“Moзая 5:1–5: Хилэнцийг үйлдэх хүсэл үгүй,” Мормоны Номын багшийн гарын авлага (2024)
“Мозая 5:1–5,” Мормоны Номын багшийн гарын авлага
Мозая 5:1–5
Хилэнцийг үйлдэх хүсэл үгүй
Заримдаа бид хийж байсан зүйлээ өөрчлөх, сайжруулах шаардлагатай мэт мэдэрдэг. Хаан Бенжамины Есүс Христийн тухай болон Тэр биднийг юунаас аварсан тухай ярихыг сонссоныхоо дараа түүний иргэд ийнхүү мэдэрсэн. Энэ хичээл Их Эзэний тусламжтайгаар өөрчлөгдөх буюу үргэлжлүүлэн өөрчлөгдөх хүслээ нэмэгдүүлэхэд тань тусална.
Аврагчийн сургаалын дагуу үйлдэх Есүс Христ бидний амьдралыг илүү сайн болгохын тулд үнэн сургаал, зарчмуудыг заасан. Суралцагчдыг Түүний сургаал дээр тулгуурлан үр дүнтэй зөв шударга үйлдэл хийхийг урих боломжийг тууштай эрэлхийл. Суралцагч бүрийн хувьд үйлдлүүд өөр өөр байж болох ч Ариун Сүнс тэдэнд Аврагчийг дагахын тулд юу хийж болохыг тодорхойлоход тусална.
Суралцагчийн бэлтгэл: Суралцагчдыг Тэнгэрлэг Эцэг, Есүс Христ хоёрт илүү ойртох хүсэлд нь юу нөлөөлж байгаа талаар бодохыг урь.
Боломжит суралцах үйл ажиллагаа
Есүс Христтэй адил болох
Дараах зургуудыг харуул эсвэл боломжтой бол зарим зүйлийг ангид авчир. Дараа нь суралцагчдад авчирсан зүйлийн өөрчлөлтийг бидний өөрчлөлт, Тэнгэрлэг Эцэг, Есүс Христтэй илүү адил болохтой хэрхэн харьцуулж болох талаар бодоход нь туслахын тулд дараах асуултуудыг ашигла.
-
Эдгээр зүйл өөрчлөгдөхөд юу нөлөөлдөг вэ?
-
Хүмүүст өөрчлөгдөх ямар шалтгаан байдаг вэ?
-
Их Эзэн бидний зүрх сэтгэлийг өөрчлөх нь эдгээр зүйлийн өөрчлөлттэй хэрхэн төстэй эсвэл өөр байж болох вэ?
Дараах мэдэгдлийг харуул эсвэл самбар дээр бич. Суралцагчдыг уг мэдэгдэл тэдэнд хэр зэрэг хамааралтай гэж бодож байгаа талаар бодохыг урь.
-
Илүү сайн өөрчлөгдөхөд минь Их Эзэнийг туслаасай гэж би хүсэж байна.
Суралцагчдыг яагаад ийм мэдрэмж төрж байгаа талаар бодоход урь. Үүнд Их Эзэн урьд нь тэдэнд тусалсан арга замуудын талаар тунгаан бодох багтаж болно.
Moзая 5-ыг судалж байхдаа, өөрчлөгдөж, сайжрахын тулд Их Эзэнээс тусламж хүсэх шалтгаанаа хайж ол.
Зүрх сэтгэлийн өөрчлөлтийг мэдэрсэн нь
Хаан Бенжамин хүмүүстэйгээ ярьж дууссаныхаа дараа тэднийг “түүний хэлсэн үгэнд итгэсэн” эсэхийг мэдэхийг хүссэн (Moзая 5:1).
Тэд хэрхэн хариулсныг харахын тулд Moзая 5:1–5-ыг унш. Зан чанар гэдэг үг нь хэн нэгний хандлага, харилцаа, тэдний юунд өртөмтгий болохыг илэрхийлдэг гэдгийг мэдэх нь тустай байж болох юм. ChurchofJesusChrist.org
Суралцагчдад эдгээр шүлгийг илүү сайн ойлгоход нь туслахын тулд та тэднийг судлах тэмдэглэлдээ дараах хүснэгтийг хуулж бөглөхийг урьж болно. Эсвэл суралцагчид шүлгийг уншиж, судраасаа олж мэдсэн зүйлээ тэмдэглэж болно. Жишээлбэл: Суралцагчид хүмүүс хэрхэн өөрчлөгдсөнийг харуулсан үг, хэллэгийг дугуйлж, хүмүүсийг өөрчлөгдөхөд нөлөөлсөн үг, хэллэгийн доогуур зурж болно.
|
Хүмүүс хэрхэн өөрчлөгддөг вэ? |
Хүмүүсийг өөрчлөгдөхөд юу нөлөөлдөг вэ? |
|---|---|
Хүмүүс хэрхэн өөрчлөгддөг вэ?
| Хүмүүсийг өөрчлөгдөхөд юу нөлөөлдөг вэ?
|
Та суралцагчдаас олж мэдсэн зүйлээ хуваалцахыг урьж болно. Суралцагчдыг сурч мэдсэн зарчмуудаа нэгтгэн дүгнэхийг урь. Дараах үйл ажиллагаа нь үүнийг гүйцэтгэх нэг арга юм.
Moзая 5:1–5 дээр үндэслэн дараах шүлгийг гүйцээ.
Их Эзэний Сүнсээр дамжуулан бидний зүрх сэтгэл өөрчлөгдөхөд бид …
Суралцагчид мэдэгдлийг янз бүрийн аргаар бөглөж болно. Зарим боломжит аргад, Их Эзэний Сүнсээр дамжуулан бидний зүрх сэтгэл өөрчлөгддөг тул бид …
-
муу зүйл хийх хүслээ орхиж, сайн сайхныг байнга хийх хүслийг олж авдаг.
