“Хиламан 11–12: Бардамналын тойрог,” Мормоны Номын багшийн гарын авлага (2024)
“Хиламан 11–12,” Мормоны Номын багшийн гарын авлага
Хиламан 11–12
Бардамналын тойрог
Мормоны Ном дээрх загваруудын нэг нь хүмүүс Бурханыг мартаж, өөрсдөд нь бүх зүйл сайн сайхан байгаа үед бардам зантай болдог явдал юм. Нөгөө талаар, юмс хэцүү болох үед хүмүүс даруу болж, Бурханд ханддаг. Та энэ загварыг өөрийн амьдралаас эсвэл нийгмээс олж харж байсан уу? Энэ хичээл Бурханы өмнө даруу байх хүслийг тань нэмэгдүүлэхэд тусална.
Суралцагчдад судрын загвараас сурч мэдэхэд нь тусал. Судруудад зан төлөв, зан авир, сургаалын сэдэв, судрын хэлэнд загвар байдаг. Эдгээр загварыг онцолсноор та суралцагчдад чухал сургаал, зарчмуудыг танихад нь тусалж чадна. Эдгээр хэв маягийн тусламжтайгаар сурч мэдсэн зүйлээ хэрэгжүүлэхэд нь тэднийг урамшуулан дэмж.
Суралцагчийн бэлтгэл: Суралцагчдыг 1989 оны 4-р сарын Ерөнхий чуулган дээр ерөнхийлөгч Эзра Тафт Бэнсоны хэлсэн “Beware of Pride (Бардамналаас болгоомжил)” хэмээх үгийг уншихад урь. Хэлсэн үгийг Gospel Library эсвэл Ensign, 1989 оны 5 дугаар сар, 7–12 дээрээс олж болно.
Боломжит суралцах үйл ажиллагаа
Загварууд
Дараах дугааруудыг үзнэ үү. 30 секундийн дотор “1”-ээс эхлэн дарааллаар нь аль болох олон тоог ол.
Дараах үйл ажиллагаа нь загварыг тодорхойлохын үнэ цэнийг харуулах зорилготой. Доор тайлбарласан загварын дагуу зургийг харуул эсвэл самбар дээр тоог бич.
-
Та 30 секундийн дотор хэдэн тоо олж чадсан бэ? Тоонууд хаана байрлаж байгааг та анзаарсан уу?
Хэрэв суралцагчид загварыг анзаарсан бол тэднийг хуваалцахад урь. Хэрэв суралцагчид дараах догол мөрд тайлбарласан загварыг анзаараагүй бол тэдэнд зааж өг. Эхний хэд хэдэн тоог жишээ болгон дарааллаар нь цохон тэмдэглэ.
Хүснэгт дээр тоон загвар байгаа. Хэрэв та диаграммын голд дөрвөн тэнцүү квадратыг үүсгэх босоо болон хэвтээ шугамыг оруулбал тоонууд нь сумтай адил цагийн зүүний дагуу байгааг олж харах болно. Жишээлбэл: “1” нь зүүн дээд квадратад, “2” нь баруун дээд талд байна гэх мэт.
30 секундэд даалгавраа дахин давтаж, загварыг дагахад ямар өөрчлөлт гарч байгааг хар.
Та суралцагчдыг хэр зэрэг сайжирснаа хуваалцахад урьж болно.
-
Үүн шиг загварыг тодорхойлохын ач холбогдол юу вэ?
Загваруудыг тодорхойлох чадвартай байх нь таны судар судлах чадварыг сайжруулна. Үүнийг хийснээр судруудад байгаа зүйлсийг амьдралдаа хэрэгжүүлэхэд тань тусална.
Өнөөдрийн хичээлд та бардамналын тойрог хэмээн тодорхойлогддог загварын талаар сурч мэдэх болно. Судлах явцдаа энэ загвар таны амьдралд хэрхэн тохиолдож болох, бардам зангаас зайлсхийж, даруу байдлыг нэмэгдүүлэхийн тулд юу хийж болох талаар бод.
