3 Нифай 18:15–39; 19:19–29

“Үргэлж залбир”

Олон хүн өдөр бүр залбирдаг. Зарим залбирал бусдаас илүү утга учиртай байж болно. Есүс Христ дагагчдадаа “Эцэгт үргэлж залбирах ёстой” (3 Нифай 18:19) талаар зааснаас гадна хэрхэн залбирахыг харуулсан. Энэ хичээл танд Есүс Христийн сургаал мөн үлгэр жишээг дагаж, үргэлж мөн илүү утга учиртай залбирахад тусална.

Суралцагчдынхаа төлөө тогтмол залбирах. Тэнгэрлэг Эцэг суралцагч бүрийг тань нэг бүрчлэн мэднэ. Та Түүнд суралцагчдынхаа талаар залбирснаар Тэр тэдний хэрэгцээ шаардлагыг ойлгож мэдэхэд тань тусалж, тэдний хэрэгцээ шаардлагыг хангах арга замуудыг санал болгож болно. Хичээлээ төлөвлөж, зааж байхад тань ирж болох өдөөлтийг сонсоорой.

Суралцагчийн бэлтгэл: Суралцагчдыг ерөнхийлөгч М.Рассэлл Баллардын “Залбирч, ямагт сэргэг байгтун” (Лиахона, 2020 оны 10-р сарын Ерөнхий чуулган, 81–84) үгийг унших юм уу сонсож, хувиараа залбирахад нь тусалж болох үнэнийг олж мэдэхэд урь.

Боломжит суралцах үйл ажиллагаа

Жишээ

Дараах өгүүлбэрийн зарим үгийг хоосон орхиж самбарт бичээд, хэд хэдэн суралцагчид хоосон орон зайг хэрхэн бөглөхөө хуваалцахыг зөвшөөр.

Авьяас чадвар, ур чадвараа эсвэл хөгжүүлэхийг хүсэж байгаа зан чанарынхаа талаар бод. Ийм авьяас чадвар, ур чадвар, зан чанарыг эзэмшсэн таньдаг хүмүүсээ тодорхойл. Ийн дараах хоосон зайг хэд хэдэн аргаар нөхөж гүйцээ.

• Хэрэв би -ийг сурахыг хүсвэл жишээг учраас дагах болно.

Дараах дасгалыг өгүүлбэрийн эхний хоосон хэсэгт Аврагчаас сурахыг хүссэн зүйлээ бичиж, сүүлийн хоосон хэсэгт яагаад сурмаар байгаагаа бичиж давт.

• Хэрэв би -ийг сурахыг хүсвэл Есүс Христийн жишээг дагах болно. Учир нь

Аврагч Америк тивд тохинуулал хийж байхдаа хүмүүст үг, үлгэр жишээгээрээ заасан.

3 Нифай 18:16, 24-ийг уншаад, Есүсийн үзүүлсэн үлгэр жишээг олж мэд.

• Аврагч хүмүүсийг Өөрийнх нь үлгэр жишээнээс юу сураасай хэмээн хүссэн бэ?

Суралцагчид дараах хэмжүүрийг ашиглан, одоо хэрхэн залбирч байгаадаа үнэлгээ өгч болно. Үүнийг хийх нь Аврагчийн сургаал мөн үлгэр жишээ хувийн залбирлыг нь хэрхэн сайжруулахыг мэдэхэд туслах Ариун Сүнсийг урьж болно.

Дараахыг 1-ээс 5 хүртэлх оноогоор үнэл. Хамгийн дээд үнэлгээ нь 5 байна. Үүнд:

• Би өдөр бүр залбирдаг.

• Бид залбирч байхдаа Тэнгэрлэг Эцэгтэй харилцаж, ойр байгаагаа мэдэрдэг.

• Надад хувийн залбирлаа сайжруулах хүсэл төрж байна.

