Përsëritja 21 e Zotërimit Doktrinor

Kupto dhe Shpjego

i ri duke studiuar shkrimet e shenjta

Një qëllim i zotërimit doktrinor është të të ndihmojë t’i kuptosh të vërtetat e ungjillit të Shpëtimtarit dhe të jesh në gjendje t’i shpjegosh ato me fjalët e tua. Ky mësim do të të japë një mundësi për ta thelluar kuptueshmërinë tënde mbi të vërtetat për një ose më shumë fragmente të zotërimit doktrinor nga Libri i Mormonit dhe për t’i shpjeguar ato.

Përgatitja e nxënësve: Ftojini nxënësit të vijnë të përgatitur për të treguar një listë të asaj që bëjnë për t’i kuptuar më mirë shkrimet e shenjta në studimin e tyre.

Veprimtari të Mundshme të të Mësuarit

Në vend të këtij mësimi përsëritjeje mund të nevojitet të jepet një mësim për fragmentin e zotërimit doktrinor. Referojuni udhëzuesit të ritmit mësimor të ofruar nga drejtori apo bashkërenduesi zonal ose rajonal për t’u siguruar që çdo mësim për fragmentin e zotërimit doktrinor, të jepet gjatë zhvillimit të seminarit.

Të kuptuarit e shkrimeve të shenjta

Në vend të veprimtarisë më poshtë, merreni parasysh të përcaktoni fushat e kuptueshmërisë së madhe ose talenteve që zotërojnë nxënësit tuaj. Kërkojuani atyre ta shpjegojnë se çfarë bënë për t’i përmirësuar ato aftësi. Pyetini se çfarë mund të bëjnë që të vazhdojnë të përparojnë në ato fusha.

Shikoji fotografitë e mëposhtme:

fotografia e një lojtareje të vogël futbolli amerikan pranë fotografisë së një lojtareje futbolli amerikan me përvojë

• Çfarë kërkohet që një lojtare e vogël futbolli amerikan të bëhet profesioniste?

• Si mund të lidhet ky proces me aftësinë tonë për t’i kuptuar shkrimet e shenjta?

Plaku D. Tod Kristoferson, i Kuorumit të Dymbëdhjetë Apostujve, dha mësim:

Plaku D. Tod Kristoferson

“Që ungjilli të shkruhet në zemrën tuaj, ju duhet të dini çfarë është ai dhe të arrini ta kuptoni atë më plotësisht. Kjo do të thotë që ju do ta studioni atë. Kur unë them ‘studioni’, e kam fjalën për diçka më shumë se leximi.” (D. Todd Christofferson, “When Thou Art Converted”, Ensign ose Liahona, maj 2004, f. 11)

• Si është rritur kuptueshmëria jote për ungjillin gjatë gjithë jetës sate? Si ka ndihmuar studimi i shkrimeve të shenjta?

  Ndihmojini nxënësit të kuptojnë se është normale të mos e kuptosh gjithçka në shkrimet e shenjta në fillim. Mund t’i referoni ata te fragmenti i zotërimit doktrinor 2 Nefi 28:30 si pjesë e këtij diskutimi. Ky mund të jetë një vend i mirë për ta ndjekur ecurinë e veprimtarisë së përgatitjes.

• Cilat janë disa metoda studimi që i ke përdorur për ta thelluar kuptueshmërinë tënde për një fragment të shkrimit të shenjtë ose temë të ungjillit?

Për të parë shembuj të metodave të studimit, merre parasysh të shohësh “Advice for Studying the Scriptures” [“Këshillë për Studimin e Shkrimeve të Shenjta”] (2:06) nga Plaku Dejvid A. Bednar, i Kuorumit të Dymbëdhjetë Apostujve.

