Төгс эзэмших сургаалын давтлага 10

Төгс эзэмших сургаалын судрын хэсгийг амьдралд хэрэгжүүлэх нь

Төгс эзэмших сургаалын нэг зорилго бол төгс эзэмших сургаалын судрын хэсгүүдэд заасан сургаалыг бодит амьдрал дээр ашиглахад тань туслах явдал юм. Энэ хичээл танд энэ жил суралцсан зарим төгс эзэмших сургаалын судрын хэсгийг амьдралдаа хэрэгжүүлэх дадлага хийх боломжийг олгоно.

Суралцагчдыг сайн мэдээний зарчмуудыг өдөр тутмын амьдралтайгаа холбоход тусал. Суралцагчдад сайн мэдээний үнэнийг хэрхэн хэрэгжүүлэхийг хэлэхийн оронд сайн мэдээг өөрсдийн нөхцөл байдалд хэрхэн хэрэгжүүлэх талаар суралцахад нь тусал. Сайн мэдээг амьдралдаа хэрхэн хэрэгжүүлж болохыг мэдэхийн тулд Бурханаас гуйж, Сүнсний өдөөлтүүдийг сонсоход суралцагчдыг урь.

Суралцагчийн бэлтгэл: Суралцагчдыг төгс эзэмших сургаалын судрын хэсгийн эхний 12-оос утга учиртай гэж үзсэнээ сонгоход урь. Суралцагчдыг сонгосон хэсэг нь тэдэнд яагаад утга учиртай болохыг хуваалцахад бэлтгэлтэй ирэхэд урамшуул.

Боломжит суралцах үйл ажиллагаа

Төгс эзэмших сургаалын судрын хэсгийн талаарх хичээлийг энэ давтлага хичээлийн оронд зааж болох юм. Төгс эзэмших сургаалын судрын хэсгүүдийн талаарх хичээл тус бүрийг семинар явагдаж байх үеэр заасан байхад анхаарахын тулд орон нутгийн эсвэл бүсийн захирал, зохицуулагчийн өгсөн заах хуваарийг хар.

Төгс эзэмших сургаалын судрын хэсгүүдийг давтах

Суралцагчдад дараах хүснэгтийн хуулбаруудыг үзүүлэх юм уу тарааж өг.

Дараах хүснэгтийг ашиглан, Мормоны Номоос төгс эзэмших сургаалын эхний 12 эшлэл, түлхүүр үг хэллэгийг давт. Дараа нь танд утга учиртай гэж үзсэн нэгийг сонгоод, бүх хэсгийг унш.

Төгс эзэмших сургаалын эхний 12 хэсэг ба түлхүүр үг хэллэг

Судрын эшлэл	Судрын түлхүүр үг хэллэг
Судрын эшлэл 1 Нифай 3:7	Судрын түлхүүр үг хэллэг “Би явж бас Их Эзэний зарлиг болгосон тэр зүйлүүдийг биелүүлэх болно.”
Судрын эшлэл 2 Нифай 2:25	Судрын түлхүүр үг хэллэг “Адам хүмүүн байж болохын тулд унасан; мөн тэд баясгалантай байж болохын тул хүмүүн байх бөлгөө.”
Судрын эшлэл 2 Нифай 2:27	Судрын түлхүүр үг хэллэг “Тэд … эрх чөлөө болон мөнх амьдралыг сонгох эсвэл … боолчлол болон үхлийг сонгох эрхтэй.”
Судрын эшлэл 2 Нифай 26:33	Судрын түлхүүр үг хэллэг “Бурханд бүгд адил.”
Судрын эшлэл 2 Нифай 28:30	Судрын түлхүүр үг хэллэг Бурхан “хүмүүний үрст шат шатаар, дүрэм дүрмээр өгөх болно.”
Судрын эшлэл 2 Нифай 32:3	Судрын түлхүүр үг хэллэг “Христийн үгэн дээр найрла, учир нь болгоогтун, Христийн үгс та нарын хийвэл зохих бүх зүйлийг та нарт хэлэх болно.”
Судрын эшлэл 2 Нифай 32:8–9	Судрын түлхүүр үг хэллэг “Та нар үргэлж залбирах ёстой.”
Судрын эшлэл Moзая 2:17	Судрын түлхүүр үг хэллэг “Та нар бусдадаа үйлчилж байгаа нь та нар зөвхөн Бурхандаа үйлчилж байгаа юм.”
Судрын эшлэл Moзая 2:41	Судрын түлхүүр үг хэллэг “Бурханы зарлигуудыг дагадаг [тэд] … бүх зүйлд адислагдсан болой.”
Судрын эшлэл Moзая 3:19	Судрын түлхүүр үг хэллэг “Төрөлх хүнээ орхиж мөн Их Эзэн Христийн цагаатгалаар гэгээнтэн [бол].”
Судрын эшлэл Мозая 4:9	Судрын түлхүүр үг хэллэг “Бурханд итгэ; … Тэр бүх мэргэн ухааныг эзэмшигч гэдэгт итгэ.”
Судрын эшлэл Мозая 18:8–10	Судрын түлхүүр үг хэллэг “Гэрээ байгуулснаа түүний өмнө гэрчилж, Их Эзэний нэрээр баптисм хүрт.”