Суралцагчдыг утга учиртай залбирахад тохиолддог нийтлэг сорилт бэрхшээлийн талаар, жишээ нь, залбирахдаа цаг гаргах, юу хэлэхээ мэдэхгүй байх, хариулт олох эсвэл бусад сорилтын талаар ярилцахад урь. Суралцагчид дараа нь судруудыг судлах явцдаа шийдлийг хайж болно.

Та 3 Нифай 18-ыг үргэлжлүүлэн судлахдаа хувийн залбирлаа сайжруулахын тулд юу хийх ёстойгоо мэдэхэд тань туслах Ариун Сүнсний сүнслэг өдөөлтийг эрэлхийл. Та сайжруулахыг эрэлхийлж байхдаа Есүс Христийн сургаал, үлгэр жишээг дага.

Залбирлын тухай Аврагчийн сургаал

3 Нифай 18:15, 18–23-ыг уншаад, залбирлын тухай Аврагчийн юу гэж заасныг олж мэд. Мөн та 3 Нифай 13:5–13-аас Аврагчийн ариун сүм дэх номлолоос залбирлын талаарх зааврыг уншиж болно.

Суралцагчид дараах өгүүлбэрийг самбарт гүйцээж болно.

• Би … Аврагчийн сургаалыг дагаж чадна.

Аврагчийн сургаалыг ярилцахад хангалттай цаг гарга. Ярилцлагыг суралцагчдад хэрэгтэй гэж санагдсан зүйл рүү нь хандуулахад бэлэн бай. Жишээлбэл: Ангиараа залбирах нь хэрхэн уруу таталтыг эсэргүүцэхэд тусалдаг, хэрхэн гэр бүлийг адисалдаг, залбирч байхдаа хэрхэн адислал гуйж болох талаар ярилцах цаг гаргаж болно. Та Лук 11:1–13-аас залбирлын талаарх Аврагчийн сургаалыг илүү их судалж болно.

Мөн та “Тайлбар ба нөхцөл байдлын талаарх мэдээлэл” хэсэгт байгаа зарим мэдэгдлийг ярилцлагын нэг хэсэг болгож ашиглаж болно.

• Залбирлын тухай Есүсийн аль сургаал танд хамгийн их тусалж чадна гэж бодож байна вэ? Яагаад?

Аврагчийн залбирсан жишээ

Есүс Христ таны төлөө залбирч байхыг сонсоход ямар байхыг төсөөлөн бод. Тэрээр таны өмнөөс юу гэж залбирах байсан гэж та бодож байна вэ? Өөрт төрж буй мэдрэмжээ болон тэрхүү мэдрэмж таны залбиралд хэрхэн нөлөөлж болох талаар бод.

Та суралцагчдыг жижиг бүлгүүдэд хуваарилаад, бүлэг тус бүрээр дараах багц шүлгээс нэгийг нь судлуулаад, тайлагнуулж болно.

Суралцагчдад Есүс хэнд хандан залбирсан, хэний төлөө залбирсан, юуны төлөө залбирсан, яагаад залбирсан, Түүний залбирлын хандлага гэх мэтийг олж мэдэхэд нь тусал. Үүнийг гүйцэтгэх нэг арга нь “Хэн?” гэсэн асуултад суралцагчдаас хариулт авах юм. “Юу?” “Яагаад?”, “Яаж?”

Есүсийн яагаад залбирсан тухай ярилцахдаа та Есүсийн залбирсан шалтгаануудын нэг нь хайртай Эцэгтэйгээ харилцах явдал байсан гэдгийг олж мэдэхэд нь суралцагчдад тусалж болно.

 

• 3 Нифай 17:14–17

• 3 Нифай 19:19–23

• 3 Нифай 19:27–29

• Maтай 26:39–42

• Иохан 17:1, 4, 8–9

• Сургаал ба Гэрээ 45:3–5

Суралцагчдыг самбар дээрх өгүүлбэрийг гүйцээхэд урь.

• Би … Аврагчийн жишээг дагаж чадна.

