“3 Нифай 6–7: Бардамнал хагарал, сүйрэл авчирдаг,” Мормоны Номын багшийн гарын авлага (2024)
“3 Нифай 6–7,” Мормоны Номын багшийн гарын авлага
3 Нифай 6–7
Бардамнал хагарал, сүйрэл авчирдаг
Зарим хүн Бурхантай холбоотой гайхамшигтай үйл явдлыг туулсан ч гэлээ эцэст нь Түүнээс нүүрээ буруулдгийг та анзаарч байсан уу? Бурханыг нифайчуудыг Гадиантоны дээрэмчдээс хамгаалсны дараа тэд гэртээ буцаж ирээд, амьдралаа дахин босгож эхлэв. Бардамнал, хагарлаар дамжуулж Сатан хүмүүсийг Бурханыг эсэргүүцэхэд хүргэв. Засгийн газар нуран унаж, хүмүүс овгуудад хуваагдсан хатуу үр дагаварт хүрчээ. Энэ хичээл танд бардамналын нөлөө, Аврагчийг дагаснаар хэрхэн бардамналыг ялан дийлэх талаар илүү сайн ойлгоход тусална.
Суралцагчдад хам сэдэв, агуулгыг ойлгоход тусал. Судруудын хам сэдэв, агуулгыг ойлгох нь суралцагчдыг сүнслэгээр өдөөгдсөн зохиогчдын захиасыг ойлгоход бэлтгэдэг. Хам сэдэв болон агуулга нь үйл явдалд цэдэглэсэн сургаал, зарчмуудыг тодруулж, тайлбарлаж өгдөг. Судруудын зааж буй үнэнийг бүрэн гүйцэд ойлгоход суралцагчдад туслахын тулд хам сэдэв, агуулгыг хэр их онцлох вэ гэдгээ ухаалаг тодорхойл.
Суралцагчийн бэлтгэл: Суралцагчдыг залбирч, судар судлах явцдаа сүнслэг өдөөлтийг танин мэдэхэд туслахыг Тэнгэрлэг Эцэгээс гуйхад урь.
Боломжит суралцах үйл ажиллагаа
Хичээлийг эхлүүлэх нэг арга зам бол эрдэнэшишийн үр, халаасан попкорн (цөцгийн тос уснаас хамгаалдаг тул тосгүй байх хэрэгтэй), аяга ус авчрах юм. Эрдэнэшишийн үр, халаасан попкорныг усанд хийх үед юу болохыг таамаглахад суралцагчдыг урь. Эрдэнэшишийн үр, халаасан попкорныг усанд хий (эрдэнэшишийн үр өөрчлөгдөөгүй үлдэх бол халаасан попкорн нь усанд уусаж эхэлнэ). Суралцагчдад ус нь хилэнцийг, эрдэнэшишийн үр, халаасан попкорн нь бидний нэг бүрийг төлөөлж байгаа гэдгийг хэл. Тэд энэ хичээлийг судалж байхдаа хичээлийн объект, өөрсөдтэйгөө холбоотой хичээлүүдийг олж мэдэж болно. Судалж байх үед нь суралцагч бүрд эрдэнэшишийн үр өг.
Суралцагчдыг дараах асуултад өгсөн хариултаа тайлбарлахад урь:
-
Хэн нэгэн … байх нь боломжтой юу:
-
Баян даруу төлөв?
-
Ядуу бардам?
-
Боловсролтой даруу төлөв?
-
Боловсролгүй бардам?
Өнөө үед зарим хүнийг юу бардам зантай болгоход хүргэж байгаа тухай бод. Бардам зантай байх нь танд, бусдад, нийгэмд хэрхэн нөлөөлдөг вэ? Та судалж байхдаа энэ хичээл таны амьдрал, нөхцөл байдалд хэрхэн хэрэгжихийг тунгаан бод.