Megjithëse mund të kesh njohuri për disa nga fragmentet e zotërimit doktrinor dhe doktrinën që ata japin mësim, Shpëtimtari dëshiron që kuptueshmëria jote të vazhdojë të rritet. Kjo kërkon përpjekje nga ana jote. Në këtë mësim ti do të kesh mundësinë t’i ushtrosh aftësitë e studimit të shkrimeve të shenjta që mund të ndihmojnë të rritet kuptueshmëria jote për fragmentet e zotërimit doktrinor.

Aftësitë e studimit të shkrimeve të shenjta

Shqyrtoje shkurtimisht secilin nga fragmentet vijuese të zotërimit doktrinor dhe frazat kyç të shkrimeve të shenjta.

Merreni parasysh ta kufizoni tabelën vijuese në pak fragmente që e ndieni se janë më të nevojshme për t’u studiuar nga nxënësit. Nxënësit mund t’i shqyrtojnë këto fragmente individualisht, në dyshe ose si klasë.

Zotërimi Doktrinor për Librin e Mormonit: Alma–Moroni

Manual i Mësuesit për Librin e Mormonit (2024)

Referenca e Shkrimit të Shenjtë	Fraza Kyç e Shkrimit të Shenjtë
Referenca e Shkrimit të Shenjtë Alma 7:11–13	Fraza Kyç e Shkrimit të Shenjtë “Dhe ai do të shkojë përpara, duke vuajtur dhimbje dhe hidhërime dhe tundime të çdo lloji.”
Referenca e Shkrimit të Shenjtë Alma 34:9–10	Fraza Kyç e Shkrimit të Shenjtë “Duhet të bëhet një shlyerje, … një flijim i pafundmë dhe i përjetshëm.”
Referenca e Shkrimit të Shenjtë Alma 39:9	Fraza Kyç e Shkrimit të Shenjtë “Mos shko më pas epsheve të syve të tua.”
Referenca e Shkrimit të Shenjtë Alma 41:10	Fraza Kyç e Shkrimit të Shenjtë “Ligësia kurrë nuk ka qenë lumturi.”
Referenca e Shkrimit të Shenjtë Helamani 5:12	Fraza Kyç e Shkrimit të Shenjtë “Është mbi shkëmbin e Shëlbuesit tonë … që ju duhet të ndërtoni themelin tuaj.”
Referenca e Shkrimit të Shenjtë 3 Nefi 11:10–11	Fraza Kyç e Shkrimit të Shenjtë “Unë kam plotësuar vullnetin e Atit në të gjitha gjërat që nga fillimi.”
Referenca e Shkrimit të Shenjtë 3 Nefi 12:48	Fraza Kyç e Shkrimit të Shenjtë “[Ji]ni të përkryer, madje, sikurse jam unë, ose të përkryer si Ati juaj që është në qiell.”
Referenca e Shkrimit të Shenjtë 3 Nefi 27:20	Fraza Kyç e Shkrimit të Shenjtë “Ejani tek unë dhe pagëzohuni … që të shenjtëroheni nëpërmjet marrjes së Frymës së Shenjtë.”
Referenca e Shkrimit të Shenjtë Ethëri 12:6	Fraza Kyç e Shkrimit të Shenjtë “Ju nuk do të merrni asnjë dëshmi, deri pas provës së besimit tuaj.”
Referenca e Shkrimit të Shenjtë Ethëri 12:27	Fraza Kyç e Shkrimit të Shenjtë “Në qoftë se njerëzit vijnë tek unë, … atëherë unë do të bëj që gjërat e dobëta, të bëhen të forta në ta.”
Referenca e Shkrimit të Shenjtë Moroni 7:45–48	Fraza Kyç e Shkrimit të Shenjtë “Dashuria hyjnore është dashuria e pastër e Krishtit.”
Referenca e Shkrimit të Shenjtë Moroni 10:4–5	Fraza Kyç e Shkrimit të Shenjtë “Kërkoni me një zemër të sinqertë, me qëllim të vërtetë duke pasur besim në Krisht … [dhe] nëpërmjet fuqisë së Frymës së Shenjtë, ju mund të dini të vërtetën e të gjitha gjërave.”