• Аврагч таныг юу гэж боддог талаар та юу сурч мэдсэн бэ?

• Түүний үлгэр жишээг дагах нь таны залбиралд ямар өөрчлөлт үзүүлнэ гэж та бодож байна вэ?

Бидний хувиараа хийдэг залбирал

Суралцагчдад залбиралтай холбоотой утга учиртай туршлагаа бодоход тусал. Суралцагчид хэзээ уруу таталтыг эсэргүүцэж, сорилт бэрхшээлдээ туслуулахын тулд залбирсан тухайгаа бодож болно. Тэд залбирснаар гэр бүл нь адислагдсан, өөр хэн нэгний төлөө залбирсан эсвэл адислал гуйсан үеийнхээ тухай бодож болно. Залбирал өөрсдийг нь хэрхэн адисалсан талаар хуваалцахад суралцагчдыг урь. Хэт хувийн эсвэл ариун нандин туршлагаа хуваалцахгүй байхыг суралцагчдад сануул.

Та Аврагчийн үлгэр жишээг мөн залбирлын талаарх сургаалыг дагаснаар хэрхэн адислагдсанаа суралцагчдад хуваалц. Самбар дээрх бүрэн мэдэгдлүүдийг хараад, Аврагчийн сургаал, үлгэр жишээ өмнө дурдсан залбирлын сорилтыг даван туулахад хэрхэн тусалж болохыг ярилц.

Та залбирахдаа оруулж болох Аврагчийн нэг сургаалыг эсвэл залбирлаар үлгэрлэсэн ямар нэг зүйлийг сонго. Сануулах тохиргоо тавиад, өнөөдрөөс хэрэгжүүлж эхэл. Ингэхдээ энэ нь таны залбирлыг илүү утга учиртай болгоход хэрхэн тусалсныг мөн Тэнгэрлэг Эцэгтэй харилцах харилцаанд тань хэрхэн нөлөөлж байгааг анзаар.

Өнөөдөр суралцсан зарим зүйлээ судлах тэмдэглэлийнхээ “Есүс Христийн тухай 3 Нифайгаас суралцах нь” сэдвийн доор нэмж болно.

Та суралцагчдыг судлах тэмдэглэлийнхээ “Есүс Христийн тухай 3 Нифайгаас суралцах нь” сэдвийн доор нэмэхэд урьж болно.

Тайлбар ба нөхцөл байдлын талаарх мэдээлэл

Залбирал гэр бүлийг хэрхэн адисалдаг вэ?

Тэргүүн Зөвлөлийн ерөнхийлөгч Хэнри Б.Айринг ийн хуваалцсан.

Та гэр бүлийн гишүүдтэйгээ хамт мөн тэдний төлөө залбирахдаа тэднийг хайрлах Аврагчийн болон өөрийн хайрыг мэдэрнэ. Үүнийг эрэлхийлэх тусам энэ нь улам бүр таны сүнслэг бэлэг болох болно. Таныг илүү агуу итгэлээр залбирах үед гэр бүлийн гишүүд тань таны хайрыг мэдрэх болно. (Хэнри Б.Айринг, “Эмэгтэйчүүд ба гэр орондоо сайн мэдээнээс суралцах нь,” 2018 оны 10-р сарын Ерөнхий чуулган, 135)

Би юуны төлөө залбирч болох вэ?

Арван хоёр төлөөлөгчийн чуулгын ерөнхийлөгч М.Рассэлл Баллард ийн заасан.

Би та бүхнийг байнга залбираасай гэж урьж байна. Гэр бүлийнхээ төлөө залбир. Улс үндэстнийхээ удирдагчдын төлөө залбир. Дэлхийн баян, хоосон, хөгшин, залуу, бүх хүнийг хамарсан нийгэм, байгаль орчин, улс төр, биологийн тахлын эсрэг одоо хийгдэж буй тэмцлийн тэргүүн эгнээнд яваа зоригтой хүмүүсийн төлөө залбир.

