ្រីស្ទ ។
សកម្មភាពរៀនសូត្រដែលអាចមាន
ការប្រែក្លាយដូចជាព្រះយេស៊ូវគ្រីស្ទ
សូមពិចារណាបង្ហាញរូបភាពខាងក្រោម ឬយកវត្ថុមួយចំនួនមកកាន់ថ្នាក់រៀន ប្រសិនបើមាន ។ បន្ទាប់មក សូមប្រើសំណួរដូចតទៅនេះដើម្បីជួយសិស្សគិតអំពីរបៀបដែលការបំប្លែងរបស់វត្ថុអាចប្រៀបធៀបទៅនឹងការផ្លាស់ប្តូរ និងការប្រែក្លាយខ្លួនយើងឲ្យកាន់តែដូចជាព្រះវរបិតាសួគ៌ និងព្រះយេស៊ូវគ្រីស្ទ ។
-
តើអ្វីដែលបណ្តាលឲ្យមានការផ្លាស់ប្តូរវត្ថុទាំងនេះ ?
-
តើហេតុផលអ្វីខ្លះដែលមនុស្សផ្លាស់ប្តូរ ?
-
តើព្រះអម្ចាស់អាចផ្លាស់ប្តូរដួងចិត្តរបស់យើងស្រដៀងគ្នា ឬខុសពីរបៀបដែលវត្ថុទាំងនេះផ្លាស់ប្តូរដោយរបៀបណា ?
សូមពិចារណាបង្ហាញសេចក្តីថ្លែងការណ៍ខាងក្រោម ឬសរសេរវានៅលើក្ដារខៀន ។ សូមអញ្ជើញសិស្សឲ្យគិតពីអារម្មណ៍ដែលពួកគេមានអំពីសេចក្តីថ្លែងការណ៍នេះថា ត្រូវនឹងពួកគេកម្រិតណា ។
-
ខ្ញុំចង់ឲ្យព្រះអម្ចាស់ជួយខ្ញុំផ្លាស់ប្តូរឲ្យកាន់តែល្អប្រសើរ ។
សូមអញ្ជើញសិស្សឲ្យពិចារណាអំពីមូលហេតុដែលពួកគេមានអារម្មណ៍ដូចដែលពួកគេមាន ។ ការណ៍នេះអាចរួមបញ្ចូលទាំងការសញ្ជឹងគិតពីរបៀបដែលព្រះអម្ចាស់អាចជួយពួកគេកាលពីអតីតកាល ។
នៅពេលអ្នកសិក្សា ម៉ូសាយ ៥ សូមរកមើលហេតុផលដែលអ្នកប្រហែលជាចង់ស្វែងរកជំនួយពីព្រះអម្ចាស់ដើម្បីផ្លាស់ប្តូរ និងកែលម្អ ។
ការដកពិសោធន៍ការផ្លាស់ប្តូរនៃដួងចិត្ត
បន្ទាប់ពីស្ដេចបេនយ៉ាមីនបានមានបន្ទូលទៅកាន់ប្រជាជនរបស់ទ្រង់ចប់ហើយ ទ្រង់ចង់ដឹងថា តើពួកគេ « ជឿតាមពាក្យសម្ដីដែលទ្រង់មានបន្ទូលទៅកាន់ពួកគេនោះឬទេ » ( ម៉ូសាយ ៥:១ ) ។
សូមអាន ម៉ូសាយ ៥:១–៥ ដើម្បីមើលពីរបៀបដែលពួកគេឆ្លើយតប ។ វាអាចមានប្រយោជន៍ក្នុងការដឹងថា ពាក្យ មានបំណង សំដៅទៅលើទំនោរ ឬការងាករេរបស់នរណាម្នាក់ ជាអ្វីដែលពួកគេងាយនឹងទទួលយក ។ អ្នកប្រហែលជាចង់មើលវីដេអូ« The People of King Benjamin Make a Covenant » ចាប់ពីនាទីទី ០:០០ ដល់នាទីទី ១:៣៧ ដែលមាននៅលើគេហទំព័រ ChurchofJesusChrist.org.