© 2023 by Intellectual Reserve, Inc. All rights reserved.

Merreni parasysh ta ndani klasën në grupe të vogla për ta plotësuar veprimtarinë në vijim. Nëse nxënësit do të përfitonin nga një shembull, merreni parasysh ta përshtatni njërën ose më shumë nga aftësitë vijuese të studimit të shkrimeve të shenjta me një fragment të zotërimit doktrinor. Mund ta zëvendësoni gjithashtu njërën nga aftësitë e renditura me një tjetër të zgjedhur prej jush.

Zgjidh një nga fragmentet e shkrimit të shenjtë për zotërimin doktrinor në këtë tabelë që do të doje ta kuptoje më mirë. Më pas përdor njërën ose më shumë nga aftësitë vijuese të studimit të shkrimeve të shenjta për të të ndihmuar që të rritet kuptueshmëria jote për atë fragment. Je i/e përgatitur t’ua shpjegosh të tjerëve shkrimin e shenjtë që zgjodhe.

Veprimtaria A: Referencat-kryq

Përdori poshtëshënimet e shkrimeve të shenjta, materialin Udhëzuesi për Shkrimet e Shenjta, ose burime të tjera për të gjetur shkrime të shenjta të tjera që mund ta rritin kuptueshmërinë tënde për fragmentin. Merre parasysh ta shkruash referencën-kryq në shkrimet e tua të shenjta pranë fragmentit të zotërimit doktrinor ose ta lidhësh atë në programin kompjuterik Gospel Library [Biblioteka e Ungjillit]. Shkruaji në ditarin tënd të studimit ose në programin kompjuterik Gospel Library [Biblioteka e Ungjillit] referencat-kryq që zgjodhe dhe një ide që fitove rreth fragmentit të zotërimit doktrinor nga studimi në këtë mënyrë.

Veprimtaria B: Përkufizoji fjalët dhe frazat

Gjej fjalë në fragmentin e zotërimit doktrinor që do të doje t’i kuptoje më mirë. Kërkoji përkufizimet e atyre fjalëve ose frazave në burimet në dispozicion, të tilla si: Udhëzuesi për Shkrimet e Shenjta, ose një fjalor i përgjithshëm. Shënoji përkufizimet që zbulove në ditarin tënd të studimit, në anët e shkrimit të shenjtë ose në programin kompjuterik Gospel Library [Biblioteka e Ungjillit], së bashku me çdo ide të re rreth fragmentit të zotërimit doktrinor.

Veprimtaria C: Të kuptuarit e kontekstit dhe përmbajtjes

Për ta kuptuar kontekstin dhe përmbajtjen e një fragmenti, mund ta lexosh kreun e kapitullit dhe vargjet e kontekstit të fragmentit që po studion. Përpiqu ta kuptosh se kush po flet dhe përse. Kërko të dhëna kyç për ta kuptuar situatën ose kontekstin për vargjet dhe mesazhin kryesor që po përpiqet të përcjellë autori. Mbaje shënim atë që e kupton më mirë rreth fragmentit për shkak të asaj që përsiate.

Nëse koha e lejon, përpiqu të përdorësh një aftësi të ndryshme në një nga fragmentet e tjera.

Pas një kohe të mjaftueshme, ftojini nxënësit t’ua shpjegojnë nxënësve të një grupi tjetër aftësinë e tyre të studimit të shkrimeve të shenjta dhe atë që kuptojnë më mirë rreth fragmentit të zotërimit doktrinor për shkak të saj. Merreni parasysh t’i ftoni disa nxënës t’ia shpjegojnë fragmentin e tyre të gjithë klasës.

Kujtojuni nxënësve se Zoti do t’i ndihmojë ata t’i kuptojnë shkrimet e shenjta nëpërmjet Frymës së Shenjtë. Merreni parasysh të jepni dëshmi për rëndësinë e të kërkuarit të ndihmës së Zotit ndërsa studiojnë.