“Төгс эзэмших сургаалын давтлага 17: Судрын эшлэл, түлхүүр үг хэллэгийг цээжлэх,” Мормоны Номын багшийн гарын авлага (2024)
“Төгс эзэмших сургаалын давтлага 17,” Мормоны Номын багшийн гарын авлага
Төгс эзэмших сургаалын давтлага 17
Судрын эшлэл, түлхүүр үг хэллэгийг цээжлэх
Судрын хэсгийг, мөн тэдгээрийн танд зааж буй зүйлсийг санаж байх нь таныг олон арга замаар адислах болно. Энэ хичээл танд Мормоны Номын төгс эзэмших сургаалын сүүлийн 12 хэсгээс хэд хэдэн судрын эшлэл, түлхүүр үг хэллэгийг цээжлэхэд туслах зорилготой.
Суралцагчдад судрын түлхүүр үг хэллэгийг цээжлэхэд тусал. Суралцагчид судрын эшлэлүүд, судрын түлхүүр үг хэллэгийг цээжилсэн бол сайн мэдээг хуваалцахдаа тэдгээрийг санаж, ашиглах магадлал өндөр байдаг. Цээжлэх ажлыг илүү сонирхолтой болгохын тулд давталт, энгийн тоглоом эсвэл санах ойн карт гэх мэт олон төрлийн цээжлэх аргыг ашигла.
Суралцагчийн бэлтгэл: Суралцагчдыг амьдралдаа цээжилсэн зүйлсийнхээ талаар бодоход урь. Тэд эдгээр зүйлийг хэрхэн цээжилж, энэ нь тэдэнд хэрхэн тусалсан бэ?
Боломжит суралцах үйл ажиллагаа
Төгс эзэмших сургаалын судрын хэсгийн хичээлийг энэ давтлага хичээлийн оронд заах хэрэгтэй байж болно. Төгс эзэмших сургаалын судрын хэсгүүдийн талаарх хичээл тус бүрийг семинар явагдаж байх үеэр заасан байхад анхаарахын тулд орон нутгийн эсвэл бүсийн захирал эсвэл зохицуулагчийн өгсөн заах хуваарийг хар.
Цээжлэх нь
Дараах нь суралцагчдад судрыг цээжлэх тухай бодож эхлэхэд тусална.
Эсвэл суралцагчид цээжилсэн зүйл (киноны мөр, дууны үг, хаяг гэх мэт)-ээ хуваалцаж, яагаад эдгээрийг цээжилсэн, хэрхэн хадгалах талаараа ярилцаж болно. Энэ нь мөн саяхан буцаж ирсэн номлогчийг цээжилсэн судраа хуваалцахад урих, судруудыг цээжлэхийн ач холбогдлыг гэрчлэх зэрэгт тусалж болох юм.
Та судруудыг цээжлэхийн ач холбогдлын тухай Арван хоёр төлөөлөгчийн чуулгын ахлагч Ричард Г.Скоттын (1928–2015) дараах мэдэгдлийг унш.
Судруудыг цээжлэх нь агуу хүчийг авчирдаг. Судрыг цээжилнэ гэдэг нь шинэ нөхөрлөл бий болгож байгаатай адил билээ. Энэ нь хэрэгцээтэй үед маань тусалж, тайтгарал болон сүнслэг нөлөөг өгч, өөрчлөлт хэрэгтэй үед маань урам дэм өгдөг шинэ танилтай болсонтой адил юм. (Ричард Г.Скотт, “Судрын хүч,” 2011 оны 10-р сарын Ерөнхий чуулган, 5)
-
Та ямар ямар судар цээжилсэн бэ? Яагаад тэдгээрийг та цээжилсэн бэ?
Дараах цээжлэх үйл ажиллагаанд оролцохдоо Их Эзэн эдгээр чухал эшлэл, судрын түлхүүр үг хэллэгүүдийг цээжлэхэд тань тусалж чадна гэдэгт итгэ.
Төгс эзэмших сургаалын судрын хэсгүүд ба цээжлэх
Мормоны Номын төгс эзэмших сургаалын сүүлийн 12 хэсгийг судрын түлхүүр үг хэллэгийнх нь хамт доор жагсаав.
