Përsëritja 20 e Zotërimit Doktrinor

Mësoni Përmendsh

e re duke studiuar shkrimet e shenjta

Ky mësim do të të japë një mundësi për t’i mësuar përmendsh referencat e zotërimit doktrinor dhe frazat e tyre kyç të shkrimit të shenjtë dhe madje të mësosh përmendsh fragmente të plota.

Ndihma ndaj nxënësve për ta kuptuar rëndësinë e të mësuarit përmendsh. Kërkoni mundësi për t’i nxitur nxënësit ta mësojnë përmendsh shkrimin e shenjtë. Ndihmojini ata ta shohin se si mësimi përmendsh i shkrimit të shenjtë mund t’i forcojë ata ndaj tundimit dhe ta forcojë marrëdhënien e tyre me Atin Qiellor dhe Jezu Krishtin.

Përgatitja e nxënësve: Ftojini nxënësit t’i shqyrtojnë 12 fragmentet e fundit të zotërimit doktrinor të Librit të Mormonit dhe ta zgjedhin njërin (ose disa fraza kyç të shkrimit të shenjtë) që ata e ndiejnë se do të ishte i dobishëm ta mësonin përmendsh. Kërkojuni atyre të vijnë të përgatitur për t’i treguar rrethanat në të cilat mësimi përmendsh i këtij fragmenti (ose këtyre frazave) mund t’i ndihmojë dhe përse.

Veprimtari të Mundshme të të Mësuarit

Në vend të këtij mësimi përsëritjeje mund të nevojitet të jepet një mësim për fragmentin e zotërimit doktrinor. Referojuni udhëzuesit të ritmit mësimor të ofruar nga drejtori apo bashkërenduesi zonal ose rajonal për t’u siguruar që çdo mësim për fragmentin e zotërimit doktrinor, të jepet gjatë zhvillimit të seminarit.

Ne mund ta ndjekim shembullin e Shpëtimtarit duke i mësuar përmendsh shkrimet e shenjta

Sa vijon ka për qëllim t’i ndihmojë nxënësit ta ndjekin shembullin e Jezu Krishtit dhe të gjejnë nxitje për t’i mësuar përmendsh shkrimet e shenjta. Ju mund të tregoni një figurë të Shpëtimtarit ndërkohë që e diskutoni shembullin e Tij.

Shpëtimtari

• Cilat janë disa mënyra se si mund ta ndjekim shembullin e Jezu Krishtit?

Një mënyrë se si mund ta ndjekim shembullin e Jezu Krishtit është duke i mësuar përmendsh shkrimet e shenjta. Shpëtimtari i përdori shkrimet e shenjta të mësuara përmendsh për ta kapërcyer tundimin (shih te Mateu 4:1–11) dhe për t’u dhënë mësim të tjerëve (shih te Lluka 24:27; 3 Nefi 22).

• Cilat janë disa situata në të cilat shkrimet e shenjta të mësuara përmendsh do të ishin të dobishme?

Ndërsa i mëson përmendsh fragmentet e shkrimit të shenjtë për zotërimin doktrinor ose frazat kyç të shkrimit të shenjtë, kujto se ti po e ndjek shembullin e Jezu Krishtit.

Zotërimi Doktrinor për Librin e Mormonit: Alma–Moroni

Manual i Mësuesit për Librin e Mormonit (2024)