Сатаны үргэлжилсэн уруу таталт
Нифайчууд Их Эзэний тусламжтай Гидианхай, Гадиантоны дээрэмчдийг ялсныхаа дараа “бүх ёс бус, мөн нууц, мөн жигшүүрт бүлэглэлүүдэд тийн төгсгөлийн цэг тавьсан билээ” (3 Нифай 5:6). Тэд гэртээ буцаж ирээд, амьдралаа дахин босгож эхлэв. Гэвч Сатан хүмүүсийг өөрийг нь дагахад хууран мэхлэхээр тасралтгүй ажиллав. Богино хугацаанд нифайчууд өөрчлөгдлөө. 3 Нифай 6–7-д Мормон бидэнд Аврагчийг Америк тивд ирэхээс өмнө эцэст нь хүмүүс ихэнх нь сүйрэл дунд үхэхэд хүргэсэн ямар зүйл хийснийг ойлгоход тусалсан (3 Нифай 8-ыг үзнэ үү). Эдгээр сургаал нь мөн яагаад бусад хүн Христийг Өгөөмөр нутаг дахь ариун сүм дээр ирэхэд бэлтгэгдсэн байсныг тайлбарладаг (3 Нифай 11-ийг үзнэ үү).
Дараах хүснэгт нь нифайчуудын богино хугацаанд хийсэн өөрчлөлтийг харахад суралцагчдад тусална. Суралцагчид хүснэгтийг гүйцээх өөр нэг арга бол багц шүлэг бүр дэх хүмүүсийн нөхцөл байдлыг дүрсэлсэн энгийн зураг зурах юм.
Дараахтай адил хүснэгтийг зур. Хэсгүүдийг уншаад, хүмүүсийн нөхцөл байдлын талаар сурч мэдсэн зүйлээ нөхөж бич.
26 дахь жил (3 Нифай 6:4–9) |
29 дэх жил (3 Нифай 6:10–18) |
---|---|
26 дахь жил (3 Нифай 6:4–9) | 29 дэх жил (3 Нифай 6:10–18) |
-
Ийм богино хугацаанд өөрчлөгдөх болсон шалтгаан юу вэ?
-
Эдгээр жишээнээс бид ямар ямар үнэнийг мэдэж авч болох вэ?
Бид бардам байхдаа Сатанд өөрсдийгөө уруу татах, илүү нүгэл үйлдэхэд удирдах хүчийг өгдөг гэсэн нэг үнэнийг та тодорхойлж болох юм.
Бардам байх гэдэг нь ямар утгатай талаар бод. Ерөнхийлөгч Эзра Тафт Бэнсоны (1899–1994) дараах мэдэгдлээс ойлголт олж мэд.
Бардамналын гол шинж бол дайсагнал буюу Бурханы эсрэг, элэг нэгтнүүдийнхээ эсрэг дайсагнах явдал юм. Дайсагнал гэдэг нь “хэн нэгнийг үзэн ядах, өширхөх эсвэл эсэргүүцэх” гэсэн утгатай. Энэ бол биднийг ноёрхохын тулд ашиглахыг хүсдэг Сатаны хүч мөн. (Ezra Taft Benson, “Beware of Pride,” Ensign, May 1989, 4)
-
Яагаад бардам байх нь Сатанд биднийг төөрөлдүүлэх их хүчийг өгдөг гэж та бодож байна вэ?
-
Энэ нь Тэнгэрлэг Эцэг, Есүс Христ хоёрын биднийг урамшуулан дэмждэг аргаас юугаараа ялгаатай вэ?
Бардамналын нөлөө өнгөрсөнд ба одоо
Хүмүүсийн бардамналаас болж нийгмийн бүх хэсэг нөлөөнд нь автаж эхлэв. 3 Нифай 6:20–30-ийг эсвэл 7:1–14-ийг уншаад, хувь хүн, нийгэмд бардамнал хэрхэн нөлөөлсөн жишээг хайж ол.
Жижиг бүлгүүдэд хуваарилагдсан ангийн нэг хагаст 3 Нифай 6:20–30:-ийг, харин нөгөө хагаст 3 Нифай 7:1–14-ийг унших даалгавар өг. Эсвэл суралцагчдыг хэсгүүдээс нэгийг сонгож, уншаад, олж мэдсэн зүйлээ тайлагнахаар бэлдэхэд урь.
