“Төгс эзэмших сургаалын давтлага 7: Төгс эзэмших сургаалын судрын хэсгүүдийг амьдралд хэрэгжүүлэх,” Мормоны Номын багшийн гарын авлага (2024)
“Төгс эзэмших сургаалын давтлага 7,” Мормоны Номын багшийн гарын авлага
Төгс эзэмших сургаалын давтлага 7
Төгс эзэмших сургаалын судрын хэсгийг амьдралд хэрэгжүүлэх
Төгс эзэмших сургаалын зорилго болон ялангуяа энэ хичээлийн зорилгын нэг бол төгс эзэмших сургаалын судрын хэсгүүдэд заасан сургаалыг бодит амьдралд ашиглахад тань туслах явдал юм.
Асуултынхаа хариултыг олоход суралцагчдад туслах. Багш суралцагчийн бүх асуултад хариулах үүрэггүй. Өөрсдөө хариулт олж авч чадахуйцаар сүнслэг мэдлэг олж авах зарчмуудыг ашиглахад суралцагчдад тусал. Суралцагчдыг Их Эзэнд итгэж, итгэл үнэмшилтэй хандахад уриал.
Суралцагчийн бэлтгэл: Суралцагчдыг төгс эзэмших сургаалын хэд хэдэн хэсгийн аль хэдийн судалсан хэсгийг давтаж, тэдгээр хэсэг өсвөр насны хүүхдийн өнөөгийн амьдралд хэрхэн хамаатай байж болох талаар тунгаан бодохыг урь.
Боломжит суралцах үйл ажиллагаа
Төгс эзэмших сургаалын судрын хэсгийн талаарх хичээлийг энэ хичээлийн оронд зааж болох юм. Төгс эзэмших сургаалын судрын хэсгүүдийн талаарх хичээл тус бүрийг семинар явагдаж байх үеэр заахын тулд бүсийн захирал эсвэл зохицуулагчийн өгсөн цагийн хуваарийг дага.
Есүс Христ, мөн Түүний сайн мэдээ амьдралыг өөрчилж чадна.
Судруудыг өөрсдийн амьдралд хэрэгжүүлэхийн тулд тэдний зааснаар үйлдэх хэрэгтэй.
ChurchofJesusChrist.org
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F6e%2Fb5%2F6eb5363adc74aec633a561a3db241f298c36fad7%2F6eb5363adc74aec633a561a3db241f298c36fad7.jpeg/full/!250,/0/default)
Самбар дээрх дараах үйл ажиллагааг ангиараа хийж, судлах тэмдэглэл дээрээ гүйцээхийг суралцагчдаас хүсэж болно. Суралцагчдын хариултыг товч ярилц.
Судлах тэмдэглэлийнхээ цаасны голд босоо шугам зур. Нэг тал дээр нь “Өмнө”, нөгөө тал дээр нь “Дараа” гэж бич. Судруудад агуулагдаж буй Есүс Христийн сайн мэдээний үнэнийг сурч мэдэж, хэрэгжүүлснээр амьдрал нь сайжирсан өөрийн таньдаг хүмүүсийн эсвэл судар дээрх хүмүүсийн зарим жишээг бод. “Өмнө” гэсэн баганад хүмүүс ямар байсныг эсвэл судруудыг хэрэглэхээс өмнө юу хийснийг дүрсэлсэн үг, хэллэгийг товч жагсаан бич. “Дараа” гэсэн баганад судраас үнэнийг хэрэгжүүлэх явцад Аврагчийн тэдэнд тусалсан өөрчлөлтүүдийг товч тайлбарла.
-
Аврагчид тэр хүмүүст өөрчлөлт хийхэд нь судрууд хэрхэн тусалсан бэ?
Танай орон нутгийн өсвөр насныханд тохиолдож болох бэрхшээлтэй тулгарсан таны насны хэн нэгний тухай жишээ бич. Энэ хувилбар нь бодит эсвэл төсөөлөл байж болох ч ангийнхны эсвэл багшийн тань таньдаг хэнийг ч дүрслэх ёсгүй. Тэдний нас, хүйс, гэр бүлийн байдал, Есүс Христийн Хожмын Үеийн Гэгээнтнүүдийн Сүмийн гишүүн эсэх, тэдэнд тулгарч буй цөөн хэдэн асуудал, сорилт зэрэг дэлгэрэнгүй мэдээллийг оруул.
Суралцагчид хувилбараа бичсэнийхээ дараа цаасан дээр тодорхой тэмдэглэгээ тавих нь тэдэнд өөр өөрийнхийгөө танихад тустай байж болох юм. Дараа нь ангийнхаа өөр нэг суралцагчтай сольж болно. Эсвэл бүх суралцагч цаасаа өгөх боломжтой. Та цааснуудыг холиод, дахин тараах ба ингэснээр суралцагч бүр ангийнхаа хүүхдийн бичсэн жишээтэй болно.
Суралцагчдыг тунгаан бодохыг урьж, магадгүй ангийнхнаас дөнгөж сая хүлээн авсан хувилбар дээр тулгуурлан эсвэл хэрэв солилцоогүй бол өөрсдийнхөө хувилбарт үндэслэн дараах асуултуудад хариултаа бичихийг урь.
-
Энэ өсвөр насныханд тулгарч буй нөхцөл байдал, асуудлуудыг харгалзан үзэхэд тэдэнд ямар асуулт, сэтгэл хөдлөл тулгарч болох вэ? Яагаад?
