Zotërimi Doktrinor: Alma 41:10

“Ligësia Kurrë Nuk ka Qenë Lumturi”

Tek Alma 41:10, ti mësove se “ligësia kurrë nuk ka qenë lumturi”. Ky mësim mund të të ndihmojë të mësosh përmendsh fragmentin e zotërimit doktrinor dhe frazën kyç të shkrimit të shenjtë për vargun tek Alma 41:10, ta shpjegosh doktrinën dhe të ushtrosh zbatimin, në situata nga jeta reale, e parimeve të marrjes së njohurisë shpirtërore.

Ndihmojini nxënësit që të bëhen pjesëmarrës aktivë. Nxënësit janë aktivë kur e përfshijnë mendjen dhe zemrën e tyre në të mësuarit e ungjillit. Disa mënyra për të ftuar pjesëmarrje aktive përfshijnë ndihmën ndaj nxënësve që të zbulojnë lidhjen [me jetën e tyre] të të vërtetave të ungjillit; nxitjen ndaj tyre për të bërë pyetje dhe për të kërkuar përgjigje; dhe ftesën ndaj tyre për të treguar idetë, përvojat dhe ndjenjat e tyre dhe për të ushtruar zbatimin e aftësive të studimit të shkrimeve të shenjta dhe për të gjetur kohë për të përsiatur dhe për t’u lutur.

Përgatitja e nxënësve: Ftojini nxënësit të mësojnë përmendsh vargun tek Alma 41:10.

Veprimtari të Mundshme të të Mësuarit

Ky mësim për fragmentin e zotërimit doktrinor është hartuar për t’u dhënë pas mësimit “Alma 41”, që është mësimi kontekstual për fragmentin e zotërimit doktrinor për Alma 34:9–10. Nëse ky mësim për fragmentin e zotërimit doktrinor duhet të zhvendoset në një javë tjetër, sigurohuni që të jepni edhe mësimin përkatës kontekstual gjatë asaj jave.

Mëso përmendsh dhe shpjego

Merreni parasysh t’i nxitni nxënësit të mësojnë përmendsh sa më shumë nga fragmenti i zotërimit doktrinor që të munden.

Përdorini veprimtaritë vijuese ose një metodë tjetër të efektshme për t’i ndihmuar nxënësit ta mësojnë përmendsh referencën e shkrimit të shenjtë dhe frazën kyç të shkrimit të shenjtë për vargun tek Alma 41:10 dhe shpjegojnë doktrinën e dhënë mësim në këtë fragment.

Ndajini studentët në dyshe. Vëreni nxënësin e parë ta thotë fjalën e parë me zë të lartë: “ligësia”. Vëreni të dytin ta thotë fjalën e parë dhe të dytë me zë të lartë: “ligësia kurrë”. Vazhdoni të shtoni një fjalë çdo herë dhe në fund referencën në mënyrë që nxënësi i fundit ta thotë të gjithë frazën dhe referencën: “ligësia nuk ka qenë kurrë lumturi (Alma 41:10)”.

Ftojini nxënësit ta përsëritin këtë proces shumë herë, duke ndryshuar se cili nxënës fillon i pari çdo herë.

Mendo për një situatë ku do të ishte e dobishme për dikë të dinte doktrinën që jepet mësim tek Alma 41:10. Më pas shpjego se si doktrina mund të ndihmojë në atë situatë.

Merreni parasysh t’i ftoni nxënësit të ndërveprojnë me njëri-tjetrin duke ua treguar situatën që ju erdhi në mend shokëve të klasës. Pasi të jepet situata, shoku i klasës mund të shpjegojë se si mund të ndihmojnë të vërtetat tek Alma 41:10.