• Төгс эзэмших сургаалын судрын аль хэсгийг та хамгийн утга учиртай гэж үзэж байна? Яагаад? Та сонгосон судрын хэсгээ найзтайгаа эсвэл гэр бүлийн гишүүнтэйгээ хуваалц.

Суралцагчдаас анги дотуур яваад, өөрсдийн сонгосон судрын хэсгээ ангийнхаа хоёр, гурван найзтайгаа хуваалцахад урь. Мөн та өөрт тань утга учиртай төгс эзэмших сургаалын судрын хэсгийг суралцагчдад хуваалцаж болно.

Сайн мэдээний үнэнийг өөрийн амьдрал, нөхцөл байдалтай холбох нь

Та судруудыг судалж байхдаа сурч байгаа зүйлээ өөрийн болгож, хэрэгжүүлэх нэг арга бол өөрийн амьдрал, нөхцөл байдалтай холбохыг оролдох юм. Жишээлбэл: Та тодорхой асуулт, сорилттой тулгарч байж болно. Судруудыг уншиж байхдаа хариулт хайх нь судалж буй зүйлийнхээ ач холбогдлыг нэмэгдүүлэх үр дүнтэй арга юм.

Үйл ажиллагаа А

Суралцагчдыг янз бүрийн сорилт бэрхшээлийг самбарт жагсаан бичихэд урь. Суралцагчдыг хоёр хоёроор нь хуваарилж, хос бүрд самбар дээрх сорилт бэрхшээлийг нэг нэгээр оноож өг. Суралцагчид жишээ бодож олоод дараа нь бие биетэйгээ дүрд хувиран тоглож болно. Нэг суралцагч сорилтыг дүрсэлж, нөгөө нь хүснэгтээс төгс эзэмших сургаалын судрын хэсгийг сонгож, үнэнийг ашиглан сорилтыг шийдвэрлэхийг оролдож болно. Суралцагчид дараа нь байраа сольж эсвэл та тэднийг ангийнхныхаа өмнө өөрсдийн жишээг дүрд хувиран тоглоход урьж болно.

Өөр нэгэн сонголт бол суралцагчдад төгс эзэмших сургаалын судрын хэсгийг оноож, дараа нь уг хэсэгт шийдвэрлэх боломжтой сорилтын жишээнүүдийг бодож олох юм.

• Таны бодлоор асуудлыг шийдвэрлэж болох төгс эзэмших сургаалын судрын хэсгүүд бий юү? Хэрэв ихэнх хүмүүс таны сонгосон судрын хэсгийн үнэнийг хэрэгжүүлбэл дэлхий хэрхэн өөрчлөгдөх вэ? Тодорхой нэг юм уу хоёр жишээг хуваалц.

• Та энэ сорилт бэрхшээлтэй тулгарсан хүнд сонгосон судрын хэсгийн сургаалыг ашиглан, юу гэж хэлж болох вэ?

Үйл ажиллагаа Б

Суралцагчдаа энэ үйл ажиллагааг чимээгүй бие даан гүйцэтгэхэд урь. Хэрэв хэт хувийн шинжтэй биш бол та суралцагчдыг төгс эзэмших сургаалын судраас сонгосон хэсгээ мөн энэ нь хэрхэн Есүс Христтэй илүү адил болоход тусалж болох талаар өөрсдийн бодол, сэтгэгдлээ хуваалцахад урьж болно.

Та одоогийн нөхцөл байдал, тухайлбал тусламж эрэлхийлж буй хувийн асуулт, сорилт бэрхшээл, зан авирынхаа талаар бод. Төгс эзэмших сургаалын судрын хэсгүүдийн жагсаалтыг давтаад, эдгээр асуулт, сорилт бэрхшээл, зан авирын тал дээр танд тусалж болох үнэнийг олж мэд. Танд яг одоо тулгараад байгаа зүйлд тань тус болох ядаж нэг хэсгийг сонго.

• Сонгосон судрын хэсгийнхээ сургаалыг хэрэгжүүлэх нь таны амьдрал, нөхцөл байдалд хэрхэн адислал болох вэ?

• Судрын хэсгүүдийн үнэнийг амьдралдаа хэрэгжүүлэх нь танд Есүс Христэд илүү ойртож, Түүнтэй илүү адил болоход хэрхэн туслах вэ?

• Та эдгээр үнэнийг амьдралдаа хэрэгжүүлж эхлэхийн тулд ямар нэг, хоёр жижиг алхмыг хийж болох вэ?