“Мозая 18: Баптисмын гэрээ,” Мормоны Номын багшийн гарын авлага (2024)
“Мозая 18,” Мормоны Номын багшийн гарын авлага
Moзая 18
Баптисмын гэрээ
Зарим шийдвэр бидний амьдралын бүх зүйлд нөлөөлж чадахуйц их ач холбогдолтой байдаг. Баптисм хүртэх ёслолоор дамжуулан Бурхантай гэрээ хийх нь эдгээр шийдвэрийн нэг юм. Алма Мормоны Усны дэргэд, бидний баптисм хүртэхдээ Бурхантай байгуулдаг гэрээний талаар хүмүүстээ заасан. Энэ хичээл танд баптисмын гэрээг болон энэ нь Бурхантай, мөн бусадтай харилцах харилцаанд тань хэрхэн нөлөөлж болохыг илүү сайн ойлгоход тусалж чадна.
Суралцагчдад уялдаа холбоог олж харахад нь туслах. Суралцагчид судруудад гардаг Бурханы үг нөхцөл байдалтай нь хэрхэн холбогдож байгааг харах үед сайн мэдээний сургаалаас суралцаж, хэрэгжүүлэх хүсэл нь илүү их болдог. Суралцагчдад уялдаа холбоог харахад нь туслах нэг арга зам бол тэднээс “Энэ үйл явдал эсвэл сургаал таны туршлагатай юугаараа төстэй байж болох вэ?” эсвэл “Энэ үнэн таны амьдралд хэрхэн хэрэгжиж байна вэ?” гэх мэт асуултуудыг асуух юм.
Суралцагчийн бэлтгэл: Суралцагчдыг ангидаа баптисм хүртсэн өдрийнхөө зургийг эсвэл тэмдэглэлийг авчрахад урь. Тэд мөн тэнд байсан хүмүүсээс юу санаж байгааг нь асууж болно.
Баптисм хүртээгүй хүн бүр баптисм хүртэх үедээ мэдэрч буй бодол, мэдрэмж, баптисм хүртэхтэй холбоотой асуултуудаа хуваалцахад бэлэн ирж болно.
Боломжит суралцах үйл ажиллагаа
Таны баптисм
Өнөөдөр хичээлээ эхлүүлэхийн тулд баптисмынхаа тухай бодож, тэр өдрийн хором мөч бүрийг санахыг хичээ. Хэрэв та хараахан баптисм хүртээгүй байгаа бол баптисм хүртэх талаар юу мэддэгээ эсвэл баптисм хүртээхэд оролцсоноосоо санаж байгаа зүйлээ эргэцүүлэн бод.
Суралцагчийн бэлтгэлд санал болгосны дагуу, суралцагчид зураг авчирсан бол тэдгээрээ үзүүлэхэд, ангийнхныг хэний зураг болохыг тодорхойлоход урь. Дараа нь та баптисмынхаа талаар санаж байгаагаа сайн дураараа хуваалцах хүнийг урьж болно. Дараах асуултууд суралцагчдад баптисм хүртэх тухай мэдрэмжээ санаж, ярилцахад тусалж болно.
-
Тэр өдрийн хамгийн дуртай дурсамж тань юу вэ? Танд ямар санагдсан бэ?
-
Таны баптисм хүртэх шийдвэр Бурхантай, мөн бусад хүнтэй харилцах харилцаанд тань хэрхэн нөлөөлсөн бэ?
Алма Абинадайн үгсийг заав
Мозая 18 нь нэгэн цагт хаан Ноагийн санваартнуудын нэг байсан Алмагийн Абинадайн үгсийг бусдад зааж байсан цэдгийг агуулдаг. Алма Абинадайн Есүс Христийн тухай гэрчлэлд итгэснийхээ төлөө хаан Ноад хороолгох байсан тул нууцаар заахаас өөр аргагүй байжээ.
Мозая 18:1–7-г уншаад, Алмагийн хүмүүст юу заасныг хайж ол.
-
Алма Абинадайн гэрчлэлийг сонсоод, Аврагчийн тухай юу заасан бэ?
-
Та нар Алма яагаад эдгээр шүлэгт хийсэн зүйлээ заахаар сонгосон гэж бодож байна вэ?
Баптисмын гэрээ
Есүс Христээр дамжуулан гэтэлгэлийн тухай хүмүүст заасныхаа дараа Алма баптисм хүртэхийн ач холбогдлын талаар заасан. Түүний сургаалаас бид баптисм хүртэх үедээ Бурхантай гэрээ байгуулдаг гэдгийг мэдэж болно. Та Алмагийн сургаалыг үргэлжлүүлэн судлахдаа, баптисм хүртэхдээ байгуулдаг гэрээгээ ариун ёслолыг хүлээн авах бүрдээ шинэчилж, мөн өөрт байж болох асуултуудын талаар юу мэддэгээ тунгаан бод. Энэ гэрээ нь Бурхантай болон бусадтай харилцах харилцаанд тань хэрхэн нөлөөлж болохыг илүү сайн ойлгохыг залбирч эрэлхийл.
Арван хоёр төлөөлөгчийн чуулгын ахлагч Д.Тодд Кристоффэрсон гэрээг ийн тайлбарласан.