-
баяр баясгаланг мэдэрдэг.
-
зарлигуудыг дуулгавартай дагахын тулд гэрээнд ороход бэлэн байдаг.
Суралцагчдыг самбар дээр зарчмуудыг жагсааж бичих, судартаа тэмдэглэхэд урих зэрэг нь тустай байж болох юм. Суралцагчдад олж мэдсэн үнэнийхээ ач холбогдлыг ойлгож, тунгаан бодоход нь туслахын тулд дараах асуултуудын заримыг эсвэл бүгдийг нь ашигла.
Хаан Бенжамины хүмүүс “хилэнцийг үйлдэх хүсэл үгүй болсон” (Moзая 5:2) хэдий ч энэ нь тэд дахин нүгэл үйлдээгүй гэсэн үг биш гэдгийг ойлгох нь чухал юм. Харин Их Эзэн тэдний зүрх сэтгэлийг сайныг үйлдэж, нүглээс зайлсхийхийг чин сэтгэлээсээ хүсэх болгож өөрчилсөн.
-
Хаан Бенжамины хүмүүсийн адил та хэзээ “үргэлж сайныг хийх” хүсэл эрмэлзэлтэй болсон бэ? Ийм байдлыг мэдрэхэд тань юу тусалсан бэ?
-
Бидний ихэнхэд яагаад үргэлж ийм мэдрэмж төрдөггүй гэж та бодож байна вэ?
-
Хүн ийм мэдрэмж байнга авахын тулд юу хийж чадна гэж та бодож байна вэ?
Өөрчлөлтийг ойлгох
Moзая 5:3 “Бурханы хэмжээлшгүй сайн сайхнаар” гэсэн хэллэгийг тэмдэглэж ав. Хаан Бенжамины хүмүүст гарсан өөрчлөлтийг чин сэтгэлээсээ ойлгохын тулд Есүс Христ биднийг өөрчлөхөд хэрхэн тусалж болохыг ойлгох хэрэгтэй.
Вэнди В.Нэлсон эгч ийн тайлбарласан.
Дараах мэдэгдлийг үзүүлж, суралцагчдад сэтгэгдэл төрүүлэхүйц үг, хэллэгийг хайж олохыг урь.
Аврагч бол эцсийн бөгөөд цорын ганц үнэн бөгөөд амьд өөрчлөлтийн төлөөлөгч юм. Тэр бол бүхий л өөрчлөлтийн эх булаг юм. … Чамайг Түүн рүү эргэх үед Тэр танд хамгийн сайн сайхан чанараа хөгжүүлэхэд туслах болно. Тэр таны доторх бүх сайн сайхан зүйлийг аврах болно. …
… Тэр танд хайртай. Тэр таны өөрчлөгдөх хичээл чармайлтад хайртай.
Тэр таныг өөрчлөгдөөсэй гэж хүсдэг. Цаг хугацаа өнгөрөхөд эгэл хүнээсээ бүрэн ангижирч, сэтгэл санаа, мөн чанараараа өөрчлөгдөөсэй гэж хүсдэг. Есүс Христ хийх ёстой бүхнийг хийсэн бөгөөд ингэснээр та өөрчлөгдөж чадна! Тэр бол таны Аврагч мөн миний Аврагч!
Мөн бид Түүний хязгааргүй бөгөөд цагаатгагч золиосны хүчийг амьдралдаа хэрэгжүүлэхийн төлөө идэвхтэй, тууштай гуйх үед Түүний эцсийн эдгэрэлт бидний амьдралдаа цөхрөлтгүй эрэлхийлдэг эцсийн өөрчлөлтийг авчрах болно. (Wendy W. Nelson, “Change: It’s Always a Possibility!” [Brigham Young University devotional, April 7, 1998], 10, speeches.byu.edu)
-
Нэлсон эгчийн хэлснээр, Есүс Христ биднийг өөрчлөгдөхөд туслахын тулд юу хийж чадах вэ?
-
Өөрчлөлтийн үүргийн талаар та юу сурч мэдсэн бэ?
Суралцагчдыг Есүс Христийн тусламжтайгаар өөрчлөгдсөн хэн нэгнийхээ талаар бодохыг урь. ChurchofJesusChrist.org Өөрчлөгдсөн танилынхаа тухай хуваалцах нь бас тустай байж болох юм.
Дараа нь суралцагчдаас дараахтай адил асуултуудыг асуу.
-
Их Эзэн энэ хүнд хэрхэн тусалсан бэ?
-
Энэ хүн өөрчлөгдөхийн тулд ямар хүчин чармайлт гаргасан бэ?
-
Эдгээр өөрчлөлт яагаад илүү их баяр баясгаланг авчирдаг гэж та бодож байна вэ?
Өөрчлөлтийг үүрдийн болгох
Хичээлийн төгсгөлд Тэнгэрлэг Эцэг, Есүс Христ хоёртой адил болохын тулд өөрийнхөө амьдрал, одоогийн ахиц дэвшлийн талаар бод. Сурч мэдсэн мөн мэдэрсэн зүйлийн тань үр дүнд Ариун Сүнс танаар юу хийлгэхийг хүсэж байгаа талаар тунгаан бод.
Их Эзэн Өөрийн Сүнсээр дамжуулан суралцагчдад өөрчлөгдөхөд нь мөн Тэнгэрлэг Эцэг, Есүс Христ хоёртой илүү адил болоход нь туслах болно гэсэн гэрчлэлээ хуваалц.