Мормоны Номын семинарын багшийн гарын авлага (2024)

Агуулга
Нүүр хуудас
Мормоны Номын семинарын багшийн гарын авлага-ын оршил
Мормоны Ном—Оршил материал
Мормоны Номын удиртгал хэсгүүд
1 Нифай 1–5
1 Нифай 6–10
1 Нифай 11–15
1 Нифай 16–22
2 Нифай 1-2
2 Нифай 3–5
2 Нифай 6–10
2 Нифай 11–19
2 Нифай 20–25
2 Нифай 26–30
2 Нифай 31–33
Иаков 1–4
Иаков 5–7
Инос–Мормоны үгс
Moзая 1–3
Moзая 4–6
Moзая 7–10
Moзая 11–17
Moзая 18–24
Moзая 25–28
Мозая 29–Алма 4
Алма 5–7
Алма 8–12
Алма 13–16
Алма 17–22
Алма 23–29
Алма 30–31
Алма 32–35
Алма 36–38
Алма 39–42
Алма 43–52
Алма 53–63
Хиламан 1–6
Хиламан 7–12
Хиламан 13–16
3 Нифай 1–7
3 Нифай 8–11
3 Нифай 12–16
3 Нифай 17–19
3 Нифай 20–26
3 Нифай 27–4 Нифай 1
Moрмон 1–6
Moрмон 7–9
Ифер 1–5
Ифер 6–11
Ифер 12–15
Moронай 1–6
Moронай 7–9
Моронай 10
Хавсралт

Алма 39: “Эдгээр зүйлд өөртөө хориг тавь”

“Алма 39: ‘Эдгээр зүйлд өөртөө хориг тавь,’” Мормоны Номын багшийн гарын авлага (2024)

“Алма 39,” Мормоны Номын багшийн гарын авлага

Алма 39

“Эдгээр зүйлд өөртөө хориг тавь”

Цаг хугацааны туршид Сатан олон хүнд гэрлэлтээс гадуурх бэлгийн харьцааны дотно байдал бол хүлээн зөвшөөрөгдөх зүйл гэдэгт итгүүлэх гэж удирдсаар ирсэн. Тэнгэрлэг Эцэг, Есүс Христ хоёр биднийг хамгаалж, амар амгалан, аз жаргалтай байлгахын тулд бидэнд ариун явдлын хуулийг өгсөн билээ. Бошиглогч Алма хүү Кориантондоо ариун явдлын хуулийг зөрчсөн нүглээ орхиж, наманчлахыг хайраар зөвлөсөн. Энэ хичээл бэлгийн харьцааны нүгэл ямар ноцтой болохыг болон ариун явдлын хуулийг зөрчих уруу таталтыг хэрхэн эсэргүүцэх талаар ойлгоход танд тусална.

Суралцагчдад хөрвөлтийг ойлгож, эрэлхийлэхэд нь тусал. Хөрвөлт бол бидний амьдралынхаа туршид зөв шударга хүчин чармайлтаар харуулдаг өөрчлөлт, сүнслэг хөгжлийн тасралтгүй үйл явц билээ. Суралцагчдад Есүс Христийг болон Түүний сэргээгдсэн сайн мэдээг мэдэж, хайрлаж, дагах туршлага олгох боломжийг эрж хай.

Суралцагчийн бэлтгэл: Суралцагчдыг ариун явдлын хуулийн талаар юу мэддэгээ, энэ талаар ямар бодолтой байдаг, өөрт байгаа асуултуудын талаар бодоход урь.

Боломжит суралцах үйл ажиллагаа

Ариун явдлын хууль

Самбарт дараах мэдэгдлүүдийг бич. Суралцагчдаа ариун явдлын тухай хуулийн талаар суралцахад илүү сайн бэлтгэх мэдэгдлүүдийг өөрчил эсвэл нэмж оруул.

Дараах мэдэгдлүүдийг уншаад, аль нь таны мэдрэмжийг хамгийн сайн илэрхийлж байгааг тодорхойл.