Мормоны Номын төгс эзэмших сургаал: Алма–Моронай
Судрын эшлэл |
Судрын түлхүүр үг хэллэг |
---|---|
Судрын эшлэл | Судрын түлхүүр үг хэллэг “Мөн тэрээр бүх төрлийн өвчин мөн зүдгүүрүүд мөн уруу таталтуудыг тэвчих болно.” |
Судрын эшлэл | Судрын түлхүүр үг хэллэг “Цагаатгал хийгдэх ёстой, … агуу их болоод эцсийн золиослол.” |
Судрын эшлэл | Судрын түлхүүр үг хэллэг “Нүдээрээ шунасныхаа араас дахин бүү яваасай.” |
Судрын эшлэл | Судрын түлхүүр үг хэллэг “Ёс бус явдал хэзээ ч аз жаргал байгаагүй.” |
Судрын эшлэл | Судрын түлхүүр үг хэллэг “Бидний Гэтэлгэгчийн хадан дээр … та нар сууриа тавих ёстойг санагтун.” |
Судрын эшлэл | Судрын түлхүүр үг хэллэг “Би эхлэлээс бүх зүйлийн хувьд Эцэгийн тааллыг хүлцсэн.” |
Судрын эшлэл | Судрын түлхүүр үг хэллэг “Тиймийн тул би, эсвээс тэнгэрт буй Эцэг тань төгсийн адил та нарыг төгс байгаасай хэмээнэ би.” |
Судрын эшлэл | Судрын түлхүүр үг хэллэг “Ариун Сүнсний хүлээн авалтаар та нар ариусгагдаж болохын тулд … миний нэрээр баптисм хүртэгтүн.” |
Судрын эшлэл | Судрын түлхүүр үг хэллэг “Итгэлийн тань сорилтын дарааг хүртэл та нар гэрчийг хүлээн авахгүй.” |
Судрын эшлэл | Судрын түлхүүр үг хэллэг “Хэрэв хүмүүс надад ирэх аваас … тэгвэл би тэдэнд сул дорой зүйлүүдийг нь хүчирхэг болгож өгнө.” |
Судрын эшлэл | Судрын түлхүүр үг хэллэг “Энэрэл бол Христийн цэвэр хайр.” |
Судрын эшлэл | Судрын түлхүүр үг хэллэг “Христэд итгэлтэй байж, чин сэтгэлтэйгээр, үнэн хүсэлтэйгээр асуух аваас … [мөн] Ариун Сүнсний хүчээр та нар бүх зүйлийн үнэнийг мэдэж болно.” |
Цахим төхөөрөмж ашиглах боломжтой суралцагчид төхөөрөмж дээрээ санах ойн карт үүсгэхийн тулд аппликэйшн эсвэл программ ашиглаж болох юм. Эсвэл энэ үйл ажиллагаанд зориулж суралцагч бүрд хоёр хуудас цаас тараа.
Хэрэв суралцагчид санах ойн карт ашиглах боломжтой бол “Санах карт ашиглах” хэсэгт дэх үйлдлүүдийг алгасах талаар бодож үз.
Жилийн турш ашиглах боломжтой санах картуудыг хий. Шаардлагатай бол цээжлэх карт үүсгэхийн тулд дараах зааврыг ашигла.
Санах карт хийхэд хэт их цаг зарцуулахгүй байхад анхаар. Төгс эзэмших судрын эшлэлүүд, судрын түлхүүр үг хэллэгүүдийг цээжлэх дадлага хийхийн тулд картаа ашиглах хангалттай цаг суралцагчдад байгаа эсэхийг шалга.
1-р алхам 1: 12 карт үүсгэх
Цаасыг бүхэлд нь ашиглан, цаасны дундуур зураас зурж, хоёр багана үүсгэ. Дараа нь цаасан дээр хоёр хэвтээ шугам зурж, багана бүрд ижил хэмжээтэй гурван нүд үүсгэж, нийт зургаан нүдтэй болго. Таны хуудас ямар байх ёстойг харуулсан жишээг дараах зургаас хар.
Цаасыг нөгөө тал руу нь эргүүлээд, тэр тал дээр нь мөн адил зур. Өөрт хэрэгтэй 12 нүд үүсгэхийн тулд өөр цаасан дээр мөн адил давт.
