« ការរំឭកចំណេះចំណានខាងគោលលទ្ធិ ទី ១៩ ៖ អនុវត្តវគ្គបទគម្ពីរចំណេះចំណានខាងគោលលទ្ធិ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« ការរំឭកចំណេះចំណានខាងគោលលទ្ធិ ទី ១៩ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
ការរំឭកចំណេះចំណានខាងគោលលទ្ធិ ទី ១៩
អនុវត្តវគ្គបទគម្ពីរចំណេះចំណានខាងគោលលទ្ធិ
ការរៀនអនុវត្តព្រះបន្ទូលនៃព្រះអម្ចាស់ដែលមាននៅក្នុងព្រះគម្ពីរបរិសុទ្ធ អាចផ្ដល់ពរដល់អ្នកតាមរបៀបជាច្រើន ។ មេរៀននេះអាចជួយអ្នកឲ្យអនុវត្តសេចក្តីពិតនៅក្នុងវគ្គបទគម្ពីរចំណេះចំណានខាងគោលលទ្ធិពីពាក់កណ្តាលទីពីរនៃព្រះគម្ពីរមរមន ។
ការចូលរួមអនុវត្តវគ្គបទគម្ពីរចំណេះចំណានខាងគោលលទ្ធិ ។ផ្តល់ឱកាសផ្សេងៗពីគ្នាសម្រាប់សិស្សឲ្យពន្យល់ និងអនុវត្តនូវអ្វីដែលពួកគេបានរៀនសូត្រពីវគ្គបទគម្ពីរចំណេះចំណានខាងគោលលទ្ធិ ។ ជួយសិស្សឲ្យស្វែងយល់ពីការទាក់ទងផ្ទាល់ខ្លួននៅក្នុងវគ្គបទគម្ពីរ ហើយលើកទឹកចិត្តពួកគេឲ្យរស់នៅតាមគោលការណ៍ដែលបានបង្រៀន ។
ការរៀបចំសិស្ស៖ សូមពិចារណាអំពីការអញ្ជើញសិស្សឲ្យជ្រើសរើសវគ្គ ចំណេះចំណានខាងគោលលទ្ធិមួយឬពីរ ហើយធ្វើការលើការទន្ទេញសេចក្តីយោងបទគម្ពីរ និងឃ្លាបទគម្ពីរ គន្លឹះ ។
សកម្មភាពរៀនសូត្រដែលអាចមាន
មេរៀនវគ្គចំណេះចំណានខាងគោលលទ្ធិអាចចាំបាច់ត្រូវបង្រៀនជំនួសឲ្យមេរៀនរំឭកនេះបាន ។ សូមមើលតារាងកាលវិភាគដែលនាយកប្រចាំតំបន់ ឬអ្នកសម្របសម្រួលប្រចាំភូមិភាគផ្តល់ឲ្យ ដើម្បីធានាថាមេរៀនវគ្គបទគម្ពីរចំណេះចំណានខាងគោលលទ្ធិនីមួយៗនឹងត្រូវបានបង្រៀននៅក្នុងអំឡុងពេលដែលថ្នាក់សិក្ខាសាលាកំពុងសិក្សា ។
សន្ទុះ
ដើម្បីចាប់ផ្តើមការសិក្សា ចូរគិតអំពីការអញ្ជើញសិស្សម្នាក់ឲ្យឡើងមកបោះបាល់ ឬកូនឡានក្មេងលេងនៅចំពោះមុខសិស្សទាំងអស់នៅក្នុងថ្នាក់ ។ សូមគិតអំពីការបង្កើតជម្រាលមួយដែលអាចឲ្យបាល់រមៀលចុះក្រោមបាន ដើម្បីពន្យល់បង្ហាញពីរបៀបដែលបាល់បង្កើនសន្ទុះកាន់តែខ្លាំងឡើង ។
សូមស្រមៃមើលថា អ្នកបានបោះ ឬទាត់បាល់ ។ តើមានអ្វីខ្លះដែលអាចធ្វើឲ្យបាល់ហោះទៅបានចម្ងាយ ឬមានសន្ទុះកម្រិតណា ?