Би санал нийлэхгүй байна – Би ихэнхдээ санал нийлэхгүй байна – Би ихэнхдээ санал нийлж байна – Би санал нийлж байна

Есүс Христийн Хожмын Үеийн Гэгээнтнүүдийн Сүмийн өсвөр үеийнхэн ариун явдлын хууль буюу Их Эзэний бэлгийн харьцааны цэвэр ариун байдлын хуулийг маш сайн ойлгодог.
Тэд энэ нь яагаад чухал болохыг мөн Их Эзэн яагаад биднээс үүнийг мөрдөж амьдрахыг хүсдэгийг ойлгодог.
Өнөөдөр дэлхий ертөнц дээр ариун явдлын хуулийг сахих нь хэцүү байж магадгүй юм.
Сүмийн өсвөр үеийнхэн уруу таталтыг хэрхэн эсэргүүцэж, бэлгийн харьцааны хувьд цэвэр ариун байх ёстойгоо мэддэг.

Суралцагчдыг дээрх мэдэгдлүүдтэй санал нийлж эсвэл нийлэхгүй байгаа эсэхээ мөн яагаад гэдгээ хуваалцахад урь.

Ариун явдлын хууль бол бэлгийн харьцааны ариун байдлын талаарх Их Эзэний хууль юм. Ариун явдлын хуулийг сахина гэдэг нь бодол санаа, үг хэллэг, үйлдлээрээ өөрийгөө цэвэр байлгахыг, тэр дундаа садар самуунтай холбоотой аливаа зүйлээс хол байхыг хэлнэ. Энэ нь гэрлэлтээс өмнө бэлгийн харьцаанд орохоос зайлсхийх, гэрлэлтийн үеэр эхнэр/нөхөртөө бүрэн дүүрэн үнэнч байхыг хэлнэ. “Ариун явдлын хуулийн бусад зөрчилтэй адил ижил хүйстэнтэйгээ харьцаанд орох нь ноцтой нүгэл юм. Энэ нь хүмүүний бэлгийн харилцааны зорилгын эсрэг зүйл” (Сайн мэдээний сэдвүүд, “Ариун явдал,” topics.ChurchofJesusChrist.org).

Ариун явдлын хуулийн талаарх ойлголт, мэдрэмжээ тунгаан бодоход хэдэн хором зарцуул. Танд ямар асуулт байна вэ? Яагаад энэ нь таны хувьд чухал вэ? Танд ариун явдлын эсрэг ямар ямар уруу таталт тулгардаг вэ? Та энэ хичээлийг судлах явцдаа асуултуудынхаа хариултыг хайж, уруу таталтыг ялан дийлэхийг эрэлхийл.

Алма хүү Кориантондоо зөвлөсөн нь

Алма 39 бол Алмагийн хүү Кориантондоо өгсөн зөвлөгөө, зарлиг, сургаалыг агуулсан дөрвөн бүлгийн эхнийх нь юм. Кориантон зорамчуудын дунд сайн мэдээг номлохоор эцэгээ болон ах Шиблоныг дагалдан явав. Гэвч энэ номлолын үеэр Кориантон ноцтой нүгэл үйлджээ.

Алма 39:1–5-ыг уншаад, Кориантоны хийсэн алдааг мөн Алма, Их Эзэн хоёр түүний алдааны талаар ямар сэтгэгдэлтэй байсныг олж мэд. (3-р шүлэг дэх янхан гэдэг үг нь садар самуун эмэгтэйг эсвэл биеэ үнэлэгчийг хэлдэг.)

Суралцагчдыг Кориантоны юу хийснийг болон Алма, Их Эзэн хоёр энэ талаар ямар сэтгэгдэлтэй байсныг дүрсэлсэн судрын үг, хэллэгийг хуваалцахад урь.