Ushtroje vënien në zbatim

Ndajeni klasën në grupe me nga tre veta. Kërkojini secilit nxënës që të përzgjedhë një parim të ndryshëm të marrjes së njohurisë shpirtërore dhe të lexojë paragrafët përkatës për parimin e vet te Dokumenti Bazë i Zotërimit Doktrinor (2022). Kur nxënësit të mbarojnë, ftojini t’ia shpjegojnë parimin grupit të tyre. Ushtrimi vijues me përkitje mund t’i ndihmojë nxënësit ta kujtojnë atë që mësuan. Përgjigjet për ushtrimin me përkitje janë: 1) B, F; 2) C, E dhe 3) A, D.

Shqyrtoje secilin prej tre parimeve vijuese të marrjes së njohurisë shpirtërore te Dokumenti Bazë i Zotërimit Doktrinor (2022). Më pas lidhi thëniet A–F me parimin e duhur. Çdo parim ka dy thënie që lidhen me të.

1. “Vepro me Besim”

2. “Shqyrtoji Konceptet dhe Pyetjet me një Këndvështrim të Përjetshëm”

3. “Kërko Kuptueshmëri të Mëtejshme nëpërmjet Burimeve të Caktuara në Mënyrë Hyjnore”

1. “Presidenca e Parë dhe Kuorumi i Dymbëdhjetë Apostujve – profetët e Zotit në tokë sot – janë një burim jetik i së vërtetës.”

2. “Kur kërkojmë ta zhvillojmë kuptueshmërinë tonë dhe t’u japim zgjidhje shqetësimeve, është e rëndësishme që ne të mbështetemi te dëshmia që kemi tashmë për Jezu Krishtin.”

3. “Ne i marrim parasysh [pyetjet] në kontekstin e planit të shpëtimit dhe mësimeve të Shpëtimtarit.”

4. “Kur mësojmë t’i dallojmë burimet e pabesueshme dhe t’u shmangemi atyre, kjo mund të na mbrojë nga keqinformimi dhe nga ata që përpiqen ta shkatërrojnë besimin.”

5. “Ne kërkojmë ndihmën e Frymës së Shenjtë, me qëllim që t’i shohim gjërat ashtu sikurse i sheh Zoti.”

6. “Ndërsa vazhdojmë të kërkojmë përgjigje, duhet të jetojmë sipas besimit – duke mirëbesuar se përfundimisht do t’i marrim përgjigjet që kërkojmë.”

Nëse nxënësit u vendosën në grupe për t’i shqyrtuar parimet e marrjes së njohurisë shpirtërore, mund të jetë e dobishme t’i mbani në grupe.

Paraqiteni skenarin vijues në mënyrë që nxënësit të mund t’i referohen ndërsa punojnë për të së bashku.

Bledi, një anëtar i Kishës, po has vështirësi për të kuptuar rëndësinë e zbatimit të urdhërimeve të Perëndisë. Kohët e fundit ai të tha: “Njoh shumë njerëz që i shkelin urdhërimet dhe duket se kanë jetë shumë të mirë. Si mund të thuash se, për të qenë i lumtur, duhet të zbatosh urdhërimet?” Ti mund ta shohësh sinqeritetin e pyetjes së Bledit, por e ndien se ke nevojë për pak kohë për t’i mbledhur të gjitha mendimet e tua për t’u përgjigjur. Të dy bini dakord të flisni më shumë rreth pyetjes së tij të nesërmen.

Përdore atë që ke mësuar dhe ndier gjatë studimit të vargut tek Alma 41:10 dhe parimet e marrjes së njohurisë shpirtërore për t’u përgatitur për të diskutuar pyetjen e Bledit.

Kërko kuptueshmëri të mëtejshme nëpërmjet burimeve të caktuara në mënyrë hyjnore

1. Shkrimet e shenjta janë burime të caktuara në mënyrë hyjnore që mund të na ndihmojnë t’u përgjigjemi pyetjeve tona. Lexo tek Alma 41:10 dhe gjej të paktën një fragment tjetër të zotërimit doktrinor që mund të të ndihmojë të përgjigjesh.

