ព្រះគម្ពីរមរមន សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៤ )

មាតិកា
ទំព័រចំណងជើង
សេចក្តីផ្តើមនៃ ព្រះគម្ពីរមរមន សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា
ព្រះគម្ពីរមរមន—ឯកសារណែនាំ
ទំព័របុព្វកថានៃព្រះគម្ពីរមរមន
នីហ្វៃទី ១ ១–៥
នីហ្វៃទី១ ៦–១០
នីហ្វៃទី ១ ១១–១៥
នីហ្វៃទី ១ ១៦–២២
នីហ្វៃទី ២ ១–២
នីហ្វៃទី ២ ៣–៥
នីហ្វៃទី ២ ៦–១០
នីហ្វៃទី ២ ១១–១៩
នីហ្វៃទី ២ ២០–២៥
នីហ្វៃទី ២ ២៦–៣០
នីហ្វៃទី ២ ៣១–៣៣
យ៉ាកុប ១–៤
យ៉ាកុប ៥–៧
អេណុស–ពាក្យសម្ដីនៃមរមន
ម៉ូសាយ ១–៣
ម៉ូសាយ ៤–៦
ម៉ូសាយ ៧–១០
ម៉ូសាយ ១១–១៧
ម៉ូសាយ ១៨–២៤
ម៉ូសាយ ២៥–២៨
ម៉ូសាយ ២៩–អាលម៉ា ៤
អាលម៉ា ៥–៧
អាលម៉ា ៨–១២
អាលម៉ា ១៣–១៦
អាលម៉ា ១៧–២២
អាលម៉ា ២៣–២៩
អាលម៉ា ៣០–៣១
អាលម៉ា ៣២–៣៥
អាលម៉ា ៣៦–៣៨
អាលម៉ា ៣៩–៤២
អាលម៉ា ៤៣–៥២
អាលម៉ា ៥៣–៦៣
ហេលេមិន ១–៦
ហេលេមិន ៧–១២
ហេលេមិន ១៣–១៦
នីហ្វៃទី៣ ១–៧
នីហ្វៃទី ៣ ៨–១១
នីហ្វៃទី ៣ ១២–១៦
នីហ្វៃទី ៣ ១៧–១៩
នីហ្វៃទី ៣ ២០–២៦
នីហ្វៃទី ៣ ២៧–នីហ្វៃទី ៤ ១
មរមន ១–៦
មរមន ៧–៩
អេធើរ ១–៥
អេធើរ ៦–១១
អេធើរ ១២–១៥
មរ៉ូណៃ ១–៦
មរ៉ូណៃ ៧–៩
មរ៉ូណៃ ១០
ឧបសម្ព័ន្ធ

អាលម៉ា ៨–១២ ៖ ទិដ្ឋភាពទូទៅ

« អាលម៉ា ៨–១២ ៖ ទិដ្ឋភាពទូទៅ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )

« អាលម៉ា ៨–១២ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន

អាលម៉ា ៨–១២

ទិដ្ឋភាពទូទៅ

អាលម៉ា និង អាមូលេក បានអនុវត្តសេចក្ដីជំនឿ ហើយបានអំពាវនាវឲ្យប្រជាជនអាំម៉ូណៃហាប្រែចិត្ត ។ ពួកលោកបានប្រឈមមុខនឹងមនុស្សដែលប្រើការបោកបញ្ឆោត ដើម្បីព្យាយាមបញ្ឈប់ពួកលោក ហើយព្រះវិញ្ញាណបរិសុទ្ធបានធ្វើឲ្យពួកលោកដឹងពីការបោកបញ្ឆោតនោះ ។ នៅពេលអ្នកច្បាប់ ស៊ីអែសរ៉ុម ចាប់ផ្តើមសួរ អាលម៉ា និង អាមូលេក នូវសំណួរដ៏ស្មោះត្រង់ ដែលអាលម៉ាបានបង្រៀនថា អ្នកដែលគ្មានចិត្តរឹងរូសអាចរៀនការណ៍របស់ព្រះបាន ។ លោកក៏បានបង្រៀនពីផែនការនៃការប្រោសលោះ ហើយបានលើកទឹកចិត្តប្រជាជនឲ្យវាយតម្លៃដួងចិត្តរបស់ពួកគេ ។