Гэрээ гэдэг нь “Бурхан нөхцөлийг нь тогтоодог, Бурхан хүн хоёрын хоорондох тохиролцоо юм (Bible Dictionary, “Covenant,” 651-ийг үзнэ үү). Эдгээр бурханлаг гэрээнд Түүний зарлигуудыг сахиж, Түүнд үйлчлэхээр амласны хариуд Бурхан Өөрөө биднийг дэмжиж, ариусган, өргөмжлөхөөр үүрэг хүлээсэн билээ. (Д.Тодд Кристоффэрсон, “Гэрээнүүдийн хүч,” 2009 оны 4-р сарын Ерөнхий чуулган, 19)
Суралцагчдыг дараах судлах үйл ажиллагааг хоёр хоёроороо хийж гүйцэтгэхэд урь. Нэг нь баптисм хүртэх үед бидний амласан амлалтыг, нөгөө нь Тэнгэрлэг Эцэгийн бидэнд санал болгодог адислалуудыг хайж ол. Дараа нь олж мэдсэн зүйлээ нэг нэгэнтэйгээ хуваалцахад урь.
Мозая 18:8–10 дээр Алма баптисмын гэрээг дүрсэлсэн. Мозая 18:8–10-ыг уншаад, бид баптисм хүртэх үедээ юу хийнэ гэж амласныг мөн Тэнгэрлэг Эцэг бидэнд ямар адислал санал болгодгийг өөр өнгө, загвараар тэмдэглэ.
Самбарт хоёр багана үүсгэж, нэгийнх нь дээд талд “Бид … гэрээ хийдэг”, нөгөөгийн дээд талд “Бурхан … санал болгодог” гэж гарчиг тавь. Суралцагчдыг самбарт гарч, Мозая 18:8–10-аас олж мэдсэн зүйлээ нөхөхөд урь.
-
Та “гашуудах тэдний хамт гашуудахад, … мөн тайтгарал хэрэгтэй тэднийг тайтгаруулахад” (9-р шүлэг) гэдэг нь юу гэсэн утгатай гэж бодож байна вэ?
-
“Ямар ч цагт мөн бүх зүйлд мөн … хаана ч гэсэн Бурханы гэрчлэгч болж зогсох” ямар арга зам байдаг вэ? (9-р шүлэг). Та үүнийг биелүүлдэг үлгэр жишээ хэнийг мэдэх вэ?
-
Баптисм хүртэхэд бидэнд амласнаараа Бурхан таныг эсвэл бусдыг адислахыг та хэрхэн харсан бэ?
Баптисмын гэрээгээ сахих
Хичээлийн үлдсэн хэсэг нь суралцагчдад Мозая 18:8–10-д Алмагийн тодорхойлсон баптисмын амлалтаа хэрхэн биелүүлэхээ ойлгоход туслах зорилготой.
Дараах видеонуудыг жишээ харуулахдаа ашиглаж болно. Суралцагчдыг 8–10-р шүлгийн видеонуудад харуулсан үг хэллэгүүдийг үзэж, хуваалцахад урь. (Видеонууд байгаа ChurchofJesusChrist.org.) Суралцагчид дараа нь самбарт гараад, видеог харуулсан гэж үзсэн тайлбарын доогуур зурж болно. Дараа нь та тэднээс яагаад тэр тайлбарыг сонгосныг асууж болно.
-
“Хараалын үггүй клуб” (4:56)
-
“Харах нүд” (4:55 - 6:53 хооронд үзнэ үү)
-
“Дэйтоны хөл” (3:02)
Алмагийн Moзая 18:8–10-д хуваалцсан баптисм хүртэхдээ бидний амласан амлалтуудаас ядаж нэгийг нь сонго. Жишээлбэл: Та 8-р шүлэг-ийн “нэг нэгийнхээ ачааг үүрэлц” эсвэл 10-р шүлэг-ийн “түүний зарлигуудыг дага” зэргийг сонгож болно.
Дараах асуултыг үзүүлээд, хариултаа тунгаан бодох хангалттай цаг өг. Дараа нь тэднийг хариултыг болон бусад ойлголтыг жижиг бүлгүүдэд хуваалцахад урь.
-
Өсвөр насны хүүхэд тэрхүү амлалтаа сахих ямар арга зам байна вэ?
-
Таны бодлоор, Тэнгэрлэг Эцэг яагаад үүнийг бидний баптисмын гэрээний нэг хэсэг болгон оруулсан бэ?
-
Амлалтаа сахихыг жишээгээр Аврагч хэрхэн харуулсан бэ?
-
Та эсвэл таны мэддэг хэн нэгэн хэзээ тэр амлалтаа сахисан бэ? Та тэдгээр туршлагаас юу суралцсан бэ?
Алмагийн Мозая 18:8–10-д хуваалцсан баптисмын амлалтыг биелүүлэхэд ямар мэдрэмж төрж байгаагаа тэмдэглэлдээ бичихэд цаг гарга. Та эдгээр амлалтын заримыг нь хэрхэн амжилттай сахисан бэ? Ямар тохиолдолд та тэдгээрийн аль нэгийг илүү ухамсартай сахиж чадах вэ? Хэрэв та үүнийг хийвэл Их Эзэнтэй мөн бусадтай харилцах харилцаанд тань хэрхэн нөлөөлнө гэж бодож байна вэ?