ដើម្បីជួយសិស្សឲ្យយល់ពីខគម្ពីរទាំងនេះកាន់តែច្បាស់ អ្នកអាចអញ្ជើញពួកគេឲ្យចម្លង និងបំពេញតារាងខាងក្រោមនៅក្នុងសៀវភៅកំណត់ហេតុការសិក្សារបស់ពួកគេ ។ ឬសិស្សអាចអានខគម្ពីរ ហើយគូសចំណាំអ្វីដែលពួកគេរកឃើញនៅក្នុងព្រះគម្ពីររបស់ពួកគេ ។ ឧទាហរណ៍ ៖ សិស្សអាចគូសរង្វង់លើពាក្យ និងឃ្លាដែលបង្ហាញពីរបៀបដែលប្រជាជនផ្លាស់ប្តូរ ហើយគូសបន្ទាត់ក្រោមពាក្យ និងឃ្លាដែលបង្ហាញពីអ្វីដែលបណ្តាលឲ្យប្រជាជនផ្លាស់ប្តូរ ។
|
របៀបដែលប្រជាជនបានផ្លាស់ប្តូរ |
អ្វីដែលបានបណ្តាលឲ្យប្រជាជនផ្លាស់ប្តូរ |
|---|---|
របៀបដែលប្រជាជនបានផ្លាស់ប្តូរ
| អ្វីដែលបានបណ្តាលឲ្យប្រជាជនផ្លាស់ប្តូរ
|
អ្នកអាចចង់អញ្ជើញសិស្សឲ្យចែកចាយអ្វីដែលពួកគេបានរកឃើញ ។ សូមអញ្ជើញសិស្សឲ្យសង្ខេបគោលការណ៍ដែលពួកគេបានរៀន ។ សកម្មភាពខាងក្រោមគឺជារបៀបមួយដែលអ្នកអាចធ្វើវាបាន ។
ដោយផ្អែកតាម ម៉ូសាយ ៥:១–៥ សូមបំពេញឃ្លាខាងក្រោម ។
នៅពេលដួងចិត្តរបស់យើងត្រូវបានផ្លាស់ប្តូរតាមរយៈព្រះវិញ្ញាណនៃព្រះអម្ចាស់ នោះយើង …
សិស្សអាចបំពេញសេចក្តីថ្លែងការណ៍តាមវិធីផ្សេងៗគ្នា ។ វិធីដែលអាចមានមួយចំនួនរួមមាន នៅពេលដួងចិត្តរបស់យើងត្រូវបានផ្លាស់ប្តូរតាមរយៈព្រះវិញ្ញាណនៃព្រះអម្ចាស់ នោះយើង …
-
បាត់បង់បំណងធ្វើអំពើទុច្ចរិត ហើយចង់ប្រព្រឹត្តិអំពើល្អជានិច្ចវិញ ។
-
មានសេចក្តីអំណរ ។
-
យល់ព្រមចូលទៅក្នុងសេចក្តីសញ្ញា ដើម្បីគោរពតាមបទបញ្ញត្តិទាំងឡាយ ។
វាអាចមានប្រយោជន៍ក្នុងការអញ្ជើញសិស្សធ្វើបញ្ជីអំពីគោលការណ៍ទាំងឡាយនៅលើក្ដារខៀន ហើយកត់ត្រាវានៅក្នុងព្រះគម្ពីររបស់ពួកគេ ។ សូមប្រើសំណួរមួយចំនួន ឬទាំងអស់ខាងក្រោម ដើម្បីជួយសិស្សឲ្យយល់ និងពិចារណាពីសារៈសំខាន់នៃសេចក្តីពិតដែលពួកគេបានរកឃើញ ។
វាជាការសំខាន់ក្នុងការយល់ថា ទោះជាប្រជាជនរបស់ស្ដេចបេនយ៉ាមីន « ពុំមានបំណង [ ឬទំនោរចិត្ត ] នឹងប្រព្រឹត្តអំពើទុច្ចរិតទៀតឡើយ » ( ម៉ូសាយ ៥:២ ) នេះមិនមានន័យថា ពួកគេមិនបានធ្វើអំពើបាបម្តងទៀតទេ ។ ផ្ទុយទៅវិញ ព្រះអម្ចាស់បានផ្លាស់ប្តូរចិត្តពួកគេឲ្យមានបំណងប្រាថ្នាដោយស្មោះដើម្បីធ្វើល្អ និងចៀសវាងពីអំពើបាប ។
-
តើនៅពេលណាដែលអ្នកមានបំណងប្រាថ្នាចង់ « ចង់ប្រព្រឹត្តអំពើល្អជានិច្ចវិញ » ដូចជាប្រជាជនរបស់ស្ដេចបេនយ៉ាមីន ? តើអ្វីដែលបានជួយអ្នកឲ្យមានអារម្មណ៍បែបនេះ ?