រៀបចំខ្លួនដើម្បីបង្រៀន

ព័ត៌មានខាងក្រោមនេះផ្តល់ជាគំនិតដល់គ្រូបង្រៀនអំពីអ្វីដែលអាចត្រូវរៀបចំទុកជាមុនសម្រាប់មេរៀននីមួយៗ ។

អាលម៉ា ៨

គោលបំណងមេរៀន ៖ មេរៀននេះអាចជួយសិស្សស្តាប់ឮ និងគោរពតាមព្រះវរបិតាសួគ៌ក្នុងជីវិតរបស់ពួកគេ ។

ការរៀបចំសិស្ស ៖ សូមអញ្ជើញសិស្សឲ្យអធិស្ឋាន ហើយទូលសួរព្រះវរបិតាសួគ៌នូវអ្វីដែលទ្រង់សព្វព្រះទ័យឲ្យពួកគេធ្វើ ដើម្បីដើរតាមទ្រង់កាន់តែពេញលេញ ។
វីដេអូ ៖ « Alma and Amulek Are Delivered by the Power of God » ( ២២:៥៦ សូមមើលពីនាទីទី ០:៣៦ ដល់នាទីទី ២:២២ ហើយបន្ទាប់មកពីនាទីទី ២:២២ ដល់នាទីទី ៤:០៣ ), « Faith Is Not by Chance, but by Choice » ( ១៥:០១ សូមមើលពី នាទីទី ១:៤០ ដល់នាទីទី ៤:២៥ )
យោបល់សម្រាប់ការបង្រៀនតាមសន្និសីទវីដេអូ ៖ សូមពិចារណាអញ្ជើញសិស្សឲ្យបិទភ្នែក ស្តាប់ និងស្រមៃមើល ពេលអ្នកចាក់សំឡេងមកពី « Alma and Amulek Are Delivered by the Power of God » ចាប់ពីនាទីទី ២:២២ ដល់នាទីទី ៤:០៣ ។ អ្នកអាចអញ្ជើញសិស្សឲ្យពិពណ៌នាអំពីអ្វីដែលពួកគេស្រមៃឃើញ ។

អាលម៉ា ៩

គោលបំណងមេរៀន ៖ គោលបំណងមេរៀននេះគឺដើម្បីជួយសិស្សឲ្យស្គាល់ និងចងចាំពីពរជ័យដែលព្រះអម្ចាស់បានប្រទានដល់ពួកគេ ។

ការរៀបចំសិស្ស ៖ សូមពិចារណាអញ្ជើញសិស្សឲ្យចំណាយពេលមួយ ឬពីរនាទី ដើម្បីសរសេរឧទាហរណ៍ជាច្រើននៃពរជ័យដែលពួកគេបានទទួលពីព្រះវរបិតាសួគ៌ និងព្រះយេស៊ូវគ្រីស្ទ ។
មាតិកាដើម្បីបង្ហាញ ៖ តារាងប្រៀបធៀបសាសន៍លេមមិនទៅនឹងប្រជាជនអំាំម៉ូណៃហា អាចដាក់តាំង ឬថតចម្លងដាក់នៅលើក្តារខៀន សំណួរនៅក្រោមចំណងជើង « តើព្រះអម្ចាស់បានប្រទានអ្វីដល់អ្នក ? » សម្រាប់សិស្សដើម្បីពិចារណា ។
យោបល់សម្រាប់ការបង្រៀនតាមសន្និសីទវីដេអូ ៖ នៅចុងបញ្ចប់នៃមេរៀន សូមពិចារណាអញ្ជើញសិស្សនិយាយអំពីពរជ័យមួយចំនួនរបស់ពួកគេ និងរបៀបមួយដែលពួកគេនឹងព្យាយាមចងចាំពីពរជ័យនោះ ។ អ្នកអាចដាក់សិស្សម្នាក់ឲ្យទទួលខុសត្រូវ ហើយឲ្យគាត់អញ្ជើញសិស្សផ្សេងទៀតតាមលំដាប់លំដោយ ដែលពួកគេបង្ហាញនៅលើអេក្រង់របស់សិស្សនោះ ។ សូមបញ្ជាក់ឲ្យច្បាស់ថា សិស្សអាចរំលងឱកាសនេះ បើពួកគេមានអារម្មណ៍មិនស្រួល ។ សូមពិចារណាចែកចាយគំនិតរបស់អ្នកផងដែរ ។

អាលម៉ា ១០–១១

គោលបំណងមេរៀន ៖ មេរៀននេះអាចជួយសិស្សឲ្យកាន់តែទទួលយកព្រះវិញ្ញាណបរិសុទ្ធ ដើម្បីដឹងពីសេចក្ដីពិត និងស្គាល់ការបោកបញ្ឆោតរបស់មារសត្រូវ ។

ការរៀបចំសិស្ស ៖ សូមឲ្យសិស្យសញ្ជឹងគិតពីរបៀបដែលសាតាំងអាចនឹងព្យាយាមបញ្ឆោតពួកគេ ។
មាតិកាដែលត្រូវបង្ហាញ ៖ តារាងអំពីការបង្រៀនខុសឆ្គង អាចតាំងបង្ហាញ ឬចម្លងដាក់នៅលើក្តារខៀន
ឯកសារសម្រាប់សិស្ស ( ជម្រើស ) ៖ សំណេរផ្អែកលើ អាលម៉ា ១១:២៦–៣៧, ៤០–៤១ ផ្តល់ឲ្យសិស្សពីរនាក់ដើម្បីពួកគេអាចអាន ឬធ្វើការសន្ទនារវាងអាមូលេក និងស៊ីអែសរ៉ុម ( បើអ្នកជ្រើសរើសជម្រើសនេះ សូមលុបឃ្លាដូចជា « ឥឡូវនេះ ស៊ីអែសរ៉ុមបាននិយាយថា » [ អាលម៉ា ១១:២៨ ] និង « ហើយលោកបានឆ្លើយថា » [ អាលម៉ា ១១:២៩ ] ) ។
វីដេអូ ៖ « Beware of the Evil behind the Smiling Eyes » ( ៩:៥២ សូមមើលពីនាទីទី ០:៣០ ដល់នាទីទី ២:៣៥ )
យោបល់សម្រាប់ការបង្រៀនតាមសន្និសីទវីដេអូ ៖ ដើម្បីជួយសិស្សឲ្យយល់ពីអ្វីដែល ស៊ីអែសរ៉ុមព្យាយាមសូកប៉ាន់ អាមូលេក សូមពិចារណាឲ្យពួកគេស្វែងរកនៅលើអ៊ីនធឺណិតដើម្បីរកមើលថា តើបុគ្គលម្នាក់មានការងារដែលមានប្រាក់ខែខ្ពស់ ដូចជាមេធាវីអាចរកប្រាក់ចំណូលបានប៉ុន្មាន នៅក្នុងសហគមន៍របស់អ្នកសម្រាប់រយៈពេលប្រាំមួយសប្តាហ៍ ។

អាលម៉ា ១២

គោលបំណងមេរៀន ៖ មេរៀននេះអាចជួយសិស្សវាយតម្លៃដួងចិត្ត និងឆន្ទៈរបស់ពួកគេក្នុងការទទួលព្រះបន្ទូលរបស់ព្រះ ។