សន្ទុះគឺជាមធ្យោបាយមួយរៀបរាប់អំពីភាពខ្លាំង ឬកម្លាំងនៃការបំផ្លាស់ទីរបស់វត្ថុមួយ ។ ឧទាហរណ៍អំពីរឿងនេះ នៅពេលអ្នកជិះកង់ចាប់ផ្តើមធ្វើចលនាដោយអ្នកជិះរុញចេញពីដី ហើយវាបន្តរក្សាសន្ទុះ នៅខណៈពេលដែលអ្នកជិះរក្សាលំនឹងហើយបន្តធាក់ឈ្នាន់កង់ ។ កង់មានសន្ទុះនៅពេលដែលអ្នកជិះបង្កើនការខំប្រឹងធាក់ឈ្នាន់ ឬប្រសិនបើផ្លូវមានជម្រាលចុះក្រោម ។
-
តើមានគំរូណាផ្សេងទៀតអំពីសន្ទុះវិជ្ជមានឬទេ ?
អ្នកប្រហែលជាចង់បង្ហាញសេចក្ដីថ្លែងការណ៍ដូចខាងក្រោមនេះ ។ ការគូសចំណាំពាក្យនិងឃ្លាសំខាន់ៗវាអាចមានប្រយោជន៍នៅពេលសិស្សពិភាក្សាអំពីសំណួរខាងក្រោមនេះ ។
ប្រធាន រ័សុល អិម ណិលសុន បានបង្រៀនថា ៖
យើងពុំធ្លាប់ត្រូវការសន្ទុះ វិជ្ជមាន ខាងវិញ្ញាណដូចជាពេលនេះ ដើម្បីទប់ទល់នឹងល្បឿនដ៏ខ្លាំងរបស់អារក្ស និងសញ្ញាកាន់តែអាក្រក់នៃសម័យនេះដូច្នេះទេ ។ សន្ទុះវិជ្ជមានខាងវិញ្ញាណនឹងរក្សាឲ្យយើងឆ្ពោះទៅមុខ ទោះជាមានជំងឺរាតត្បាត រលកស៊ូណាមី ការផ្ទុះភ្នំភ្លើង និងការប្រយុទ្ធប្រដាប់អាវុធដ៏ភ័យខ្លាច និងមិនប្រក្រតីក្ដី ។ សន្ទុះខាងវិញ្ញាណអាចជួយយើងឲ្យតទល់នឹងការវាយប្រហារដ៏ទុច្ចរិត និងឥតឈប់ឈររបស់ពួកមារសត្រូវ ដែលវាខំបំផ្លាញគ្រឹះខាងវិញ្ញាណរបស់យើងម្ដងបន្ដិចៗ ។ ( រ័សុល អិម ណិលសុន « អំណាចនៃសន្ទុះខាងវិញ្ញាណ » លីអាហូណា ឧសភា ២០២២ ទំព័រ ៩៨ )
-
តើអ្នកនឹងពិពណ៌នាអំពីអត្ថន័យនៃសន្ទុះខាងវិញ្ញាណ និងមូលហេតុដែលយើងត្រូវការវាដោយរបៀបណា ?
វាអាចមានប្រយោជន៍សម្រាប់សិស្សកត់ត្រាគំនិតរបស់ពួកគេអំពីសំណួរស្វ័យវាយតម្លៃដូចខាងក្រោមនេះ ។ នៅពេលដែលបានបំផុសគំនិតដោយព្រះវិញ្ញាណសូមពិចារណាអញ្ជើញសិស្សឲ្យចែកចាយការយល់ដឹងរបស់ពួកគេ ។
-
តើផ្នែកណាខ្លះនៃជីវិតរបស់អ្នក ដែលអ្នកគិតថាអ្នកត្រូវការសន្ទុះខាងវិញ្ញាណបន្ថែមទៀត ? តើអ្នករំពឹងថា អ្នកនឹងទទួលបានអត្ថប្រយោជន៍អ្វីខ្លះ ?