-
ហេតុអ្វីអ្នកគិតថា ពួកយើងជាច្រើនមិនមានអារម្មណ៍បែបនេះគ្រប់ពេល ?
-
តើអ្នកគិតថាមនុស្សម្នាក់អាចធ្វើអ្វីបានដើម្បីឲ្យមានអារម្មណ៍បែបនេះញឹកញាប់ជាងនេះ ?
ការយល់ដឹងអំពីការផ្លាស់ប្តូរ
សូមពិចារណាគូសចំណាំ ម៉ូសាយ ៥:៣ ឃ្លា « តាមរយៈសេចក្ដីល្អសប្បុរសដ៏និរន្តរ៍នៃព្រះ » ។ ដើម្បីយល់ពីការផ្លាស់ប្តូរដែលកើតឡើងនៅក្នុងប្រជាជនរបស់ស្តេចបេនយ៉ាមីនយ៉ាងច្បាស់ នោះយើងត្រូវយល់ពីរបៀបដែលព្រះយេស៊ូវគ្រីស្ទអាចជួយយើងឲ្យផ្លាស់ប្តូរ ។
ស៊ីស្ទើរ វេនឌី ដបុលយូ ណិលសុន បានពន្យល់ ៖
សូមពិចារណាបង្ហាញសេចក្ដីថ្លែងការណ៍ខាងក្រោម ហើយអញ្ជើញសិស្សឲ្យរកមើលពាក្យ ឬឃ្លាដែលធ្វើឲ្យពួកគេចាប់អារម្មណ៍ ។
ព្រះអង្គសង្គ្រោះគឺជាភ្នាក់ងារផ្លាស់ប្តូរដ៏ពិត និងតែមួយអង្គគត់ ។ ទ្រង់គឺជាប្រភពនៃការផ្លាស់ប្តូរទាំងអស់ ។ … ទ្រង់នឹងបង្ហាញពីសក្តានុពលរបស់អ្នក នៅពេលអ្នកងាកទៅរកទ្រង់ ។ ទ្រង់ពិតជានឹងជួយសង្គ្រោះអ្វីៗទាំងអស់ដែលជាសក្តានុពលរបស់អ្នក ។ …
… ទ្រង់ស្រឡាញ់អ្នក ។ ទ្រង់ស្រឡាញ់ការខិតខំរបស់អ្នកក្នុងការផ្លាស់ប្តូរ ។
ព្រះទ័យរបស់ទ្រង់សម្រាប់អ្នកគឺ ដើម្បី ផ្លាស់ប្តូរ បន្តិចម្តងៗ បោះបង់ចោលភាពជាមនុស្សខាងសាច់ឈាមទាំងស្រុង មានការផ្លាស់ប្តូរក្នុងចិត្ត ការផ្លាស់ប្តូរចរិតលក្ខណៈ ។ ព្រះយេស៊ូវដែលជាព្រះគ្រីស្ទបានធ្វើ អ្វីៗទាំងអស់ ដែលទ្រង់ធ្វើនោះគឺដើម្បីឲ្យអ្នក អាច ផ្លាស់ប្តូរ ! ទ្រង់គឺព្រះអង្គសង្រ្គោះ របស់អ្នក និងជាព្រះអង្គសង្គ្រោះរបស់ខ្ញុំ !