ការរៀបចំសិស្ស ៖ សូមពិចារណាផ្តល់ច្បាប់ចម្លងនៃស្វ័យវាយតម្លៃនៅក្នុងមេរៀននេះដល់សិស្ស ។ សូមអញ្ជើញពួកគេឲ្យវាយតម្លៃខ្លួនឯង ហើយសញ្ជឹងគិតអំពីរបៀបដែលចម្លើយរបស់ពួកគេជះឥទ្ធិពលដល់ពួកគេ ។
សម្ភារសម្រាប់សិស្ស ៖ ដីឥដ្ឋសម្រាប់សិស្សធ្វើជាពុម្ពបង្កើតអ្វីមួយ ដើម្បីជួយពួកគេគិតអំពីចិត្តរឹងរូស និងចិត្តទន់ភ្លន់ ( ដោយឲ្យដីឥដ្ឋស្ងួតទៅសិស្សមួយចំនួន ឬដីឥដ្ឋរឹងខ្លះដល់សិស្ស ដែលអាចជួយក្នុងការពិភាក្សាអំពីភាពខុសគ្នារវាងចិត្តរឹងរូស និងចិត្តទន់ភ្លន់ ) ។
រូបភាព ៖ រូបគំនូរចិត្តទន់ភ្លន់ និងចិត្តរឹងរូសនៅលើក្ដារខៀន ( អ្នកអាចបន្ថែមកំណត់ចំណាំទៅគំនូទាំងនេះពេញទាំងមេរៀន ) ។
យោបល់សម្រាប់ការបង្រៀនតាមសន្និសីទវីដេអូ ៖ សូមពិចារណាអញ្ជើញសិស្សពីរបីនាក់ជាមុន ឲ្យរៀបចំបង្ហាញវត្ថុទន់ និងវត្ថុរឹងដែលយកពីក្បែរៗផ្ទះរបស់ពួកគេ ។ សូមឲ្យសិស្សទាំងនេះពន្យល់ពីរបៀបដែលវត្ថុទាំងនេះអាចនឹងជួយពួកគេយល់ពីសារៈសំខាន់នៃការមានចិត្តទន់ភ្លន់ និងចៀសវាងការធ្វើឲ្យចិត្តពួកគេរឹងរូស ។

ការរំឭកចំណេះចំណានខាងគោលលទ្ធិ ទី១១

គោលបំណងមេរៀន ៖ គោលបំណងមេរៀននេះគឺដើម្បីជួយសិស្សឲ្យទន្ទេញចាំឃ្លាបទគម្ពីរគន្លឹះ ពីវគ្គចំណេះចំណានខាងគោលលទ្ធិនៃព្រះគម្ពីរមរមន ១២ ដំបូង ហើយស្វែងរកការយល់ដឹងបន្ថែមដោយការសួរ និងឆ្លើយសំណួរដែលបំផុសគំនិត ។

ការរៀបចំសិស្ស ៖ សូមអញ្ជើញសិស្សឲ្យជ្រើសរើសបទគម្ពីរពីវគ្គចំណេះចំណានខាងគោលលទ្ធិទាំង ១២ ដំបូង ដែលពួកគេចង់ស្វែងយល់បន្ថែម ។ សូមលើកទឹកចិត្តពួកគេឲ្យមករៀនដោយរៀបចំខ្លួន ដើម្បីចែកចាយវគ្គបទគម្ពីរ ដែលពួកគេបានជ្រើសរើសហើយ យ៉ាងហោចណាស់សំណួរមួយដែលពួកគេមានអារម្មណ៍ថា អាចជួយពួកគេរៀនបន្ថែមអំពីវគ្គបទគម្ពីរនោះ ។
សំណៅចែក ៖ « វគ្គចំណេះចំណានខាងគោលលទ្ធិ និងឃ្លាគន្លឹះទាំង ១២ ដំបូង »
យោបល់សម្រាប់ការបង្រៀនតាមសន្និសីទវីដេអូ ៖ សូមពិចារណាអញ្ជើញសិស្សឲ្យចែកចាយនៅក្នុងឈែត អំពីវគ្គចំណេះចំណានខាងគោលលទ្ធិដែលពួកគេបានជ្រើសរើស និងសំណួរមួយក្នុងចំណោមសំណួរដែលពួកគេបាននឹកដល់ ។ បន្ទាប់មក អ្នកអាចលើកទឹកចិត្តពួកគេឲ្យឆ្លើយសំណួរគ្នាទៅវិញទៅមក ។