Цаас бүрийн нэг тал дээрх нүд бүрд хүснэгтээс судрын эшлэл бич. Та судрын эшлэлээс гадна түлхүүр үг хэллэгийг санахад тань туслах энгийн зургийг цаасныхаа энэ талд зурж болно. Уг зураг нь судрын түлхүүр үг хэллэгийг санахад тань туслахын зэрэгцээ судрын хэсгийн ариун мөн чанарыг зохих ёсоор хүндэтгэж буйг харуулах ёстой.
2-р алхам: Нэг талд нь төгс эзэмших сургаалын судрын эшлэлүүдийг бич
Хоёр цаасныхаа нэг талд нүд бүрийн хүснэгтэд судрын эшлэл бич. Судрын эшлэлээс гадна та судрын түлхүүр үг хэллэгийг санахад туслах энгийн зураг зурж болно.
3-р алхам: Нөгөө талд нь төгс эзэмших сургаалын судрын түлхүүр үг хэллэгийг бич
Цаасаа эргүүлж, нүд бүрд эсрэг талд байгаа судрын эшлэлтэй тохирох түлхүүр үг хэллэгийг бич.
4-р алхам: Картаа хайчлах
Өөрийн үүсгэсэн нүд бүрийг карт болгон хайчилж ав.
Өөрийн санах картыг хэрэглэх нь
Өөрийн санах картыг бүтээлч байдлаар ашигла. Дараах санаануудын нэгийг сонго эсвэл өөрөө нэг санаа бодож ол. Та мөн төгс эзэмших сургаалын аппликэйшн дээр байгаа эх сурвалжуудыг ашиглахаар сонгож болно.
-
Өөрөөсөө асуу: Санах картуудыг барьснаар та зөвхөн эшлэлийг эсвэл зөвхөн судрын түлхүүр үг хэллэгийг харах боломжтой. Харгалзах судрын түлхүүр үг хэллэгийг эсвэл харгалзах эшлэлийг хэлж үз. Үүнийг эшлэл, холбогдох үг хэллэг бүрээр хэд хэдэн удаа давт.
-
Тохируулах үйл ажиллагаа: Хэн нэгэнтэй хамтар. Нэг нь картынхаа эшлэл бүхий талыг, нөгөө нь түлхүүр үг хэллэг бүхий талыг тус тус дээш харуулна. Судрын түлхүүр үг хэллэг бүхий картаа эшлэл бүхий картын дээр байрлуулах замаар судрын түлхүүр үг хэллэгийг холбогдох эшлэлтэй нь тохируул.
Суралцагчдыг дөрөв дөрвөөр нь бүлэг болгон хуваарилах талаар бодож үз. Бүлэг тус бүрийг цээжлэхэд туслах нэг багц санах карт ашиглахыг, мөн тэдгээрийг бүлгийн гишүүдэд оноож өгөхөд урь. Суралцагчдаас бүх картыг эшлэл бичсэн талаар нь ширээн дээрээ дээш нь харуулан байрлуулахыг хүс. Судрын түлхүүр үг хэллэгийг ангийнханд уншиж өг. Тохирох эшлэл бүхий картыг авсан бүлэг бүрийн суралцагч уг картаа багшдаа авчирч өгнө. Бүлэг бүрийг тодорхой хугацааны дотор, жишээ нь таван секундийн дотор зөв картыг багшид авчрахыг хүс. Суралцагчдыг багийнхаа бусад гишүүнд туслахыг урамшуулан дэмж. Суралцагчдыг мөн бүлгийнхээ өөр гишүүнд судрын бүх эшлэл, түлхүүр үг хэллэгийг судлахад нь туслах зорилгоор картуудаа харилцан солилцоход урьж болно.
Мөн тэд санах картаа ашиглах өөрсдийн арга замыг олохоор хоёр хоёроороо эсвэл багаар ажиллаж болно.
Төгсгөлд нь суралцагчдад санах картаа ашигласнаар юу сурч мэдэж, мэдэрсэн талаар хэлэлцэхэд тусал. Дараах асуулт үүнд тусална. Та мөн энэ хичээлд дурдсан төгс эзэмших сургаалын нэг буюу хэд хэдэн хэсгийн үнэ цэнийг олж харахад тусалсан хувийн туршлагаа хуваалцаж болно.
-
Та ямар эшлэл, судрын түлхүүр үг хэллэгийг цээжлэх нь танд хамгийн тустай гэж бодож байна вэ? Яагаад?
-
Эдгээр эшлэл Аврагчийн тухай мөн Түүний сайн мэдээний талаар ямар үнэнийг заадаг вэ?