Moзая 26: ‘Хэрэв тэр нүглүүдээ тоочиж, наманчлах аваас,’” Мормоны Номын багшийн гарын авлага (2024)
“Мозая 26,” Мормоны Номын багшийн гарын авлага
Moзая 26
“Хэрэв тэр нүглүүдээ тоочиж, наманчлах аваас”
Наманчлал бидний өдөр тутмын амьдралд хэрхэн туслах вэ? Бид яагаад наманчлалынхаа хэсэг болгон нүглээ наманчлах ёстой вэ? Аврагчийн Сүмийн дээд санваартны хувиар Алма тэрхүү ноцтой нүгэл үйлдсэн хүмүүст туслахыг хүссэн. Их Эзэн түүнд юу хийх талаар нь тодорхой чиглүүлэг өгсөн. Энэ хичээл Тэнгэрлэг Эцэг, Есүс Христ хоёрын хайраар дүүрэн, уучлалын мөн чанарыг болон бид яагаад нүглээ наманчлах ёстойг ойлгоход тань туслах зорилготой юм.
Зааж буй хүмүүсээ хайрла. Ариун Сүнсний хүчээр дамжуулан бид Тэнгэрлэг Эцэг, Есүс Христ хоёрын хайраар дүүрэх болно. Та суралцагчдаа энэ хайраар дүүргэхийн төлөө залбирч, заах үедээ хайраа зөв байдлаар илэрхийлэх боломжийг хайж ол.
Суралцагчийн бэлтгэл: Суралцагчдыг наманчлалын талаарх асуултуудаа асуухад урь. Тэднийг Moзая 26-г уншиж, эдгээр асуултад хариулт олоход уриал.
Боломжит суралцах үйл ажиллагаа
Та юу хийх байсан бэ?
Та хэн нэгний дараах асуултыг дурдаж, наманчлах талаар санаа зовниж буйг нь сонсож байна гэж төсөөл.
Дараах асуултууд, мөн мэдэгдлүүдийг хичээл эхлэхээс өмнө самбар дээр бич.
-
Би үүнийг наманчлах ёстой эсэхийг мэдэхгүй байна.
-
Яагаад би гэм нүглээ хүлээн зөвшөөрөх ёстой юм бэ? Яагаад зарим нүглийг санваартны удирдагчид хүлээн зөвшөөрөх ёстой вэ?
-
Их Эзэнийг намайг өршөөнө гэхэд би дэндүү их нүгэл үйлдсэн.
Суралцагчдад наманчлалын талаар хэрхэн мэдрэх тухай бодоход тусал. Дараах үйл ажиллагаа бол үүнийг хийх нэг арга зам юм.
Та эдгээр асуудалтай байж болох хэн нэгнийг мэдэх эсэхээ бодож үз.
-
Наманчлалын талаар хүмүүст өөр ямар асуулт эсвэл асуудал байж болох вэ?
Суралцагчдын дурдсан асуулт, асуудлыг самбар дээр нэм.
Энэ хичээлийг судлах үедээ эдгээр асуулт эсвэл асуудлаас танд хамгийн утга учиртай нэг эсвэл хоёрыг сонгож анхаарлаа хандуул. Хариулт олж, наманчлалын талаарх ойлголтоо нэмэгдүүлэхийн тулд Тэнгэрлэг Эцэгээс тусламж эрэлхийл.
Сүмийн асуудлууд
Их Эзэн Алмаг болон түүний хүмүүсийг боолчлолоос чөлөөлсний дараа тэд нифайчуудтай, мөн Зарахемла дахь Лимхайн хүмүүстэй нэгдсэн. Тэнд хаан Мозая Алмаг Сүмийн удирдагчаар томилжээ. Алмагийн удирдлаган доорх зарим хүн хүнд нүгэл үйлдсэн бөгөөд нүглээ наманчлаагүй (Moзая 26:1–6-г үзнэ үү). Тэднийг Алмагийн өмнө авчирсан боловч Алма хэрхэн хариулахаа мэдэхгүй байв.
Moзая 26:13–15, 19–24, 28–31-ийг уншаад, Их Эзэний Алмад өгсөн удирдамжийг хайж ол.
Зарим суралцагчийг сурч мэдсэн зүйлээ хуваалцахад урамшуул. Хэрэв тэд жинхэнэ зарчмыг дурдвал самбар дээр бич. Хэрэгтэй бол дараах асуултуудыг асуу.
-
Хүмүүс Өөрөөр нь уучлагдаж, өршөөгдөхийн тулд юу хийх ёстой гэж Их Эзэн хэлсэн бэ?