Хүмүүс ариун явдлын хуулийг зөрчих нь эцэг мөн бошиглогчийн хувьд яагаад “харамсалтай” (Алма 39:3)-г мөн “Их Эзэний мэлмийд жигшүүрт хэрэг” (Алма 39:5) болохыг тунгаан бодоход туслахын тулд үүнийг дагаж мөрдсөний адислалыг ойлгох нь тустай байж болно. Адислал ба хүчний талаар Өсвөр үеийнхний бат бөх байдлын төлөө: Сонголт хийхэд туслах гарын авлага (товхимол, 2022)-ын 26-р хуудасны “Ариун явдлын хуулийн дагуу амьдрах нь” хэсгээс унш.

Суралцагчдад олж мэдсэн зүйлээ хуваалцахыг зөвшөөр.

Ариун явдлын хуулийг сахих нь биднийг энэ болон дараагийн амьдралдаа Их Эзэнээс агуу адислалуудыг хүлээн авахад хэрхэн бэлтгэдэг вэ?

Дараах хоёр асуултыг самбарт бичиж, суралцагчдыг судраас хариултыг нь олуулахын тулд хоёр хоёроор нь эсвэл жижиг бүлгээрээ ажиллахад урь. Дараа нь, дараагийн хоёр асуултыг ангиараа ярилц.

Нэмэлт ойлголт авахын тулд дараах асуултуудыг уншаад хариултыг нь хаалт дотор жагсаасан бичсэн судраас ол.

Хэрэв хэн нэгэн бэлгийн харьцааны нүглээ наманчлахгүй бол юу болох вэ? (Алма 39:7–9)
Ариун явдлын хуулийг зөрчихөд ихэвчлэн үл тоомсорлодог үр дагавар юу вэ? (Алма 39:11–13)
Зураг
төгс эзэмших сургаалын дүрс
1. Дараах асуултуудад хариул.
Таны сурч мэдсэн зүйл дээр үндэслэн үзэхэд Их Эзэн, бошиглогч, эцэг эх бүгд яагаад ариун явдлын талаар ийм хүчтэй бодолтой байдаг байж болох вэ?
Ариун явдлын хууль нь Бурханы хүүхдүүдээ хайрлах хайрыг хэрхэн харуулдаг вэ?

“Нүдээрээ шунасныхаа араас дахин бүү яваасай”

Алма хүүдээ бэлгийн харьцааны нүглийг ямар ноцтой болох талаар заахаас гадна Кориантонд ирээдүйд ижил алдаа гаргахгүй байхыг зааж өгчээ.

Алма 39:9, Алма 39:13-ыг давтаж, уруу таталтыг эсэргүүцэж, ариун явдлын хуулийг сахихад тань туслах үг, хэллэгийг олж мэд. (9-р шүлэг дэх “өөртөө хориг тавь” гэсэн хэллэг нь өөрийгөө удирдах эсвэл өөртөө эзэн байх гэсэн утгатай.)

Алма 39:9 нь төгс эзэмших сургаалын хэсэг юм. Төгс эзэмших сургаалын судрын хэсгүүдийг дараа хялбар олохын тулд онцгойлон тэмдэглэхийг бодож үз. Та дараагийн хичээл дээр асуултад эсвэл нөхцөл байдалд энэ хэсэгт заасан сургаалыг хэрэгжүүлэх дадлага хийх боломжтой байх болно.

Суралцагчдыг олж мэдсэн зүйлээ хуваалцахад урь.

Алма эдгээр шүлэг дээр Кориантонд ямар зарчим заасан бэ?

Эдгээр шүлгийн нэг боломжит зарчим бол бид өөрийгөө удирдаж, Их Эзэнд хандвал Бурханы ариун явдлын хуулийг зөрчих уруу таталтыг ялан дийлж чадна гэсэн зарчим юм.

Өөрийгөө удирдаж, уруу таталтыг ялан дийлж, Их Эзэнд хандах нь заримдаа хэцүү байдаг. Үүнийг хийх янз бүрийн арга замыг бодох нь дараа нь танд ямар арга хамгийн тустай байх талаар Сүнсний өдөөлтийг дагахад тусална.

Дараах үйл ажиллагааг хийхээсээ өмнө Их Эзэнд хандаж, ариун явдлын хуулийг зөрчих уруу таталтыг ялан дийлж болох арга замуудын талаар оюун ухаанаа дайчлахад өсвөр үеийнхнийг урь. Дараа нь тэд санаагаа баталж мөн санаа нэмэхийн тулд дараах хоёр үйл ажиллагааг хийж болно.