Аврагч бидэнд хэний ч төлөө залбирч болно хэмээн заасан. Тэрээр “Дайснуудаа хайрла, чамайг зүхэх тэднийг адисал, чамайг үзэн ядах тэдэнд сайныг үйлд, мөн чамайг хүнлэг бусаар ашиглах мөн чамайг хавчин гадуурхах тэдний төлөө залбир” [Матай 5:44] хэмээсэн. (M.Рассэлл Баллард, “Залбирч, ямагт сэргэг байгтун,” 2020 оны 10-р сарын Ерөнхий чуулган, 82)

Арван хоёр төлөөлөгчийн чуулгын ахлагч Дэвид А.Бэднар ийн тунхагласан.

Бид хувийн амьдралдаа хүлээн авахыг хүсдэг адислалуудыг Тэнгэрлэг Эцэгээс гуйн залбирах нь сайн бөгөөд зүй ёсных юм. Гэвч бусдын хүмүүсийн төлөө бидний хайрладаг хүмүүс, бас биднийг хайрладаг хүмүүс аль алиных нь төлөө чин сэтгэлээсээ залбирах нь утга учиртай залбирлын чухал элемент болдог. Бид залбиралдаа аль болохоор олон удаа талархал илэрхийлж байх нь илчлэлтийг улам олон удаа, илүү хүчтэйгээр хүлээн авах бидний чадварыг нэмэгдүүлнэ. Иймээс бусад хүний төлөө бодгалийнхаа бүх эрч хүчээр залбирах нь Их Эзэний дуу хоолойг сонсож, анхаарах бидний чадварыг дээшлүүлдэг. (Дэвид А.Бэднар, “Үргэлж залбир,” 2008 оны 10-р сарын Ерөнхий чуулган, 52)

Бид яагаад Тэнгэрлэг Эцэгт хандан залбирдаг вэ?

Бид Тэнгэрлэг Эцэгт хандан залбирах заавар авсан. Бид Есүс Христэд болон өөр ямар ч хүнд хандан залбирдаггүй. Тэнгэрлэг эцэг эхтэйгээ ойр байгаагаа мэдрэхийн тулд зарим хүн Тэнгэрлэг Эхэд залбирах хүсэлтэй байж магад. Сүмийн удирдагчид Есүс Христийн жишээг онцлон энэ асуудлыг хөндсөн.

Арван хоёр төлөөлөгчийн чуулгын ахлагч Дэйл Г.Рэнланд ийн заасан.

Аврагч шавь нартаа “та нар миний нэрээр Эцэгт үргэлж залбирах ёстой” (3 Нифай 18:19) хэмээн заасан. Бид энэхүү загварыг дагаж, Христийн нэрээр Тэнгэрлэг Эцэгээ шүтэн биширдэг бөгөөд Тэнгэрлэг Эхэд хандан залбирдаггүй. (Дэйл Г.Рэнланд, “Таны бурханлаг шинж чанар ба мөнхийн хувь тавилан” Лиахона, 2022 оны 5-р сар, Лиахона, 75)

3 Нифай 19:18, 22. Шавь нар яагаад Есүст хандан залбирсан бэ?

Арван хоёр төлөөлөгчийн чуулгын ахлагч Брүс Р.Макконки (1915–1985) ийн тайлбарласан.