បង្កើនសន្ទុះខាងវិញ្ញាណ
វគ្គបទគម្ពីរចំណេះចំណានខាងគោលលទ្ធិបង្រៀនពីគោលលទ្ធិពិតដែលជួយឲ្យយើងរៀនសូត្រអំពីព្រះយេស៊ូវគ្រីស្ទ និងដំណឹងល្អរបស់ទ្រង់ ។ នៅពេលដែលយើងដើរតាមទ្រង់ដោយសេចក្ដីជំនឿ នោះយើងអាចបង្កើតនិងបង្កើនសន្ទុះខាងវិញ្ញាណក្នុងជីវិតរបស់យើងបាន ។
សូមផ្តល់ពេលឲ្យសិស្សគ្រប់គ្រាន់ដើម្បីបំពេញសកម្មភាពខាងក្រោម ។ អ្នកប្រហែលជាចង់ឲ្យសិស្សដែលមានតម្រូវការខាងសិក្សាធ្វើការជាមួយដៃគូម្នាក់ ។ សូមពិចារណាថតចម្លងសំណៅចែកឲ្យសិស្សប្រើប្រាស់ក្នុងអំឡុងពេលធ្វើសកម្មភាពនេះ ។
ប្រសិនបើអ្នកជ្រើសរើសមិនប្រើប្រាស់ឯកសារមេរៀននេះ នោះអ្នកប្រហែលជាចង់គូររូបភាពខាងក្រោមនេះនៅលើក្តារខៀន។
ការទទួលបានសន្ទុះខាងវិញ្ញាណតាមរយៈចំណេះចំណានខាងគោលលទ្ធិ
ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )—« ការរំឭកចំណេះចំណានខាងគោលលទ្ធិ ទី ១៩°៖ អនុវត្តវគ្គបទគម្ពីរចំណេះចំណានខាងគោលលទ្ធិ »
សូមស្រមៃថា បើអ្នកជាអ្នកជិះកង់វិញ ហើយផ្លូវជិះកង់តំណាងឲ្យជីវិតរបស់អ្នក ។ អ្នកអាចកត់សម្គាល់ទៅលើលក្ខណៈដែលជាផ្នែកដំបូងនៃផ្លូវរបស់អ្នក គឺធ្វើដំណើរទៅត្រង់ ប៉ុន្តែបន្ទាប់មកអ្នកក៏ជួបប្រទះនឹងឧបសគ្គ និងចំណោទដែលតម្រូវឲ្យខំប្រឹងបន្ថែមខ្លាំងជាងមុនដើម្បីអាចបន្តទៅមុខទៀតបាន ។ សូមគិតអំពីសន្ទុះខាងវិញ្ញាណដែលអ្នកត្រូវការ ដើម្បីបន្តដំណើរជីវិតរបស់អ្នកដែលអ្នកអាចនឹងជួបប្រទះឧបសគ្គ និងបញ្ហាប្រឈមនានាឲ្យបានជោគជ័យ ។
សូមសិក្សាពីឃ្លាបទគម្ពីរចំណេះចំណានខាងគោលលទ្ធិដែលអ្នកសិក្សាកន្លងមក ហើយដោយរកមើលវគ្គបទគម្ពីរដែលទាក់ទងនឹងដំណើរជីវិតផ្ទាល់ខ្លួនរបស់អ្នក ។ នៅជាប់នឹងលេខដែលត្រូវគ្នានៅលើគំនូររបស់អ្នក សូមសរសេរសេចក្ដីយោងទៅកាន់វគ្គបទគម្ពីរចំណេះចំណានខាងគោលលទ្ធិដែលមាន ឬអាចជួយអ្នកបាន ៖
-
រក្សាសន្ទុះខាងវិញ្ញាណ និងដំណើរការរីកចម្រើនប្រចាំថ្ងៃ ។
-
នៅពេលអ្នកជឿនិងធ្វើសកម្មភាពដោយផ្អែកលើសេចក្តីពិតដែលវគ្គបទគម្ពីរនេះបង្រៀន នោះអ្នកអាចចៀសផុតឬយកឈ្នះលើឧបសគ្គមួយបានយ៉ាងងាយស្រួល ។
-
សូមពឹងផ្អែកលើព្រះចេស្ដារបស់ព្រះអង្គសង្គ្រោះ ហើយពុះពារក្រោកឈរឡើងដើម្បីសម្រេចឲ្យបានគោលដៅខាងវិញ្ញាណរបស់អ្នក ។