Самбарт дараахыг жагсаан бич. Видеог жагсаалтаас хасаад, ангийнхнаас хичээлийнхээ дараа үзэхийг хүсэж байгаа эсэхийг нь асуу.

Бэлгийн харьцааны цэвэр ариун байдлын талаарх зөвлөгөөний үлдсэн хэсгийг Өсвөр үеийнхний бат бөх байдлын төлөө: Сонголт хийхэд туслах гарын авлага-аас уншина уу (“ … нь ямар учиртай вэ?” хэсгийн “бэлгийн харьцааны цэвэр ариун байдал”-ыг үзнэ үү).
Ариун явдлын хуулийг зөрчих уруу таталтуудын эсрэг таныг хүчирхэгжүүлж чадна гэж бодож буй судруудыг ол. Та мөн уруу татагдах үед хүч хүлээн авахад тань туслах дуулал эсвэл Хүүхдийн дуунуудын жагсаалт гаргаж болно.
Өөрийн “бүх оюун, хүч мөн чадлаараа” “Их Эзэнд хандах” арга замуудыг жагсаан бич (Алма 39:13). Өнгөрсөн хугацаанд таныг хүчирхэгжүүлсэн гэж бодож байгаа зүйлээ багтаа.
Уруу таталтаас ангижрахад тань туслах эцэг эх, Сүмийн удирдагчдаас авч байсан зөвлөгөөг бич.
ChurchofJesusChrist.org дээрээс “Ариун явдал: Хязгаарлалт гэж юу вэ?” (3:59) видеог үзнэ үү.

Хэдэн хормын дараа хэд хэдэн суралцагчийг санаагаа хуваалцахад урьж, эдгээр санаа нь уруу таталтыг ялан дийлэхэд хэрхэн тусалж болох талаар бодоход урь. Хэрэв анги тань энэ сэдвээр илэн далангүй ярилцаж чадахгүй байгаа мэт санагдаж байвал суралцагчдыг нэрээ нууцлан, цаасан дээр санал бодлоо хуваалцахад урь. Цаасыг цуглуулж, ангидаа уншиж өг.

Хувийн эргэцүүлэл

Та яагаад бэлгийн харьцааны хувьд цэвэр ариун байхыг хүсэж байгаагаа тунгаан бодоход хэдэн хормыг зарцуул. Дараа нь Их Эзэний ариун явдлын хуулийг тасралтгүй дагахын тулд хийх алхмуудаа тэмдэглэ. Ариун Сүнс таныг юу хийлгэхээр сүнслэг өдөөлт өгсөн байж болох талаар бодож үзээд, судлах тэмдэглэлдээ нэмэлт бодлоо тэмдэглэ. Хэрэв та эсвэл таны мэддэг хэн нэгэн ариун явдлын хуулийг зөрчсөн бол Есүс Христ “дэлхийн нүглүүдийг зайлуулан авахаар ирсэн” (Алма 39:15) бөгөөд чин сэтгэлээсээ наманчилж, нүглээ орхих бүх хүнийг уучлах болно гэдгийг санаарай (Мозая 26:30, Алма 39:9-ийг үзнэ үү).

Та гэрчлэлээ хуваалц.

Тайлбар ба нөхцөл байдлын талаарх мэдээлэл

Алма 39:5. Бэлгийн харьцааны нүгэл яагаад аллагатай энэ тэнцүү ноцтой нүгэл байдаг вэ?

Далын гишүүнээр үйлчилж байхдаа ахлагч Брүс С.Хафэн ийнхүү заасан.