-
23-р шүлэг ёсоор Аврагч яагаад хэн өршөөгдөж, мөнх амь авахыг шүүх эрхтэй вэ?
-
Та эдгээр шүлгээс Их Эзэний танд хийсэн зүйлийн талаар ямар үнэнийг мэдэж авсан бэ?
Хэрвээ бид наманчилбал
Та дараах зарчмуудыг тодорхойлсон байж болох юм: Хэрэв бид нүглээ хүлээн зөвшөөрч, чин сэтгэлээсээ наманчилбал Их Эзэн биднийг уучлах болно. Биднийг наманчлах бүрд Их Эзэн биднийг өршөөх болно.
-
Нүглээ хүлээх гэдэг нь юу гэсэн үг вэ?
-
“Чин зүрхнийхээ угаас [наманчлах]” (Мозая 26:29) гэдэг нь юу гэсэн үг вэ?
-
Их Эзэний уучлагч мөн чанарыг мэдэх нь наманчлах хандлагад тань хэрхэн нөлөөлөх вэ?
Эдгээр зарчим хичээлийн эхнээс наманчлалын талаарх асуулт, санаа зовнилыг шийдвэрлэхэд тусалж чадна.
Бүх дөрвөн асуудлыг шийдэх нь дээр үү эсвэл суралцагчдад хамгийн их хамааралтай нэг юм уу хоёр дээр анхаарлаа төвлөрүүлэх нь дээр үү гэдгийг бодож үз. Суралцагчдыг жижиг бүлгүүдэд хуваарилж, янз бүрийн асуудалд хариу өгөхөд бэлтгэх нь үр дүнтэй байж болох юм.
Та мөн одоогийн бишоп эсвэл салбарын ерөнхийлөгчөө наманчлал ба уучлалын талаарх асуултуудад хариулуулахын тулд ангид зочлоход урьж болно.
Наманчлал
Мормоны Номын багшийн гарын авлага (2024)—“Мозая 26: ‘Хэрэв Тэр нүглүүдээ хүлээж … мөн наманчлах аваас’”
Асуудал 1
Би үүнийг наманчлах ёстой эсэхийг мэдэхгүй байна.
-
Та Moзая 26-аас эсвэл бусад судраас энэ асуудалд тусалж болох ямар судар, зарчмыг хуваалцаж болох вэ?
Хэрэгтэй бол суралцагчдыг Moзая 26:23, 29–30 болон дараах шүлгүүдийг уншиж, хянахад урь: 2 Нифай 9:23; 3 Нифай 9:22; 3 Нифай 27:19–20; Сургаал ба Гэрээ 18:10–12; 19:15–20; 58:42–43.
Алма өөрөө өмнө нь ноцтой нүгэл үйлдэж, түүнийгээ наманчилж, Аврагч Есүс Христээр дамжуулан өршөөл хүлээн авсныг эргэн сана ( Moзая 11:5–7; 18:1–3; 26:15, 20-ийг үзнэ үү).
-
Алма ийм асуудалтай хүнтэй юу хуваалцаж магадгүй гэж та бодож байна вэ?
Наманчлалаар дамжуулан Аврагч Есүс Христэд хандахдаа та эсвэл таны мэддэг хүмүүс юу мэдэрсэн тухай тунгаан бод.
Асуудал 2
Яагаад би гэм нүглээ хүлээн зөвшөөрөх ёстой юм бэ? Яагаад зарим нүглийг санваартны удирдагчид хүлээн зөвшөөрөх ёстой вэ?
Их Эзэн Алмад нүгэл үйлдсэн хүмүүс “таны [тэдний санваарын ?удирдагч Алма] болон миний [Их Эзэн] өмнө нүглээ наманчлах хэрэгтэй” (Moзая 26:29) хэмээн хэлсэн.
-
Их Эзэн бидний нүглийг хэдийн мэддэг учраас бид Түүнд гэм нүглээ наманчлах нь яагаад чухал вэ? Энэ нь бидний амьдралыг хэрхэн адисалдаг вэ?
Энэ нь бидэнд үйлдлүүдийнхээ төлөө хариуцлага хүлээхэд тусалдаг, даруу байдлаа нэмэгдүүлж, өршөөлийг гуйж, хүлээн авснаар Их Эзэнтэй харилцах харилцаагаа бэхжүүлдэг гэсэн зарим санааг агуулж болно.
Өсвөр үеийнхний бат бөх байдлын төлөө товхимлыг болон Далын ерөнхий эрх мэдэлтэн асан, ахлагч Скотт Грөүгийн дараах мэдэгдлүүдийг уншаад, бид хэзээ, яагаад бишоп эсвэл салбарын ерөнхийлөгчийн өмнө нүглээ хүлээх ёстой тухай ойлголтыг хайж ол.