-
Аврагч тэдний талаар ямар бодолтой байдаг вэ? Тэр тэдэнд хэрхэн тусалж болох талаар та юу мэдэх вэ?
Судруудын агуулгыг ойлгож, хэрэгжүүлэх нь
Мормоны Номын эхний хагасын төгс эзэмших сургаалын дараах хэсгүүдийг хянаж үзээд, таны жишээн дээр байгаа өсвөр үеийнхэнд ойлгож, хэрэгжүүлэхэд нь тустай байж магадгүй гэж үзсэн хэсгүүдийг олж мэд.
Суралцагчдад дараах бүдүүвч зургийг үзүүл эсвэл тарааж өг.
Судрын эшлэл |
Судрын түлхүүр үг хэллэг |
---|---|
Судрын эшлэл | Судрын түлхүүр үг хэллэг “Би явж бас Их Эзэний зарлиг болсон тэр зүйлүүдийг биелүүлэх болно.” |
Судрын эшлэл | Судрын түлхүүр үг хэллэг “Адам хүмүүн байж болохын тулд унасан; мөн тэд баясгалантай байж болохын тул хүмүүн байх бөлгөө.” |
Судрын эшлэл | Судрын түлхүүр үг хэллэг “Тэд … эрх чөлөө болон мөнх амьдралыг сонгох эсвэл … боолчлол болон үхлийг сонгох эрхтэй.” |
Судрын эшлэл | Судрын түлхүүр үг хэллэг “Бурханд бүгд адил.” |
Судрын эшлэл | Судрын түлхүүр үг хэллэг Бурхан “Учир нь болгоогтун, би хүмүүний үрст шат шатаар, дүрэм дүрмээр өгөх болно.” |
Судрын эшлэл | Судрын түлхүүр үг хэллэг “Христийн үгэн дээр найрла, учир нь болгоогтун, Христийн үгс та нарын хийвэл зохих бүх зүйлийг та нарт хэлэх болно.” |
Судрын эшлэл | Судрын түлхүүр үг хэллэг “Та нар үргэлж залбирах ёстой.” |
Судрын эшлэл | Судрын түлхүүр үг хэллэг “Та нар бусдадаа үйлчилж байгаа нь та нар зөвхөн Бурхандаа үйлчилж байгаа гэдгээ мэдэж болохын тулд буюу.” |
Судрын эшлэл | Судрын түлхүүр үг хэллэг “Бурханы зарлигуудыг дагадаг [тэд] … бүх зүйлд адислагдсан болой.” |
Судрын эшлэл | Судрын түлхүүр үг хэллэг “Эгэл хүмүүнээ орхиж мөн Их Эзэн Христийн цагаатгалаар гэгээнтэн [бол].” |
Судрын эшлэл | Судрын түлхүүр үг хэллэг “Бурханд итгэ; … Тэр бүх мэргэн ухааныг эзэмшдэг гэдэгт итгэ.” |
Судрын эшлэл | Судрын түлхүүр үг хэллэг “Гэрээ байгуулснаа түүний өмнө гэрчилж, Их Эзэний нэрээр баптисм хүрт.” |
Дараах зааврыг үзүүлээд, суралцагчдыг ангийнхнаасаа хүлээн авсан хуудсан дээрх үйл ажиллагааг эсвэл солилцоогүй бол өөрсдийн хуудсан дээр гүйцэтгэхийг урь.
Энэ хүнд одоогийн нөхцөл байдалд нь туслахын тулд товч захидал бич. Уг захиасанд оруулах зүйлс:
-
Энэ өсвөр насныханд тустай гэж бодож байгаа судруудын хэсгүүдээс авсан үнэн, дээрх хүснэгтээс авсан төгс эзэмших сургаалын ядаж нэг хэсэг болон бусад хэрэгтэй хэсэг.
-
Тэд эдгээр үнэнийг хэрэгжүүлэх хэд хэдэн арга зам ба Тэнгэрлэг Эцэгээс хүлээн авч болох адислалууд. Та, таны таньдаг хэн нэгэн эсвэл судрууд дээрх хэн нэгэн эдгээр үнэнийг болон араас нь ирсэн адислалуудыг хэрхэн хэрэгжүүлсэн жишээг хуваалцах нь тустай байж болох юм.
-
Тэнгэрлэг Эцэг, Есүс Христ хоёр өсвөр үеийнхэнд эдгээр үнэнийг хэрэгжүүлэхэд нь хэрхэн тусалж чадах вэ?
Хангалттай хугацаа өгсний дараа суралцагчдыг захидлуудаа авчирч, шалан дээр тод харагдахаар байрлуулахыг урь. Суралцагчдыг өөрсдийн жишээ бүхий цаасыг олж, ангийнхаа өгсөн хариултыг уншихыг урь. Хэрэв цаг байгаа бол суралцагчид өөрсдийн зохиосон жишээтэй холбоотой төгс эзэмших сургаалын өөр хэсгийг сонгож болно. Тэднийг хийж дуусаад, энэ үйл ажиллагаанаас сурч мэдсэн зүйлээ хуваалцахад урь. Тэднээс үйл ажиллагаа явуулахдаа Тэнгэрлэг Эцэг, Есүс Христ хоёрын хайрыг мэдэрсэн арга замаа хуваалцахыг хүс. Тэднийг энэ хичээлээс сурч мэдсэн, мэдэрсэн зүйл дээрээ тулгуурлан өөрсдийн амьдралд хэрэгжүүлэхийг хүсэж буй зүйлээ бодохыг урь.