Суралцагчдыг дараах асуултад өгсөн хариултуудаа самбар дээр жагсаан бичихэд урь. Суралцагчид хагарал, ёс бус нууц ажиллагаа, зөв шударга хүмүүсийн эсрэг хуйвалдаан, сайн сайхны эсрэг уур хилэн зэрэг зүйлсийг олж болох юм.
-
Та эдгээр шүлгээс бардамналын нөлөөний ямар жишээг олсон бэ?
-
Өнөө цагт Сатан хүмүүсийг илүү нүгэл үйлдэхэд хүргэхийн тулд бардамналыг ямар арга замаар ашигладаг вэ?
Бардамналыг ялан дийлэх
Өөрийн эсвэл бусдын бардамнал танд хэрхэн нөлөөлдөг, та бардамналыг, үүний нөлөөг хэрхэн ялан дийлэх талаар бод.
Хэдий бардамнал маш их сүйрлийн шалтгаан болсон ч зарим хүн бошиглогчийн үгсийг анхааралтай сонсож, Аврагчийг үргэлжлүүлэн дагав.
3 Нифай 7:15–26-г уншаад, Нифай хүмүүст юу заасан, энэ нь тэдэнд хэрхэн нөлөөлснийг олж мэд. Аврагчийг дурдах бүрд тэмдэглэж авах нь тустай байж болох юм.
Суралцагчид дараах асуултад өгсөн хариултаа самбарт бичиж болно. Тэд хариултаа бичиж байхдаа тэдний жагсаан бичсэн хариултуудаар ялан дийлж болох бардамналын нөлөөнүүдийг самбараас арилгаж болно.
Суралцагчид мөн бардамналыг ялан дийлэх нэмэлт арга замуудыг дүрсэлсэн төгс эзэмших сургаалын судрын хэсгүүдийг олж болно.
-
Та эдгээр шүлгээс Аврагч, Түүний сайн мэдээ хүмүүст бардамнал, алдсыг ялан дийлэхэд хэрхэн тусалсан талаар ямар ямар жишээг олж мэдсэн бэ?
Дараах жишээ, асуултууд нь суралцагчдад бардамналын өөрсдөд нь нөлөөлж болох янз бүрийн арга замуудыг мэддэг гэдгээ харуулахын зэрэгцээ Есүс Христийг дагах нь бардамналыг ялан дийлэхэд хэрхэн тусалж болохыг харуулах боломжийг олгох зорилготой. Та суралцагчдадаа илүү утга учиртай болгох замаар жишээг өөрсдөдөө тохируулан өөрчилж болно.
Энэ бол Жим. Тэрээр бардамналын асуудалтай гэдгээ өөрөө хараахан мэдээгүй байгаа.
-
Жимийн амьдралаас түүнийг бардамналын асуудалтай гэх ямар нотолгоог та харж байна вэ?
Суралцагчид 3 Нифай 6–7-той холбоотой зүйлсийг гаргаж ирж болох юм. Жишээлбэл тэр дотроо хүмүүсийг сайн, муу гэсэн бүлгүүдэд хуваан ангилдаг. Мөн тэрээр зарим зүйлийг буруу гэдгийг нь мэдсээр байж үйлддэг, тэдгээрийг нууц хэвээр үлдээдэг. Түүнийг өөрчлөгдөхийг урамшуулан дэмжсэн хүмүүст бухимдлаа илэрхийлдэг. Тэрээр өөрөөс нь хийхийг хүссэн зүйлсийн төлөө эцэг эх, бишопоо байнга шүүмжилдэг.
Асуудлаа анзаарч, амьдралынх нь хамгийн их бухимдуулдаг зүйлс нь түүний бардамналын үр дагавар гэдгийг таньж мэдсэнийхээ дараа тэрээр бардамналаас хэрхэн ангижрах талаар хариулт авахыг хүсэв.
-
Та Жимд бардамналыг ялан дийлэхэд нь туслахын тулд ямар шийдэл санал болгох вэ?
Суралцагчдыг бардамналыг хэрхэн ялан дийлэх талаарх зөвлөгөөнийхөө тухай асууж болох таньдаг хүнтэйгээ холбогдоход урь. Биднийг бардамнал, ёс бусыг ялан дийлэхэд туслах Аврагчийн хүч чадлын талаар гэрчлэлээ хуваалц.