ហើយនៅពេលយើងសកម្ម ទូលអង្វរដោយខ្ជាប់ខ្ជួនដើម្បីទទួលបានព្រះចេស្តានៃការពលិកម្មដ៏គ្មានទីបញ្ចប់ និងដ៏ធួនរបស់ទ្រង់ ដើម្បីអនុវត្តចំពោះជីវិតរបស់យើង ការព្យាបាលចុងក្រោយរបស់ទ្រង់នឹងនាំមកឲ្យជីវិតរបស់យើងម្នាក់ៗនូវការផ្លាស់ប្តូរចុងក្រោយដែលយើងស្វែងរកយ៉ាងខ្លាំង ។ ( វេនឌី ដបុលយូ ណិលសុន « Change: It’s Always a Possibility! » [ ការប្រជុំធម្មនិដ្ឋាននៅសាកលវិទ្យាល័យព្រិកហាំយ៉ង់ នាថ្ងៃទី ៧ ខែ មេសា ឆ្នាំ ១៩៨៨ ] ទំព័រ ១០ speeches.byu.edu )
-
យោងតាមស៊ីស្ទើរ ណិលសុន តើព្រះយេស៊ូវគ្រីស្ទអាចធ្វើអ្វីខ្លះដើម្បីជួយយើងផ្លាស់ប្តូរ ?
-
តើអ្នកបានរៀនអ្វីខ្លះអំពីតួនាទីរបស់អ្នកក្នុងការផ្លាស់ប្តូរ ?
សូមអញ្ជើញសិស្សឲ្យគិតអំពីនរណាម្នាក់ដែលពួកគេស្គាល់ ដែលបានផ្លាស់ប្ដូរដោយមានជំនួយពីព្រះយេស៊ូវគ្រីស្ទ ។ អ្នកអាចចែកចាយឧទាហរណ៍របស់ អេវើ នៅក្នុងវីដេអូ « A Change of Heart » ( ៤:៣៩ ) ដែលមាននៅលើគេហទំព័រ ChurchofJesusChrist.org. វាក៏អាចមានប្រយោជន៍ដើម្បីចែកចាយអំពីនរណាម្នាក់ដែលអ្នកស្គាល់ដែលបានផ្លាស់ប្តូរផងដែរ ។
បន្ទាប់មក សូមសួរសិស្សសំណួរដូចតទៅ ៖
-
តើព្រះអម្ចាស់បានជួយបុគ្គលនេះដោយរបៀបណា ?
-
តើកិច្ចខិតខំផ្ទាល់ខ្លួនអ្វីខ្លះដែលបុគ្គលនេះធ្វើការផ្លាស់ប្តូរ ?
-
ហេតុអ្វីអ្នកគិតថា ការផ្លាស់ប្តូរទាំងនេះនាំឲ្យមានសេចក្តីអំណរកាន់តែខ្លាំង ?
ការធ្វើឲ្យការផ្លាស់ប្តូរជាអចិន្រ្តៃយ៍
ដើម្បីបញ្ចប់ការសិក្សារបស់អ្នក សូមគិតអំពីជីវិតរបស់អ្នក និងការរីកចម្រើនបច្ចុប្បន្នរបស់អ្នកឆ្ពោះទៅរកការក្លាយដូចជាព្រះវរបិតាសួគ៌ និងព្រះយេស៊ូវគ្រីស្ទ ។ សូមសញ្ជឹងគិតពីអ្វីដែលអ្នកមានអារម្មណ៍ថា ព្រះវិញ្ញាណបរិសុទ្ធនឹងឲ្យអ្នកធ្វើ ដែលជាលទ្ធផលមកពីអ្វីដែលអ្នកបានរៀន និងមានអារម្មណ៍ ។
សូមចែកចាយទីបន្ទាល់របស់អ្នកថា តាមរយៈព្រះវិញ្ញាណនោះព្រះអម្ចាស់ទ្រង់នឹងជួយសិស្សឲ្យផ្លាស់ប្តូរ ហើយក្លាយកាន់តែដូចព្រះវរបិតាសួគ៌ និងព្រះយេស៊ូវគ្រីស្ទ ។