Яагаад үүнийг энэ тохиолдолд нэг удаа хийх болсон нь онцгой шалтгаантай байсан. Есүс тэдний эхэлж хийж байсан шиг, Эцэгт хандан Түүний нэрээр залбир гэдгийг аль хэдийн заасан байв. … Есүс Эцэгийн бэлгэ тэмдэг болж, тэдний өмнө зогсож байсан. … Түүнийг харах нь тэд яг Эцэгийг харж байгаа шиг байсан ба энэ нь тэд яг Эцэгт хандан залбирч байгаа юм шиг байжээ. Энэ бол онцгой, өвөрмөц үйл явдал байв. (Bruce R. McConkie, The Promised Messiah: The First Coming of Christ [1978], 560–561)

Нэмэлт суралцах үйл ажиллагаа

Залбирсан туршлага

Суралцагчдыг залбирлын талаар туршлагаа хуваалцахад бэлтгэхийн тулд Ямайка дахь Аммон хэмээх залуугийн тухай нийтлэлийг хуваалцах талаар бодож үз, (“Connect,” For the Strength of Youth, June 2021, inside front cover)-ийг эсвэл “Prayer” (4:12)-ыг үзнэ үү)

3 Нифай 18:15, 18. “Чөтгөрөөр уруу татагдаж, мөн та нар түүгээр боолчлогдон удирдагдах болуузай хэмээн та нар үргэлж сэрэмжилж мөн залбирах ёстой”

Суралцагчдад уруу таталтыг эсэргүүцэхийн тулд залбирснаар ирэх ач холбогдол, үнэ цэнийг ойлгоход нь туслах үүднээс 3 Нифай 18:15, 18 шүлгийг судалж, дараах Матай 26:41; Алма 34:39; Сургаал ба Гэрээ 10:5; 20:33; 61:39 шүлгүүдтэй холбож болно.

Залбирал нь уруу таталтыг эсэргүүцэхэд бидэнд хэрхэн тусалж болох талаар суралцагчдад ойлгуулахын тулд шүхэр, цув, хос бээлий эсвэл бусад хамгаалалтын хувцас үзүүлж болно. Тэдгээр нь хэрхэн биднийг хамгаалдаг мөн тэдгээрийг өмсөж, хэрэглэх нь залбиралтай хэрхэн адил байж болох талаар ярилц.

3 Нифай 18:22–25, 30-35. “Тийм нэгэнд та нар үргэлжлүүлэн тохинуулах болно”

Суралцагчдад бусдад тохинуулах тухай ярилцах нь тустай байж болно. Тэднийг гэр бүлийнхээ эсвэл тойрог, салбарынхаа сайн мэдээний адислалуудыг бүрэн хүртэж чадахгүй байгаа хүмүүсийн талаар бодоход урь. 3 Нифай 18:22–25, 30–32-ыг уншаад, хэрхэн туслах талаар Аврагчийн юу заасныг олж мэд. Аврагчийн сургаал, бусдад тохинуулж болох арга замуудын талаар ярилц.

3 Нифай 19:24. “Тэд юу гэж залбирах нь тэдэнд өгөгдсөн байв”

Заримдаа бид юуны төлөө залбирахаа мэдэхгүй хэцүүдэж, бидний залбирал давтагдсан мэт санагдана. 3 Нифай 19:24, Ромчууд 8:26-г уншаад, Ариун Сүнс юуны төлөө залбирах талаар бидэнд хэрхэн сүнслэг өдөөлт өгөх талаар ярилц. Суралцагчдыг Ариун Сүнс тэдний залбиралд сүнслэг өдөөлт өгч болохын тулд юу хийж болохоо хуваалцахад урь. Жишээлбэл, тэд залбирлын өмнө судлах тэмдэглэлдээ санаагаа бичиж эсвэл юуны төлөө залбирахаа тунгаан бодох гэх мэт үйлдэл хийж болно. Суралцагчид мөн энэ адислалыг хүлээн авсан хувийн туршлагаа хуваалцаж болно.

Өглөө, оройн залбирал

Суралцагчдад өглөө, оройн залбирлын хоорондын уялдаа холбоог олж харах нь тустай бол ахлагч Дэвид А.Бэднарын хэлсэн “Үргэлж залбир” (2008 оны 10-р сарын Ерөнхий чуулган, 53) үгээс судалж болно. Мөн ангиараа түүний хэлсэн үгийг цагийн код 1:56-аас 5:55 хүртэл үзэж болно.