សម្រាប់វគ្គបទគម្ពីរចំណេះចំណានខាងគោលលទ្ធិនីមួយៗដែលអ្នកបានជ្រើសរើស និងដាក់បញ្ចូលនៅលើគំនូររបស់អ្នក សូមកត់ត្រាគំនិតរបស់អ្នកប្រហែលឲ្យបានយ៉ាងហោចណាស់គំនិតមួយក្នុងចំណោមគំនិតខាងក្រោមនេះ ៖
-
បទពិសោធន៍មួយ នៅពេលដែលអ្នកយល់ពីសេចក្តីពិត និងសារៈសំខាន់នៃវគ្គបទគម្ពីរចំណេះចំណានខាងគោលលទ្ធិ ។
-
របៀបដែលអ្នកអាចអនុវត្តនូវគោលលទ្ធិ ឬគោលការណ៍នៃវគ្គបទគម្ពីរនេះឲ្យបានកាន់តែល្អប្រសើរនៅក្នុងជីវិតរបស់អ្នក ។
-
មូលហេតុដែលអ្នកគិតថាវគ្គបទគម្ពីរនេះនឹងផ្ដល់ពរដល់អ្នកដោយព្រះចេស្ដារបស់ព្រះអង្គសង្គ្រោះ និងបង្កើនសន្ទុះខាងវិញ្ញាណរបស់អ្នក ។
-
របៀបដែលគោលលទ្ធិនេះបានបង្កើនសេចក្ដីស្រឡាញ់របស់ចំពោះព្រះវរបិតាសួគ៌ និងព្រះយេស៊ូវគ្រីស្ទ ។
© ឆ្នាំ ២០២៣ by Intellectual Reserve, Inc. All rights reserved.
ដើម្បីជួយសិស្សឲ្យមានទំនុកចិត្តដើម្បីធ្វើការដោយខ្លួនពួកគេ សូមគិតពិចារណាដោយផ្តល់ជាឧទាហរណ៍ដល់ពួកគាត់ តាមរយៈការសរសេរសេចក្ដីយោងបទគម្ពីរនៅជាប់នឹងលេខដែលត្រូវមួយ ហើយធ្វើការពិភាក្សាជាមួយសិស្សអំពីរបៀបដែលអាចយកវគ្គបទគម្ពីរទៅអនុវត្តនៅក្នុងតំបន់នោះបាន ។
សូមគិតពិចារណាទៅលើការបង្ហាញ ឬការផ្តល់តារាងខាងក្រោមឲ្យសិស្សទុកជាធនធានដល់ពួកគេ នៅពេលពួកគេបន្តសិក្សាមេរៀននេះ ។
ចំណេះចំណានខាងគោលលទ្ធិនៃព្រះគម្ពីរមរមន ៖ អាលម៉ា–មរ៉ូណៃ
ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
|
សេចក្តីយោងបទគម្ពីរ |
ឃ្លាបទគម្ពីគន្លឹះ |
|---|---|
សេចក្តីយោងបទគម្ពីរ | ឃ្លាបទគម្ពីគន្លឹះ « ហើយទ្រង់នឹងយាងទៅដោយរងការឈឺចាប់ និងទុក្ខវេទនា និងការល្បួងគ្រប់បែបយ៉ាង » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « ជាការចាំបាច់ត្រូវតែមានដង្វាយធួនមួយកើតឡើង … ការបូជាមួយដ៏និរន្តរ៍ និងអស់កល្បជានិច្ច » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « កុំទៅតាមសេចក្តីសម្រើបនៃភ្នែករបស់ខ្លួនទៀតឡើយ » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « សេចក្ដីទុច្ចរិតពុំដែលជាសុភមង្គលឡើយ » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « គឺនៅលើសិលានៃព្រះដ៏ប្រោសលោះនៃយើង…ដែលកូនត្រូវសង់គ្រឹះរបស់កូន » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « យើងបានធ្វើការនេះ ដោយបានស៊ូទ្រាំតាមព្រះហឫទ័យនៃព្រះវរបិតាចំពោះគ្រប់ការណ៍ទាំងអស់ ចាប់តាំងពីដើមដំបូងមក » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « យើងចង់ឲ្យអ្នករាល់គ្នាបានល្អឥតខ្ចោះដូចជាយើង ឬដូចជាព្រះវរបិតារបស់អ្នករាល់គ្នាដែលគង់នៅស្ថានសួគ៌ » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « ចូរមករកយើង ហើយទទួលបុណ្យជ្រមុជទឹក … ប្រយោជន៍ឲ្យអ្នករាល់គ្នាអាចបានញែកចេញបរិសុទ្ធ ដោយការទទួលនូវព្រះវិញ្ញាណបរិសុទ្ធ » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « អ្នករាល់គ្នាពុំទទួលសាក្សីឡើយ លុះដល់ពេលក្រោយពីការសាកល្បងនៃសេចក្តីជំនឿរបស់អ្នកសិន » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « បើមនុស្សលោកមករកយើង … យើងនឹងធ្វើឲ្យអ្វីដែលទន់ខ្សោយក្លាយទៅជាខ្លាំងពូកែចំពោះពួកគេវិញ » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « ប៉ុន្តែ សេចក្ដីសប្បុរស គឺជាសេចក្ដីស្រឡាញ់ដ៏សុទ្ធសាធនៃព្រះគ្រីស្ទ » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « សូមសួរដល់ព្រះជាព្រះវរបិតាដ៏គង់នៅអស់កល្បជានិច្ចដោយនូវព្រះនាមនៃព្រះគ្រីស្ទ … [ និង ] ដោយព្រះចេស្ដានៃព្រះវិញ្ញាណបរិសុទ្ធ នោះអ្នករាល់គ្នាអាចស្គាល់សេចក្ដីពិតនៃគ្រប់ការណ៍ទាំងអស់ » ។ |
© ឆ្នាំ ២០២៣ by Intellectual Reserve, Inc. All rights reserved.
នៅពេលសិស្សបញ្ចប់ការសិក្សាហើយ សូមពិចារណាដោយអញ្ជើញពួកគេឲ្យចែកចាយវគ្គបទគម្ពីរដែលមានឥទ្ធិពលខ្លាំងបំផុតដល់ពួកគេ ។ សូមស្តាប់ដោយយកចិត្តទុកដាក់ ហើយសួរសំណួរបន្ថែមទៀត ដើម្បីជួយសិស្សឲ្យយល់ដឹងកាន់តែស៊ីជម្រៅចំពោះរបៀបដែលព្រះអម្ចាស់អាចជួយដល់ពួកគេក្នុងការបង្កើនសន្ទុះខាងវិញ្ញាណរបស់ពួកគេ ។ សូមលើកទឹកចិត្តដល់ពួកគេឲ្យចែកចាយទីបន្ទាល់របស់ពួកគេអំពីព្រះអម្ចាស់ និងរបៀបដែលពួកគេអាចប្រែក្លាយកាន់តែដូចជាទ្រង់ ។