   Nxënësit mund të punojnë në grupet e tyre që të gjejnë dhe të diskutojnë fragmente shtesë të zotërimit doktrinor që mund ta ndihmojnë Bledin. Disa fragmente të dobishme përfshijnë 2 Nefi 2:25, 27 dhe Mosia 2:41.

2. Mendo për disa burime që do ta ftoje Bledin t’i shqyrtonte për informacion shtesë. Mund të shpjegosh madje se çfarë e bën një burim të besueshëm për sa i përket çështjeve shpirtërore.

Shqyrtoji konceptet ose pyetjet me një këndvështrim të përjetshëm

Nxënësit në grupe mund t’i përgjigjen vetëm njërës prej pyetjeve vijuese, më pas t’ia tregojnë përgjigjet e tyre grupit të vet.

Ndihmojini nxënësit t’i përcaktojnë supozimet që mund të ketë Bledi. Nëse nxënësve u nevojitet ndihmë, merreni parasysh të tregoni një ose më shumë nga sa vijon: Bledi mund të mendojë se urdhërimet janë shtrënguese apo se ato e kufizojnë aftësinë e tij për të zgjedhur. Ai mund të mendojë gabimisht se lumturia mund të gjendet në kënaqësitë materiale.

Pyetjet vijuese mund të të ndihmojnë të përcaktosh supozimet që po bën Bledi:

• Çfarë supozimesh mund të ketë ai për urdhërimet ose lumturinë?

• Cilat mësime të ungjillit lidhen ose sigurojnë përgjigje për pyetjen e tij?

• Si mendon, çfarë duhet të dijë Bledi rreth Atit Qiellor, planit të Tij dhe se si Ai i trajton fëmijët e Tij?

Vepro me besim

Nxënësit në grupe mund të ftohen të punojnë vetëm për t’i përcaktuar urdhërimet, më pas të mblidhen së bashku për t’i treguar shembujt e tyre. Më pas ata mund të punojnë së bashku për të ofruar sugjerime mbi mënyrën se si Bledi mund të veprojë me besim ose duke kërkuar kuptueshmëri më të madhe, ose duke bërë një plan për t’i zbatuar urdhërimet.

Bledi mund të veprojë me besim duke u përpjekur t’i kuptojë më mirë urdhërimet e Atit Qiellor. Zgjedhja për t’i zbatuar urdhërimet ndërsa kërkon kuptueshmëri më të madhe rreth rëndësisë së tyre do të ishte gjithashtu të vepruarit me besim. Zgjidh të paktën dy urdhërime dhe përcakto se si zbatimi i tyre mund ta ndihmojë Bledin të përjetojë lumturi ose se si shkelja e tyre mund të çojë në mjerim. Ti mund të tregosh gjithashtu se si zbatimi i këtyre urdhërimeve të ka sjellë lumturi.

Ftojini nxënësit ta tregojnë atë që përgatitën. Nëse ka kohë, merreni parasysh ta ftoni klasën të mendojë për mënyra të ndryshme se si mund të përgjigjet Bledi. Më pas ftojini nxënësit të kthehen në grupet e tyre për t’i përshtatur planet e tyre. Nxënësit mund të bëjnë një interpretim me role përpara klasës ose në grupet e tyre. Ata gjithashtu mund t’i dërgojnë mesazh me tekst njëri-tjetrit si interpretim me role.

Përsëritja e zotërimit doktrinor

Shqyrtimi vijues mund të bëhet në një mësim të ardhshëm. Pyetini nxënësit nëse mund t’u kujtohet fraza kyç e shkrimit të shenjtë për vargun tek Alma 41:10. Sipas nevojës, kujtojuani veprimtarinë e të mësuarit përmendsh që e plotësuan në këtë mësim. Ftojini nxënësit ta përsëritin referencën dhe frazën kyç derisa t’i kenë mësuar përmendsh atyre.