Бардамналын тойрог
Бошиглогч Нифай хичээнгүй байсан бөгөөд зөвхөн Их Эзэний хүслийг биелүүлэхийг эрэлхийлдэг байсныг та санаж байгаа байх. Үр дүнд нь Их Эзэн түүнийг агуу хүчээр болон “бүх зүйл [түүний] үгийн дагуу чамд хийгдэх болно” (Хиламан 10:5) гэсэн амлалтаараа адисалсан. Нифайд энэ хүчийг олгосны дараа болсон үйл явдлууд нь нифайчуудын дундах бардамналын тойргийн жишээг харахад бидэнд тусалж чадна.
Дараах диаграммыг үзүүлж, суралцагчдыг судлах тэмдэглэлдээ үүнтэй төстэй зүйл зурахад урь.
Бардамналын тойргийн дараах диаграммыг судлах тэмдэглэлдээ зур.
Суралцагчдыг дөрөв дөрвөөр нь бүлэг болгон хуваарил. Суралцагч бүрээр бардамналын тойргийн аль нэг үе шатанд дараах үйл ажиллагааг гүйцэтгүүл. Суралцагчид дараа нь олж мэдсэн зүйлээ бүлгийн гишүүдтэй хуваалцаж, бардамналын тойргийн үе шат бүрд судраа тэмдэглэж болно. Бүлгүүд мөн дараах асуултыг хэлэлцэж болно.
Хиламан 10:13–15-аас эхлэн диаграммын судрын хэсгүүдийг унш. Хүмүүсийн байсан бардамналын тойргийн үе шатыг дүрсэлсэн үг, хэллэгийг олж мэд. Эдгээр үг, хэллэгийг тэмдэглэж, үе шатны нэрийг судрынхаа захад харгалзах шүлгүүдийн хажууд бич.
-
Энэ загварын талаар мэдэх нь бидэнд ямар тустай вэ?
Энэ загварт хаана нь өөрийгөө харсан тухайгаа бод. Та үргэлжлүүлэн судалж байхдаа даруу зангаа хэрхэн нэмэгдүүлж, Их Эзэнд найдах талаар бод.
Бардамналын тойргоос сурах нь
Та дараах шүлгийг нэгтгэн дүгнэхийн оронд сайн дураараа ангийнханд чанга уншиж өгөх хэд хэдэн суралцагчийг урьж болно.
Их Эзэн өлсгөлөнг арилгасны дараа хүмүүс цэцэглэн хөгжсөн. Гэсэн хэдий ч хэдхэн жилийн дотор хүмүүс дахин бардамнаж, дайн, зовлон зүдгүүрийг амсав (Хиламан 11:21–33-ыг үзнэ үү). Тэд Бурханыг санахаар өдөөгдөж байсан ч удалгүй бардамнал, ёс бус байдалд дахин оров (Хиламан 11:34–38-ыг үзнэ үү).
Бошиглогч Мормон бидний сурч болох сургамжийг тодорхойлохын тулд зарим түүхийн тухай өгүүлэхээ түр зогсоосон тохиолдол байдгийг та Мормоны Номыг судалж байхдаа анзаарсан байх. Тэрээр “бид ийн үзлээ” эсвэл “тиймээс бид харж чадна” гэх мэт хэллэгүүдийг байнга хэрэглэдэг.
Самбар дээр Тиймээс бид харж чадна … хэллэгийг бичнэ үү. Хэд хэдэн суралцагчийг дараах асуултын хариултыг хуваалцахад урь.
-
Та Хиламан 11 дээр нифайчуудын талаар судалсан зүйл дээрээ үндэслэн “Тиймээс бид харж чадна …” гэсэн энэ мэдэгдлийг хэрхэн гүйцээх вэ?