Бишоп наманчлахад тань туслах санваарын түлхүүр, сүнслэг бэлгүүдийг эзэмшдэг. Та түүний тусламж, зөвлөгөөг хэзээ ч эрэлхийлж болно. Хэрэв та ариун явдлын хуулийг зөрчих гэх мэт ноцтой алдаа гаргасан бол бишоптойгоо уулз. Тэр таныг буруутгахгүй. Тэр Есүс Христийн төлөөлөгч бөгөөд та нарт хэрхэн бүрэн наманчилж, Аврагчийн эдгээгч, хүчирхэгжүүлэгч хүчийг хүлээн авахаа мэдэхэд туслах болно. (Өсвөр үеийнхний бат бөх байдлын төлөө, 8)
Бишоп тойргийнхоо гишүүд, тэр дундаа таны талаар Ариун Сүнснээс илчлэлт авах эрхтэй. … Тэр таны эцэг эх, бусад удирдагчийн өгөх боломжгүй арга замаар наманчлалын үйл явцаар дамжуулан танд тусалж чадна.
[Хэрэв бид наманчлахгүй бол] Аврагчид ачааг тань авахыг зөвшөөрөхийн оронд нүглийн ачааг ганцаараа үүрдэг. (C. Scott Grow, “Why and What Do I Need to Confess to My Bishop?” New Era, Oct. 2013, 28–29)
-
Санваарын удирдагчдаа наманчлах талаар санаа зовж буй хүнд энэ мэдэгдэл хэрхэн тусалж болох вэ?
Асуудал 3
Их Эзэнийг намайг өршөөнө гэхэд би дэндүү их нүгэл үйлдсэн.
-
Их Эзэний Moзая 26:29–30 дээрх үг энэ асуудалд хэрхэн туслах вэ? (Та мөн дараахыг судалж болно 1 Тимот 1:15; 1 Иохан 1:9; эсвэл Сургаал ба Гэрээ 18:10–12; 58:42–43.)
-
Аврагчийн тухай ямар судрын цэдэг наманчлахыг эрмэлздэг хүмүүсийн талаарх Түүний мэдрэмжийг болон уучлахад бэлэн байдгийг харуулдаг вэ?
Зарим жишээнд, Аврагчийн хөлийг нулимсаараа угаасан эмэгтэй (Лук 7:36–50-ийг үзнэ үү), үрэлгэн хүүгийн сургаалт зүйрлэл (Лук 15:11–32-ыг үзнэ үү), Их Эзэн Паулыг өршөөсөн зэргийг оруулж болно (1 Тимот 1:15–16-г үзнэ үү).
Асуудал 4
Таны сонголт
Өөр нэг бодитой санаа зовоосон асуудлын талаар бодож үзэж эсвэл наманчлалын талаар хэн нэгнээс асууж болох юм. Судруудын удирдамж дээрх “Наманчлал”-ыг эсвэл “Хүлээн зөвшөөрөх” зэргийг судалж (scriptures.ChurchofJesusChrist.org), тусалж болох үнэнийг хайж ол. Та мөн сэдэвчилсэн удирдамжаас “Наманчлал” эсвэл “Хүлээн зөвшөөрөх”-тэй холбоотой судруудыг давтаж болно (ChurchofJesusChrist.org). Өсвөр үеийнхний бат бөх байдлын төлөө товхимол дахь “наманчлал”-ыг судалж, Их Эзэний талаар юу мэддэгээ тунгаан бодох нь тустай байж болох юм.
Суралцагчдыг сурч мэдсэн зүйлээ, мөн энэ нь тухайн асуулт эсвэл асуудалтай хэн нэгэнд хэрхэн тусалж болох талаар хуваалцахад урь. Биднийг наманчлах үед Их Эзэний хайр ба биднийг уучлах хүслийг онцлох арга замыг хай.
Юу тохиолдсон бэ?
Мозая 26:34–37-г уншаад, Алмаг Их Эзэний зааврыг дагахад юу болсныг хайж ол.
Энэ хичээлээс юу санаж эсвэл хийхийг хүсэж болохоо судлах тэмдэглэлдээ бич. Энэ эргэцүүлэлдээ та Их Эзэний өршөөх хүслийг хэрхэн санахыг хүсэж байгаагаа эсвэл өөрийн нүглийг наманчлан, хэрхэн наманчлахыг хичээхийг хүсэж байгаагаа багтааж болно.
Энэ хичээл дээр заасан зарчмуудын тухай гэрчлэлээ хуваалц.