Зураг
Ахлагч Брүс С.Хафэн

Магадгүй ариун явдал, аллага гэсэн хоёр зүйлд нийтлэг зүйл байж болох юм. Аль аль нь тэнгэрлэг хүч чадлын дээдийг хөнддөг амьдралыг өөрчлөгч нүгэл юм. Хүн алах нь хүний амийг буруугаар авах явдал юм; Бэлгийн зөрчил нь амийг буруу замаар бүтээх эсвэл амийг өгөх хүчний ариун нандин эх булагт буруу замаар хөндлөнгөөс оролцох явдал болно. (Bruce C. Hafen, “The Gospel and Romantic Love,” New Era, Feb. 2002, 10)

Алма 39:6. Ариун Сүнсийг үгүйсгэх гэдэг нь юу гэсэн үг вэ?

Бошиглогч Иосеф Смит (1805–44) ийн заасан.

Зураг
Бошиглогч Иосеф Смит

Хүн юу хийснээрээ уучлагдашгүй нүглийг үйлддэг вэ? Тэрээр Ариун Сүнсийг хүлээж аван, тэнгэр түүнд нээгдэж, Бурханыг мэддэг болсны дараа Түүний эсрэг нүгэл үйлддэг. Хүн Ариун Сүнсний эсрэг нүгэл үйлдсэний дараа наманчлах боломжгүй. Тийм хүн нарыг харж байгаа атлаа гэрэлтэхгүй байна гэж, тэнгэр өөрт нь нээгдсэн ч Есүс Христийг эсэргүүцэн, авралын төлөвлөгөөний үнэнд нүд нь нээгдсэн ч үүнийг үгүйсгэнэ. (Joseph Smith, in History, 1838–1856 [Manuscript History of the Church], volume E-1, 1976, josephsmithpapers.org, punctuation and capitalization modernized; “Accounts of the ‘King Follett Sermon,’” josephsmithpapers.org).

Алма 39:13. Би хэрхэн бодлоо илүү сайн хянаж, шунал тачаалаас зайлсхийж чадах вэ?

Арван хоёр төлөөлөгчийн чуулгын ахлагч Үлиссэс Соарэс ийн заасан.

Зураг
Ахлагч Үлиссэс Соарэс

Бид авралын хад чулуу болох бодгалийн Аврагчдаа итгэж найдвал, … бодол санаагаа хянах чадвар маань илт өсөн нэмэгдэх болно гэдгийг би гэрчилж байна. … Үүний дараа дайсны уруу татах хүч бага багаар суларч, бидний амьдрал илүү аз жаргалтай, ариун болох болно. (Үлиссэс Соарэс, “Бодол санаа болгондоо Христийг эрэлхийл,” 2020 оны 10-р сарын Ерөнхий чуулган, 90)

Нэмэлт суралцах үйл ажиллагаа

Хичээлийг эхлүүлэх өөр хувилбар

Ариун явдлын хуулийн талаарх худал хуурмагийг самбарт дараах байдлаар жагсааж бич.

Хэрэв дэлхий ертөнц дээрх олон хүн ариун явдлын хуулийг дагаж мөрддөггүй бол энэ нь тийм ч ач холбогдолтой биш гэсэн үг.
Бэлгийн харьцааны нүгэл үйлдэх нь тийм ч ноцтой зүйл биш юм.
Би хэн нэгэнд нөлөө үзүүлэхгүйгээр бэлгийн харьцааны нүгэл үйлдэж болно.

Суралцагчдаас ариун явдлын талаарх эдгээр болон өөр бусад ямар худлыг сонссон, яагаад зарим хүн тэдгээрт итгэж болох талаар асуу. Суралцагчдыг Алма 39-ийг судлах явцдаа нэмэлт ойлголтыг эрэлхийлж, дээрх мэдэгдлүүдийг засахад урь.

Видео

Нандин хөгжим

Суралцагчидтай уруу таталтыг эсэргүүцэж, ялан дийлэх арга замуудын талаар ярилцаж байх үедээ “Та байнга хэрэгтэй” (Дуулал, ду. 48), “Есүс Таныг бодохуй дор” (Дуулал, ду. 69) зэрэг дууллыг дуулах юм уу сонс. Бодол санаагаа цэвэр байлгахад ариун хөгжим хэрхэн тусалж болохыг тунгаан бодож, ярилцахад суралцагчдыг урь.