Referenca e Shkrimit të Shenjtë	Fraza Kyç e Shkrimit të Shenjtë
Referenca e Shkrimit të Shenjtë Alma 7:11–13	Fraza Kyç e Shkrimit të Shenjtë “Dhe ai do të shkojë përpara, duke vuajtur dhimbje dhe hidhërime dhe tundime të çdo lloji.”
Referenca e Shkrimit të Shenjtë Alma 34:9–10	Fraza Kyç e Shkrimit të Shenjtë “Duhet të bëhet një shlyerje, … një flijim i pafundmë dhe i përjetshëm.”
Referenca e Shkrimit të Shenjtë Alma 39:9	Fraza Kyç e Shkrimit të Shenjtë “Mos shko më pas epsheve të syve të tua.”
Referenca e Shkrimit të Shenjtë Alma 41:10	Fraza Kyç e Shkrimit të Shenjtë “Ligësia kurrë nuk ka qenë lumturi.”
Referenca e Shkrimit të Shenjtë Helamani 5:12	Fraza Kyç e Shkrimit të Shenjtë “Është mbi shkëmbin e Shëlbuesit tonë … që ju duhet të ndërtoni themelin tuaj.”
Referenca e Shkrimit të Shenjtë 3 Nefi 11:10–11	Fraza Kyç e Shkrimit të Shenjtë “Unë kam plotësuar vullnetin e Atit në të gjitha gjërat që nga fillimi.”
Referenca e Shkrimit të Shenjtë 3 Nefi 12:48	Fraza Kyç e Shkrimit të Shenjtë “[Ji]ni të përkryer, madje, sikurse jam unë, ose të përkryer si Ati juaj që është në qiell.”
Referenca e Shkrimit të Shenjtë 3 Nefi 27:20	Fraza Kyç e Shkrimit të Shenjtë “Ejani tek unë dhe pagëzohuni … që të shenjtëroheni nëpërmjet marrjes së Frymës së Shenjtë.”
Referenca e Shkrimit të Shenjtë Ethëri 12:6	Fraza Kyç e Shkrimit të Shenjtë “Ju nuk do të merrni asnjë dëshmi, deri pas provës së besimit tuaj.”
Referenca e Shkrimit të Shenjtë Ethëri 12:27	Fraza Kyç e Shkrimit të Shenjtë “Në qoftë se njerëzit vijnë tek unë, … atëherë unë do të bëj që gjërat e dobëta, të bëhen të forta në ta.”
Referenca e Shkrimit të Shenjtë Moroni 7:45–48	Fraza Kyç e Shkrimit të Shenjtë “Dashuria hyjnore është dashuria e pastër e Krishtit.”
Referenca e Shkrimit të Shenjtë Moroni 10:4–5	Fraza Kyç e Shkrimit të Shenjtë “Kërkoni me një zemër të sinqertë, me qëllim të vërtetë duke pasur besim në Krisht … [dhe] nëpërmjet fuqisë së Frymës së Shenjtë, ju mund të dini të vërtetën e të gjitha gjërave.”

© 2023 by Intellectual Reserve, Inc. All rights reserved.

Merreni parasysh t’i ndani nxënësit në grupe të vogla dhe t’i ftoni ta zgjedhin një fragment të zotërimit doktrinor nga tabela që do të donin ta mësonin përmendsh. Nxiteni secilin grup ta studiojë në heshtje fragmentin e zgjedhur për disa minuta. Nxënësit mund të punojnë me grupin e tyre për ta mësuar përmendsh fragmentin duke përdorur veprimtarinë frazë pas fraze të përshkruar më poshtë, metoda të tjera që mund t’i kenë ushtruar më parë ose veçoritë e mësimit përmendsh në programin kompjuterik Doctrinal Mastery [Zotërimi Doktrinor].

Një mundësi tjetër është t’i jepni secilit grup një fletë letre bosh. Një nxënës fillon duke e shkruar referencën e shkrimit të shenjtë në letër. Më pas ai nxënës ia kalon atë nxënësit tjetër, i cili e shkruan fjalën e parë të fragmentit. Letra kalohet përqark, ku secili nxënës shkruan një fjalë derisa të plotësohet i gjithë fragmenti. Një mundësi tjetër është t’i jepni secilit nxënës 10 sekonda për të shkruar sa më shumë të jetë e mundur përpara se t’ia kalojë letrën nxënësit tjetër. Grupet mund ta bëjnë këtë shumë herë, duke u përpjekur ta plotësojnë më shpejt çdo herë.

Përsëritje

Në vend që t’i vini nxënësit t’ju shkruajnë një pusullë, merreni parasysh t’i vini t’i shkruajnë një letër vetes së tyre të tanishme ose të ardhme. Një mundësi tjetër është t’i vini ata t’i diskutojnë pyetjet vijuese në dyshe ose në grupe të vogla.

Shkruaji një pusullë të shkurtër mësuesit tënd. Përfshi sa vijon:

• Fragmentin e shkrimit të shenjtë ose frazat kyç të shkrimit të shenjtë që punove për t’i mësuar përmendsh dhe metodat e mësimit përmendsh që përdore

• Rrethanat me të cilat po përballesh tani ose do të përballesh në të ardhmen, në të cilat do të ishin të dobishme ky fragment ose frazat kyç të mësuara përmendsh

• Mendimet e tua mbi mënyrën se si mësimi përmendsh i shkrimeve të shenjta mund të të ndihmojë ta ndjekësh shembullin e Jezu Krishtit

Kërko mundësi për t’i përsëritur shpesh referencën e shkrimit të shenjtë dhe fragmentin (ose frazat kyç) të mësuara përmendsh.