1 Нифай 12:1–6-г уншаад энэ цэдгийг хуваалцсаны дараа Мормоны хийсэн зарим дүгнэлтийг олж мэд.
-
Баян чинээлэг хүмүүс яагаад заримдаа Их Эзэнийг мартдаг вэ?
-
Хүн бардамналын тойргийн бардамнал, зовлонгийн хэсгүүдээс (1 ба 2-р нүд) хэрхэн зайлсхийж эсвэл алгасах вэ?
Өмнөх асуултын хэлэлцүүлгийн нэг хэсэг болгон та суралцагчдыг Алма 62:48–51-ийг уншиж, бүлэг нифайчуудын бардамналыг мөн үүний үр дагавраас хэрхэн зайлсхийж чадсаныг анзаарахад урьж болно.
Дараах үнэнийг самбар дээр бич. Та мөн бардамналын тойргийн диаграмм дээр 4-р нүдээс 3-р нүд хүртэл сум зурах талаар бодож үзэж болно.
Энэ тойргийн илүү сайн хэсэгт нь үлдэхэд туслах үнэн бол хэрэв бид Их Эзэнийг санаж, өөрсдийгөө даруу болгож, наманчлахыг сонговол бардамналаас мөн үүний үр дагавраас зайлсхийж чадна гэсэн үнэн юм.
Суралцагчдыг дараах асуултын хэд хэдэн хариултыг бодоход урь. Та хэд хэдэн суралцагчид маркер өгч, тэднийг нэг хариултыг самбар дээр бичихэд урьж болно. Эсвэл суралцагчид судлах тэмдэглэлдээ жагсаалт гаргаад, хариултаа хуваалцаж болно.
Энэ хэлэлцүүлгийн хэсэг болгож “Тайлбар ба нөхцөл байдлын талаарх мэдээлэл” дэх бүх мэдэгдлийг эсвэл зарим хэсгийг хуваалцвал тустай байж болох юм.
-
Их Эзэнийг санаж, бардамналаас зайлсхийхэд бидэнд юу туслах вэ?
Өөрийгөө үнэлэх
Өнөөдөр таны судалсан үнэнүүд тантай ямар холбоотой болохыг бод. Дараах өөрийгөө үнэлэх үнэлгээ нь үүнд тусалж болно. Дараах хэсэгт өөрийнхөө хичээл зүтгэлийг 1-ээс 5 хүртэлх оноогоор үнэл, 1-ийг “хэзээ ч”, 5-ыг “үргэлж” гэж өгнө.
Та асуултуудаа харуулж, суралцагчдад судлах тэмдэглэл дээрээ асуулт бүр дээр өөрсдийгөө үнэлэх, чимээгүй эргэцүүлэн бодох цаг гарга. Суралцагчид бардамналын талаар өөрсдийгөө дүгнэхэд ашиглаж болох өөр өөрийн гэсэн асуултуудыг гаргаж ирэх нь ашигтай байх болно. Суралцагчдаас хариултаа хуваалцахыг бүү хүс.
-
Та Бурханд болон бусдад талархлаа илэрхийлдэг үү?
-
Та өдөр бүр Бурханд цаг гаргадаг уу?
-
Таны амжилт таны хичээл зүтгэлийн үр дүн юм шиг санагдаж байна уу?
-
Та амьдралдаа Бурханы тусламж, удирдамжийг эрэлхийлдэг үү?
-
Та бусдад эелдэг, хүндэтгэлтэй ханддаг уу?
-
Та бусдыг шүүмжилдэг үү эсвэл тэдэнд шударга бусаар ханддаг уу?
Судлах тэмдэглэлдээ даруу байдлаа нэмэгдүүлж, бардам зангаа ялан дийлэхийн тулд хийж чадах зүйлээ эргэцүүлэн бичиж тэмдэглэ. Амлалтаа биелүүлэхээр хичээх үедээ Тэнгэрлэг Эцэгээс тусламж хүс.